影片
以上资料只供参考，请与餐厅确认详情
大窝口有一个好噏耷嘅商场平时我都尽量避免行入去，但呢间上海面店真系值得试下。店面好细得几张枱，清一色全部食上海面。重点推介系上海狮子头，其实系一个炸过嘅肉丸，猪扒亦几唔错，够林唔韧，由于唔钟意食韭菜所以就冇叫过佢嘅云吞，钟意食韭菜嘅朋友可以一试，听讲都唔错。每碗面可以拣榨菜和雪菜，榨菜麻麻地，雪菜好食，佢嘅豆浆有杯装，樽装，细碗，大碗，如果叫大碗够两个人饮，佢会畀两支饮管你分甘同味。价钱亦好亲民，今日三个人去食，叫咗三碗面两碗豆浆都唔使150蚊，下次会再去试下其他款式。
继续阅读
呢间自从搬咗过嚟就食足咁耐，差唔多接近饭堂咁滞。佢嘅红烧牛肉同埋五香牛肉都做得好出色，牛肉好腍之余仲好有肉味，个汤底都好香配埋雪菜真系食到停唔到口，仲有佢嘅豆浆都系系值得赞嘅，唔系好甜𠮶种。
继续阅读
性价比平靓正，自选喺香港地仲可以好难得揾到本三十零蚊嘅上海面 真系要好好珍惜由细食到大嘅上海面到今时今日都keep到个质素同埋个水准 一碗大豆浆都系$10今次就叫咗一个狮子头牛腩面 汤浓少味精炸饺子 少油外内涵多❤️大家继续支持地方小店总评分：8/10
继续阅读
📍 上海津味小食店🗓️ 21 July 2023呢间小店喺大窝口附近，已经开咗好多，真系由细食到大。最记得嘅系呢到嘅豆浆非常之大碗，细个会同屋企人几支饮筒一齐饮。上海面可免费配榨菜或雪菜，我叫咗最常叫嘅雪菜鸡翼上海面。入面有鸡翼、鸡锤同鸡翼尖，味道亦好浓，非常满足。🍴雪菜鸡翼上海面 $32🍴 煎云吞 $11 (2只) $16 (3只) 好似炸咁脆嘅煎云吞，好大粒同饱肚，建议同人share食。不过铺头位置都几隐蔽。舖位唔大，所以我比较钟意买外卖食，推荐大家支持呢间有多年历史嘅小店。
继续阅读
我最近去了一间上海面的外卖店，真系好正啊！我同朋友倾计，发现佢哥哥都好中意呢间店，原来都系好多人钟意呀。不过，呢间店位置唔系好显眼，要自取啦。但系我地都想支持老街坊，所以就去试下啦。我嗌咗雪菜猪扒加狮子头，好好味啊！我对面果位靓女嗌咗水饺面，都好好味甘样。舖仔细细，冷气都够冻。唔会辛苦，甘平去边度揾？总括来讲，上海面系一间好正嘅外卖店，值得一试！不过，要提醒各位，呢间店位置唔系好显眼，要留意，花多少少耐性揾。
继续阅读