影片
港铁荃湾站 A3 出口, 步行约12分钟
继续阅读
电话号码
67024343
附加资料
最后落单时间：9:30pm
营业时间
今日营业
12:00 - 15:30
18:00 - 22:00
星期一至二
12:00 - 15:30
18:00 - 22:00
星期三
全日休息
星期四至日
12:00 - 15:30
18:00 - 22:00
以上资料只供参考，请与餐厅确认详情
前排揾食时，发现呢间旧式上海小店啲鳝糊评价不错，上个月本来想帮衬，五点半未够去到，原来开六点，因为肚饿，唯有再觅机会。今次终于夹啱时间嚟，差五分钟到六点，门口已经有四组近十人已经排紧队。开门前，店员出嚟同大家讲，是日「小笼包」已经沽清。本来都谂住食，但主攻唔系佢，虽然有啲可惜，但未至于失望。六点松少少，开门，被安排坐第三张卡位。店内面积唔算好大，有五张卡位，两张中型圆枱，及一张二人方枱。炒鳝糊客饭（$68）可选白饭两碗或菜饭一碗，拣咗后者。另有一碗大例汤。鳝糊份量多，够二人分嚟食。巨量芽菜，爽脆清甜无渣；鳝肉亦唔孤寒，份量足兼且唔会切得好幼，条条都有适当粗度及厚度，咬落弹牙爽口，无泥味亦唔腥；酱汁浓厚，带微甜，捞饭一流。菜饭可能因为多菜，所以稍湿，但好在饭粒未算好糊。例汤系青红萝卜汤，微甜唔咸偏清淡，饮得出零味精。回锅肉炒粗（$72）有镬气，份量多，又系可以二人分嚟食。大量椰菜，约七八片回锅肉，配以青椒、豆干片、辣椒丝，浓厚咸甜味道，酱汁挂哂落面条，粗面有咬口，正宗粗炒要有嘅味道。加埋枱面嘅豆瓣酱，更加惹味。煎鲜肉锅贴（$44）有五件。底层煎得香脆，面就稍稍微香。饺皮厚度适中，咬开肉味较清淡，只有少量肉汁（无汤汁），自行加豆瓣酱或醋提味。脆皮春卷（$48）有三条，一开二共六件。第一次食呢种春卷皮，并不是脆卜卜一咬就碎𠮶款，又唔系腐竹皮，口感有啲似坊间嘅豆沙锅饼嘅皮（并唔系此店嘅豆沙锅饼嘅皮），咬落香脆但又有质感，好特别。馅料有大量菇菜夹少量猪肉，塞得满满的。点喼汁食最夹。豆沙锅饼（$52）落单时可要求后上，然后啲嘢食得七七八八时，店员会再问上得未，细心安排，赞。一碟开八件。炸得金黄色，卖相不错，最重要系无油淋淋感觉。呢间啲饼皮同坊间不同，除咗面层脆，中层有少少似热香饼咁有啲Q嫩，几得意。入面啲豆沙就正常味道，唔太甜。整体食物质素不错，系熟悉嘅旧式上海店味道，唔会好惊艳，但亦唔会失望。另外最开心嘅系，所有食物都是即叫即煮，即炒、即煎、即炸，全部都热辣辣。
继续阅读
早几日突然想食上海菜，但又唔想去啲大商场，想揾间历史悠久嘅上海菜馆，就醒起之前荃湾经过见到嘅呢间怀旧小店，一入到去感觉有啲似土瓜湾已经执笠嘅上海美华😅可能复活节假期关系，我哋两个人等位等咗半个钟，入到去由落单到上第一样嘢食又等咗半个钟🤦🏻♀️⭐️酸辣汤云吞酸辣汤偏稀，辣度够但系酸度唔够云吞系非常普通嘅菜肉云吞，整体普通⭐️上海排骨炒面一嚟到碟面就系呢个样，好似打完仗咁😅😅排骨口感松软，调味偏重，面底非常十分少，同埋好多炸排骨嘅炸皮，都系非常一般🙈🙈⭐️黑芝麻锅饼平时见开豆沙馅，难得见到黑芝麻就试下～黑芝麻馅味道偏甜，里面包住比较厚嘅班戟皮，同平时食到嘅比较食落冇咁甜腻，但就偏饱肚同争啲香脆口感叫咗三样嘢食，全部都系好一般环境服务普通，价钱亦唔系特别抵，试一次就够了
继续阅读
上网才知道有这间小店，之前经过但唔觉眼。看到食评，所以预早18:00晚巿开始前到达，已有2-3组人在等候，幸好有预早来，可以第一轮进入餐厅内。餐厅坐位不多，亦没有安排搭枱，可以坐卡位。店内装潢怀旧，1982年开业至今。 门口张贴小笼包已经沽清。本来都谂住食，有些可惜，但第一次来，可以先试下其他食物先。 上海粗炒儿时熟悉嘅味道，多菜健康不油腻。 炒鳝糊客饭 + 例汤价钱不贵，而且鳝份量亦不少，大量芽菜，鳝无泥味亦唔腥，可以转配菜饭，性价比高。明白例汤为何推介，例汤是青红萝卜清甜，汤有肉的味道。 煎鲜肉锅贴即叫即煎，皮脆香口，略嫌肉汁较少。 脆皮春卷有菜在内，外皮金黄香脆。 豆沙锅饼除咗面层脆，中层好似PANCAKE皮咁少少弹牙，豆沙味道适中唔太甜。 女店员有礼，食客食到咁上下主动加水，甜品豆沙锅饼亦叫上时就上。 最欣赏所有食物都是即叫即煮，即炒、即煎、即炸，全部都热辣辣。 价钱唔贵，270元2位晚餐食到饱。
继续阅读
第一次来食，一食已感觉比想像中好，好好食，价钱合理，正常轻松食的一餐上海菜，豆沙窝饼不太甜不滞皮厚度刚刚好，鸡丝粉皮好香花生味鸡肉粉皮好滑，啖啖面浓香味汤，面爽滑份量足，一定会再食！
继续阅读
早几日咗一间传统上海铺，铺头唔算太大，靠墙有卡位，气氛应该唔错啦！ 系荃湾既点咗几款传统菜，包括鳝糊客饭、回锅肉客饭先试鳝糊客饭，鳝糊系上海菜嘅经典代表，嚟鳝糊同芽菜唔易过熟，够味 仲保持到爽口，真系难得啊！啲味道一定系绝配，一定令人食完唔舍得放下筷子啊！再尝回锅肉客饭，惊喜连连！除咗咸辣，仲有满满豆酱香味，系咪令人惊艳呢！整体黎讲，上海风味美食真系浓郁又美味啊！下次再去，可以试下其他菜式，发掘多啲美味！享受美食，禁就一日啦！🥢🍚🍲
继续阅读