上海榮華川菜館

营业中

休息中

今日帶媽媽黎到一間隱世上海小店試食😋第一道菜 醉雞中意飲酒既朋友一定要試好香濃既酒味配埋香滑既雞 好爽口丫😋回鍋肉中意食辣既朋友仔就岩啦味道中辣，醬汁都好濃味～夠哂鑊氣！餸飯真係一流呀！ 雲吞雞湯清清地 唔會太濃味飲落好舒服丫～雲吞仲好足料好大粒tim 🙈豆沙窩餅好香脆！又唔油～中間夾住好重料嘅豆沙，好好味既甜品！正呀😛八寶茶 極力推介食完咁多野飲番杯真係好清胃～飲落甜甜地又消滯，用料有菊花、杞子、龍眼、果皮、紅棗等等！養生一流💗兩個人飽住個肚咁走， 超滿足！

小時候因為媽媽的朋友住裕民中心，所以會時常帶我們去附近行街食飯，今天我就帶媽媽過來懷緬一下過去，回到呢一區搵嘢食，見到這一間超過40年的懷舊上海菜館，入到去真係幾十年如一日，好像回到過去一樣！裝修舊式簡單且樸素，懷舊紙皮石地板，龍鳳雙喜筷子套，和小時候見到的上海菜館一模一樣，完全沒有被時代改變。入到去打開餐牌，封面設計懷舊勁有feel，食物種類繁多，好多食物都好想試下！有辣的京、川菜，亦有唔辣的傳統上海菜，例如肴肉、獅子頭、上海粗炒，而甜品就好想試紅糖糍粑，畢竟肚子位置有限，今次就叫個二人套餐試試先！二人套餐小菜選擇夠多，好多招牌菜式都可以揀！小籠包($48）食上海菜，最鍾意叫小籠包，一籠四隻，一啖一口有湯汁。二人套餐 - 兩款小菜和一個湯($258) 包兩個白飯 & 八寶茶或一款小菜、一個湯及一個小點($218) 包兩個白飯 & 八寶茶我們揀了小菜兩款的套餐。糖醋排骨(二人套餐)糖醋汁香濃開胃，啱晒小朋友，醋味出眾，排骨是類似豬扒那一種沒有骨，加上大量洋蔥青椒，酸酸甜甜特別開胃，送飯之選！銀芽鱔糊(二人套餐 另+$33）揀了媽媽喜愛吃的銀芽鱔糊，份量都很足，上枱熱辣辣，銀芽爽口加上濃

今日因為工作關係出觀塘，遇上傍沱大雨，於是急忙搵美食。發現 #上海榮華川菜館 ，原來曾榮獲米芝蓮推薦傳統川菜食府，當然要二話不說衝進去一探究竟。唔想煩，我們點了一個二人套餐。傳統洗碗。餸菜到了，回鍋肉： 甜辣適中，香口易送飯。肉片脆口，菜蔬入味。很開口，容易一口接一口。時菜獅子頭： 川菜館必吃手工菜，有點意外肉質鮮嫩多汁，入口即溶。熟成度平均，非常難得。必吃雲吞雞： 這個是我極力推介！湯頭鮮甜而不油膩，清澈見底，難得難得的一口一口鮮雞湯。雲吞用料扎實，非常可口，餡料充滿著啖啖雞湯，不得之了。招牌八寶茶：雖然要加錢，但值得！用料十分，茶香撲鼻。八寶配料每一種皆是上品，入口甘甜，潤喉生津。正！這一餐很滿足！成功搵食！餐廳：米芝蓮食府-上海榮華川菜館上海榮華川菜館網址: https://s.openrice.com/QrbS0Bmm000~uZ1nZAw地址: 觀塘崇仁街15號地下電話: 23410583~ ~ ~

今日行經街市附近，見到以前拍拖👫男朋友成日帶我去幫襯既菜館😳諗諗吓都好幾年冇去過！就約埋一齊再次去食😋我哋點左一個二人餐，套餐包兩款小菜、一個湯仲有白飯及我哋最愛嘅八寶茶☕️另外仲點左一籠小籠包🤤紅燒獅子頭呢個係每次必點之一👍兩個大大粒既獅子頭，肉嫩多汁，而且配埋醬汁非常好送飯🤤🤤底下仲有煮到軟淋既津白☺️宮保炒雞丁平時其實係會點糖醋排骨，不過當日咁岩賣曬，所以就點左呢款☺️有別平時既雞丁，呢個係原件雞肉，食落更加啖啖肉😋加上香脆腰果炒火腿粒，勁足料😋😋而且辣辣地又係勁開胃砂鍋雲吞雞呢個湯基本上可以話料多過湯，有勁多粒雲吞，好似食極都有😁😁而且🐔係用左半隻咁制，並唔係用雞件🤩所以湯飲落好鮮蝦甜及無味精😋小籠包呢個係老闆娘自家製嘅，材料新鮮，食落肉質鮮甜多汁，勁推介🙌🙌🤤🤤八寶茶呢個係一定唔小得既必點之一，餐後嘆返一杯簡直係完美🥰🥰茶香清甜，而且又養生👍👍📌 上海榮華川菜館 (觀塘)觀塘崇仁街15號地下#美食推介 #觀塘美食 #上海菜館 #懷舊推介 #地道美食 #良心小店 #yummy #kuwntung#shanghifood #foodies #blogger #hongkonggirl

今日同老公去觀塘探吓朋友，朋友就唔得閒同我哋食飯，佢就推介佢樓下有間食上海嘢幾好，所以我哋就去左呢度食晚飯。餐廳裝修比較傳統，舊式老店，環境乾淨整齊。我哋叫左個$258二人餐，一款湯，兩款小菜，配白飯同八寶茶。花雕醉雞：雞整到剛剛熟，無骨，勁重酒味，好滑。時菜獅子頭：獅子頭大大粒，味道唔太濃，夠味，菜都入晒味，食得出用心煮。酸辣湯：真係又酸又辣，唔太鹹，好足料，裡面有好多木耳同豆腐等配料，啱晒鐘意又酸又辣嘅我。八寶茶：食完飲吓茶消滯都幾好，八寶茶甜甜地，原來仲可以無限添加，幾好。

有多年歷史的上海餐館，好多年前有黎食過，但平時觀塘開飯會響工業區覓食，都遺忘左呢間餐館。裝潢舊式但保持得光鮮企理，餐牌上好多食物都吸引，醉雞，回鍋肉，紅酒牛腩，糖醋骨，口水雞，九王鱔糊，豆沙窩餅，紅糖糍粑…不過兩個人食唔到咁多，唯有下次再拉隊黎食！① 小籠包 $48食上海菜一定要食小籠包，呢個小籠包都幾足料，不過夾起果陣唔小心整穿左，飲唔到湯汁….② 二人套餐 $258湯一款，小菜兩款，白飯及八寶茶蒜泥白玉雖然份量望落唔多，但真係好好味！蒜泥個味正過譚仔，用黎撈飯一流。時菜獅子頭兩個獅子頭好大粒，內裡嫩滑，個茨汁唔會太濃味，而且菜底好多，加埋兩隻冬菇，都唔錯。雲呑雞（另加$40）個湯好清甜，仲有四粒大雲呑，好多雞件，好足料！雞肉望落好似有啲老，但食落唔算柴。八寶茶清甜好飲，感覺消暑，可惜餐廳無提供加水，好想瘋狂添飲呢！

榮華川菜館係觀塘好耐好出名, 成日都好想去試,但耐何觀塘對我黎講唔算好方便, 好彩屋企人去開果邊做野, 就買外賣大餐比我食啦!入面既環境雖然係比較傳統, 但都掛左唔少得意既畫同公仔, 令人有推陳出新, 唔會墨守成規既感覺SET一定係最抵, 所以我地叫左個$258, 有小菜兩款同湯一款銀芽鱔糊-另加$38鱔肉都幾多, 而且幾有彈性, 本身味道都唔錯, 再掛上個濃油赤醬, 冇得輸, 另外銀芽好多人都覺得係CHEAP野, 但係當佢遇上鱔糊時, 佢既爽脆口感令到成碟菜都有所提升糖醋排骨個糖醋汁係有D似生炒骨既汁咁, 酸酸甜甜, 令人特別開胃, 好好送飯, 而排骨幾入味, 個汁唔會水旺旺, 包住排骨咁, 味道唔錯雲吞雞-另加$40雲吞有四粒, 而雞腿肉有好大舊既四舊, 雲吞個皮好滑, 即使外賣浸耐左少少仍似舊保持到佢既好味, 而雞肉好嫩滑多汁, 而最值得一讚係個湯, 鮮甜無比, 我地飲晒都唔會覺得口渴, 證明係冇味精啦總結, 唔怪得榮華川菜館係觀塘享負盛名已久, 真係有其道理

Happy Friday來一點傳統風味，走到位於觀塘崇仁街的上海榮華川菜館用膳。二人套餐可以揀兩款小菜和一款湯，或一款小菜、一款湯和一款小點。這夜的選擇是前者啊。第一款小菜是銀芽鱔糊，味道香濃，份量充足，銀芽亦夠爽口，用以拌飯，實在非常可口。第二款小菜是糖醋排骨，炸得夠乾身，糖醋均勻地沾滿每一件表面，香口得來酸甜，口感實在出色。洋蔥及青椒的份量亦充足，可為色香味俱全。湯羹的選擇是雲吞雞。雲吞雞送到時實在令我很驚訝，全因其份量相當充足，差不多半隻雞，加上底部有四粒雲吞，湯味亦非常清香、充滿着雞香。雲吞亦相當可口，軟滑外皮包着菜肉，是很值得推介的菜式。另外，還有兩客白飯和兩盅八寶茶。白飯勝在熱騰騰，份量夠多，軟硬適中。八寶茶是我至愛，用料十足，味道濃郁，那甜而不膩是教人一試難忘。

今日收工照常係觀塘搵下有咩野，搵到呢間超過四十幾年歷史既懷舊上海菜，仲要係米芝蓮優質食店推介👍餐廳裝修簡單樸素，內外都保留住老觀塘既懷舊氣息，甘岩隔離台對老夫妻表示專登過黎懷緬過去，即刻令我有種置身於老香港既感覺~我哋嗌左個二人餐$258，套餐包兩個小菜、一湯、兩個白飯同兩盅八寶茶，價錢又適中而食物方面，整體黎講都無咩油同味精，可以食到食物既原汁原味，同時又做到夠濃味，岩哂我呢啲又重口味又怕唔健康既人~.湯) 酸辣湯個湯好大碗，材料都好足，入面有木耳、豆腐、雲耳、筍絲等等酸酸辣辣，好開胃惹味，好岩鍾意食辣嘅人!小菜) 糖醋排骨排骨無骨，好淋身易咬，肉質好酥鬆糖醋汁無咩醋味，但味道調校得好好，依然酸酸甜甜，超級開胃，送飯一流配菜有青椒，加埋糖醋汁，味道好又夠健康小菜) 招牌回鍋肉回鍋肉同樣無骨，肉切到好薄好有鑊氣，醬汁濃，辣度適中，食落爽口唔乾身唔油膩配菜有配上青椒、椰菜，好掛汁，用嚟送飯一流另加小菜) 蝦仁炒蛋蛋炒得好滑，有跣入口既感覺蝦仁爽口，而且份量都算多飲品) 八寶茶招牌八寶茶真係十分推薦! 估唔到中式茶可以甘好飲!八寶茶有菊花、杞子、蓮子芯、果皮、胖大海、紅棗、龍眼肉，非常足料

今日收工同朋友睇下觀塘附近有咩中菜食，咁岩見到有一間漆黑中的螢火蟲😍😍一間懷舊上海菜！！gogogo衝呀我地兩個人叫咗個二人套餐！一湯兩個小菜，當然唔少得試吓佢哋嘅八寶茶酸辣湯如果鍾意食辣嘅朋友都會幾啱，酸度都配合得好好，份量同埋材料都好足！三個人食都冇問題👍🏻宮保雞丁呢個超入味，完全感受到佢嘅鑊氣由於我比較鍾意食辣，所以口味非常適合我！唔鍾意食辣嘅朋友仔可以叫佢小辣或者唔辣招牌菜唔係浪得虛明蒜泥白肉蒜泥好夠，肉質都好爽口，但係比較薄身，未必適合鍾意食厚切嘅朋友仔！不過份量絕對夠兩個人食招牌百寶茶食完咁豐富嘅晚餐梗係要飲番杯茶消滯，唔好睇佢細細杯，非常足料！好香啊🤤🤤🤤所以如果你哋係鍾意食懷舊上海菜嘅話絕對可以嚟試吓，環境有特色之餘亦都係好用心煮每一道餸👍🏻👍🏻👍🏻價錢都好合理

疫情嚴重搞到都無得成日出去食好西，堂食又怕被感染😷而依間川菜館就供應緊外賣，俾我哋唔使擔心喺餐廳要除口罩食飯，可以買返屋企安心享用美食~鱔糊粗炒 $71如圖所見，一開蓋就見到海量芽菜🤣同埋香味撲鼻！醬汁雖然濃但食哂都唔會覺得膩🤩鱔魚既鮮甜又彈牙，而且份量都算多！麵底就好煙韌，所以整體口感一流~回鍋肉套餐 $58客飯套餐配例湯同白飯。當日例湯食材有冬瓜粟米豬軟骨，飲落無咩味精味，粟米味就好濃喇👍整體都好清甜！不過回鍋肉就得3舊，略嫌唔夠餸飯🤭勝在落咗啲紅椒夠惹味同埋啲肉都醃得夠入味~

住喺觀塘嘅我.有咁多野食.唔想煮飯就梗係要去返觀塘食啦.係街市果邊買完生果.行行下見到呢間好懷舊嘅上海菜館.諗諗吓都好耐冇食上海嘢.決定試下!食物方面:叫咗個二人套餐(小菜2個.湯1個)⚪️糖醋排骨⚪️花雕醉雞⚪️雲吞雞⚪️白飯和八寶茶2位個糖醋汁好開胃酸酸甜甜.排骨都好淋.個雞好滑好濃酒香.中意酒味既人一定中意.個雲吞雞係雞腿好多肉.個湯好鮮甜配埋雲吞食唔錯😉第一次飲八寶茶原來咁好飲.入邊有好多好養生嘅材料好甜好香.正!而且個杯用中式果d杯好特別👏🏻整體方面:呢間係一間好懷舊嘅上海菜館.裝修都係好懷舊.依家香港真係唔多.食物方面都可以食返佢嘅原汁原味.而且價錢適中.經過可以試下都唔錯!

滂沱大雨食上海菜陽光普照出門，食完落大雨，感恩食飯過程開心，食物好味，一路行一路勁大雨，對鞋全濕，最後好似小朋友似的，完全不理會大雨大笑住直行，想起都開心！人均：$129.叫了兩人餐，可以選兩小菜/一小菜一小點配湯、白飯、八寶茶.蒜泥白肉顏色和一般蒜泥白肉不同，這裡醋味較出，好易上腦帶點沖，愈食愈刺激，另一樣腩肉片切得很薄，是我喜歡的厚度，醬汁和蒜蓉更易食到。.回鍋肉好有鑊氣，醬汁濃稠，肉片和白肉厚度一樣，有椰菜、青椒、辣椒，辣度適中，不會過咸，送飯一流！.粟米羹好舒服的湯羹，滿滿粟米和火腿粒，加點蛋花絲，每人可以有4-5碗，份量好足！.八寶茶驚喜之茶，推介！眼見一杯茶已經有6種材料，入口微甜，慢慢飲到好香菊花紅棗味，女士飲好滋潤！

晚餐試吓唔好又係商場連鎖餐廳，支持吓 Local 小店，呢間無論內或外同埋裡面的相片都好保留到惜日的觀塘的味道，原來仲攞過米芝連 ! 咁啱快樂餅店結業，真係要好好 promote 吓呢啲老小店，真係執一間少一間。叫了個 $258 二人餐，有一湯兩餸白飯。先來個酸辣湯，酸辣度剛好，配料十足，好有正宗上海茶的味道。口水雞: 師父好有心機起晒骨，上碟的雞都係大大件不吝嗇，讚! 不過我感覺師父做上海菜係拿手啲!時菜獅子頭: 獅子頭其實好蝦人煮，又要打幾款肉再砌個球又唔可以散又唔可以太熟blah blah blah，而呢味餸係做得好好味，成碟連菜連汁都食晒。八寶茶，呢杯茶真係好飲，八寶茶真係有八寶，天時暑熱飲返杯，消暑解悶。

剛同好朋友出開去觀塘shopping, 行到咁上下已經到晚飯時間！於是乎上網搵下有咩好嘢食！搵到一間食上海菜嘅菜館, 本身好鍾意食上海菜嘅濃郁味道嘅我, 當然急不及待要去試下啦！喺地鐵站行過去約五分鐘左右就到咗呢間睇落好懷舊嘅上海菜館, 一行入去就發現好有屋邨味道特色嘅裝修, 坐低之後睇下餐牌原來係有好多款招牌菜, 而我嘅第一選擇就當然係要試我最鍾意嘅回鍋肉, 之後另外揀咗糖醋排骨, 當然唔少得要試下佢嘅酸辣湯啦！而套餐係會跟兩個白飯, 有湯當然要揀埋佢嘅八寶茶消滯一下啦！唔駛五分鐘老闆娘就攞咗兩個小菜跟白飯過嚟, 我仲問呢間都好似幾老字號喎？原來1975年已經開始開咗呢間舖, 到而家已經足足47年, 佢呢度嘅招牌回鍋肉果然與眾不同, 啱曬我呢啲重口味嘅食客, 有啲上海店舖有骨, 但係依間係啖啖肉超好味, 糖醋排骨都係啖啖肉好有糖醋嘅酸味, 但係酸辣湯就覺得真係好酸, 唔夠辣唔夠辣嘅味道。我嘅朋友食咗半碗飯, 畀埋半碗白飯我, 我足足食咗一碗半食埋啲餸真係要捧住個肚, 飽飽滯滯當然要試埋個八寶茶, 我咁大個仔未試過飲八寶茶仲以為係淡茂茂, 原來係好甜好滋潤真係估佢唔到！總結嚟講呢間老字