我地兩個人叫咗個二人套餐！一湯兩個小菜，當然唔少得試吓佢哋嘅八寶茶
酸辣湯
如果鍾意食辣嘅朋友都會幾啱，酸度都配合得好好，份量同埋材料都好足！三個人食都冇問題👍🏻
宮保雞丁
呢個超入味，完全感受到佢嘅鑊氣
由於我比較鍾意食辣，所以口味非常適合我！唔鍾意食辣嘅朋友仔可以叫佢小辣或者唔辣招牌菜唔係浪得虛明
蒜泥白肉
蒜泥好夠，肉質都好爽口，但係比較薄身，未必適合鍾意食厚切嘅朋友仔！不過份量絕對夠兩個人食
招牌百寶茶
食完咁豐富嘅晚餐梗係要飲番杯茶消滯，唔好睇佢細細杯，非常足料！好香啊🤤🤤🤤
所以如果你哋係鍾意食懷舊上海菜嘅話絕對可以嚟試吓，環境有特色之餘亦都係好用心煮每一道餸👍🏻👍🏻👍🏻價錢都好合理
