上海廳1930 (已結業)

千呼萬喚，龍翔中心即而家嘅黃大仙中心北館，經過年幾嘅裝修終於完成! 唔洗再驚黃大仙無野食喇! 今日同屋企人拜完山，所以提議試下新開、裝修又幾靚嘅上海廳。好彩唔洗等位，又咁啱喺佢落場前入到去，實在perfect! 口水豆腐 - 我覺得係今日最好味嘅一個小食，最鍾意佢個汁，辣辣地，豆腐又算滑，好開胃 小籠包 - 塊皮薄到好易穿，湯包入面唔夠湯，不過肉餡尚算夠味道春卷 - 皮炸得好脆，不過感覺油膩，不過不失生煎包及京蔥牛肉包 - 包底尚算香脆，兩款包嘅肉汁豐富，唔錯!招牌擔擔麵 - 雖然花生碎好多，但略嫌湯底較薄無花生醬味黃金炒飯 - 炒飯粒粒分明，雖然有咸蛋黃做配料，但味道非常淡，可以講係無味，要撈返口水豆腐d汁先食得哂...高力豆沙 - size 算大個，不過豆沙偏埋一邊，食極都未食到，可以嘅話可以多d豆沙 黃大仙終於有上海菜的確係好事，但可能新開嘅關係，食物水準有待fine tune..等我遲d試勻哂呢個商場新開嘅餐廳...再返黎睇下有無改善啦!

經過一年左右的翻新，龍翔中心已經易名為黃大仙中心北館（南館係原本的黃大仙中心），因為係領展勢力範圍，店鋪都來個翻天覆地的變化，當然都係以大型連鎖店為主，食肆冇咩驚喜，稍為特別係呢間上海菜店，同上海婆婆同一集團，裝修有點格調，呢方面比同區的詠藜園優勝。裝修算新派，但菜式都係走傳統路線，款式都幾多。食上海菜多數會點醉雞，呢度叫話梅花雕醉雞（$68），咬落皮爽肉滑冇肥膏，質感一流，可惜酒味較淡，亦食唔到話梅味。再來上海菜不可或缺的小籠包（$32），一籠四隻，size適中，皮算薄，但一夾就穿（即使已用陰力），嘥晒d汁，還好肉餡夠味夠嫩。想飽肚都有好多選擇，有炒飯、炒麵、炒年糕，仲有上海廳粗炒（$65）。其實粗炒同烏冬差唔多，口感亦一樣，不過呢度炒得比較碎，用筷子好難夾，要用匙羹幫手。雖然係咁，味道又唔錯，夠味但唔會覺得鹹，碟底亦冇乜油，配料都幾多，有椰菜、冬菇、肉絲，增加左口感同食味。值得去指數：

這日機遇巧合少有地來了黃大仙食飯。這間之前來也不覺有，應該是新開。本身幾喜歡上海菜就入了去試一試。麵點套餐$62，自選一款拉麵加一個點心。我選了招牌擔擔麵+京蔥牛肉包。朋友選了招牌擔擔麵+上海小籠包。大家的點心正好Share來吃。招牌擔擔麵果然是招牌菜，水準不俗，面條幼滑，豬肉末入味，微辣，略帶香氣。京蔥牛肉包，牛肉OK好味，麵包香脆，算是合格以上之作。還是上海小籠包較有驚喜，皮薄不易破，肉汁豐富，水準不俗。

黃大仙感覺上沒有什麼有質素的餐廳，因為通常有質素就自然價錢貴。以前也在上海婆婆吃過飯，印像中還可以的，所以知道住家附近會有上海婆婆就想："這邊終於有間像樣點的上海菜館了。"星期五放工跟同住黃大仙的朋友shopping後就到上海廳吃晚飯。可能因為當時己經九點幾，加上剛開張不久，不用等位。總括來說味道還算可以，但用料就太吝嗇，平價料跟貴價料的比例差不多1比10，這樣就覺得不是物有所值了。、