上海婆婆336 (已結業)

好耐無食上海菜，記起九龍灣近近地有間上海婆婆就同屋企人一齊再試試黎到發現裝修有別之前環境闊落乾淨，坐得比較舒服菜式算多麻醬好香，青瓜絲夠幼，雞絲同粉皮的比例亦適中，但個人覺得如果醬再多少少會更好略欠煙燻味，但蛋黃夠流心湯底好濃好好飲，雲吞皮薄餡靚味道較清淡，重口味之人可淋上醋再食，蛋白唔會煮到過熟而且幾滑本來以為係川菜個種肥牛，但原來係牛肉片，味道夠香辣，底層仲有木薯粉薄薄既皮包住濃濃湯汁十分可口埋單每人約150

媽咪和我都好喜歡食上海菜, 貪其夠惹味, 有些人覺得上海菜很油膩, 但其實都不是喔, 很多特色上海菜清清地都唔錯, 不過個人覺得在香港上海餐館好像愈來愈少... 上海婆婆都去過幾次, 不過九龍灣店是第一次光顧, 原來很近淘大花園, 位置超方便而且地方又大, 坐得很舒服! 還有, 服務員親切有禮, 而且換碟勤快, 給我們的感覺不錯~ 和媽咪選了幾樣食物Share~ 第一道是花雕醉雞~上桌是大大隻的肥雞, 花雕酒清香撲鼻, 令人忍不住要快快起箸~ 雞肉雞皮超滑!!!!! 是滑到根本不想把它的皮除掉~~~雞肉滲着淡淡酒香, 喝一啖花雕, 沒有哽喉感, 挺香醇的~ 個人覺得這個雞好好吃! 是我的推介！ 接着是婆婆擔擔麵. 點了個小辣~ 麵真的超大個! 我和媽咪吃了二大碗都吃不完~~~五十元一碗超抵吃!! 味道方面帶微微辛辣感, 湯底有很香的花生醬、上湯和辣油味, 很香口惹味, 不錯~ 麵條亦夠彈牙, 上面洒了滿滿的蔥花和花生粒肉碎, 個人覺得很好吃又可以飽肚醒胃呢~ 雞絲海哲- 涷涷的海哲超爽口彈牙!! 雞絲切得夠幼不粗, 入口夠清爽不鞋, 再夾着青瓜絲來吃, 是能刺激胃口

啱啱同朋友喺淘大戲院睇完戲，三五知己梗係搵個好坐嘅地方吹下水食飯啦。經過上海婆婆，見到入面裝修都幾舒服，就入去食上海菜啦。賽螃蟹平時食開嘅賽螃蟹一定會見到隻蛋黃，今次有啲特別，佢好似改良咗個做法加入咗好多蔬菜，感覺變得清淡咗健康咗。蔥爆牛肉佢個蔥爆牛肉味道非常之濃味，如果唔係叫咗好多嘢食，一定要跟返個白飯，佢用嚟送飯一流，牛肉炒得剛剛好唔會過老。火腿津白個津白炆得好淋，加上用咗上湯會 同埋個菜本身好甜好多汁，呢個真係好好味。小籠包熱辣辣嘅小籠包，係上海菜必點 佢個小籠包做得還可以，皮薄可以睇到入面啲餡同湯，D肉湯都好甜 幾好食。蒸金絲卷軟淋淋嘅金絲卷，加埋啲煉奶，一齊食 好咁同味道都好夾。

今晚跟一班老友去上海婆婆嚐嚐久違的上海菜。店内裝飾尤其是牆畫很有懷舊感覺，環境不俗，有2至8人枱、亦有4人卡位，座位舒適。這裡餐牌清晰，圖文並茂，十分方便。先介紹個上海酸辣湯，這湯調味適中，既開胃又好味。跟著試的雪菜桂魚𡙡，鲜嫩美味。最值得一提的是花雕醉雞，爽滑肉質混和淡淡酒香，很回味。椒鹽小黄魚，外脆內軟，又不失魚肉的鲜味。最後的魚籽煙燻疍，開半的流心煙燻蛋鋪上黑魚子醬，賣相吸引，鹹鮮的黑魚子醬吊起煙燻蛋的香味，只可惜賣剩一隻，不能encore。

放工後約左朋友係九龍灣，原本諗住係德福食飯，點知周圍都要等位，肚餓既我地最後都係行去淘大食。淘大花園相信因為沙士而一夜成名，講真，沙士前我真係未聽過呢個屋苑架。上海婆婆位於淘大花園商場以外，由德福行過去都只係需要5分鐘，相當方便，我地7點半到黎到，都唔洗等位，真係開心。其實呢間餐廳都有好多分店，都食過好幾次，所以其實唔係點需要睇餐牌都OK。我地一行3人叫左一份生煎包，一個擔擔麵，一份小籠包，一份醉雞同埋椰香糖湯圓。花雕醉雞: 講話醉雞，就梗係用酒浸住D雞架啦，平時唔係點飲酒既我，對呢味菜興趣真係唔大，所以只係試左少少，發現酒味比想象中無咁濃，雞皮爽口而且雞肉都幾滑添。擔擔麵: 因為有朋友唔食辣，所以叫左小辣，麵既條份量都算多，湯有肉碎同麻醬，味道都幾濃郁。生煎包: 一份有3個，真係剛剛好可以一人一個，包皮煎得好香，裡面既肉汁亦都好入味。小籠包: 小籠包既皮都幾薄，唔會咁易穿，入面粒肉亦都好多湯汁，味道亦都好鮮甜。椰香糖湯圓: 女生們真係奇怪，個胃真係有特別功能，明明話好飽，仲可以叫甜品。呢味椰香糖湯圓，賣相相當似糖不甩。包著香濃芝麻餡既湯圓，再係上面沾上椰絲砂糖，真係令我地食到停唔到口

今晚同老公去左陶大過邊睇戲食飯 最後因為肚餓 所以決定先食飯後睇戲 老公同我講諗到食乜啦 原來帶左我去上海婆婆336 我同佢都係第一次幫襯 大門口好明亮 原來之前佢去戲院買飛經過時見到呢間店既 帶位姐姐自動安排卡位 服務態度好 入內發現原來好大好寬敞架 環境簡潔光猛 感覺良好 我個人覺得食物質素重要之外 環境亦令人輕鬆 當然性價比都係選擇之列啦 所以如果餐廳 能夠滿足以上既要求 應該值得推介 不過等食完再講吧 醉雞食得多 今次就叫左個醉鴿試下 上枱見到同Menu個圖好接近 嘩 鴿胸肉起晒片架 啖啖肉 肥美 除左翼，脾同背部 可以試埋連骨食 估唔到酒香入晒骨添 食左少許都覺醉意咁 好正 三絲冷面 麵彈牙有質感 撈起埋醬汁 同三絲火腿 肉絲 同青瓜絲 每口都食到三種唔到質感的食材 凍凍地成個人都開晒胃 醬燒茄子 本人極力推介 熱辣辣香味撲鼻 夠晒惹味 如果食白飯可以餸幾碗 煮到茄子不會太淋 還是食到原形條條茄子 剛剛好 非常出色 小籠包 賣相正統18接 頂頭有小口子 讓食客容易夾起兼無咁容易整穿 點埋薑絲醋一齊食 好好味 皮薄多肉汁 Yummy 窩貼 賣相平平無奇 點知一咬落去就知下次

同朋友好耐冇見，響九龍灣搵間坐得耐既餐廳，見到上海婆婆又大座位又寬敞，先叫必食小籠包$36，皮多多湯汁。再叫了上海粗炒$70，好多椰菜，肉絲滑嫩，唔會太濃味。再黎冰鎮黃油雞$76，有酒浸過的醉雞，好入味，肉滑皮爽。再黎酸辣湯$36，愛辣人士之選，都有辛辣味道。唔會太稀，剛好。再上蜜汁火腿$102，有包用蒸籠跟上，將沾滿桂花糖的金華火腿片，脆青瓜同腐皮夾上，好味呀！出面唔係間間上海菜館都食到。再叫了甜品，凍什果酒釀丸子$30，好大碗，有煙韌丸子，冰涼什果，怡神。食左咁多碟，埋單每人$180 ，價錢合理呀！仲可以坐成三四個鐘，可以同朋友暢所慾言。

九龍灣德福食肆選擇多，見到上海婆婆菜館，裡面極大，好似間酒樓咁大，又有大枱，又有卡位，適合一大班人聚會，而且裝潢新潮。餐牌好多選擇,先來個四小併$98，有超脆炸鱔，甜甜地，好脆口呀！黑醋排骨，酸味味，黏住口感開胃；烤夫，爽甜；水晶肴肉，肉味香濃。再叫了小籠包$36，皮好薄，肉汁多，咬下，肉湯滲入口，超鮮甜。冰鎮醉黃油雞$76，面一堆冰保持雞皮爽口，雞肉滑溜，醉雞汁酒味香濃，份量多有好多件雞。到我至愛蜜汁火腿$108，有塊甜麵包放在兩個籠上，熱燙燙的，再夾沾滿桂花糖漿的金華火腿，脆皮腐竹同青瓜，無懈可擊到食甜品，甜了高力豆沙，有片香蕉令豆沙冇咁溜。仲有擂沙湯丸，香芝麻味，皮厚度適中。還有酒釀丸子，有少許桂花香味，同什果，色彩賣相不錯，不會太甜。甜美的一餐。

要數心水的上海食店，「上海婆婆」必定是我的心水推介，除了因為食物質素高外，最主要還是店員非常有禮貌，說實，我已經到過好幾間分店，每一間的服務態度都是超讚，所以，我極度喜歡到「上海婆婆」吃飯。這次來到九龍灣淘大商場，想不到在食街內仍然看到「上海婆婆」的分店，那就不用挑選食店了，便拉著朋友來吃上海菜。又再一次溫故知新，「336」這組數字，是上海別墅的門牌號碼，與上海話「謝謝儂」同音，銳意是多謝客人支持及光顧。煙燻小黃魚 - 小黃魚經油炸後再煙燻，所以魚身呈微微彎曲，賣相別緻，小黃魚味道鮮甜，肉質細嫩，帶有淡淡的煙燻香味，而且一點都不油膩，HK$43 一條相當抵食。金絲卷 (蒸) - 其實就是銀絲卷，不過，卷內用上甘荀汁搓成，所以中間部份呈現金黃色，金絲卷口感軟熟，帶點微微的甜香，配合鍊奶一同享用，挺好吃的。336上海小籠包 - 這裏的小籠包是皇牌來來，皮薄餡多，而且湯汁豐富，細嚼時滿口肉香，口感嫩滑，一啖一口，相當滋味，亦令人回味。露荀炒百合 - 平日外出吃飯，多肉少菜，就點了一個露荀炒百合來吃，百合入口爽口清甜，而露荀切成少塊後，口感鮮甜多汁，感覺清新又健康，不過，油份就是重了一點。上海

上次同男朋友係屯門食過上海婆婆，今次黎到九龍灣，又話要食多次喎⋯⋯九龍灣呢間同屯門果間既裝潢完全不同，呢間充滿現代感。員工服務一流，親切有禮，仲會不停幫你加水，讚呀香蕉高力豆沙好香既香蕉味，外脆內軟，QQ彈彈，混合豆沙是絕配吧。味道甜而不漏。甜品控必食推介。花雕醉雞有好濃郁嘅酒味，雞皮好爽滑，雞肉嫩滑，冇雪藏味，用來做前菜一流。而且仲係雞脾肉。好好味紅油抄手唔會好辣，皮薄肉汁鮮甜，少少辣又有少少甜味，好開胃。配上香蒜，混搭得十分之完美。百葉結紅燒肉百葉結用腐竹制成，好有特色，豬肉層次分明,充分吸入肉味，紅燒肉肥而不膩，皮爽肉滑，送飯一流。

今天和爸爸到淘大商場的上海婆婆吃dinner, 没想到今晚吃了很多東西，真的減肥，減肥，又要減肥了!  Tonight I have Shanghai with my sweetie Daddy, he just like the Chinese Traditional Food so much especially Shanghai Food, because Shanghai Food can get a lot of Choices for us to choose.  So we pick up this Restaurant tonight and arrived almost 6 p.m too, after that we can go to see Movie too.首先來了一客芝蔴餅，熱辣辣的送上，一客有三個，芝蔴又香又脆, 內裏的肉汁滿瀉!..再來一客生煎包，又是三個，生煎包皮煎得很香, 而裏面的肉汁也很入味，大口大口的吃，真的很痛快!爸爸的招牌炒飯加上葱花，很開胃，我們叫了一自韮王炒鱔鰗來送飯吃，鱔餬很香又很濃，加上韮王很清甜，很有水準!酒釀丸子也很清甜，難怪上

食lunch的話, 我會選擇去淘大, 雖然地方都算遠遠地, 但因為食店多, 可以日日食唔同既餐廳,而去上海婆婆呢個好處就係唔需要等位, 點解呢? 唔代表佢難食喎! 係因為佢坐位比較多, 咁就好快就入到去有位坐啦! 同埋環境幾大, 坐得都幾舒服! 咁就叫咗個午餐, 套餐黎嘅, 仲免加一添, 咁我叫咗個蒜香雞肉湯麵之外, 仲包左一款點心, 我叫左上海大餛飩, 先食過雲吞, 有6粒, 每粒都好大! 湯夠晒熱辣辣,啱曬咁冷嘅天氣食, 雲吞餡料好豐富, 肉味好濃味, 好JUICY!另外食埋個雞肉湯面, 麵條非常之滑, 夠幼身! 雞肉非常之滑, 散發出蒜香,六十三蚊食到咁既質素, 真係唔該唔錯嘅選擇!

以前屋企樓下有上海婆婆，時不時都去幫襯。後來佢執咗笠，就有一段時間冇食過上海婆婆了。今日黎到，發現上海婆婆已經改咗名，加左336 （取其諧音謝謝儂）。呢間上海婆婆好光猛，地方闊落，裝修非常新淨！可能因為係平日，晚市都唔算好多人。打開餐牌，圖文並茂，似乎好多野都好吸引喎！最後我哋揀咗四樣嘢：川椒辣子雞，京醬牛肉絲配叉子，黃金四季豆，雲吞湯拉麵。四季豆撈左鹹蛋黃再炸，雖然有啲肥膩，又唔係好健康，但真係好香口，好好食！相比起黃金蝦，呢個黃金蔬菜都算係健康啦～～京醬牛肉絲好濃味，叉子有好多芝麻鋪係面，兩樣夾埋一齊食真係好搭配！呢碟雞好惹味，雞肉好入味，食落小小麻、小小辣，送飯一流估唔到佢啲主菜咁大碟，我地仲驚唔夠飽叫咗碗麵。食完啲咁heavy嘅主菜，食返碗清清地嘅麵就啱哂喇。湯頭清甜，麵身軟滑，可惜胃納不足，浪費左一點點然後，見到甜品好吸引啊，實在係食唔落，唯有留返下次啦

蔥油開揚拌麵.麵條充滿彈性 口感彈牙不軟淋😌 蔥油平均地包裹每一條麵 雖然配料不多 但夠惹味😋推薦😚阿蘇大籠包.手掌般大的大籠包😏 皮夠薄 從外面已經看到裏面充滿湯汁😌 先插入飲管 把湯汁吸乾 然後才把整個吃掉☺ 感覺有趣 但還是正常的小籠包更好食😂青花椒湯雲吞.雲吞細細的一粒 一口大小 青花椒湯味道特別 卻不是很辣 有趣😉砂鍋雲吞雞.金華火腿雞湯鮮香甘甜 👍🏼 不過雞件略"鞋"腿茸津白.份量好多 津白比較大棵 所以口感略為有點老 不夠嫩口 但味道是不錯😌椰汁饅頭.可選蒸或炸 饅頭鬆軟帶麵粉香 😍吃下有淡淡的椰汁香氣😋

我一向都鍾意食上海菜, 好多上海菜餐廳都食過,食完上海婆婆之後, 總體都覺得唔錯叫左3款野, 隔左無耐, D菜就黎, 上得好快第一樣黎到係必食既上海小籠包,外表睇落麻麻, 以為中伏但原來食落都幾薄皮, 粗魯少少夾佢都無穿夾起時個小籠包向下墜, 因為入面有湯, 湯汁仲幾濃而且個價錢都合理第2樣餸係松子黃魚, 係手工菜, 其實都整得幾麻煩, 又要起骨又要炸又要切花,所以唔係間間上海菜館都有得食呢條魚無令我失望, 雖然價錢貴左D,但份量都幾足條魚炸得幾脆幾香口, 連魚皮都可以食埋成條魚連骨都無, 起骨既技術好好,起得好乾淨, 唔使擔心食到骨個汁酸酸甜甜好開胃, 仲有好多松子, 菠蘿粒同蝦仁最後要食返個飯先夠飽啦, 叫左個黃金炒飯, 好香既咸蛋味炒飯炒得好乾身, 粒粒分明, 唔油膩, 夾雜左D 叉燒/火腿粒份量都幾足, 夠我同朋友兩個人分最後埋單原來要收茶錢, 但杯茶好淡, 如果無茶錢會好D