上海婆婆336 (已結業)

上次同男朋友係屯門食過上海婆婆，今次黎到九龍灣，又話要食多次喎⋯⋯九龍灣呢間同屯門果間既裝潢完全不同，呢間充滿現代感。員工服務一流，親切有禮，仲會不停幫你加水，讚呀香蕉高力豆沙好香既香蕉味，外脆內軟，QQ彈彈，混合豆沙是絕配吧。味道甜而不漏。甜品控必食推介。花雕醉雞有好濃郁嘅酒味，雞皮好爽滑，雞肉嫩滑，冇雪藏味，用來做前菜一流。而且仲係雞脾肉。好好味紅油抄手唔會好辣，皮薄肉汁鮮甜，少少辣又有少少甜味，好開胃。配上香蒜，混搭得十分之完美。百葉結紅燒肉百葉結用腐竹制成，好有特色，豬肉層次分明,充分吸入肉味，紅燒肉肥而不膩，皮爽肉滑，送飯一流。