上海婆婆 (上水廣場) (已結業)

好朋友兩夫婦約食飯, 叫我入上水食, 話有間新上海菜好正, 環境又OK! 話一定要帶我去試下!去到原來係上海婆婆, 想試好耐, 估唔到上水都有分店! 朋友仔點0左兩三個必試的小菜, 熱情有禮0既部長哥哥介紹0左幾款! 好少連鎖餐廳服務咁好! 頭盤蒜泥白肉, 簡簡單單的小菜, 要做得好都幾難! 估唔到連鎖餐廳, 都做到好水準! 超好食0既鍋貼, 咬開有肉汁, 個底又脆, 必食! 小籠飽, 有水準! 朋友極力推薦, 黑醋排骨, 正! 部長哥哥推薦, 我估計係三椒炒滑牛吧? D牛勁有肉味, 勁滑! 我最愛的雪菜肉絲炒年糕, 好好食, 比朋友搶晒又係部長哥哥極力推薦, 我唔鍾意食菜, 佢話一定好食, 就試下! 最後我食0左半碟, 真係好好食! 炒菜苗美滿0既結局, 奶黃鍋餅, 我唔鍾意食紅豆, 最佳結合! 我朋友話次次都點, 實在太令人難忘!

先前無寫過食評, 不過因為覺得D人好似亂寫. 唔抵得先寫上黎.果日我放假去左上水探呀公係上水廣場無咩好野食(悶到死), 跟住見到開左間上海婆婆咪去睇下環境, 覺得都OK就攞位叫公公落黎. 係等位果陣即上OPENRICE LOOK LOOK. 真係有D驚...寫到咁差. 但我睇D食客都食得幾YUMMY, 而且聽到佢地都話好好味. 所以先無轉去第2度食. 到有位佢地本來安排我坐出面, 我話我唔鍾意, 有無入面坐. 跟住佢地都幾好話無問題但要等多一陣. 好彩等左3分鐘度我就有位啦. 睇左餐牌價錢都OK. 我叫左3樣野. 1) 干煸四季豆(本來想叫黃金四季豆, 不過我想食黃金炒飯所以無叫)2) 黃金炒飯 (d人又話炒野好多油. 我真係唔覺wor. 我問公公, 佢都話好香好好味, 而且有茶比我地飲ok呀. 不過加茶就慢左d, 好似唔夠人好忙咁, 要改下啦)3) 蔥油大餅(見度人地食先問侍應係咩黎. 好大個, 雖然已經飽,不過都決定再叫. 最後食唔晒叫公公打包走.)埋單百幾蚊都唔貴. 去太興燒味食2個飯都要百幾蚊啦. 我個人覺得唔好信openrice d 人講野. 好唔好自己試過先講.

星期日超多人,提早於它開市5:30入座,入座限時90分鐘.點了冷菜的,蟹粉小籠包,咸香四季豆,菜粒炒飯,白切肉評語:白切肉-有好多的粉皮,分量足夠的肉片,配有蒜蓉的醬汁蟹粉小籠包:一籠四隻,蟹肉的鮮味溶入上湯內,正咸香四季豆:味濃,香口,送飯一流菜粒炒飯:與濃味的小菜點心,雙影成趣服務:侍應不斷幫我地沖茶,亦十分客氣總結:中上的選擇,同其他分店水準一樣 Order+食+埋單=55mins真係快,靚,正

我唔知其他上海婆婆既質數去到邊. 但上水呢間真係唔掂. 當日我同我媽兩個去到上水呢間上海婆婆, 新開會係有啲多人. 但係好快就有位. 我本身好鐘意食上海野. 坐低一睇餐牌, 比一般香港食到既上海野貴. 我同我媽是但叫左兩個麵, 因為都趕時間. 佢叫左個婆婆擔擔麵, 我就叫左個排骨擔擔麵. 待應話等15-20分鐘. 等左10分鐘, 先黎左碗婆婆擔擔麵. 哇, 真係唔似樣. 我好後悔冇映相. 個湯底間直係花心醬撈水. 又杰又冇味. 我媽好唔滿意. 但都冇出聲. 食食下, 至發現個麵仲係生生地. d 麵都仲未煮開. 仲痴埋一舊. 我地當唔好彩. 又見佢地咁忙, 新開張. 就算. 點知等左半個鐘. 我媽食完好耐, 我叫果個麵都未黎到!!! 我問個侍應, 我話係一樣既野, 只係多左d 排骨, 點解咁耐..佢話要炸要時間. 之後過左十分鐘, 又再追問個侍應, 佢話: 黎緊ka la, 黎緊ka la... 但另一個喺我地隔黎既侍應就不停口up up 話我地麻煩. 等都唔等得.... 我覺得好委屈. 叫個麵等咁耐仲要比個侍應話麻煩. 之後再過十分鐘, 我地話再唔黎我地埋單直接走, d 侍應開始叫極

晚飯唸住試下新屎坑, 無睇到openrice, 失敗6點半去到無人, 攞位時話入座後要個半鐘後交番枱, OK, no problem入去點左1. 蟹粉小籠包 $64/4隻, 包面乾, 湯汁無味 2. 阿婆粒粒炒飯, 得臘腸同虾, 好油3. 上海炒麵, 無甚特別, 已經是比較好的了另加茶錢每位 $2

去完圖書館後，媽媽突然話想去新開的上海婆婆吃晚餐，於是二人便決定試一試！我們叫了：酸辣湯－不錯，但媽媽話料不足！清炒蝦仁－好好味，十幾年經常係雜誌見到，現在終於有機會試下！宮廷炒拉麵－本來叫三鮮炒拉麵，但此店沒有，所以我們唯有叫這個，可惜大肥膩，好多油！總括來說，不行！因為ｄ食物太肥膩、太多油！服務態度不過不失啦！

平時上水廣場冇咩選擇,食物質素麻麻,但聽聞開了間上海鋪,噤就即管試下啦.講真我地都期望不大,我地一行3個人上到去已經坐滿,,全靠服務員快手快腳.人一走,已經加好茶同放低餐牌為我地預備,這正好迎合趕時間的我們.我地點了三個套餐,一個面+一個點心,兩個小菜套餐包酸辣湯,白飯,仲有免加一,抵!!食物質素:十分之好,上水廣場中最食得人的餐廳service:賡整體都幾好, 侍應有禮貌, 有笑容, 不停加水繼續加油..^^

下午同同事去試新開上海婆婆, 食物質素一般, 如果$30-40還可接受, 但係依家$50-60喎最大問題係成日上錯菜, 我地叫左羊肉面同雞絲粉皮/紅油抄手, 不過冇叫生煎包, waiter足足送左生煎包嚟3次, 何止包嚟, 我火都嚟埋要上嘅小吃紅油抄手同雞絲粉皮就食完個羊肉面起嚟羊肉面個湯冇味,羊肉都薄薄2-3片紅油抄手唔辣, 冇咩味

開左張幾星期,終於有幸一試,估唔到拿四個位子都要等一小時先可以入坐..雖然商場又熱又焗又多人,但為了一試點都要等...醒目的店鋪會不斷派發豆漿比我地飲,雖然細細杯一啖就冇,但總叫有心留住我地.店舖限食一個半鐘,噤起碼d人唔會坐成日..攪到有排等...8:00pm 可以入坐了,店員安排坐在出面的範圍,感覺又幾得意.但有少少唔鍾意d人望住曬...同埋堅係好熱....叫了6款食物,包括小籠包,醉雞,婆婆炒飯,黃金蝦,黑醋排骨,京蔥海心小籠包:好簿皮,而且十分燙口,味度好鮮...醉雞:酒味濃,十分入味婆婆炒飯:有臘腸,蝦,以為是糯米飯..詢問店員,原來是用普通白飯炒的,感覺很好`黃金蝦:即係咸蛋黃炒蝦,好香好正..黑醋排骨同京蔥海心:兩個小菜都好好味,送飯一流服務:員工十分勤快,縱使十分忙碌,都有為我們不斷加水,而且都OK有禮貌~~埋單時間為9:00,門口還有幾十個人等緊,相信黎緊會成為我地飯堂..

以為上水呢間新開冇幾耐應該唔會太多人，點知未到七點已經好多人等位。叫左..1. 上湯小籠包：平平無奇2. 醉雞：有苦澀味3. 酸辣湯麵：酸辣度剛剛好4. 乾蔥牛肉撈麵：d麵黐埋一舊，好難同d汁撈勻5. 豆沙鍋餅：皮很韌，而且太早上，凍哂所以唔好食環境方面，被安排坐出面，冷氣唔夠，越食越熱。服務方面，竟然上左d冇叫到嘅嘢，有d亂。而且冇人加水。隔離枱打爛嘢，服務員反應迅速，執拾之餘不忘關心客人有冇受傷，加返d分。

近來真係黑仔.連食運都無.我近呢個月去了不少服務差.運作亂的店,什至食完才發覺衛生嚇人. 最新1間上海婆婆位於上水.店舖分2邊.一邊舖內,一邊舖外.當日我明明去了舖外俾店員趕了入舖內.之後到舖內又俾店員趕出來,行來行去..但坐下.店員加茶都有效率的....醉雞:58元..我覺得好食.皮滑.肉也有彈性.酒味也滲肉內.份量亦不少.不過酒味要再濃一些更佳..肉明顯雪了很久..麻辣豆腐;反而不辣.只感覺到甜甜地好怪.不過不代表難吃的.送飯也不俗小籠飽:賣相不俗,大大隻.湯汁也不少,也不易穿.肉也鮮甜.功夫之作...不過上菜時.仲好笑.例:小籠飽末到....可能等好耐都末到.不過一到.就連續來3次....真係亂