三田製麵所 (K11購物藝術館)

营业中

休息中

真係超鐘意食日本拉麵同沾麵在香港食到高質沾麵 十分令人感動路過尖沙咀K11 發現新開的日本出名三田製麵所價錢非常合理 唔貴新開水準一定高一點所以一定要試試下午茶胃口小一點所以點了一碗$78濃厚魚介沾麵同（大）豬骨濃湯拉麵$78豬骨濃湯拉麵$78湯底非常濃旭 唔咸 唔太油 配菜有青䓤、木耳絲、半隻糖心蛋、叉燒一片糖心蛋質感非常好 外面有醬油浸過 微咸配拉麵一齊食 好正拉麵麵質 彈牙適中 雖然冇得選軟硬度 不過都沒有必要了湯底好味道到連湯底都飲哂濃厚魚介沾麵點了大的size本身對沾麵的印象都係比較油不過呢間的湯底絕對不會太油而且有好好好濃的日本木魚絲的味道但又不會過咸 越食越想食一下子就清哂成碗大的配菜有叉燒 半隻糖心蛋 同荀份量非常足料 $78同一價錢當然點大size 沾麵食法呢間絕對一定會再來

今晚早左放工，行經尖沙咀K11，見到開左間三田製麵所，同又無咩人排隊既情況下，我自己一個人就入左去試下佢既沾麵同小食。我叫左碗濃香豚骨魚介沾麵既中Size。首先介紹下佢個麵，碗麵麵身粗身得來幾似烏冬，麵質Q彈爽口，湯味道濃郁有豬骨香味，加埋D爽口入味既筍，真係幾好食，唯一令我挑剔既地方係佢既湯唔夠稠身，希望佢之後有改善啦! 因為見佢D小食價錢都幾低，就叫左碟三田流煎餃子，HK$48有6隻餃子，大量既木魚絲鋪滿係D餃子之上，加埋沙律醬撈埋一齊來食，好鬼正，餃子仲要皮薄肉汁，真係值得一試!

曾經有一排好迷沾麵，喪食吾同既沾麵！但個時都未try過三田既沾麵，今次開左尖沙咀分店就有機會去食下～好耐之前已經聽過三田製麵所既沾麵不錯架啦！所以都帶點期待～我地點左一人一碗麵，濃厚豚骨魚介辛沾麵 $80及尖沙咀店限定既豚骨拉麵 $78，沾麵既大小係可以揀小中大，而特大先需要加錢～我就揀左中既凍麵！限定既豚骨拉麵個湯底都幾濃郁，我地重口味所以加左$8加辣度！而我就更愛沾麵既麵條，煙韌彈牙啲！同埋佢既湯底都吾會好咸，恰到好處！魚介味仲幾重！我大愛半熟蛋，夠溏心又吾會漬得太咸！叉燒偏瘦，但吾會乾同嚡！但我個人就鐘意油脂重啲既！之後點左個芝士蝦球中間有芝士爆出泥，蝦球亦吾會過於彈牙而顯得不自然，我都幾鐘意！食麵之前店員仲好貼心遞上圍巾，好窩心！我會再來的！

期待過高  有點兒失望。拉麵的湯不夠熱， 面有奇怪味道，類似梘水味。另叫了一個辣拉麵，湯亦唔夠熱同埋好thick亦另外不夠爽口。點左個炸牛肉薯餅幾好食 但係同想像有差距。 但真心炸得好食。黑胡椒雞翼的肉很硬 味道不太好。

沾麵從來都無真正食過，所以撞啱去尖咀睇戲，順道過K11新開的三田製麵所食返碗拉麵醫肚。 下午3點零去到，門口已經聚集左排隊的人潮，但因為店面頗大，所以不用等太耐都可以入去。 開放式的廚房格局，可以望到師傅們製麵的過程。茶水就自助，每枱都會有檸檬水供客人飲用。點左個招牌濃厚豚骨魚介沾麵。沾麵可選大、中、小，都係同一價錢。麵上得好快，魚介湯好濃稠。 將自家製粗沾麵放入湯浸，令湯的熱度浸熱啲麵，每條麵都沾滿了湯汁。麵好彈牙，雖然較一般的粗，但並唔難咬，掛湯能力都頗高。而且麵仲可以分凍上定微熱上，任君選擇。另外的三田豚骨拉麵，我和友人都十分喜歡!!!幼麵質地爽口彈牙， 豚骨湯底濃而不膩，滿滿的香葱灑在麵上，加入了木耳絲去增加口感，簡單但顥出了湯底製作之用心。日本叉燒肥瘦適中，脂肪部份食落唔會滿口油膩。流心蛋那半溶的姿態，十分誘人。黑楜椒炸雞翼不走香口的路線，雞皮反而帶點煙軔，外面是淡淡的黑楜椒香，入面肉嫩多汁，惹味非常。 沙律十分抵食，大大的一碗先係$38蚊，而且仲可以揀2種口味!!我地揀左薯仔和吞拿魚，大大球薯蓉和吞拿魚放係沙律面上，下面仲有滿滿的沙律菜、青瓜和車厘茄，健康之選~埋單不過百幾

尖沙咀新開過江龍日本沾麵店，店面寬敞，吾逼狹。二人點左「半熟蛋拉麵」「辛辣拉麵」「牛肉薯餅」「三田流餃子」侍應生好貼心，問需吾需要紙圍身；提醒小心熱等等「半熟蛋拉麵」$90湯底好香魚介味，半熟蛋好流心，有驚喜麵質有硬麵、正常、軟麵揀我揀左正常，好彈牙，對於我來講剛剛好「牛肉薯餅」$35皮脆內香，不油膩「三田流餃子」$48必食之選，大阪章魚燒風餃子意外地配合坐bar檯，見到師傅煮麵至出餐會比較安心平均每人$140食得開心，舒服都值得

最近三田製麵所由銅鑼灣開到出九龍喇，分店正式進駐K11仲推出全新豚骨拉麵只限K11新店，仲有同埋多款石鍋炒飯今日下午去都算幾多人，但好在地方都夠大，排一陣就入到泡菜 $20先來一份小食，食落唔會過份地酸，有小開胃感覺，邊食濃湯麵邊食泡菜都幾正三田豚骨拉麵 $78我當然叫咗新款嘅拉麵啦，湯頭呈濃厚奶白而混濁，飲落鮮香仲帶點惹味而麵質是我喜歡的粗幼度，爽口帶一點點彈牙，塊叉燒屬瘦瘦的，會有少少油花而隻溏心蛋軟滑的蛋白，咬落有半熟的蛋黃流出，味道漬得剛好三田流炸雞翼 $38味道我選了黑胡椒味，一碟有4隻，外層都幾香口脆身，入面仲好嫩滑惹口，面頭嘅黑胡椒都幾多但會過份地辣，仲有少少甜甜地嘅醬汁係底至於味道方面人人對湯底跟麵質都各有要求與不同😏如果你係三田粉又多一個地區選擇

面身還可以，湯比較淡，重口既人可能要加醬油or醋。叉燒硬度適中， 唔會好硬。 overall 都唔錯，可以食其他。 本身仲想食餃子但係都係飽得劑😂😂😂😂😂😂

一個人食飯我好鍾意食拉麵, 見k11開左間三田就試下, 叫左兩樣嘢沾麵有份大中細, 價錢一樣, 特大就另一個價錢, 麵可以揀暖定凍, 我叫左暖ge, 但係建議大家叫凍ge, 個麵會彈牙好多, 沾麵個湯魚湯味濃, 鹹就鹹左DD架啦, 不過沾麵一般都係gum, 沾DD落麵, 就唔會話食落口超鹹, 變得剛剛好配料方面有半隻溫泉蛋, 兩片肉, 筍片, 肉正正常常無話特別好食, 一塊肉啦就係😂, 溫泉蛋值得一提, 流心跟住輕微滷過, 味道好好, 建議食個時直接食, 唔好沾湯啊, 咪會蓋過蛋ge味道另外叫左個炸雞, 依間D小食認真唔錯, 本身以為炸雞咪炸雞囉, 一般拉麵舖炸物都唔差但係唔會有麥特別驚喜, 點知依間又有surprise喎,炸雞即炸, 平時會食出一層炸粉, 依間炸雞啖啖肉, 幾乎食唔出有炸粉, 咬落去仲keep到肉汁, 肉質仲好有彈性至於價錢方面, 炸雞我自己覺得幾抵食, 5件雞$38, 每件都大大件, 麵的話特大先$78, 地方唔會話好逼, 座位空間寬闊值得比like啊