三洋餐廳 (已結業)

天氣轉凍，在減肥的日子都想吃一些暖胃的東西，在回家途中見到有羊腩煲上市，二話不說進店了！這個店次次去都人山人海，今次也不例外，但剛好有食客走，所以立即有位了，而且是舒適的卡座呢！羊腩煲一到~熱騰騰的叫人垂涎三尺！羊腩份量都不少，又入味，加上索了汁的枝竹，十分好下飯，內裏還有馬蹄，吃得很高興，全身暖笠笠！羊腩煲的汁如果一凍便會變得稠，但我們吃得七七八八時，還有汁可以伴飯。

呢排轉左係旺角番工,所以要四周圍搵下有咩抵食既lunch咁岩行過呢間野見好多人等位,咁本住一試無妨既心態就行左入去等左十分鐘到就有位, 其實都係港式茶餐廳咁, 所以坐位好free style坐底拎起個餐牌就見到大大個湯飯餐於是就叫左, 入邊係揀兩個送, 一樣菜, 唔包野飲多數侍應會問你要唔要辣椒豉油個湯飯黎到既時候先發覺原來湯同飯係分開既, 聽格離d阿叔講原來宜家潮流興咁樣食,食落去其實個湯底都唔錯, d材料就同普通食開既差唔多, 反而係個辣椒豉油好好食 真係估你唔到埋單價都係32$, 係同區黎講算係低級價錢, 中級享受,如果係打工仔既話真係可以去試下

晚上8時多就出現在三洋, 算是很早的了!今晚OT不算嚴重, 可以阿P開飯=v=其實本來沒說要來, 只是阿P說想叫餸食飯, 若是要去女人街碰壁, 或者去飯堂比較穩陣。去到有人等位, 不過我們不介意坐大圓檯搭檯就馬上入座。我們都真夠悶, 來來去去都吃幾道菜, 今晚又是吃蒸水蛋和雞, 然後加個菜。魚湯浸娃娃菜才$18, 用的是平時盛湯飯的大碗, 滿滿的魚湯比起娃娃菜實有點喧賓奪主吧。加了薑的魚湯在鹹而鮮甜的魚湯多添1份辣薑味。 1時忘了娃娃菜有魚湯, 2個客飯套餐之中要了1個例湯, 是日為青紅蘿蔔煲豬骨, 很清甜呢! 誤打誤撞總算沒揀錯~霸王雞1份例牌, 大概是薑蔥雞吧, 鍾情吃配料的人就愛死了, 而另外還有1碟薑蓉的。 小妹笑說這碟雞很對阿P的口味, 可能是剛好分到雞胸的部份吧, 不怎麼的滑, 雞味倒是蠻鮮的。蒸餸通常比較花時間, 所以這蒸蛋都要等1段時間。 三色蒸水蛋, 侍者捧來時小妹看賣相心想好像很老呢... 面層的1個個小氣泡又密又麻清晰可見......反而舀1下就見到不是想像中的1回事!! 豉油甜甜的更突出蛋的鮮味, 蒸蛋非常細滑, 光是吃1口蒸蛋是滑得無法咀嚼呢!! 下飯1流!!

當想在外吃餐比較健康的, 小妹都會來三洋, 有1碗魚湯又有蔬菜自己選擇, 加上阿P酷愛吃蒸肉餅, 這兒的肉餅正是非常出色之作。今天又是例牌的小妹來1碗全素的湯, 跟白飯只是$34, 白飯是分開1碗上的。阿P的蒸物套餐要等15分鐘, 鹹蛋蒸肉餅終於熱呼呼出場。 $45的有白飯, 凍飲只加$2。即叫即蒸的肉餅實在教人心動-v- 顏色偏淺粉紅, 接近豬肉原本的顏色, 就是沒有落過量的豉油調味, 原材料新鮮, 才可以不用下重下豉油吃出來是鮮甜肉味。 肉餅夾得起沒有鬆散開, 蒸的火候剛好吃下是軟綿綿的。1粒粒清楚可見的乳白色粒, 放心不是肥豬膏, 而是馬蹄! 可謂畫龍點精, 在軟身的肉餅中多加1點爽口, 又多加令1份清甜!! 鹹蛋黃味道尚鮮, 沒有死鹹。其實1碗白飯實在不夠下飯 =3= 還好有小妹湯飯的那碗白飯, 給1半阿P自己吃1半。 FYI 白飯1碗要$8的喔~想起早幾天去過近先達另1家famous小店吃小菜時點的鹹死肉餅, 這個真是贏幾條街!!實至名歸的飯堂XD

女友推介, 兩餸湯米線, 最LIKE個指天椒豉油, 食左牛肉冬爪西洋菜米線清清地, 又唔太貴, 可以ENCORE, 餐廳仲有小菜蒸魚, 下次可以試下。唔好係座位細, 放埋背包會好迫同坐得唔舒服

某日WEEKEND 要ON DUTY , 可以早走, 忽然好想好想食豬扒包作為下午茶, 較早前已經locate 定知道邊度有得食好味的豬扒包, 就DUM一轉落去飯堂食 !!! 雖然這個包不及四太果間來得矜貴, 但普普通通一個豬扒包, 不需堂皇的配襯, 都可以來得好味!! 脆脆的包, 和茶餐廳拿手的豬扒, 加上青瓜生菜沙律醬, 都好好味了!!! 配上厚淳的奶茶, 為這個簡單的下午茶作結.好一個holiday mood 的TTTTTT ^^

原本收工後想食橫崗, 去到又見好多人排隊, 拎左籌, 要等十幾個no., 等左10幾分鍾先叫一個no., 心諗有排等, 於是轉移目標, 黎到三洋.由於成2點鍾, 有唔少吉位. 我有小小口渴, 想食d湯河類, 包2樣餸 31蚊, 加1樣6蚊, 我揀左鮑片, 冬菇同勝瓜. 同事就叫左咕嚕蝦球加白飯, 菜浸湯。好快有得食. 我碗米線好多料, 估唔到加一餸, 佢照樣俾足料, 唔似出面就算俾錢加一味, 却仲係小小餸. 最like 佢d冬菇, 又大又厚身, 而且好多個, 食到最尾發覺碗底仲有, 真係驚喜. 不足係米線唔夠彈牙, 雖然係魚湯, 但湯唔甜, 味又太淡. 試左咕嚕蝦球, 面粉薄薄地一層, d蝦又大隻, 外脆內爽, yummy! 而且一碟有很十隻, 得50幾蚊, 好抵.

約舊同事食飯由於佢出到黎都11點都唔知食咩好平時佢係呢到搭直通車返大陸話呢間都OK所以就食呢間2個人叫了2個餸吃我叫了XO醬翠玉瓜豬頸肉好惹味正同事叫了梅菜蒸魚但唔知係唔係梅菜來價很貴得好少所以條魚好腥呀OVERALL，2個人食$100都OK啦

都八點半去到~依然爆爆地都要等10分鐘左右先入到去第一次食~2個人分別叫左豬肉丸+肥牛油麥菜同豬潤+魚腩+紫菜豬肉九真係一流,完全係新鮮肉打成~夠味夠冧~一百分肥牛就冇特別,不過d油麥菜就可能唔夠新鮮~冇咩味我本身唔太好轉豬潤+魚腩,所以試左個friend d 紫菜都幾多都幾好味~2個人既湯底好唔同~可能佢有豬潤~所以甜d~而我個個就清d~~good~~呀食完都冇咩口渴既感覺~唔錯唔錯~感覺好似好健康咁(自己鐘意食煎炸野)下次有機會可以再encore

其實呢間野已經開左2-3年...之前一直見佢門口個凍櫃好多魚放出黎...不過我從來無入過去...你近呢幾個月...一次機會下同屋企人去食去到門口...見到好多人..不過試完一次之後...佢就成為我既新寵相信好多人平日同我一樣...返工同客應酬...出街同朋友食飯...食食埋埋唔少油膩野...而且我屋企都算係半無飯家庭...大多數一日三餐都係出面攪掂...食得多都覺得滯...不過呢度提供既湯飯...就好似清泉...既健康又飽肚...材料新鮮...選擇又多...最重要係佢個指天椒豉油順手一提...外賣無收我附加費抵讚...不過有得必有失...就係份量比堂食少...我諗唯一令我覺得唔好既地方係...堂食座位較窄...

成了中醫診所的常客，我和老公都沒精神心情在家煮飯了，每次看病以後我們總會到三洋吃過晚飯才回家，像我等病人，能吃的東西不多，清淡的湯飯是其中一種。小妹其實很怕魚腥味，所以少飲魚湯，難得這裡的味道清甜又不帶半點腥味，還可以選擇不同的餸菜滾湯，加上白飯，已是清淡又飽肚的一餐了。這次我要了豆腐泡、西洋菜和肉丸，不是什麼自家製作或本店獨有，但流量快食材新鮮已令人胃口大開了。當日有點胃口，所以另要了一個客飯與老公分吃，是翠玉瓜什菌炒肥牛，翠玉瓜和菇類都很新鮮，肥牛不會過火，也不會炒得太油膩，用來送飯剛好。一間街坊小館有時不用標奇立異搶生意，反而做好本份，用心製作，自然得到食客的垂青。

本來諗住係砵蘭街既茶餐廳,對佢服務都無咩期望,但係呢度都算乾淨,d阿姐十分好服務,試過男友淨係陪我去食,但係自己無叫,d阿姐們無黑面不得止,仲擔心佢會餓親!上次叫左魚頭+豬潤+芥菜既魚湯飯,真係成個魚頭咁上,十分足料,淨係食個魚頭都飽哂咁濟魚湯清甜,相信無味精,,十足媽媽既味道有友人曾經埋怨過點解係旺角搵唔到無味精既住家飯,終於比我搵到喇!仲要$28咋!邊度搵!!!~正~~~~

睇到雜誌蔡生推介又好近我一於試試！蔡生都話好夠魚味但又不會腥，價錢又夠抵食，最緊要係新鮮嘛魚湯飯 $28 已經包了2款餸及1款菜、1大碗白飯或白粥因為客人都相當多同即做的關系，所以都會要等約5分鐘先有得食，魚湯味道好濃，濃中仲帶有胡椒粉味道，飲完不會有口渴感覺。我選了魚腩、冬菇及西洋菜。魚腩當然新鮮，約有4件鮮冬菇OK西洋菜是姐姐推介，都好食不會有澀味，因為冬天當做再配上白飯都應該幾飽而且又健康難怪未夠12點都已經坐滿人，果然是一個好地方

2009年08月14日，20:30南下到油麻地，本想在這店來碗粥。未到09:00店仍爆滿，被安排到十人長檯。見其他食客都在吃湯飯，便細看餐牌。兩葷一素湯飯衹取價HK$28.-，便不作他想要了豬潤和黃鱔，素菜選擇了芫茜(非素屬葷)。等吃時，鄰座客人的豆腐湯到，他邊吃邊讚，湯很清，在香港吃得安心。心信他和我一樣是外派一族。在國內吃得提心吊膽不夠五分鐘湯到湯底：清新、鮮甜，散發出芫茜獨特香味，還有甘筍片的甜味。豬潤：甘香爽口，用料鮮，火候好。黃鱔：鱔片厚和闊，醃料稍重手，壓下了鮮味，加入了點點陳皮來辟泥味。芫茜：逐臭之夫至愛之一，碧綠芳香。對這店有信心，會再試她的粥品。題外話：借日香港工業的黃金年代，工廠大廈多有食堂，湯飯是我至愛之一，最回味的是觀塘碼頭傍，大眼雞白菜湯飯。

由年多前開張時人流不多到現在晚晚六點半後爆場門囗排長龍,呢間舖都唔簡單!這裡最出名是百搭湯飯及蒸魚套餐,湯飯已試過多次,評語係----惦!所有湯飯小菜也是即叫即做所以等嘅時間都幾耐!(尤其是蒸餸)魚類選擇同酒樓有得比!有平有貴, 煮法也有得揀!生炒骨$38----排骨係新鮮炸起,比例肉多骨少,入口皮表仲脆脆地,肉質偏瘦無肥膏,酸甜汁味道做得不錯.金針雲耳蒸雞$35----等得最耐!差不多要三十分鐘, 雖然係即叫即蒸但始終係得Ｄ雞翼雞脾雪藏貨, 雞肉味道欠奉但質感都算是滑!(起碼唔覺得霉)豉汁蒸黄花$58----都幾大條吓!蒸的火候控制很好, 魚肉剛離骨.調味的豉汁夠味不過咸.整體效果水準以上!有心理準備是座位非常擠迫,兩個人只可坐一邊卡位同一定要搭檯.如果想舒舒服服慢慢嘆就唔駛諗喇！