三河屋 (已結業)

朋友今次帶我黎左依到食飯,佢話佢自己最愛依到既北海道忌廉飯,但我自己就比較對依到既鰻魚飯有興趣,食完真係番唔到轉頭。首先講講依到既環境,都幾有風格嫁,睇落有D似比較舊式既居酒屋,佢依到牆上面仲貼哂唔同既日式裝飾,有D海報,紙扇,不過依到既位其實唔多,空間上就有少少窄,抽住一袋二袋就一定唔方便嫁喇。首先就叫左依個漢堡扒北海道忌廉飯,食落有少少唔夠熱,不過味道的確係一流既, 西式既白汁食落係比較咸,但依到既日式忌廉汁食落有甜而不膩既感覺,配埋個飯食落一流,漢堡食落口感比較散,不過味道唔錯,之後就係鰻魚飯,先黎係一個麵豉湯,裹面有昆布同埋荳芽,咸味十足,唔錯,鰻魚飯一黎到D香味就已經四散,食落去肉質鬆軟, 而且佢既骨比較軟同埋細,唔怕剌口,鰻魚汁又岩岩好唔多唔少,食落非常之香。

menu唔可以影相, 好彩野食可以影姐有飯, 拉麵為主 價錢大約$38-68 吉烈薯餅北海道忌廉汁飯$58忌廉汁好有牛奶香薯餅有少少牛肉 新鮮都算唔錯板燒雞扒飯, 麵豉湯$48肉質都幾滑

又黎到紅磡 緊係要食下三河屋啦. 依間鋪相當有個性, 差唔多開足365日但係就2:30-6:00唔開鋪,原因我都唔係幾知入到入面,我今次點左個叉燒拉同蘿蔔.因為之前都黎左好多次,所以個嬸嬸一黎到就同我打招呼,個感覺好warm冇幾耐,拉面就到左啦.雖然拉面冇咩特別,但勝在冇味精!所以個湯底飲幾多都唔覺渴,加上叉燒份量都多,又半肥瘦 啖啖都有肉有脂肪, 最重要係唔貴! 所謂物超所值.之後蘿蔔都黎到, $5有拳頭咁大既蘿蔔 煮到入口既溶,再加上店入面既秘製湯底 真係唔覺得佢只係要$5 每次食我都連湯飲 食個乾淨總括黎講,三河屋食物既性價比十分高 去紅磡記得要試下

到紅磡找朋友，一同中午來到三河屋午餐。店鋪設計彷似舊的日式居酒屋，白色牆身，門以趟門設計，日式風味濃，坐位空間亦尚算寬敞。望望餐牌，點了最愛的蟹子沙律及豚肉蕎麥麵。來個前菜的蟹子沙律，雖然蟹子不夠多，但沙律醬好足，混合青瓜、蟹柳，好新鮮，好爽口，味道一流，是午餐的好開始!不過當來到豚肉蕎麥麵，就有少少失望。豚肉好硬，好難咬開，硬到已經感覺到一落胃就好難消化。蕎麥麵完全無味，只靠湯底吊味，但湯底又太鹹。真的有少少失望，但蟹子沙律不錯，且店員服務不錯，如果有下次，或會為沙律再來吧!

位於紅磡的三河屋，是一直想去的小店，今次終於堅決留肚一嚐地道日本風味。未到晚上7時入座，店內只有1/4滿，搜尋一下網上食評，最後點了忌廉吉列豬扒飯和大阪燒餅。終於試到了，但實在是有點失望。忌廉吉列豬扒飯的靈魂─豬扒和飯都......不合格，飯太硬又只保留微溫，吉列豬扒出現炸粉、豬扒、炸粉分離的狀態，豬扒薄、色淡欠肉味，尤幸炸粉薄尚算脆。 期望大阪燒餅會是更日本地道的口味，即多料、鬆厚和多醬汁，而三河屋的版本卻是少醬、薄身口感乾實的煎餅，可能是調整過的本港口味吧。雖店小但服務員勤快，加分。 

日本有一個土用之丑之日，傳說在江戶時代因天氣炎熱，鰻魚銷情不佳，有一位鰻魚店老闆就跑去請教著名學者，該學者就說丑之日和鰻魚的第一音節（う）是一樣，習俗中在這一日吃う字頭的食物會令身體健康，後來鰻魚就變得大受歡迎，甚至變成到了夏天就想起鰻魚的程度。撇除日本的習俗，鰻魚在醫學上的確有預防中暑和食欲不振的功效，所以大條道理吃豪吃一餐吧。在日本待了一年，鰻魚也吃過好幾次，無謂堅持在香港找相約級數的鰻魚吃。談到香港的鰻魚飯，性價比最高的莫過於三河屋了，即使來過好幾次也是點鰻魚飯吃，不過其他的食物看相片感覺亦對辦，也有不少日本人把清酒放在店中，應該差不到哪裡去的。製作鰻魚飯需時，所以店員就先奉上味噌湯了，記憶中上一次喝到的味噌湯味道過鹹，但今次味道恰好，海帶和芽菜用料也不吝嗇，喝到尾餘韻竟帶一點梅子的味道，或許只是錯覺但並不壞呢。鰻魚飯依舊是用一個大碗公盛載，鰻魚也依舊和大碗公的口徑一致，所以我說這裡的鰻魚飯性價比夠高。這條鰻魚的邊位弄得有點乾硬化要扣分，不過肉質還是很軟淋，差不多是入口即溶的程度，而且肉身亦相當厚飽含脂肪，國產的鰻魚就是這點比日本的優勝，相同價位的日本鰻魚是明顯瘦削很多的。但這裡

此店的北海道忌廉飯一直是我的首選, 然而最近才得知, 原來鰻魚飯深得食家喜愛, 則不得不「山長水遠」, 交通不算方便, 也要再來吃一次!內在佈局就有如舊式日本居酒屋, 牆上貼了不同的日本物件:如海報, 紙扇, 火柴盒等, 在那些東西上可以看出這店的年資不輕了. 在馬路對面有另一家姐妹店, 雖然那間店看起來比較新, 座位應該較舒適, 可是就偏愛來這家, 座位不多, 而且空間狹窄, 拿大包小包的要注意, 繁忙時間可不會讓你拿包霸佔其他座位的! 漢堡扒北海道忌廉飯 ($58) : 雖然不知道為何每次都是不夠熱, 可是味道超佳! 西式的白汁 (忌廉汁)是咸的, 而此日式忌廉汁甜而不會膩, 配飯一流! 唯稍為不喜歡漢堡的質感鬆散. 鰻魚飯(付麵豉湯) ($88) : 點餐後立即奉上的麵豉湯, 內付昆布和荳芽, 味道像滾湯, 咸味十足. 鰻魚飯一上枱, 香味衝擊味蕾, 肉質鬆軟有緻, 骨軟細, 不怕剌口. 鰻魚汁充滿碗底, 整碗飯都超香的! 本地以鰻魚飯做招徠的食店不少, 可是真正覺得美味, 價錢又不貴的卻不多, 而三河屋正做到味道質素與價格的性價比都很高的鰻魚飯呢! 炭燒雞扒 ($38) : 比

係紅磡呢邊返學，自然會試下紅磡周邊唔同既野食呢間三河屋幾出名架，但係佢下晝只會係12:00-14:30既時間開工唔講咁多，講野食喇，我已經食過幾次佢既豬骨湯烏冬架啦因為真係好好味，三十幾蚊，但水準拍得住貴既~雖然個名只係豬骨湯烏冬，但其實有送架，有類似日式叉燒既肉、日式魚旦同好多栗米…烏冬係個D手打烏冬，正方型個款，唔係圓型有酸味個隻，值得比個GOOD佢～其實我都有食過佢其他野食，有食過佢既咖哩吉列豬扒飯，都好食既但本人其實唔太好咖哩，佢咖哩味都幾重，同好多好多咖哩汁如果好咖哩既你，應該會岩食～！誠意推薦～！

今次去依間有一間舊式既居酒屋,加埋裝修都幾簡單,白色既牆身,加埋普普通通既玻璃趟門。門前有個櫃,應該係比人留酒係到,加埋牆上面有D清酒既推銷,幾特別,最搞笑係中英日三語。依間餐廳最出夠既係鰻魚飯,賣到成行成市,睇睇餐牌,見到依個我地都好鍾意既螢光魷魚,唔洗諗,即刻就叫番一個一個。賣相真係非常靚,醬油漬色緒好靚,味道好好,夠鹹又夠香,最好就係個魷魚夠軟而且仲有少少煙韌既口感,入口夠哂林又有少少咬口,最緊要係夠哂新鮮香,食多幾舊個鹹味有D重左DD。之後當然要食依個鰻魚飯,真係幾好食,口感夠哂厚肉,又有咬口, 邊緣又燒得幾脆口。但燒既味道唔係好夠,不過都幾好味既,又有一陣甜香既味道,但飯做得好好晶瑩, , 雖然唔係太彈性,但有埋依個浦燒汁,加埋一齊好香,味道都好夾。 

天婦羅拉麵 $58(好食指數:6/10)29-1-2014天婦羅炸得幾好，無翻炸再翻炸。蝦亦保持爽口感覺，另有魚、蕃薯、茄子。最敗筆在於拉麵，湯底較淡而麵身較腍，一般港式拉麵。鰻魚飯 $88(好食指數:6.5/10)29-1-2014香港既鰻魚飯當然不能與日本媲美。呢度既鰻魚雖不至於燒得相當軟腍，但以呢個價錢亦算不錯。汁醬調得唔錯，不過飯就較硬，必須撈勻底部既汁先至好味。

鮟鱇魚肝配上帶酸的醬油介乎蛋黃與鵝肝的口感 大概因為這道菜是冷盤 沒有鵝肝的油膩但也當然沒有油香其實到現在也不知道這道菜是生的還是熟的..........帶酸的醬油非常醒胃 魚肝的質感令口感更豐富未曾在一般連鎖日本餐廳遇上這道菜 很有新鮮感若是再來也會點這個關冬煮─蘿蔔與鯊魚蛋蘿蔔已煮透吸滿了湯 但味道不算特別 不差車仔麵多少鯊魚蛋口感非常奇異 像在吃咸味棉花糖自己不喜歡軟乎乎的口感 不太適合我但是愛吃的人應該會被這種新奇食材吸引吧店員還奉上芥末與關冬煮同吃然而不管單獨吃或是混着芥末吃還是覺得關冬煮的味道就是上不來的寡弱北海道忌廉漢堡扒飯一隻很大的碟中心躺着兩顆"牛丸" 打破了我對扒的大小概念 而且味道普通忌廉汁雖然不像平常吃到的罐頭味道 但還是很人造而且大半碟汁裡也不見多少薯仔蘿蔔 食材粉量實在小氣飯應該是珍珠米但又硬又冷 這是整頓飯最難吃又唯一吃不完的菜冷烏冬的麵條像貴刁 但想不到薄薄一條竟然仍有嚼頭且帶有如同河粉的爽滑 烏冬麵質令人有驚喜可恨是冷面的汁不好吃 那個不好吃不是說汁做得很差 而是跟冷烏冬不相配後來都是混着關冬煮的湯及鮟鱇魚肝的醬油把烏冬吃完可惜還是未能把烏冬發揮到最佳

一直都中意幫襯小店~款式可能唔夠大集團fight，但就有一種獨特的滋味。大學畢業之後就好少黎尼邊了~咁岩約個同學返尼頭，緊係過黎搵食啦~一路都最中意食佢個忌廉飯~今次本身想試忌廉拉麵，但特別貴又無料~所以都係揀帶子拉麵了 我好怕食麵遇到超淡嘅湯底~但尼度唔會~雖然無咩特別，但都係好食的~如果佢唔浸死我D帶子就更好了早幾個月去大阪但無食大阪燒係一個遺憾>< 見尼度有就試下~OK多料唔會得D粉，又唔會太乾or太濕~好食的另外食左牛肉薯餅~一如以往的好味 )朋友的~都係另上炸物會好D~

為左方便老公返工，所以係附近挑選了這間餐廳。開飯食評甚好，故前往該餐廳碰碰運氣。到達餐廳門口感覺較舊式，店內放了一部比電腦Mon還要細既厚厚電視; 舖面雖然細，但密密麻麻地放了30-40個座位，顧客需要互相遷就才可以進出。感覺幸運的我們，去到餐廳就剛剛有客人離開，所以只需等候清潔枱子即可入座。根據開飯食評，點選了鰻魚飯 (鰻魚夠大 口感甚佳)，吉烈豬扒 (香脆 肉嫩)，豬骨湯拉麵 (失望 湯底較淡，連老公都話差過出前一丁)，雜錦天婦羅 (十分失望 明明係推介好食，但估唔度上枱即食都係“林啤啤”囉！)

有緣一試紅磡的三河屋！老店陳舊裝潢 食物價錢大眾化！一嚐好耐無食的螢光魷魚，鹹鮮味濃，配上梅酒很不錯！帆立貝刺身及生蠔也勁鮮甜！這兒出名的是天婦羅 漿薄香脆 四隻蝦的雜錦天婦羅才$38，抵吃！另北海道忌廉吉豬飯香香甜甜 小朋友實鍾意！會再來吃！

In tiny Ming On Street, there are two highly rated hole-in-the-wall eateries. I hit the first one again today and filled up on fantastic Dim Sum. However, every time I've walked past Mikawaya, it's been packed - a great sign for the food but not for the opportunity to eat it. Tonight we (me, Mrs Brisket, and the 4 little Briskets) managed to get in and eat. The lady waiting was so welcoming. Oh and she loved Baby Brisket girl. As a side, when you wander around HK with 4 kids, especially when t