三才魚蛋粉麵

营业中

休息中

小妹住在灣仔所以食黎食去唔是灣仔就係銅鑼灣雖然哩兩個地方有好多野食但成日食真係會悶今次係銅鑼灣剪完頭髮又要諗食咩真係諗到頭都大埋行下行下見到新開左間粉麵店門口見價錢便宜單拼只係25而雙拼只係33銅鑼灣喎係邊到搵而且店裏有不少客人所以就同米飯班主一齊試下粉麵就是基本粉麵店的款式店員還細心為我們介紹了魚旦各式各樣的水餃也是自家製米飯班主本想點墨魚蝦條可惜岩岩賣曬店員就為我們介紹了菜單上沒有的墨魚片最後我們點了魚旦魚片河墨魚片韮菜餃河同一客炸魚皮河粉非常滑，湯底非常鮮甜原來用上門鱔鮫魚的骨熬制而成,非常鮮味每一碗麵都跟左冬菜炸蒜同蔥令湯底更香,更加了層次感魚旦魚片河魚旦不是平常食到的白色而是淡淡的白色所以絕對無漂過魚旦不算非常彈牙但勝在真材實料堅持用最上盛既魚來打魚旦不加防腐劑魚旦新鮮食落啖啖魚味魚片炸過比較香口魚味亦豐富而且非常彈牙墨魚片韮菜餃墨魚片也是小妹第一次食炸墨魚片非常香口彈牙而且有淡淡墨魚味韮菜餃,皮非常薄餡非常足，味道不錯記得食的時候要加三才秘制的辣椒油辣椒油用上自家制既炸蒜，非常香而且不會太辣加一匙更能帶出魚旦水餃的鮮味炸魚皮魚皮較平時街上食到的黃魚皮薄身香脆，絕無油抑味,不

午膳時間與友人到銅鑼灣渣甸坊買點東西，順道在附近用餐。三才魚蛋粉麵開業於渣甸坊的一角，因被其他排檔遮擋，門面不甚顯眼。作為一間粉麵小店，大家也是要乖乖坐圓椅，背靠背，重點還是落在食品身上。 從牆上的簡介可見，此店的魚蛋水餃皆是自家製作不求人，一場來到當然要試試。 筆者的魚蛋鮮蝦水餃河，魚蛋口感彈牙味鮮，每日新鮮打製效果果然不同。至於鮮蝦水餃，皮薄得來不易爛，餡料鮮爽，味道也算不錯。麵食方面，河粉如預期滑身，湯汁味道偏向清淡吃畢也沒有口乾的感覺。友人的牛筋腩魚片頭米線，牛腩味濃鬆軟感中等。魚片頭質感彈牙，比魚蛋多一重炸品的香口。追加一碟炸魚皮作小食，魚皮雖厚，但脆香感一點也不減，亦因皮厚的緣故，更多了一份魚香。隨麵食以優惠價錢多點一杯凍奶茶，味道清淡一般。

銅鑼灣旅客區出名高消費， 食個麵都要分地區價，hea hea地食都要$40-$50，所以要食平野真係無咩選擇。😞 有日係公司附近，見到有個「二奶架」介紹有間平價麵食係渣甸坊裡面，所以就和同事試試。🙈 入到去比我想像中多食客， 明明已經下午兩點，早已過了打工仔食飯的黃金兩小時，都仍然差不多滿座。😯 見有食客一來，唔洗點餐老闆娘就知佢食咩，可見食店都頗受街坊熟客歡迎呢！ 見炸墨魚蝦條係「三才」的招牌當然要試下啦！ 不過竟然兩點已售罄，看來想食的話，下次要早d黎啦。😞 但老闆娘見我食唔到墨魚條，唔想我失望而回就推薦我不如試下炸墨魚片。 所以我們就叫了碗魚旦魚片河、韭菜餃炸墨魚片河、鮮炸魚皮和一杯凍檸茶（粉麵配熱飲加$5、凍飲加$7）。 魚旦魚片河（$33）  聽聞魚蛋是「三才」每日親自手打，果然是有些分別！魚蛋魚味十足，口感爽滑彈牙，都算不錯呀！ 湯底本身比較清淡， 而每碗都有少許蔥、蒜蓉及冬菜提味， 旁邊亦有辣椒油、魚露、醋等調味料自由添加。 韭菜餃炸墨魚片河（$33） 係餐牌上見唔到炸墨魚片，莫非是隱藏餐單？😏 炸墨魚片真的是小編第一次見。  和魚片一樣，外皮有一層炸皮，裡

晚上需在銅鑼灣出席活動，之前偷點時間先吃個下午茶兼晚餐。>>>三才魚蛋粉麵<<<位於渣甸坊內，與大街有點距離，如非細心留意，實在很易錯過。 如此僻靜之處，勝在旺區之中可以享受清閒，食物價格也較為相宜。 這天吃得清淡一點，就只一碗魚蛋魚片河粉。餐桌上已註明每碗粉麵配料為蔥、蒜蓉及冬菜，需要多蔥走蒜諸如此類大可於落單時提出，既能配合個口味，亦可減省不必要浪費。 不消三分鐘，侍應火速送來麵食。魚蛋是無容置疑的爽滑彈牙，未經油炸，非常香口。河粉略略偏薄，但亦不失口感。 魚片共有三片，其中一片竟然厚切，份量頓時增多。 五時多用餐最高興的乃下午茶優惠。冰選擇魚皮一客，每件大小剛好，吃起來不狼狽，薄身香脆，份量不算太多，一人份恰到好處。 餐飲呢，點了一杯熱菜蜜，甜度控制得不錯。本來想點熱檸樂，可惜可樂售罊。 此餐價錢相宜，店員也熱情友善，最大敗筆乃店舖內飄溢異味，皆因沙井正被搶修，然而實在可一不可再。

【愛吃這😏因夠彈牙】-湯麵湯粉一直都是艾迪主食😝不求超班好味，但求穩定自家製呢到大部份都係不求人👉由所有餃類到所有炸魚旦、蝦條...都係這店武器-<片頭墨魚蝦條河> 🍜$33片頭爽滑彈牙🤓但魚味唔算特別重，墨魚蝦卷都係夠爽彈㗎，入面仲有墨魚粒仔，而河粉質感就好過人味嘅😬我鐘意這間夠滑夠薄，因為可以更吸到湯同我最愛的辣椒油-<鮮炸魚皮> $15一樣自家炸😈夠脆夠香，同來配滑河一流-可樂 $7 夠凍

同朋友行渣甸坊買女人野, 行下下側面啲舖頭, 發現在有間麵檔邊, 想黎個輕食,咁就入去食啦, 入面個環境都唔錯, 都幾乾, 樓底有幾高, 坐得都幾舒服要咗碗四寶紫菜湯麵, 咁大約等到5分鐘就嚟到, 都幾快手, 面頭舖滿丸個紫菜, 每樣丸有四粒,  白魚蛋形狀係方方地, 係自己手打嘅, 魚蛋肉質鮮嫩，順滑墨丸表面色澤潔白，入口富有彈性, 豬肉丸就一啲都吾粉, 有咬口,                       湯都幾鮮甜, 飲落去吾覺有味精, 而麵質都ok, 煮得岩岩好再叫個蚝油生菜，生菜脆口 清新, 配埋蠔油口感清香

✿╮❤╭✿ ✿雜感女生 好味日記✿ ˚*•✰。三才魚蛋粉麵．大愛冇筍的水餃。✰•*˚ ✿✿舌尖上的銅鑼灣✿✿ ❤餓底飯聚❤ ❤ 本小姐愛吃水餃，喜歡大大隻又香口 就是聽老人家說不應吃太多筍，令我不敢多吃 在銅鑼灣的街頭巷尾，竟發現一家自家製的麵店 強調自製的「冇筍水餃」自然有發現新大陸的感覺！ 驚訝的發現：這裡的單拼麵只要25元，加配凍飲也只要7元 這個價位在銅鑼灣可說抵食 而且有很多自家製的產品：魚蛋、辣椒油、不同的餃子 而我當然選了最心怡的「冇筍水餃」 凍飲很大杯，茶餐廳式的凍咖啡 是香港人的口味：簡單直接就滿足OT後的腦袋！ 雙拼的牛筋水餃麵，牛筋非常香軟入味 以蘿蔔條取代筍的自家製水餃，更是保持了爽口 餡多肉厚，好味 朋友點的牛筋雲吞麵，雲吞的蝦肉亦大粒彈牙 加配了腩汁底的菜心，就是簡單的一餐 潮式小店主打自家製，試了辣椒油 不算太辣，卻有濃香，原來是店主父親自製 好有親和力的辣椒油 小評： 味道：★★★☆☆ 環境：★★★☆☆ 服務：★★★★☆ 衛生：★★★☆☆ 抵食：★★★★☆

行到銅鑼灣渣甸坊盡頭，就見到間粉麵店！名叫三才！環境企理！就入左去了！就叫左杯西洋菜蜜~調味得不錯剛剛好飲！又唔會比到勁多冰整淡哂~仲要左份泰式鳳爪~好香帶點酸辣味！全部已經去左骨！酸辣度好入味帶咬口而且都幾爽脆西洋菜餃牛什米線！時日可能太好生意~無哂河粉無哂米粉！唯有食米線~個西洋菜餃店員說係自家製喔~最正既係個皮好薄好薄！個皮重疊位置都可以唔厚！但又唔會一夾就散哂~至於d牛什牛腩都火喉十足~但都無鞋口既情況出現！d牛味好濃另外加左d而家唔係可以成日食到既冬菜~呢度竟然有！！幾大都加d啦

自家製魚疍，自家製餃子，自家製辣椒油，還有姊弟的合作，誠意之店，沒有理由唔幫襯一下。魚片頭韮菜餃河河粉極之幼滑。魚片頭𡁻落有彈性，魚味十足。韮菜餃子值得推介，餡料份量不少，可謂皮薄餡靚。最欣賞加入了蔥花，蒜蓉和冬菜，提升了味蕾。白味鳯爪我最愛吃鳯爪，貪其骨膠原食後可以增加皮膚彈性。鳯爪食落有優香的酒味，調味不錯。果然不錯的小店，希望能繼續保持水準。

收工食埋嘢先點回家，呢間粉麵在橫街內！位置唔起眼，去到光猛乾淨！普通麵店格局！食物都係大路麵店食物！店員熱情介紹！佢話墨魚蝦卷幾好！就同魚蛋雙拼！食物好快到！餐具在桌子櫃桶！墨魚蝦卷魚蛋河（$33）魚蛋魚味唔重，幾彈牙，魚片彈牙！墨魚蝦卷彈牙，中央夾雜墨魚碎，不過炸得唔夠！外皮唔夠香！河粉滑溜，不過太薄，要快食，浸湯太耐會斷！隨麵有炸蒜（店家話自己炸）冬菜碎偏鹹，蔥粒爽口！湯底唔落冬菜嘅偏淡，落咗就剛好！仲有兩條芥蘭，好嫩口爽脆！好味！整體Ok!店員幾有禮（以麵店來講）客人出入都會打招呼！簡單一餐麵食！

朋友介紹，咁岩過港島就黎試下呢間新開既魚蛋粉。位置唔太起眼，好彩有到條易拉架，都唔算難搵。我自己就一早諗好食瘦腩魚旦河，而有選擇困難症既老婆就心大心細，諗緊魚片配雲吞定水餃好。為免佢揀十世都未有得食，我就決定叫晒三樣送。兩碗野黎到後，先醒起唔記得走蔥，好彩佢d蔥另外搵隻羹裝住，直接比晒老婆就搞掂。老婆就話d蔥蒜加埋冬菜好香，配粉麵一流。我欣賞佢既牛腩，因為真係做到我想要既瘦，而且夠淋又入味。魚旦口感爽口彈牙，有濃郁既魚味，又唔會覺得腥，老婆對魚旦同魚片讚不絕口，不過相比之下雲吞同水餃就無咁出色。另外老婆試左佢d辣椒油，話好香好正，咁我又試下啦，竟然連平時好少食辣既我都覺得唔錯幾香口。本來老婆想買樽番屋企，比我stop左，因為屋企仲有好多-.-...我話下次黎食再買啦！老婆話下次要試埋魚皮，好少見到自家制炸魚皮，食晒魚旦魚片魚皮wo....

好不容易才捱到週末，趁這天兩口子也不用上班，就一於和老公來銅鑼灣 Shopping，順道為即將生日的友人，選購禮物。明明早上出門口時還天朗氣清，估不到行到渣甸街時，突然下起傾盆大雨，認真掃興。本來打算去轉角的商場避一陣雨，不過老公非常醒目，發現這間《三才魚蛋粉麵》的易拉架，提議不如先在此歇歇腳，吃碗麵食，才繼續行程。趟門內進，沒想到原來這麵店咁旺場，才不過剛搭正中午 12 點，入面就已經幾乎坐滿食客，幸好還剩下兩個座位。拿起餐牌，約 A4 呎吋，分為底面兩頁，食物種類很簡單，只有粉麵類，小食和飲品等。女店員非常熱情，見我倆拿著餐牌左轉右翻，趨前介紹，原來據說店內大部份食品，例如新鮮魚蛋、炸魚片、西洋菜餃、韮菜餃、菠菜餃、雲吞和辣椒油等等，通通都係自家製作。嘩！打魚蛋，無論鮮魚和手藝都缺一不可，在現今物流貨當道的世代，仍默默堅持這手藝的小店真的不多，絕對值得尊重。筆者愛吃香口之物，先點客鮮炸魚皮 ($15)  試試，炸魚皮以闊口碗盛載，而且端上來時還連著一小碗湯，方便喜愛把魚皮先浸一吓湯才吃的食客。店裡的魚皮雖然唔算好薄身，但吃起來一點不腥，而且入口香脆，一咬已發出清脆的卜卜聲，是送麵的

自從某間魚蛋粉執咗之後，一直都搵唔到間似樣嘅魚蛋粉店，試過好多間但都失望而回，今日俾次機會試吓呢間喺銅鑼灣新開嘅舖頭紫菜魚蛋片頭河粉紫菜嘅份量非常慷慨，差唔多係鋪滿晒成隻碗！魚蛋唔係超級彈牙，但軟綿嫩滑，最重要係唔鹹，所以食得出魚味；同樣地片頭都唔鹹，炸皮較軟；自家製炸蒜蒜味香濃，冇一陣油炸味，多多都唔夠，最好成樽俾我自己落😂 非常有禮貌嘅店員仲送咗粒炸魚蛋俾我試，有我最鍾意嗰間“魚蛋粉之神”嘅味道，口感非常好，炸皮脆脆咁，有啲渣咁樣先係無敵嘅😋！下次再試一定要試炸魚蛋粉！牛腩粗麵牛腩煮得非常入味，有啲連筋，唔會太黐牙；粗麵冇煮得過火，所以仲非常有口感，但媽咪鍾意淋啲嘅麵，所以鍾意淋麵嘅朋友記住落單時講聲呀；店員又送咗粒墨魚條我哋試，幾得意喎入面有粟米粒嘅？！不過都係炸魚蛋最好食😋自家製炸魚皮 呢個真係非常出色，大大塊不特止，仲非常非常爽脆，咬落去係索索聲，完全冇油炸味道，好好味啊😋腐乳通菜冇乜特別啦，新鮮冇渣咁囉鳳爪我唔食鳳爪，但媽咪話肉質幾彈牙，但佢prefer再淋啲喎～呢度仲有自家包嘅各類餃子，例如西洋菜餃及菠菜餃，今次未有機會試，下次一定要買返屋企打邊爐先！店員有禮貌，食物又好

今日晚飯時間同朋友諗緊食咩之際，經過呢間三才魚蛋粉，見到賣相好吸引就入去試。呢間店有9成嘅食物都係自家製，除左招牌魚蛋外，仲有餃類如西洋菜餃、菠菜餃、韮菜餃、魚皮餃、雲吞、水餃等都係自家製。 魚蛋魚片米（$33）手打魚蛋大粒又夠爽滑彈牙，魚片外層香脆，內層又夠曬鮮味，難怪朋友吃不停口！ 鮮蝦雲吞河（$25）自家包製的雲吞鮮味可口，蝦肉彈牙，皮薄餡鮮，湯底是奶白色的，味道鮮甜，相信是用魚熬製面成的。 牛什粗麵（$30）份量挺多，粗麵爽滑，牛什入味！ 見到附上的蔥花、炸蒜都係自己整架，難怪咁香啦！就連佢地的佢地辣椒油都係自家製，卜卜脆又夠辣，好惹味呀！鮮炸魚皮（$15）都係自家製，卜卜脆，魚味香濃，吃粉必備！ 泰式鳳爪（$22）酸酸甜甜，很開胃的，鳳爪質感爽滑！ 叫任何粉麵飲品跟套餐加$5（熱飲）/$7（凍飲） ️難怪老闆自豪地說我地有90%食物都係自家製的，下次打邊爐不妨來買配料！

老銅給人的印象是最底消費$50以上 才食到比較正常的一餐.....無他的, 因為地租真的好貴, 貴到離了地今日路過渣甸坊, 穿插迷失中給我食到一個很貼地價的 "魚蛋魚片麵" !! 只是$33, 而且因為下午茶時間, 更可以送魚皮/熱飲!! 大大的一碗, 有很多時菜, 2 片魚片3 粒魚蛋...湯匙內附有蔥, 蒜蓉, 冬菜, 令湯底更香! 值得一讚的是魚蛋跟魚片都很香跟彈牙, 周圍細看才知這是有香港的自家工場, 連魚片頭,魚皮都有售, 不淨是做堂食呢! 而湯底很清甜, 我食完都不感口渴, 即是證明這碗平民價的麵竟然少有的沒有味精, 很是欣賞! 下次要再來encore 一下!