三才魚蛋粉麵

营业中

休息中

不知為甚麼，有時候總是想念港式粉麵，就跟人們不期然想吃米線一樣，但米線不是我杯茶。南記跟譚仔／三哥，我會走向南記的。不過，這天在銅鑼灣想吃碗魚蛋粉，就想起朋友向我介紹的三才。 這店實在不好找，坐落於渣甸坊攤檔的兩旁，要不是小心翼翼地跟著門牌號碼看著找，一定錯過了店舖。 正值晚餐時間，人不多，跟午餐出現人龍的場面實是一大對比（現實是：午飯時間到處都是人，更何況這附近那麼多打工仔？）。不過，我想沒有很多人會像我一樣，晚餐會吃魚蛋粉，哈。 沒想太多，跟朋友各自點了自己想吃的粉麵後，另外再加了兩個小食。 雙拼：牛筋蝦條米線 $38 朋友點的牛筋蝦條米線，蝦條據說是必食之選，因為內有乾坤，所以我跟朋友就交換餸來吃。 雖然它看來似春卷條，但口感較爽口彈牙，驚喜的是原來蝦條中間是有蝦的，的確是真材實料呢！ 牛筋呢，有３件，每件都份量十足，不會大小參差。牛筋充滿膠質，不會過稔，而且有嚼勁呢！ 雙拼：西洋菜餃牛丸米 $33 介紹我來吃的朋友極度向我這裡的河粉，惜未開口下單，店員已事先說明，河粉已售罄，這晚註定我跟河粉無緣，我就只好選擇我鍾愛的米粉。 店內的介紹自稱丸類和餃子都是自家製，尤其餃子

星期日懶洋洋係屋企，等人買外賣比我食。食厭左南記，銅鑼灣想食粉麵還有一個好選擇 三才魚蛋粉鬧市中小巷裡隱世小店，無意中路過見到，自此愛上食佢地的魚蛋粉👏🏻前排多次收工之後想去食墨魚蝦條麵，但夜晚六點一早賣哂每次都摸門釘。意想不到星期日下午時間有機會食到外賣份量足料，麵的份量比堂食多湯分開另上菠菜餃拼墨魚蝦條河雙拼每樣三粒自家制菠菜餃，我中意佢菜比例比肉多，無味精。健康之選另外平時堂食每碗麵附上辣油，醋，炸蒜和炸菜，外賣都會貼心分開附上。保證你同堂食食到一樣的味道

之前在渣甸渣甸坊食飯，都係喺街頭嗰幾間上海舖，食厭左又想轉下其他口味，就向街尾進發。行到差唔多街尾，有一間門口貼住唔少雜誌報導嘅三才魚蛋麵店，似乎都幾出名，於是就入去試吓。呢度嘅材料，都係標榜自家製，例如魚蛋同所有餃類，都係佢哋自己整嘅，聽起上嚟非常吸引。不過我覺得佢既然係牛腩牛什專家，牛腩一定好美味，所以今次我同朋友一齊食雙拼。一個食牛腩雲吞米線，一個食牛腩牛根粗面。首先飲一啖湯，湯底非常知濃郁，夠晒味，牛腩易煮得好入味，而且份量唔少。牛筋都係非常軟熟，如果鍾意食牛腩牛筋嘅朋友，一定要叫呢款雙拼。雲吞都係自家製，所以好新鮮，又大大粒，比出面食嘅雲吞大好多，呢度叫麵，加＄5就可以有杯熱飲，真係唔錯，係而家嘅環境，可以30幾蚊食碗麵再飲杯野，加上食材有用心製作，實屬難得！

今天從中央圖書館行去銅鑼灣，喺渣甸坊見到呢間三才魚蛋粉面店。隨便坐低食個午飯。三才魚蛋粉麵店人頭湧湧，牆上掛著各種相片。炸魚皮好唔錯，我都叫左一客。皮脆，配湯麵一流。一睇個menu ，好驚喜！很久沒有吃過20多元一碗粉面，這裏的價錢非常優惠、實惠。我們叫了牛雜牛腩面和牛雜墨魚蝦丸。雖然＄30不到，但是份量卻是足夠一人吃飽的。很喜歡三才的湯底，腩汁湯濃。牛腩和牛什是我推薦的款式。牛腩肥瘦適中，很淋很入味。牛什款式多，不錯！附上葱、蒜。叫粉面的客人，還能夠加五元配熱飲，或以七元配凍飲，非常抵食。下次經過渣甸坊，還會再來幫襯！

今日喺渣甸坊附近，距離食晚飯時間仲有兩個鐘，又有啲肚餓，於是就隨便入咗一間叫三才魚蛋粉麵既鋪頭醫下肚。門口貼左好多招紙，鋪頭裡亦都有唔少食客。呢度既然打正招牌係魚蛋粉麵，價錢唔貴，所以我都試吓佢哋嘅魚蛋，順便叫多一碟油菜。魚蛋係自家制，好爽，帶魚味，清清地，正好當下午茶食。可能係流量高，所以夠新鮮。菜有有芥蘭、菜心、生菜，店家話今日嘅菜心靚，於是就叫咗個腩汁菜心。大大碟菜心，真係好嫩。菜做到好淋，好食，無介紹錯！係銅鑼灣地區，可以食到有 heart 又抵食既粉麵真心推介！

認識三多，緣故係佢係銅鑼灣一帶嘅粉麵店當中，湯底最唔咸又可以飲埋佢個湯嘅一間，份量亦唔少價錢亦唔貴，食物方面味道亦ok嫁，由其係佢嘅蝦條，每次例排有佢出現，另外，仲有粉麵店極少見嘅西洋菜餃，佢地總會係雙拼首選，再加啲辣椒油，完美！🤤

呢排食飯食到窮，要食返平少少，上開飯search 到呢間好似幾多好評就黎try try 。店鋪好光猛 ，乾淨企理。叫左碗西洋菜餃河$27+通菜$15有一匙炸蒜同蔥，湯底好好飲，不知不覺就飲晒(重口味朋友一黎就落勁多醋，浪費晒個湯底)。西洋菜餃大大舊，皮薄，好多菜好足料，食落好有口感 ，而且菜仲好綠 冇over 到，好中意用餃同朋友交換左條墨魚蝦條，食到有墨魚粒，粟米粒，唔錯。通菜份量勁多 好驚喜，腐乳都勁多，一點都不吝嗇。另外想讚讚女店員的服務態度，超忙都唔會黑面，而且服務仲好周到，好有禮貌。例如:1.客人走時，提醒客人拎齊野;2.安排女客人入座全枱都是女性的桌子。真是難得一見的細心食物用心，服務用心，一改我以往對港式粉麵店的看法。希望這樣的良心小店繼續加油

今日中午到銅鑼灣辦點事、只剩下半小時午飯時間、就到渣典坊吃個簡單粉麵。經過三才見到有唔少OL、街坊外賣、就入去試下。除了著名的牛腩、魚蛋、還有平時較少能點的西洋餃、菠菜餃、墨魚蝦條等、有好多選擇。牛筋菠菜餃河粉 $33上面有冬菜、蔥蒜粒、撈粉麵好香牛筋軟淋、菠菜餃皮好滑、爽口又足料、腩汁味道幾好、食完亦唔覺口渴。油菜要了一碟菜心也很嫩。加$5就有熱檸檬菜蜜。由於餃子太好吃、忍唔住買左一打西洋菜餃返屋企試

魚蛋河是香港街頭常見的美食, 今日我就來到 三才魚蛋粉面! 本人最愛吃紫菜和魚蛋的組合。魚蛋和紫菜都是又爽又滑口，　十分配合！而且老闆大方，配料充足，　十分足料的一碗紫菜魚蛋河！　ＬＩＫＥ一碗淨魚蛋河。　正常的賣相，　魚蛋十分彈牙和新鮮！　魚蛋ＦＡＮＳ的好至愛！　魚蛋河配凍飲，　是十分滿足的。熱騰騰的一口魚蛋河，　一啖冰凍的檸水／檸蜜／檸茶。　三才魚蛋粉面價格親民，很岩午餐時候的上班一族。雖然店內面積不算大，　卻整理布序，粒光明亮，環境十分潔淨。

今日大沈化身孤獨精在銅鑼灣經過渣甸坊一條行仔黑孖孖見到「三才」招牌著燈到底是邊三才呢？有什麼別出心裁美食呢？望入見到人哋碗魚旦粉幾靚喎。決定入內試下，5:30時間都仲係下午茶緊。魚旦係門鱔手打，墨魚條內留有墨魚粒粒。兩者都好彈牙味精不太過好食👍吾好諗住食魚旦不含味精呀，只會被說「大沈你太天真」😆😆😆 下次一定會再來試下片頭、西洋菜餃等。聽説都十分美味呢！#依家要食好味魚旦粉真不易。#謝記榮休後都好寂寞

今朝冇食早餐，所以11點幾就餓了，平平地去食碗粉先！兩個人，每人一碗粉。menu中英對照，果然係遊客區。XD 落左order五分鐘就有得食啦～魚蛋河（hkd 29）：魚蛋好彈牙但不失魚味，河粉都好食，唔會好似某d店咁有陣怪味。西洋菜餃河（hkd 27）：第一次食西洋菜餃，唔錯，好juicy, 菜同肉ge比例係7比3，好健康。每碗上面都鋪左d蔥，蒜同冬菜，同d河粉一齊食，正！鋪入面貼左好多雜誌推介，價錢平實，我一定會再黎！

今日去銅鑼灣恆隆中心旅行社報團去旅行, 十月大節過後, 我們又安排聖誕節之旅, 好計劃 !!時值下午兩點, 感覺有點肚餓, 又不想去食麥當勞, 家鄉雞之類.   打個電話約朋友去怡東酒店 High tea, 可惜她正忙著, 不能陪我, 反而介紹我去食粉麪, 話銅鑼灣軒尼斯道後面街有間 三才魚蛋粉麵,  好值得去試.我接受了她的意見, 由恆隆中心行過軒尼斯道往後面街, 找 渣甸 48 號, 但找不著三才, 於是上網找 三才魚蛋粉麵 的電話, 才知是 渣甸坊 , 不是渣甸街, 只差一個字而是另一條街,  我真胡塗..    找到 三才 了, 從玻璃門內看, 客人真不少,  提升了我的信心.幸好我只得一個人, 容易找座位,  坐下後, 看見牆壁上滿滿彩色照片, 介紹各種餃子, 河粉, 麵食, 牛什........還有 2:30 ~ 6:00  下午茶優惠, 數量有限, 送完即止.  店員又遞上餐牌,  粉麵, 米線, 由 $27 ~ 42-, 加底/雙拼, 多 $6~8, 合經濟原則.另有小食, 飲品, 淨食.   餐牌上並註明 自設工場, 品質保證, 可訂購各式手造餃子, 丸類, 雲呑等,

三才魚蛋粉麵 (銅鑼灣)銅鑼灣渣甸坊48號采怡閣地下6號舖港鐵站渣甸坊出口步行約5分鐘，這間粉麵店，在寶琳分店幫襯多次，後來搬到銅鑼灣偶然也會來幫襯，三才用料很新鮮及足料，粉麵大大碗，唔會食唔飽，下午茶時段（2:30-6:00pm）仲會送油菜/魚皮/熱飲，個人推介菠菜餃、西洋菜餃、墨魚條，餃類用料十足，而且係自家手做，而墨魚條也是自家做的，口感彈牙，墨魚味香濃，配埋蔥、蒜蓉、冬菜食用，真係大大大滿足。

同朋友行開銅鑼灣渣甸坊突然肚餓，就去左附近的魚蛋粉店醫下肚。粉紅色的碗筷，感覺清新又特別，未食已留下一個好印象。魚蛋魚片河（$35）自家製手打魚蛋大大粒之餘又夠爽滑彈牙，魚片外層香脆，內層又夠曬鮮味，一碗有4粒魚蛋和3片魚片，非常滿足。🍡魚蛋魚片河🍜（$35）手打魚蛋大粒又夠爽滑彈牙，魚片外層香脆，內層又夠曬鮮味，難怪朋友吃不停口！🍢🐙貢丸拼墨魚蝦條河🍜（$35）雙拼湯河份量都算頗多的，每款配料各3件。貢丸切成花型，賣相吸引，冬菇味道尤為突出。墨魚蝦條爽口彈牙，非常好吃，還吃到粒粒墨魚呢！湯粉內加入的的蔥花、炸蒜都係自家製的，難怪咁香啦！仲可以叫多蔥，真係好香架！另外值得一讚是河粉非常嫩滑，配在鮮甜的湯底上非常匹配！🐟炸魚皮（$15）自家製的炸魚皮，香脆可口，魚味香濃，吃粉必備啊！🍷可樂（套餐加$7）🍹凍檸茶（套餐加$7）店內很多食物都係自家製的，除左招牌魚蛋外，仲有餃類如西洋菜餃、菠菜餃、韮菜餃、魚皮餃、雲吞、水餃等都係自家製，大家打邊爐可以過來加料啊！另外提提大家，2:30開始有下午茶，單點一碗一餸粉麵即送熱飲一杯/油菜一份/魚皮一粉，頗抵食！

一直都bookmark左呢間三才但都搵唔到入口，膽粗粗咁試下係openrice 到打電話比職員問，職員超有耐性教我點由地鐵站去餐廳，原來係銅鑼灣舊forever 21旁的小行仔走入便到一進入店職員的笑容和服務已令我覺得小店很有人情味。我叫了牛腩米線和凍奶茶。牛腩入口爽甜，非常清爽，米線很滑，不像一般機械所製造的口感。周圍觀看，原來店內的每處都印有聖經上的金句支持！會再光顧～