三德素食館 (僑冠大廈)

营业中

休息中

定咗6位7點半，去到見到餐館內食客唔多，可能係因為隔離間華豐國貨進行緊大裝修，外牆搭咗棚，行過都見唔到間食館。我哋6個人揀咗個六位套餐$615，轉是日燉湯（精選姬松茸燉湯），每位另加$10，真係夠哂足料，飲完都已經有啲飽嘅感覺。另外精美小菜五款就揀咗五柳仙班（即係炸芋頭魚）、蜜汁素叉燒、梅菜蒸鮮竹、椒絲腐乳花姿通菜、羅漢齊豆腐，都好夠味，食落唔覺得油及鹹，而且份量係啱啱好，仲有甜品每人一碗紫米西米露，個個都食得好飽，唔需要額外再加餸及飯，連埋茶芥加一後，就係$850，除返開每人都只係$141.7。總結：食物質素好，服務態度都好好，環境就比較舊啲，如果將地氈換成地磚，洗手間翻新下，咁就會更加好啦。

與家中長輩路經北角又不想去飲茶食點心,突然想去附近有一間素食酒樓~三德素食館. 剛好又到下午茶時段,特價大、中、小點心一律$23/籠. 特點就$34/籠. 下午特價粉麵由$48-68左右.我們選了羅漢齋炒麵$48,麵底是炸麵,材料有雜菇,素雞,粟米芯,木耳,雲耳,芽菜, 都算幾豐富.份量都算大碟.媽媽想飲湯,我們叫了一盅”精選鹿茸菌燉湯”（$45）, 一盅大概有兩碗份量. 最後,我們加多一個點心”鮮蘆筍素蝦餃” , 蝦餃皮是用粉果的皮包成,內有芹菜,素蝦餃粒&蘆筍粒,有少少清新蔬菜香味😁餐廳佈置就是傳統舊式酒樓的格局.

今晚同朋友去咗三德素食館食晚飯，叫咗個二人套餐，再加了两款菜，十分滿意，食材同烹調都充滿心思，絕對係素食者嘅好選擇！ 是日燉湯本身個餐都有跟湯 不過我地就加錢轉燉湯 因為覺得它好足料 入面有雞縰菌 黑虎掌 牛肝菌 姬松茸 味道清甜又有益椒鹽素蠔仔豆腐外脆內嫩嘅豆腐配上椒鹽香氣，素蠔仔嘅口感同真的一樣XO醬翠玉雜菌呢道菜十分惹味，食素都唔係一定要好單調架 香煎海苔薄餅薄餅好香脆，海苔味濃郁，十分好吃松子五柳素黃魚賣相一流，素魚口感似真魚，酸甜開胃紫米露侍應細心，見我地吃完，立刻奉上甜品，紫米露好香，又唔會太甜，吃得好滿足

三德之前都上過去不過摸門釘，原來10:30先營業，我哋都早咗少少到，已經排隊排到轉咗上五至六級樓梯今日同媽咪試吓素點心套餐同小菜都幾吸引喎入座嘅感覺好似返返去細過嗰陣時（舊式傳統酒樓嘅招待），侍應問飲咩茶後隨即幫我哋除咗個筷子套送茶時遞上前菜～滷水花生芋絲素蝦炸春卷配喼汁～即炸嘅春卷熱辣辣，仲好貼心剪開咗，炸得好好，香脆唔油膩，見到入面真係一條條芋絲，好好味必點芹香鮮菇腸粉豉油另上～呢個配搭都係第一次食，好香芹菜同埋菇味，唔錯香椿金菇煎薄餅～呢個就煎得唔夠時間之餘仲有啲油鮮竹畔塘素肉球～視覺效果就好似牛肉球，食落口感一般整體服務同環境都唔錯，有機會再試其他。

很多時都會和家人到這裏食飯, 職員非常之勤力又有禮貌, 每次去到都見到啲職員好勤力收碗碟, 點食上菜也很快, 叫的粉麵飯非常之大碟和大窩, 而且味道不會太鹹啱啱好.  食齋就是喜歡知道自己食緊乜, 不喜歡哪種包裝為偽肉的齋, 都唔知食咗乜嘢落肚. 整到幾靚都冇用. 

三德素食媽媽和我二人到位於北角三德素食。我們點了冬瓜酿豆腐泡，三色水晶飽，薄撐，炸饅頭。冬瓜酿豆腐泡是我們的必點之一，清淡的湯汁中夾雜著豆腐和冬瓜，入口容易，讓人吃了感覺清爽又滿足。三色水晶飽是另一道我們喜愛的點心，蓮蓉，奶黃，豆沙，外皮包裹著餡料，每一口都帶來不同的口感和味道。薄撐感觉食落口有啲香草，同埋有啲素嘅虾仁切碎，有少少红萝卜丝碎。最後，炸饅頭是我們的甜品選擇，外酥內軟，香甜可口。

今天下午，到位於北角三德素食館吃午餐。點了「崧子五柳素黄鱼」，看得出师傅用好多心机去整，里边用啲粉丝，木耳丝，红萝卜丝，腐皮，然後去炸，配合甜甜酸酸酱，五柳松子，菜式相当吸引。

今晚和友人想吃素食，選了這間口碑不錯的素食館，很快便安排窗口位坐下😁，可選套餐或散叫，我們便散叫兩款小菜😋💥姬松茸酱毛豆豆腐猴皇菇煲 👉👉姬松茸和猴皇菇經過油泡，故有口感，豆腐軟滑，加上欖菜添口味，毛豆有咬口✌️💥松子香芒露筍鮮冬菇素鮑角👉👉香芒鮮甜，素鮑角彈牙，出奇地好吃，其他配料都很新鮮，色澤吸引，令人食欲倍增😄

The food is always exceptional. Very delicious vegetarian food. Local themed. Local buddhas, vegetarian lovers all come here for lunch and dinners.Love the food, the service is good.Happy to live around here and have this restaurant around. My favorite dishes: steam buns / friend buns with condense milk.Everything with Eggplants there.Taro and pumpkin with coconut soup.

今日坐巴士經過三德素食，農曆新年食太多，太滯，突然間好想食素，好在兩仔爺肯陪我 上到去好快就有位，雖然唔係話好多人等位，但係都keep住有人走，有人上黎。我哋唔想諗，揀咗個二人餐，有一湯加兩餸我哋叫咗紅燒素翅可能尋晚食咗一X麵嘅素翅，得個死咸，所以覺得呢個清清地幾好紅燒海蔘豆腐正常發揮錦鹵雲吞，呢個個汁酸甜適中，好味唔錯，會回頭

服務好差 我今日訂咗十二點九 有枱 專登留咗張五人枱都唔畀我 話人哋訂咗六位個人都未到都冇人排隊 服務非常之差 淨係留畀啲熟客 歧視呀 我都成日嚟我都有訂位 我哋仲有個老人家喺度 都唔尊重啲老人家

作為一個多年的初一十五素食者，深明在香港找到好吃的素食餐廳真的不容易，但三德絕對是一個例外！這家餐廳的環境給人一種舊式老茶樓的懷舊感覺，但最大的優點是不用等位！對於常常外食的人來說，這真是一大福音！😄至於食物嘛，他們的點心和小菜真的不錯！我特別推薦糯米包、松草桂花素翅和福建炒飯！每一道菜都有獨特的味道，而且他們的菜式偏淡口味，少鹽不鹹，非常適合喜歡清淡口味的人！🥢另外，他們的上菜速度也非常快，心急人都唔會失望，不用等太久，就能享受到美味的素食！🚀如果你是素食者或者喜歡吃素食的人，三德素食館絕對是一個不容錯過的好地方！快去試試看吧！

今晚一家人去食晚飯，點知完全冇冷氣，全場人怨聲不絕，不過負責人和侍應冷理，只知加枱和叫其他客人繼續等枱，攪到人山人海，「熱血沸騰」，個個都拿着歺牌來潑涼。食物更不知所謂，你以為素菜會清淡一點，錯了，每牒都油浸浸，唉！香港D食市就給這些害群之馬累死。

相約一班舊同事到北角既三德素食相聚一返！原來咁岩當日係十五，所以特別多人，就算訂左位都要等！五柳仙斑 （忘記價錢）其實就係芋頭魚，同事點名一定要食，所以必叫，但芋頭好實淨，太多芋頭，好快就好飽，而且佢只有炸，沒有先煎後炸，所以油味比較重 西湖鮮准山玉崧湯 （忘記價錢）呢個比較有驚喜！莞茜將成個湯的口感層次提高左，湯的玉崧用了面筋碎去製作，口感同真肉碎有啲似，每人起碼飲了2碗，值得推介素漁香茄子玉崧炇鴛鴦米 $78好油的米粉！而且油本身唔香，一啖米粉三啖油感，成個米粉都處於好廉價的狀態，因此食淨得最多！蜜豉汁脆香蓮藕餅 $78都係油炸出事，油本身唔靚，應該翻用好多次，有一浸油益味，蜜豉汁甜甜地，但杰身到好似啫喱咁，多一款令人唔開胃的菜色

初一十五同老人家食飯，齋菜係一個唔錯嘅選擇，平時一般嘅齋舖，餸菜都係多油多鹽，但呢間就恰到好處，值得推介，試咗幾個餸都色香味俱全，比較推介佢個芋頭魚，齋生炒骨，味道非常好！豆腐煲配以新鮮蔬菜和香料。豆腐口感細軟，與蔬菜的脆爽形成了完美對比。香料運用恰到好處，增添了菜餚的豐富層次感。整體味道清淡但不乏風味，令人感受到食材的原汁原味。菜色搭配都十分吸引人，色彩鮮豔，令人食指大動。此道齋菜不僅味道可口，而且營養豐富，符合健康飲食理念。