三德素食館 (僑冠大廈)

营业中

休息中

很少有素食館做點心, 它不僅有點心吃, 還像真度極高!!特別推介叉燒餐包, 它熱騰騰, 包身軟, 好好味道!!但係, 真係要快, 因只出數碟, 我食完想叫多碟就冇.... 唯有食叉燒包...不過而家都仲有想食叉燒餐包!!腸粉都唔錯, 不過蒸好過炒腸粉, 炒腸粉好似炒河粉...可能我自己唔係好鍾意食鍋氣啦...仲有個鮑魚雞絲粥, D雞絲有咬口, 不過老公就鍾意艇仔粥多D...總括來說, 不錯, 唔係好似食素, 味道及服務都沒有一般素食館古老

30 April 2007 (Mon) - 午飯唉，腸胃病，乜都唔食得，買咗粟米粥，貪佢唔駛咁寡，食白粥勁無味，終於捱足兩餐粟米粥，好在聞落又香，食落都好胃口啲！！病魔快啲遠離我啦！

上個禮拜同朋友來,地方幾大,不過土氣的環境覺得有d out.叫套餐食,個准山湯一pat..好似槳糊味＋分難吃,方面也是獻太多令我們沒有胃口.都是一般舊菜式.

以素食來說,味道頗濃及油膩.如果想吃一些清淡的素食,這裡不會是首選.

母親大人去三德品茗,知道我未試過這裡的下午茶點心,所以把每款點心留一件給我!即使回家後,翻蒸都很好食!尤其餃子類的食品,餃子餡不會一pat pat漿,有雲耳,蔬菜類,很爽口,魚翅餃內更有一條條的的魚翅。左起:小籠包、菜肉餃、魚翅餃、蝦餃

　　是日陪母親大人去街街，所以一日兩餐都去“齋鋪”。　　這間環境不錯，侍應姐姐很有禮。　　點了３個菜：齋鹵味、蜜汁脆鱔、梅腩河。　　齋鹵味的水準佳；蜜汁脆鱔就失色啦，脆鱔卻不脆，諗的；最好都是梅腩河，夠入味，又不太多油,不太肥膩。

其實自己唔多鍾意食齋,不過同事想食就黎左呢間啦3個人叫左個唔知咩炒飯, 蝦餃同沙律卷自己唔多食齋,所以都無咩期望,又唔知點先叫好食點心...味道普通, 個炒飯d味好似怪怪地,可能齋係咁既味gwa......$33唔多抵,又唔係特別好食,唯一好處係坐得耐lor, 所以同事唔suggest我都唔會再黎啦

買左15蚊齋，d 齌你係唔同出面，幾好！樣樣款都好好。d 咖哩齋有好香椰香，正！

昨晚放工去左買外賣, 7點幾去到都有幾個人買緊, 要左一個細齌$15, 可能係我食慣濃味既野, 所以我會覺得味道淡左少少, 不過另方面我會喜歡佢既齌夠淋, 盒底亦唔多油, $15 份量都算多, 唔錯!

今日特登搭巴士去食下午茶.特價...but..太早,問樓下d 阿姐依家入去有冇特價.they say有.咁我就入去...誰不知...問侍應..佢又話:"入座時間開始計..下次啦.".....無奈so我order左三碟點心and一個仔菜.d點心....難食...仔菜...ok...but..not good..冇樓下d小點心好食......都係功德林d 野好食d......可能我自己一個人飲茶奇怪d..又似太細個..so d 人好奇怪..

飲食男女講到好似好好食咁~~等左好耐終於有機會經過~~於是當然一定要買黎試下........但其實驚喜又唔係真係咁大.........同平日o個d差唔多.........至於話冇咁多油........我覺得其實同其他差唔多~~不過有一樣唔同o既係佢d齌真係冇咁硬~~唔會好似食石頭咁......我最鍾意係個酸齌~~好開胃~~$15真係幾大盒~~一盒有5 款~~不過我覺得佢好似因為我係學生所以俾少左d我~~我見到人地o個d比我o既仲多架.......整體黎講係叫抵食~~但就唔係特別好食囉~~

細齋、糯米雞及素菜飽，合共$22，果然美味，而且味道與平日的有別，絕對值得一試!

今期飲食男女介紹出色小食, 而呢間齋鋪既外賣係其一, 經過附近就專登去幫襯, 要了一盒細齋($15), 味道無想像中咁入味, 但佢既齋都幾軟, 唔會像另外既齋鋪咁硬實實, 同埋唔油, 另外再買左一個糯米雞, 雖然凍左, 但依然好好味

自己本來在北角區上班，公司有些同事和我一樣都是素食者，都會在2:30後才入座，大、中、小點一律8元。假日都會帶埋阿媽去，佢老人家最鐘意食蝦餃，皮做得不錯，夠韌。我就最鐘意食蘿白絲酥餅，口感鬆化，味道很甜，沒有別家做得比它好。素菜飽也是必點的，裡面有冬菇粒、小棠菜、雪菜，好味。很懷念以前供應過的生煎飽。不過有兩種點心千萬不要點：叉燒餐包及腸粉系列。何解？唔好食囉！餐包有棷漿味，腸粉的粉味怪怪。此外，在下午茶時段有特價炒粉麵，一律＄25。不過，不知是不是太受歡迎的關係，分量沒從前的多。個人偏好：腐球湯伊麵、薑粒菇粒炒粄。

記起從前上班時在附近有一間素食店，地舖是外賣部，所以專程到來買些齋點。時為晚上差不多七時，點心做特價，$5有3件，要了二件日式草餅、二件腐皮卷、一件素燒賣和一粒擂沙湯丸。日式草餅是白芝麻餡，不太甜，還有微微的花生香，餅皮煙煙韌韌的，很好；腐皮卷和燒賣不過不失，可能放得太久，至於擂沙湯丸就不太好，餡太少，皮過厚而且粉皮好像還未熟透。外賣期間見到都有不少人到樓上食齋菜，唔知係咪好好味呢，等我搵日都去試先。