三希樓 (利舞臺廣場)

营业中

休息中

同事話係公司附近既波斯富街，有間中菜叫<三希樓>川菜🇨🇳好好味，所以我地放工後一齊去食🙌🏻 好彩今日早左少少收工，六點三後開始好多人係門口排隊🔥大大份三希樓水煮魚：作為辣妹既我地，除左衣著辣辣，食得仲好火辣辣🔥如果大家喜歡辣肯定好喜歡呢個水煮魚🐟 材料好豐富，好多魚肉同辣椒🌶️。 好誇張！大份到四個人食都食唔哂🙀🙀🙀一大隻三希樓吊燒雞：吊燒雞燒得熱度好平均，成隻都燒得好均勻又脆皮👐🏻雞肉好幼嫩又多汁💦雞肉同雞皮之間既雞油，令到吊燒雞更好味😽😽大碗四川擔擔麵：麵質爽口，食到我同同事「索索」聲麻醬加辣醬既味道真好味。大碗又好味😈總括嚟講每款食物都大碗又大牒🍜，價格相宜，非常適合同一大班朋友嚟gathering 😎

今年Daddy生日，我哋特登book咗佢最鍾意食嘅三希樓同佢慶祝。之前我哋都係要去半山先食到，而家喺銅鑼灣開咗。就唔使再去到咁遠😍😍非常之好！🐔三希樓吊燒雞 $428 🐔Daddy話生日唔可以冇雞🤣呢度嘅吊燒雞勁好食。雞皮同脂肪都燒到脆卜卜，但雞肉就好嫩滑，咬開仲有好多雞汁流緊出嚟。而且🐔雞肉醃到好入味，但唔會太鹹。非常好食。🫑泡椒石鍋田雞 $268🐔賣相好吸引，石鍋入邊有勁多田雞。每一件都勁飽滿。肉質仲好彈牙，一啲都唔鞋口。加埋🫑泡椒一齊煮，令到田雞嘅味道更加鮮甜。Daddy勁鍾意😍🫑青椒青香魚 ( 大 ) $488🐟呢個菜名真係冇得彈。聞到已經流晒口水。成個窩都有好香嘅青椒味。🐟魚肉索哂青椒嘅精華，令到魚嘅味道更加鮮甜。🍜麵條爽口彈牙。加埋湯汁一齊食。滋味非常！呢餐真係大滿足！Daddy 食得勁開心！話希望下年生日再嚟多次😍

人越大越少去茶樓飲茶，適逢同今日晏就有少少時間，就決定去飲返個午茶，飲杯茶食件點心🌱鮑汁荷葉飯 $228糯米粒粒分明，每粒米都俾鮑汁包圍住，味道濃郁💥荷葉飯仲有臘腸、蝦米、冬菇等等材料，所以好香好惹味👃🏼份量好多，堂食完仲可以外賣一大半返屋企再食🌕麻蓉煎堆 $38小巧玲瓏嘅煎堆係細個飲茶一定要食嘅點心😚外脆入面軟糯，個人認為好食過細個食過嘅煎堆☀️燒賣果然係茶樓嘅燒賣最正💋豬肉肥瘦適中，調味唔會過鹹，絕對係今日嘅MVP🏆⚡️極品流沙包 $42叫得流沙包，奶黃餡一定要湧出嚟先合格😌依個流沙包一撕開，奶黃餡就好似泥石流咁流出，好正，無負極品流沙包依個名😍

懶洋洋的中午唔想煮野食，👨‍👩‍👦‍👦就同屋企人去三希樓醫肚。🍲泡椒石鍋田雞 $268石鍋田雞份量好多，味道夠辣而且用石鍋煮可以保持熱度，田雞肉質爽口嫰滑，而且好入味每一件都食到泡椒香味。🥒蒜泥拍黃瓜 $58面頭的蒜泥超加分，中間有一塊薄薄的白肉包裹著黃瓜片，味道唔膩又有清新的感覺，口感好豐富。🌻春風香脆百花腸粉 $58外貌似炸兩，但入面包著的唔係油炸鬼而係蝦肉春卷，好有創意。滑嘟嘟的腸粉同脆卜卜的蝦肉春卷簡直係完美拍檔。🍞極品流沙包 $42咬開流沙包既時間仲出緊煙，餡料慢慢地由包入面流出來，餡料質感有點濃稠，味道微甜.

由於媽媽跟好友來過幾次，所以今次由佢發板帶我嚟見識吓🙈佢對這裏的菜式瞭如指掌，這次由她點菜🥴第一道大大碗得令心驚訝😲金湯肥牛肉肉質帶甜香，惹味到一個點，牛肉嫩得來有咬口，牛肉新鮮，肉味香濃，金湯調校得很香濃🍲媽媽話三希樓出名嘅有麻辣口水雞🐔雖然細細份， 但麻辣鮮香爽嫩于一身，甜中帶辣，辣中帶香，香中帶麻，雞肉入口細嫩幼滑，人人食完口水直流🤤另外要讚下侍應服務態度好，食物水準不錯！整體來說，這裡環境舒適、食物咸淡適宜🫶🏻絕對岩一家大細，滿足他們的口味🫦

朋友一直推介我試下呢間三希樓，今次系銅鑼灣附近辦事，lunch既飲茶時段可以順便試下。我地叫左呢幾個送，包括：瑤柱XO醬炒腸粉 $48，腸粉有好多，爽滑清甜，XO醬保留瑤柱有的鮮美甘甜之余增加鹹香味，保證一試難以忘懷！夫妻肺片 $118麻辣香料結合爽脆的肺片🐷，濃鬱辣香，大滿足。 鮑汁荷葉飯 $228飯粒充滿荷葉的清香，🍚有少少鮑汁，將美味提升。 木桶即撞豆腐花 $78沒有半點渣，豆味淡淡地好滑好香，甜甜地幾開胃。🥂今次揀咗呢間餐廳果然沒令我失望👍下次黎試埋晚餐先❤🍴

呢日同屋企人嚟慶生6個人叫咗5個餸第一味花雕酒蝦兵蟹將真係要比讚👍👍👍個汁好香酒味又吸收唒d蝦同蟹仲有蜆嘅精華食完仲有陳村粉先正 同個汁絕配😻😻燒味拼盤嘅燒腩仔都好正 個皮好脆好脆叉燒就不過不失個酸菜魚望落唔辣但食落都幾辣炸蠔都好脆好香口整體係值得再食👍👍

食過好幾次，因為太好味，所以join左會員，以後黎免三支開瓶費同埋每次都有九折😆環境非常好，係銅鑼灣利舞台17樓，每次必叫嘅酸菜魚，好白好濃嘅湯底加埋酸菜同鮮嫩嘅魚片，真係好正！啲湯都可以飲，唔會太鹹😊照片脆片雞皮脆肉嫩，咬落去仲有汁爆出黎。真心好玩！螞蟻上樹就一般般，比較乾。排骨蒸陳村粉好好味，係荷葉包住蒸嘅，所以啲陳村粉都有荷葉嘅香味。有一次試過水煮魚，都好好味，但係太辣。下次可以叫小辣😊

三希樓麻辣同火煱出色，好多人都知，而嚟嘅人多數為麻辣嚟，成腦麻辣未必太多人留意倒唔辣菜式點心炒粉麵燒味原來都好味，價錢喺旺區亦好合理，個人覺得必食包括燒鵝，叉燒，燻蹄，蒜泥白肉，擔擔麵，韮菜水餃，燒賣，鮮竹卷，雪山叉燒包，菜遠牛河兜亂，椰汁紅豆糕，其實樣樣都唔錯，冇伏，穩陣之選，絕對值得一試。

我的生日在１月初，2021和2022的生日，都是疫情嚴峻的時候，老同學約食飯，也得延後半年，所謂有心唔怕遲。老同學知道我愛吃辣，2021年中就想帶我吃三希樓，可惜當時銅鑼灣店和半山店都結業了，吃不到。今年再約食飯，她說三希樓在利舞臺重開了，終於可以吃到，開心！我們點了以下的：#壽眉：和家人一定喝普洱茶，和朋友可以試試其他茶，壽眉解油膩，挺好的。#乾鍋牛柳粒：微辣(餐牌標示１隻辣椒)，牛柳切厚粒，肉質嫩，入口juicy，好味！#螞蟻上樹：同學的最愛，她自己可以吃１盤，要趁熱吃，放涼的話，味道會大打折扣。#紅油水餃：個大，白菜豬肉餡飽滿，好味！#鯪魚球生菜煲：鯪魚球彈牙有勁度，配生菜、豆腐，清淡、健康之選。滿足的一餐！

屋企人想食辣嘢，所以去咗三希樓，果然冇令人失望，最正係口水雞，個辣汁真係令人停不到口的。但酸菜魚令人有點失望，唔夠酸唔夠辣之外，入面沒有薯粉，令人覺得有點不滿足。另外點了酸辣粉，同埋辣味撈麵，都好好味！

係時代廣場果時成日幫襯 仲入左會疫情期間買外賣見去執左 仲好可惜睇到佢重開 好開心但真係未唸到質素差成梗order左火鍋 果湯底已經唔似之前梗入味（但個人口味唔同 算了）最主要order左一盤野 未食完問都唔問就收走左後尾 唔該左好耐先有staff過來（期間係度玩手機 吧台分梗西瓜..）問佢點該收左先係話食曬啦冇㗎啦 （期間同另一個同事推諉 同事話冇就走左）全程玩梗手機…忍唔住 同佢講唔該你答梗人地問題時 唔好玩手機梗樣好唔尊重果客呢啲質素唔知大家係咩接受到Just for your reference.

「三希樓」 位於銅鑼灣利舞臺廣場，是一間薈合 川菜、廣東菜及點心的中菜館。 餐館採用落地玻璃， 非常開揚， 可以飽覽銅鑼灣一帶的景色📸，配合現代化中式的設計及風景畫， 十分雅緻。 至於食物方面， 餐廳採用優質及無添加的食材， 味道及質素不俗。 至於服務方面， 服務員都是有效率和有禮的， 是一次滿意的用餐體驗😁。 推介菜式：🐟酸菜魚$398： 桂花魚新鮮嫩滑， 份量夠， 湯底冇落味精， 酸辣的調味調教得適中， 突顯魚肉的鮮味。 🐷招牌咕嚕肉$228： 咕嚕肉炸得外脆內軟， 完全冇筋， 調味鮮甜。 除了紅椒丶青椒及菠蘿的配料外， 廚師加入了聖女果（曬乾的車厘茄）及葡萄乾， 使整道菜口感更豐富， 食落更有層次， 是一個特別而美味的配搭。 🐖香酒豬潤燒賣$52： 豬膶大塊鮮嫩，好香， 完全冇腥味， 燒賣彈牙， 是一個美麗而懷舊的配搭。 🥄即撞豆腐花$78： 即叫即做， 豆腐花超滑， 充滿豆香， 一桶足夠六至八個人做飯後甜品。

食辣唔食辣都推介嘅中餐館首先嚟幾個前菜，燻魚豆干，燻魚夠傳統，豆干口感不錯。雞軟骨送酒一流，食完唔夠皮再嚟多個。蒜泥白肉，蒜茸超香又辣辣哋，開胃惹味。主菜嚟嘞，首先嚟個鹽水大蜆，完全無沙，蜆肉新鮮又鮮味，湯底粉絲味道好夾好正。焗胡椒海蝦，蝦新鮮又脆到殻都幾乎食得，胡椒味夠又香，同新加坡式胡椒蝦對比又另一個風味四川香辣大肉蟹，蟹都非常新鮮，炒得入味又夠辣，值得試吓。嗜辣嘅最期待主角出場，水煮魚，夠辣、夠麻、夠刺激，職員細心地幫手先分開辣椒，魚肉好滑又爽口，墊底仲有鴨血、青瓜、芽菜等等，食川菜或嗜辣一定要食呢個，好讚。招牌咕嚕肉又係必食，煮得比一般酒樓入味，酸同甜比例好好，加埋子薑去炒，色香味俱全。五指毛桃燉雞湯，足料、香、濃，解辣不錯。酥炸生蠔，外皮酥脆有蠔味。霸王辣子雞，又係送酒必備，值得讚吓個腰果，好香甜又脆。最後一定要甜品，呢度個豆腐花檯檯都叫，香、滑、豆味濃，好讚。一間質素高嘅中川餐館，職員服務個個都好好，值得大家一試。

疫情之下，如此高水準的食物與服務，覺得值得寫一篇。太好食，食了大半，才想起要影相，大家見諒啊！ 1- 麻辣燙魚蛋和牛丸 ，夠彈牙， 夠辣，出面5度，辣到我 感覺25度🤣 好正！ 2- 流沙包 一定要提， 金黃色的流沙 視覺 味覺的雙重享受3- 辣味小籠包，好辣 好正 很滿意， 期待再返來食—- 片皮鴨😋😋