三小漁

营业中

休息中

咕嚕肉好好食，同好大碟，菠蘿同青椒都好好食，試下脆皮雞，竟然都有驚喜！黑豆腐也可試試！帶子也好食，佢地海鮮也做得很好，不過有d要預訂！酸菜魚也好味，但唔夠熱，如連爐上會更好！炒米粉就唔好叫，食咁多次，所有餸菜都好好食，唯獨係呢碟炒米粉最唔合我口味！最後就係價錢啦~本人覺得食物質數相當好，價錢比對中餐已算平！值得試下！呢個市道有咁好質量嘅餐廳好少，以前舊舖好細，而家搬咗大咗好多，坐都舒服d，但價錢同食物質數無變，抵讚！

去完觀塘APM睇早場，由扶手電梯落，見到附近有好多唔同種類嘅餐廳，最終揀咗呢間中菜館，電訊廣場呢個位置開呢間餐廳，非常方便又近地鐵站門口望入去都見到餐廳相當雅致剛猛職員好快就出來招呼我哋，服務非常良好見到地方非常闊落午餐每個歺一個飲料，可以自己喺雪櫃取任何嘅飲品鹹酸菜胡椒豬肚湯飯，熱辣辣入邊有西芹同腐皮作為配菜,胡椒味不是太重但聞落味道非常香豬肚洗得好乾淨夠晒爽口好明顯係用新鮮嘅食材分量非常充足食完夠晒飽辣辣地好惹味酸辣肥牛湯米線，有分好多辣度我本身係一個好怕辣嘅人叫咗BB辣所以都接受到酸酸的入面放有蔥花同金菇少量嘅芽菜作為配菜肥牛份量都充足又唔係太肥啱晒我口味

觀塘越黎越多好餐廳真系想續間試都有排試食咗兩次第一次已經覺得相當不錯👍🏼上枱快出品都有水準，價錢合理。黑磚豆腐必食之選上枱係好香，因為面頭D炸蒜好惹味，個皮好脆又咸咸香香，真係好食，簡簡單單一舊豆腐做得好味都唔係簡單架😂金銀蛋浸時菜個湯好明顯勁濃，皮蛋咸蛋都一D都唔小，啖啖都有脆皮炸子雞（半隻）好多炸蒜伴碟，個皮都好香脆，雞肉嫩滑，好耐無食覺得好沸騰魚熱辣辣滾油上，食個時要小心蠔餅就相對無甘好，好鬆脆但滿口油雜菜豬油渣粉絲煲同幻想中有出入，以為係雜菜煲個Frd會以菜為主，點知菜小得很，完全係炒粉絲 乾咗D話梅骨，酸酸甜甜肉質爽口海鮮炒米粉，好多海鮮料！尼個炒得好有獲氣味道有小小辣，米粉好乾身，好好食最後黎個考刀功甜品：菊花桃膠豆腐花，無得頂 滿足嘅一餐🤰🏻餐廳安排入座就差咗D，已留枱嘅客當時未有枱空出，有部份客人自己走入餐廳游走，而員工未有主動叫客於門外等候入座，只是解釋準備中，而未有枱的客人有點滋擾食客

成班同事一行8人，係呢個疫情之下，我地要分開兩張枱先有飯食。幸好…呢間餐廳有1間房係有兩張四人枱，我地8個人可以佔據一間房食飯喎！Yeah~我地8個人都係第1次試呢間川菜咋！有好多款都好想試下，我地每人都點左1款餐，8個人就有8款餐啦，但我地點左9款餐囉！無所謂啦…都係想大家開心share食啫！我地點左以下呢幾款餐：A2. 椒鹽豬扒 <<< 😘 勁好味 A7. 口水雞 <<< 🤗 很好味A11.酸辣湯煮魚 <<< 😋 好好味A12.菠蘿咕嚕魚柳 <<< 😍 超好味A13. 蠔仔肉碎浸津白 <<< 😊 幾好味A14. 流心蛋私房擔擔麵 <<< 😄 普通好味A15. 酸菜魚米線 <<< 😁 一般好味A16. 鹹酸菜胡椒豬肚湯飯 <<< 😁 一般好味A19. 魚香茄子炆伊麵 <<< 😄 普通好味總結，大家嘅評價都係……下次要再encore呢間嘅！Good~Good~Good~

平時食西餐多，今日媽咪帶我去間中菜館，有唔少自家菜式，特色得來又唔貴， 食物都係大大份，性價比好高。媽咪最鍾意嘆茶，先來個桂花烏龍，聞落味道幾清香，飲落喉嚨又舒服！每人叫左半隻煙燻溏心蛋，溏心效果做得剛好，加上面頭少少黑松露醬吊起味道，少有去中菜館食到嘅配搭。自家製南瓜汁豆腐煲- 呢個菜式我同媽咪都好鍾意，南瓜汁底又濃又滑，一啲都唔膩，又唔會太杰，食落味道仲好清，加埋切碎左嘅菠菜，真係又健康又有營養，不過份量真係太多，我哋兩個食咗半煲已經食唔晒😛！我最鍾意食酸甜嘢，所以咕嚕肉都係必點，但係冇諗過原來係咁大碟㗎，咕嚕肉咬開軟滑無渣，重點係佢啲菠蘿係新鮮菠蘿嚟㗎，一入口嘅鮮甜味同平時食到嘅確係唔同！呢間中菜館難得嘅係傳統得來又創新，有傳統砵仔裝嘅白飯，但又會有fusion加上黑松露嘅溏心蛋，重要係好味道又冇味精，下次要一家人嚟食試多幾個菜！

搵好野食當然要捐窿捐罅, 今次捐到東廣埸對面電訊一代廣場嘅三小漁。店名俾人感覺係川菜餐廳, 事實餐廳除有川式及粵式菜之外, 亦有不少特別菜式~實說, 店舖位置較入好不起眼, 我7點入座舖面仍未有客, 心諗不會是伏嗎?四周張望發現有包箱客嘅同時其他食客都陸續入座, 隨即安心!剛周圍望嘅同時留意到牆上海鮮餐牌, 大部分都列明價錢甚至兩數, 明碼實價, 比起唔清唔楚嘅'時價'老實得多。老闆娘先遞上飲料餐牌問我飲什麼, 桂花烏龍? 瑰荔堂煌? 一般慣飲鐵觀音, 普洱, 這裡的茶都太特別了吧! 就桂花烏龍啦!桂花烏龍的桂花味非常搶, 令烏龍茶味較淡然, 每啖茶都有嗅覺及味覺嘅享受, 好舒服。一般用餐前都會用茶水'浪浪'一洗碗筷, 但老闆娘表示碗筷已經高溫消毒可放心使用, 的確我見到店員用夾夾起熱辣辣嘅碗筷。食物方面個人特別喜歡黑磚豆腐同新出嘅金菇蕃茄牛尾鍋炭黑色嘅豆腐面再灑上金黃色嘅炸蒜, 賣相已經好高貴又精美一口咬開鬆化嘅外層, 同內裏嫩滑嘅豆腐, 兩者互相輝映口感豐富金菇蕃茄牛尾鍋係主廚新出品, 濃郁嘅茄湯底同新鮮蔬菜嘅配合得無可挑剔牛尾已經預先煮好再翻熱, 隨時是可以食, 牛尾做得好腍都好

今日去咗依間食飯，叫咗幾樣餸，分別係魚羹、咸蛋炸魷魚鬚、小炒王、流心蛋牛腩、話梅骨同埋菠蘿芥末蝦球，老闆娘好客氣咁送咗山楂紅棗水。依間嘢食唔會好油同好咸，味道好過我食開個間酒樓，食得出佢哋有心思，有誠意嘅。如果要飲湯就要預早訂，我哋即興就黎食飯就冇訂到。佢哋等疫情過咗，就會開返酒吧檯，依家只有一支支酒賣。疫情過咗就可以係吧檯一邊飲酒，一邊食小菜。環境闊落，係一間商場嘅一樓，坐得好舒服。我哋四個都係重量級嘅，都坐得舒服。老闆娘又好好招呼，整體來講依間可以再黎幫襯啊！

今日加咗一陣班，放工已經見有啲肚餓，同事介紹早排去咗電訊廣場一間小菜館食飯，有特色又好味，要帶我去見識下。同事勁推介黑磚豆腐，話上次食過之後一試難忘。黑磚豆腐外層結實，用筷子夾都唔會輕易散開，咬開原來極脆皮，內裏係白雪雪滑嘟嘟嘅豆腐，拌上少少炸蒜，非常惹未。另外點左個蠔仔肉碎浸時蔬，蠔仔肥嘟嘟，咬開滿口蠔汁嘅鮮甜味，小棠菜煮得翠綠又大棵，碟上嘅湯汁忍唔住飲完一啖啖又一啖！見到隔離枱有碟好大嘅咕嚕肉，忍唔住又叫黎試吓，碟底鋪滿冰粒，剛煮好嘅咕嚕肉外邊又凍又脆，裏邊就又熱又嫩，十分好食。睇嚟呢間都可以成為我哋嘅OT飯堂。

平日都有過嚟lunch，今晚OT完就直接過嚟食埋晚飯先返屋企。Lunch鐘意過嚟食，因為餐廳座位寬闊，坐得舒適，食得招積！入座就叫壺桂花秋龍，壺茶用左個好別緻既茶壺裝住。桂花香味撲鼻，烏龍又可以去油解膩。蓮藕蜜椒骨$108餐廳出名新派粵菜，呢款菜亦代表之一，蓮藕&排骨都經開炸，夠脆口，排骨炸到連骨都脆脆地😀 我都係第一次食呢種煮法gei蓮藕片，幾特別。配埋芝麻蜜糖，味道唔濃烈，但又好好味。金銀蛋浸時蔬$88有時食，咸到飲水都減唔到鹹味，今次食金銀蛋，完全冇呢個問題，咸蛋完全唔會令到整碟菜咸到傻，仲有肉碎，好豐富。

今日去朋友屋企度整蛋糕, 送畀我朋友, 做生日禮物, 整完之後我就請佢去附近嘅中式餐廳度食飯, 佢話呢間餐廳專做特色嘅中菜 , 餐廳介紹下, 叫左個黃金蕎麥茶,  呢個茶非常之香, 黃金色嘅茶, 入喉伴有濃郁的麥香味, 飲落去aftertaste非常之強, 之後呢個薑蔥霸王雞, 半隻嘅份量, 已經非常之多 , 賣相不錯, 雞肉質非常鮮嫩滑, 放滿咗薑, 蔥, 同埋豉椒, 令到個味道得以加強, 配合埋個鼓油, 真係好正, 個汁真係餸飯一流呀!之後食個鮮菠蘿芥末蝦球, 華麗嘅外型, 估唔到喺中式餐廳都有, 如西式嘅賣相 脆卜卜嘅外皮, 估唔到蝦球嘅肉質q彈 , 用左芥末, 味道突出, 香味令人 食指大動 , 最底底就有鮮菠蘿, 配搭住多食完油炸嘢之後, 再食一個菠蘿, 感覺好refresh

Openrice見菜式幾特別，特意帶媽子前黎，孝敬老人家。餐廳多樣化，有小食，主食有雞，牛肉，多款海鮮類，仲有甜品，價位算中等。蒜泥白肉一款幾新穎白肉，老闆娘捧菜黎時候，提醒連同青瓜一齊食更惹味。青瓜的確爽脆新鮮，再捲埋白肉一齊，配埋自家製的蒜泥汁，食上來香口清新。蒜泥汁有d花生醬味道，其他都食唔出，，但味道真係好正，自家知製果然係唔同d!沸騰魚上菜當下，滾油滾到好似細個睇吳鋼師傅大石碎心口前落滾油feel，視覺效果已經夠震撼。魚肉白滑，分量又夠多，食極食唔完咁。面頭浸有滿滿辣椒乾&花椒，麻辣兼備，但食落口，又唔會勁辣，正！媽子食完好滿意，仲話下次約埋班fd去😆😆

媽咪話食過呢間餐館好食，於是今晚同佢黎食個晚飯。入門口位置要先用手探體溫計。聽媽咪話呢度蒜泥白肉唔錯，果然幾好味，服務員提醒，用白肉捲住青瓜更好味。青瓜同白肉嘅反差，一濃一清新，果然唔錯。肉質嫩口，薑蔥味十足嘅生煎薑蔥雞，非常惹味，炒雞帶有平時食開雞煲嘅鍋氣，夠哂火喉。咁香濃惹味嘅味道，服務員強調無加味精，全憑師傅炒功同自家醬汁。少有餐館用呢種較大隻肥厚嘅蠔仔做湯，蠔仔肉碎浸時蔬蠔仔肉份量唔少，蔬菜浸住上湯幾好送飯。餐館提供嘅茶類選擇亦較特別，媽咪揀左桂花烏龍，真係清香消滯，令整餐飯加左一點點綴。

行過這裡發現了一間估不到的美食，在這裡附近雖然有好多唔同選擇，但想食到特色口味，這裡一定會有驚喜！因朋友午市時曾到這裡食物質素唔錯，所以提議晚市時間到來，望望餐牌選擇十分之多，店員見到我們選擇時提議了個川味脆牛腩，同埋個青雪菜蠔仔海鮮泡飯，絕對足夠兩人吃飽，而這裡嘅茶亦十分香，陣陣玫瑰花香之餘味道帶點清新荔枝味道，作為今晚嘅開始，感覺唔錯！最先上枱係呢個川味脆牛腩，如果只望餐牌真係只係當普通炸物，但上枱就清楚見到碟上放滿了川味嘅麻辣辣椒伴住脆口內軟嘅牛腩，起初擔心牛腩炸完會乾身，入口時卻發現外面香脆之餘還帶陣陣嘅麻辣味道，加埋入面軟淋嘅肥味牛腩，感覺超正，而且份量十足！真係味道十足口感一流！而另一個青雪菜蠔仔海鮮泡飯上枱時我呆了一呆，先以份量大小亦絕對超值，大大碗內放滿了蠔仔外，還有不同配菜在內，店員將炸得香脆嘅炸米到進湯內浸，湯中亦有吸了湯底嘅白米飯，加埋咸咸地嘅雪菜，一啖暖胃醒神嘅湯底加埋脆米軟飯同埋彈牙嘅蠔仔、煙韌爽口魷魚粒、蝦乾等一齊入口，真係停不了！分量足，兩個人真係差點口不完！最後追加了個日本直送芝士蛋糕一件，芝士味道超級濃郁入口香滑，真係完美嘅選擇！

呢日同同事出黎食lunch，醒起呢到有間中菜都幾好食，介紹左同事一齊試下。午市套餐即叫即整熱辣辣，仲配埋野飲好抵食，lunch時間都好多人黎食。飲品仲有養生茶類可以選擇，食得健康👍🏻叫左兩個餸同同事一齊share食，叫左呢個牛汁麻婆豆腐，上到黎熱辣辣香噴噴，豆腐好滑，而且個牛汁好鮮味，撈飯一流😋椒鹽豬扒佢都係即叫即炸，肉質唔會炸到乾淨淨，而且炸到d蒜頭好香，撈埋落飯到一齊食好香口。lunch時間坐到爆哂場，大家有機會可以黎試下。

以精緻中菜聞名的三小漁，主廚以16年功夫自創fusion中菜，所以功夫絶對穩紮，吃上一頓晚飯，都能吃出高超廚藝的味道。******************************三小漁，就在觀塘區內的一座大廈之內。觀塘區出名美食眾多，三小漁能在觀塘區佔上一席位，絶對不會讓任何食客失望。三小漁以fusion中菜為主，所以地方也很大，座位也不少，還有些房間空間。這夜的美食，都是用上話梅為煮食食材，製成每一道菜其獨特的味道，主廚的功夫確實一點都不少。話梅准山 HKD48，用上話梅加入酒中，把准山煮透，每吃上一口准山，甜中帶點酒香，確實是一道開胃的前菜小食，絶對不能錯過。話梅骨 HKD98，話梅骨，每一件都不少，帶著筋位的排骨，肉質相對較諗。把排骨炸得香脆，加上話梅煮成的汁，最後放上橙皮絲，除了賣相好看，吃上話梅骨，還多了份清香橙味，不能缺少一份白飯，讓人食得飽肚又滿足。自家製養生飲品 - 冬瓜薏米茶 HKD18，喝上一口，非常清甜的冬瓜薏米茶，茶內有不少薏米，冬瓜茶也很潤喉。