三小漁

营业中

休息中

今日加咗一陣班，放工已經見有啲肚餓，同事介紹早排去咗電訊廣場一間小菜館食飯，有特色又好味，要帶我去見識下。同事勁推介黑磚豆腐，話上次食過之後一試難忘。黑磚豆腐外層結實，用筷子夾都唔會輕易散開，咬開原來極脆皮，內裏係白雪雪滑嘟嘟嘅豆腐，拌上少少炸蒜，非常惹未。另外點左個蠔仔肉碎浸時蔬，蠔仔肥嘟嘟，咬開滿口蠔汁嘅鮮甜味，小棠菜煮得翠綠又大棵，碟上嘅湯汁忍唔住飲完一啖啖又一啖！見到隔離枱有碟好大嘅咕嚕肉，忍唔住又叫黎試吓，碟底鋪滿冰粒，剛煮好嘅咕嚕肉外邊又凍又脆，裏邊就又熱又嫩，十分好食。睇嚟呢間都可以成為我哋嘅OT飯堂。