三多

营业中

休息中

大埔朋友話帶我去食地道又馳名既炸雞髀😂 最好係收零晨三點！岩晒收夜既我👏🏻去到既時候晚上十一點幾 有好多人！😳（心諗：真係好出名咁wo) 等左幾個人 之後到我地喇朋友推介我食生炸雞髀 $26 熱烚烚 炸粉薄身 好香脆！雞髀肉質保持嫩滑 好好味呀😍😍 可以自選加辣粉 下次要試下隻油髀😋 雜菜撈公仔麵 $28 份量比想像中大👍🏼 好多菜 好入味😋 沙嗲醬撈丁好正! 值得一試

一直都有聽聞呢到既炸臂好正今次終於都可以試到一黎到就有位見到好多都係食雞臂我地就嗌左炸同鼓油臂各一本人就覺得鼓油既好食d好入味而且d肉唔梅反而炸既就味道唔多出但係個皮都炸得出色的可能係個辣粉唔夠辣

好多朋友推介這間炸雞比，那就同朋友去食吓，叫左炸比有辣有唔辣同鹵水，還有炒腸粉，炸比非常之脆入面還有肉汁，非常好食，炒腸粉好足料，炒得剛剛好，有機會在食下其他小食先

餓貓半夜搵野食，要出動～上次到分店吃到失望的雞脾，耿耿於懷～一直覺得很難受⋯當然要來總店這邊化解心結，雖然總店環境比較差，但味道真的有差別～首先雞脾 光是顏色賣相就很好，而且真的滷得入味，也不會太咸，軟硬適中！正～～ 上圖為是次總店之豉油雞脾～下圖為翠樂街分店之雞脾對比圖～～ 兩者真係有差別⋯其次今次點了麥樂雞、炸薯角，新鮮炸起的食物特別好味！麥樂雞外皮炸得香脆～薯角很厚切～兩樣都可以再Encore～～ 香辣肉碎炒腸粉～好好味！如果食得辣既朋友真係建議正常辣～上次正常覺得有少少太辣，但非常香口～好過癮！今次叫左少辣變成無乜辣味～兩者比較下覺得辣辣地更吸引！ 今次唯一失望既係沙嗲雞扒公仔麵，麵過度淋，雞扒沒有太特別，成個麵特色不足，味道不算太夾～所以算是今晚的敗筆～～ 不過整體上讓餓貓食得又飽又滿足！

我認識《三多》的時候，她只是一間寂寂無名，默默在太和橋邊經營的夜食小店。當時，我只知道這兒有簡單的夜宵小食，簡單的中式糖水，簡單地服務大埔墟同太和邨居民。今時今日，《三多》加上旁邊的《三多多》，已經不同往日了，有 facebook 群組的推介，也有傳媒報導過，晚上的周邊又極方便泊車，現今，已成為了區內區外人，專程前來食宵夜的勝地。是日的我，由屯門護送了老人家回家，要獨自留在大埔等，夜，冇乜街好行，行了一圈之後，我決定獨個兒來《三多》，食返個簡單宵夜。以前認識的《三多》只有橋頭的一間小舖，後來旁邊的無名早餐店榮休之後，《三多》擴充，租埋個山邊檔仔做《三多多》，總好過擺街等食環捉。當日，風涼水冷的《三多多》早已經坐滿人，我就走入了最原始的《三多》坐低，最原始的《三多》其實就是廚房的重地，供客人坐的地方其實是非常之淺窄，所以，若是多幾個人來，去《三多多》那邊坐會比較舒服。此店的鎮店寶是雞脾，成名後，他們稱他們的廚房重地為雞脾重地，顯得經營《三多》的老闆及工作人員，是十分之風趣的。熱氣，我不想吃炸，所以來一隻油脾算。說真，由細到大，我都係鐘意食豉油皇雞脾多過食炸雞脾的。是日的油脾，其油光的筐度

朝聖之美味宵夜話說好友提過大埔除了陳漢記還有一間腸粉起美味～最愛食魚蛋燒賣腸粉既我當然做了功課來朝聖一下～結果網上沒有講到星期日休息～結果第一次食唔到～第二次再黎～終於等到佢開～店面細細間，食物選擇唔多，原來此腸粉非彼腸粉～三多賣的是炒腸粉～所以經店員推薦下，試了辣炒腸粉～辣汁好惹味，伴上少少豬肉碎，真係好好味！ 豉油雞脾 鹵得好入味，肉質唔會太淋亦唔會太硬！亦係好味之選～ 炸雞脾炸得勁脆皮，熱辣辣！ 唔怪得真係咁多人推薦和排隊啦！題外話，三多原來在大埔翠樂街1號開左分店～裝修同座位都舒服好多～下次再試下！

三多係大埔已有兩間店舖 一間靠近林村河紅橋 另一間位於稻香斜對面兩間鋪面都唔大 並無華麗的裝修 但係店外等候的人群絕對係三多的標誌 深夜經過 仍然會見到人客三五成群的等外賣 皆因佢的馳名炸雞脾都係即叫即炸 有小中大辣任君選擇聽聞辣粉都係自家製的 可以額外再自行添加 份外惹味想食炸脾就要有耐性 人多的關係至少要等10-15分鐘再黎一個close-up 足足有一隻手掌咁大炸脾上碟時會有支竹籤串住 口感似吉列炸雞脾 外層金黃香脆 脆口但唔算過份油膩辣粉係炸脾的靈魂 第一次試建議先叫小辣 再加辣粉雞脾新鮮炸起 一切開不停冒煙 咬落肉質鮮嫩怕生飛滋怕熱氣的同樣推介滷水雞脾滷水汁十分惹味 唔單至雞皮表面運內裡都夠入味另外見到幾乎每檯都有點豉油王肉碎腸粉 只可惜胃口太細下次有機會定必再試

雞脾大隻 即叫即炸 一咬落去 吉列雞皮既爽脆 令人難忘最有驚喜既係雞脾肉既肉汁相當之豐富雞皮既脆 雞肉既嫩 雞油既香 雞汁既濃再配以樽裝大可樂呢個美味宵夜 永世難忘

港式雞髀來說，有分鹵水雞髀，即是像以前我坐鐵路的時候，車上的小販所賣的雞髀，還有生炸雞髀，自從我常去的白宮冰室結業之後，九龍灣的日月星，長期在我心中的NO 1。有人說過，大埔的三多，同樣有出色的炸髀，前文JJ Captain更說是全港三大炸雞髀。我不是他，亦不知道他對炸髀的preference有幾多。數個月前冒名而來，卻吃了一記閉門羹，原來只開晚上。好了，某天下班後，由公司坐E字頭巴士到大埔，當時，我還在赤臘角上班，為了區區一隻炸髀，甘願坐一小時巴士，真的去得很盡。金黃色的炸髀，並非入口酥脆般簡單，而是。。。。好辣呀！那種辣度，差一點就噴火的級別，可能你覺得我說得太誇張，當時我一吃之下，真的被它的辣勁嚇到，實在此料不及，滲透了香辣的嫩滑雞肉，一鼓作氣往肚裡送。很難拿它與KFC的香辣炸雞，甚至是近年大熱的韓式炸雞來相提並論，始終彼此是不同類別，說出來只會比人笑。略略說說吧，只談辣度的話，年前在尖沙咀的李家，吃過辣到標眼水的炸雞，相比之下，三多的炸髀只是輸一個馬頭位。辣到吃不下其他東西，信乎？當務之急，只能來一罐可樂。舒服晒。

老友是大埔的地膽，他向我大力推介這裡的生炸雞肶。我一聽後便馬上唧一聲笑了出來，然後對他說 : "我老早就有聽聞這裡的大名了"....但是小弟只能聞樓梯響但卻從來沒有試過，原因當然乃在於她所在的位置 ---- 儘管由太和站徒步走路過來大約只花約十分鐘左右，但事實上店子所在的地方是不太當眼明顯的。要不是有熟路的老友帶路的話，小弟便一定會迷路....光顧的時候是在平日晚上。說老實堂食的人客是並不多的，但到來買外賣炸肶的人流卻是絡繹不絕。老友說到了週末日的繁忙時份是一定要大排長龍呢....甫一坐下，不用多說每人先來一只炸肶。此時看到除了炸肶之外還有炸雞翼，饞嘴的我又心思思想來一隻....不過始終來之前已先吃過一頓飯了，再來雞翼的話就好像有點太過份啦....通常生炸的雞肶都要等個十至十五分鐘才有得吃，但坐在椅上等不到十分鐘，令人引頸以待的炸肶就登場....雞肶的炸皮是走較厚身的吉列路線。油膩是難免的，但咬下去沒有太重的溢味，這已是可接受了....大口的向肶肉噬下去，喀嚓聲馬上就作響，皮是脆得很；之後感受到的便是那澎湃的肉汁以及嫩滑的雞肉....肉的醃味十分充足。基本上不用再灑鹽已很夠味....咬

身為一個大埔友, 竟然住左咁耐都唔知有間咁出名既炸脾店!!係近來雜誌既「區區有脾脾」先知呢間原來咁出名既然係咁, 加上係炸雞怪既我梗係要去試下啦!!於是呢一晚同埋朋友仔踩踩場先間店係林村河紅橋個邊..個鋪一眼睇哂, 只有2張枱FOR人堂食咁大把所以我地係門都等左一陣先有位附近街坊都好醒目, 多數黎買外賣咁就冇煩惱係等位期間我地不忘睇睇MENU黎得三多, 點可以唔叫招牌既炸脾呢?不過我地3個人叫2隻雞脾又唔多夠再叫左豉油王腸粉, 沙爹牛肉撈麵 + 拼盤打頭陣, 梗係鎮店之寶啦一黎到都不禁嘩~~咁樣佢個樣..似一個吉烈雞脾多過炸脾! HAHAH表皮真係一層脆卜卜既吉烈皮...鋸開左, 雞脾熱辣辣不停冒煙, 肉質都仲好滑冇overcook不過味道黎講就略為淡D..除左層皮之外都冇咩味道第二樣係豉油王腸粉其實..對比起炸脾, 我反而覺得呢個更有代表性真係整得好好味!!腸粉唔會太厚, 食落豉油味亦岩岩好唔會過咸加埋面頭既芽菜, 成個感覺好夾最後係拼盤同麵食到呢度...3個都有D飽飽地..orz個沙爹牛肉撈麵唔錯架其實, 而且非常大碟個炸野拼盤..唔..只可以話大堆頭制作UP得出個D炸野, 春卷呀

大埔處處有美食也不用多解釋了，一站之隔的太和也不逞多讓，是夜慕名而來只為一根生炸雞髀！士多位置也有點僻，但未到已聞到陣陣油炸的邪惡香味．．．一定錯不了，店外只有數張摺檯，近馬路的都被佔了，只能於後巷用餐，環境的確是差了點，不過為了雞脾，還是值得的．．．等了十分鐘左右即叫即炸的雞髀終於送到，哇熱辣辣又大隻! 油香四射的雞髀被麵包糠均勻包裹著，灑上點點辣粉。拿起竹籤已感到非常燙口，輕輕吹了兩口便忍不住一口咬下，黃金脆皮的溫熱油脂與帶有肉汁的雞髀在口中交纏，哇，真的很美妙，麵包糠讓炸髀更為香口。誰能抗拒甘香酥脆又juicy的雞髀? 再呻一大啖冰凍啤酒，人生一樂也!!!如此邪惡還是少食多滋味，一人獨食似乎太膩，兩個人分享真的剛好。停不了的一口接一口，不消一會只剩下一條乾淨的骨頭，和兩個滿足的靈魂。

一直想試大埔墟近太和三多<邪惡炸雞髀>, 但因為夜晚7點先開門, 所以有好多次都食唔到！好開心！終於比我試到傳聞中好味到飛起既炸雞髀啦！由細到大我都鐘意食油脾多過炸脾, 因為無咁熱氣！而且豉油好好味XD 但係食完三多之後, 我開始愛上了炸髀！果晚大概7點幾, 只係等左5分鐘就有檯啦~我地就坐左係排隊隔離好開揚既馬路旁, 有黃色既街燈照住, 好有特色風味情調 XD叫左生炸雞脾 & 油脾各一隻! 等左十分鐘終於有得食啦~嘩！好香呀！嘩！好巨架！嘩！好好味呀！後尾先知原來店舖後面有好多位架！下次可以唔使坐街邊XDP.S. 食雞脾梗係落手落腳食先夠滋味架啦！ 真係一試難忘, 搵日再去食過先！ 

按著單車群組C Hing 們的推介，試吃了鎮店之寶-炸鷄脾，果真名不虛傳。臨街小店，裝修欠奉，但面向著亮起燈的紅橋別是一番風景，有點深宵食堂的感覺。也許是個下雨晚上，客人不多，我卻喜歡這種寧靜。走近食店巳傳來陣陣油炸的味道，知道是找對了地方。鮮炸鶏脾五分鐘就給送上，還是細心地用竹纖整隻穿好方便進食，金黃色的脆漿把鷄脾均勻地包著，看著賣相已叫人涶涎慾滴，鬆化的脆漿下就是肉嫩多汁的鷄脾肉，味道甘香，就欠一瓶啤酒，因為我要做個守法的司機。下次要踏單車來，試試鼓油皇鷄脾是否一樣精彩！

晚上11時, 人未算多, 來到當然要試炸雞脾, 他們的雞脾很油!! 炸粉粒子很厚, 不是我杯茶, 不過新鮮即炸, 咬落去真是幾香, 雞脾肉很嫩滑, 是很EVIL的食物啊~原來有酒賣, 仲有串燒小食, 下次要再試