三多

营业中

休息中

今晚 Baby Vs ZoZo ﹗開始左鏢賽外賣仲未到，大家未有野食，各隊員餓到掟唔到鏢喇 ﹗炸雞髀，皮香肉嫩又 juicy，好滿意。不過炸墨丸、炸牛丸同炸雞翼咸左小小，而且丸類縮晒水。估唔到滷水雞翼係全翼黎喎，炆到勁入味，熱辣辣出晒煙架，非常好食 ﹗炆到雞皮十分膠口，入口黏黏的，好正呢，第一次有咁既口感，而且肉質嫩滑，又濕潤多汁。

朋友仔唔知邊度叫左外賣黎食，三多？記憶中係無線某電視劇出現過喎，係咪賣燒味架？仲記得有劉丹同蔣志光添。未食飯就開始飲啤酒，一定要食野先得，但全部野都好咸啊 ﹗炸牛丸、炸墨魚丸、炸魚蛋，粒粒都好咸喎，而且炸到縮晒水，好采有茄汁頂住啫。炸雞中翼，炸得太耐，有點乾鞋，一樣偏咸。炸紐紋薯條，最好食 ﹗外脆內軟又夠粗壯，點茄汁一齊食，好好味呀 ﹗

陪太太前往大埔，她去上Yoga的一小時，我只能一個人流連在街上，無所事事的。入了電油，泊好車，打發時間的最好方法是什麼，就是找個好地方食碗夜糖水。南盛街大家都聽得多，其實在南盛街是街尾，林村河的河邊，連接著廣福道同錦山路之間，仲有一條叫做北盛街的道路。南盛、北盛，圍繞著當年的舊大埔街市，現今的富善街，北盛尾就是當年的橋頭大排檔。時代變遷得太快，大埔墟的中心鬧市早就退居在運頭街一帶，而北盛街，就變成了通往太和邨的其中一個通道而已。晚上，這一帶總是黑黑暗暗的，人氣不足，就算是有太和邨的人通過此處去太和橋，大都靠著河邊的一方行。對面馬路的小店，在這漆黑的環境中，你門口幾光猛都好，未必會有人特別去留意你。大概有三家小店在這一方，另外兩間像是假期休息了。開門的，只有這一家叫 "三多" 的糖水/串燒店。我就因為車子泊在附近，是日夠就腳，就來了。說隱蔽的確是隱蔽，生意的對像就是太和邨及文武廟一帶的街坊。入秋，清涼的晚上，坐在店門前的路邊，少車空氣好，這就是新界區的獨特風味。坐在這樣的路邊飲食，感覺特別的舒服。若不是同太太一起吃了晚飯，相信我也會來幾個串燒肉，炒個公仔麵，這樣才叫宵夜。不想多吃時，要宵