影片
揾到黎间粥品店，油炸鬼$12，无调味香滑白粥$13除左以上..仲叫左炒米粉$17，虾米肠粉$20价钱都好抵食，米粉用左红萝卜丝同椰菜丝一 齐粉，肠粉边边煎到脆卜卜非常好食😋
继续阅读
晚餐叫了叉烧肠粉，外卖回家后约15分钟才吃，也够热，几滑，几好味，而且是又是另上，几好。皮蛋瘦肉粥，没有太多料，几条肉柳丝，粥底也稍稀及咸。葱花虾米肠粉，本人略嫌太多葱，葱味道盖过肠粉的味道（个人喜好问题）。落单及收银姐姐态度认真麻麻，应该用差来形容。站在收银处前等她处理完手头上工作才落单，她完成后，可以无视客人，走咗去隔了1分钟多再返来落单，全程黑口黑面，而家仲有咁嘅服务态度，比个「like」。
继续阅读
星期六晏昼时间去呢间舖头买咗一碗粥一个牛脷酥同埋。味道冇问题，但系服务态度10分恶劣。我买外卖𠮶阵已经讲咗话要展剪啲牛脷酥同埋煎堆，可能个阿姐听唔到或者唔记得，直接将牛脷酥同埋煎堆摆入胶袋，我就即刻同佢讲话唔该 要剪开。个阿姐同我讲，话：而家咁多人边有时间同你剪呀，我哋堂食都好忙啦，本身啲外卖都唔想接㗎啦。 我冇出声望一望佢，佢话：你要剪嘅话就等一阵啦。等咗唔知几耐之后，个阿姐终于出嚟，继续讲：我哋真系好忙㗎，啲外卖客都唔系个个剪，之后就帮我喺胶袋拎咗两旧嘢出嚟试，是但剪咗一嘢就俾返我。试问有边个可以自己剪到嘅会唔剪？ 堂食嘅就可以剪埋外卖嘅就唔可？ 外卖餐具都系得个匙羹喺公司点样食？ 堂食系客，外卖就唔系客？ 服务态度真系好有问题，我已经唔介意要等佢忙完 之后先帮我剪，但系换来嘅竟然系咁嘅态度同埋做法实在令人愤怒！！
继续阅读
午餐时间入座，毋须等位，等咗三四分钟侍应姐姐只叫等阵，但系又唔记得边个客入先，我继续等，终于等到知我存在，悔悔气气问我食乜，由于唔想再周围走就叫咗碗瘦肉粥，阿姐喝我讲大声D，费事同佢劳气，算数！食物尚可，态度欠佳，有得拣唔使再光顾。
继续阅读
万记粥店开业一段时间，主打各式各样嘅粥品。嚟呢度一定要点生滚靓粥，猪润鲮鱼球双拼粥即叫即做，猪膶生熟程度啱啱好，有啲爽口唔会过鞋过老。粥底绵滑带少少甜味。及第粥同样出色，一碗有齐唔同嘅猪嘅部位。猪嘅内脏清洗干净无异味。另外点了虾肠，肠粉嘅皮有米香十分滑，虾粒大粒爽口。豉油王炒面发挥正常，但份量偏大， 十分抵食。另外，呢间餐厅有埋其他地方少见嘅怀旧小食白糖糕同埋黄糖糕。之前食过味道清甜，白糖糕没有酸味，十分难得。可惜今次夜晚去已经卖晒，如果唔系一定会嗌。
继续阅读