萬記粥品

营业中

休息中

萬記粥店開業一段時間，主打各式各樣嘅粥品。嚟呢度一定要點生滾靚粥，豬潤鯪魚球雙拼粥即叫即做，豬膶生熟程度啱啱好，有啲爽口唔會過鞋過老。粥底綿滑帶少少甜味。及第粥同樣出色，一碗有齊唔同嘅豬嘅部位。豬嘅內臟清洗乾淨無異味。另外點了蝦腸，腸粉嘅皮有米香十分滑，蝦粒大粒爽口。豉油王炒麵發揮正常，但份量偏大， 十分抵食。另外，呢間餐廳有埋其他地方少見嘅懷舊小食白糖糕同埋黃糖糕。之前食過味道清甜，白糖糕沒有酸味，十分難得。可惜今次夜晚去已經賣晒，如果唔係一定會嗌。