影片
营业时间
今日营业
10:00 - 00:30
星期一至日
10:00 - 00:30
以上资料只供参考，请与餐厅确认详情
食家推介
相关文章
外卖四碗粥加几件油器，一直喺舖外面等，期间一直有啲迟过我落单嘅人入舖头里面催，因为真系等得太耐，大家都等得唔耐烦，职员就猛咁叫返啲人出去等。我见到有四碗粥摆咗喺度20分钟，但系职员又一直冇pack冇叫人拎，我谂梗系咪外卖平台嘅order，等咗45分钟后我眼见住迟过我order嘅人都入去拎走外卖，我忍唔住入去问，个职员好忙乱，问咗我个外卖号码之后，佢就喺度排啲外卖单，然后见厨房出餐佢就拎俾堂食食客，职员搞完其他嘢之后终于行返嚟理我，我问呢四碗粥系咪我㗎？我见放咗喺度好耐！佢完全无视我问题喺度pack外卖，就系摆咗好耐呢四碗粥，然后交俾我，果吓我嬲到冇声出，呢间嘢真系冇下次！其实厨房出餐时间唔耐，系楼面嘅职员分工好混乱，要顾住order、送餐、pack外卖、收钱，好多外卖放晒喺枱冇人理，所以外卖客个个走入去催，边个入去催就pack咗佢先！仲有呢间粥档居然系冇牛脷酥，净系得油炸鬼，当我叫咗几件油炸鬼我先至望到地下个雪柜，原来雪住啲急冻油炸鬼！急冻嘅仲要同外面粥档即造嘅同价！$11，叫完果刻劲后悔…外面啲粥档油器就算依家几缩水都好，都叫即制，呢间发记真系令人失望😞
继续阅读
📍发记肠粉粥品大埔汀角路17号地下A舖今日星期日，入到大埔，想食粥和肠粉，经过汀角路见到发记肠粉粥品小店，决定入去试试，见到餐牌琳瑯满目嘅粥品，肠粉、炒粉面……..我简简单单点咗碎牛肉粥，叉烧肠粉，炒银针粉 。☀️碎牛肉粥@一个砂锅盛满热腾腾嘅碎牛粥，粥底软软绵绵 ，传统牛肉味道鲜明 。☀️叉烧肠粉@一碟有两条叉烧肠粉，肠粉皮韧性中带有Q弹的口感，满满的馅料，配上店家自家制豉油特别提鲜.☀️椰菜银芽炒银针粉@特别一赞👍店家喺即点即炒，所以零舍好食😋，上枱时喺热辣辣，有镬气。虽然即炒 ，但价钱非常亲民 。
继续阅读
纯粹路经此地，叫咗三样嘢：一碗艇仔粥、一碟炸两、一碟家乡炒银针粉，合共75蚊。艇仔粥系一个小砂锅上，份量都算大兜，足够两个人食，入面已鱿鱼为主，当然有啲肉碎同埋少少猪皮啦。炸两都几大碟，难得油炸鬼仲有少少脆，甜酱麻酱辣酱就自己落。家乡炒银针粉份量正常，都炒得几香，而且唔算太油，芽菜都几多，豉油炒，味道ok。
继续阅读
国庆日竟然要加班，不过都系自己责任心太重，神咁早起身，搞掂✅之后先食早餐，啱啱正值午饭时间，超多人叫外卖🥡砂煲粥一定要试吓，可惜太热出边天气太热，舖头里面冷气又唔够，人又多，阿姐又唔多理客人。及弟粥，最正系有猪什猪润，我同事话嘅，不过我就麻麻哋，我见佢落劲多胡椒粉话好惹味。30几蚊-$50一碗粥，食晒都满足。皮蛋碎牛肉，也不错，粥底都几棉。牛肉炒面，30几蚊好抵食。肉片份量都多。银针粉唔系周围都有得食，几有镬气。鲜虾肠粉，唔错。最后食埋虾米肠粉炸两，最紧要系甜酱麻酱，混酱汁最好味。
继续阅读
夜晚十点几十一点食宵夜嘅时间，四周漆黑一片，得呢间粥舖仍然营业，入去坐低系唯一解决肚饿嘅方法。佢嘅粥品同埋肠粉种类都算多，我哋一个叫咗皮蛋鱼片粥，另一个就叫咗猪红粥，然后再叫个虾米肠share。佢嘅粥系用一个小型沙煲装住，比起平时嘅大碗份量好似多一啲，啲粥都热辣辣，猪红ok，不过鱼片就麻麻地，比较散同削，但系其实佢嘅粥品最致命嘅地方就系似乎有落味精，食完返屋企系咁饮水。佢个虾米肠都ok嘅，肠粉都够滑。
继续阅读
您可能会有兴趣的...