影片
以上资料只供参考，请与餐厅确认详情
闷闷哋想试啲新嘢，见到呢间餐厅觉得个名好搅笑，睇咗 openrice 啲 comment 有好有差，好嘅通常都系话食物，下定决心试个一试难忘焗猪扒饭，50蚊包一罐饮品，带到office 食，一开个盒见到卖相不错，食落去就觉得更加喜出望外，猪扒味道够，汁多，芝士也十分足够，这个真系久违嘅焗猪扒饭！赞！
继续阅读
经过呢间望到价钱相比隔篱D舖头算系几抵，就入咗去见楼面冇人，又有好多空位，就坐低咗老板应该系厨房，出嚟先见到我哋坐低咗我怕系麻烦到佢，就问系咪唔OK/俾人book咗枱，佢就黑口黑面咁问我哋几位，之后比餐牌成程不断同隔篱𠮶两台客倾偈唔理我哋，感受到完全唔欢迎我哋几个女仔全程讲都系吹奏话自己有几抵食，开过几多间分店，话出边食唔到，自己嘅嘢食几高质素之后有四个人谂住入嚟，老板直接唔serve，然后同在座嘅食客讲话「我唔系个个都serve 㗎，游客生意我唔做㗎、太多人我都唔做㗎」 「你话两个人咁就话OK啫，如果三四个人嘅话点做啊？」 （我𠮶台就系三个人，怀疑指紧我哋）「我set个价钱咁低，话唔做你生意就可以唔做，又唔系收好多钱，仲要俾服务你呀？」就嚟觉得我哋食客系要感恩戴德⋯⋯食物质素嚟讲，普普通通。意粉唔好食、牛扒OK，但都未到好食到要encorebad trip 到要开个open rice acc 讲，我下次会情愿俾贵D，大家自行斟酌🙏🏻
继续阅读
其实餐厅食物质素系ok,但系个疑似老板嘅男人真系恶顶！首先我哋二人坐底无耐，佢话「阵间预有人搭枱，我哋哩啲做5/60蚊生意嘅，系要搭枱」我回应「其实百几二百蚊𠮶啲都要搭枱」因为对我嚟讲要搭枱系好正常，怎料，佢带住好差嘅语气再回我「我唔知㖞，有啲人觉得唔可以搭枱」重点唔系需唔需要搭枱，重点系语气同态度，我抚心自问从来无食过一间带住厌恶嚟serve 客人嘅餐厅。无耐，隔离位客人原本叫咗沙律，佢转头出嚟同个客人讲「无沙律我帮你转薯菜」，然后转身回厨房，原本客人要熟蛋但嚟咗生蛋，个客人话「算啦，同佢讲又唔知点」见佢对其他客人都系呼呼喝喝，真系帮衬一次就怕怕了！ 另外有位女侍应其实服务几好，不过个男人对佢态度都唔系好之余，仲会抢返啲工作嚟做，好似表示个女侍应无能力咁！
继续阅读
今日lunch time见到呢间餐厅几抵食，所以入去试试。一入到去就已经有位坐低，正当我犹豫紧食咩嘅时候职员走埋黎介绍我食佢哋个招牌香煎猪扒配煎双蛋伴秘制蒽油汁饭，未试过呢间餐厅嘅情况下一于试吓佢个招牌菜。上菜时间都好快，𥖢饭一黎到卖相唔错同埋份量十足，猪扒唔干有肉汁，蒽油汁够香但可以少啲油，双蛋正常表现但可以生少少，咁就可以连埋蛋黄捞饭食。奶茶正常表现唔苦涩，因为我要咗多奶所以入口都滑咗啲。成间餐厅细细但坐落都舒服，餐具尚算整洁，但可以加强清洁枱面。老细好客，见佢成日喺厨房走出黎同食客吹水，有讲有笑。整体黎讲，中环区用呢个价钱食饭有呢个质素算唔错，可以一试！
继续阅读
日日喺中环食lunch食到好闷，上OpenRice望吓有咩最新餐厅，发现歌赋街开咗一间新嘅小店，价钱唔贵，于是同同事一齐去试吓 😋门口睇餐牌，最吸引我哋嘅系下午茶嘅开心果西多士，但我哋午餐时段入去，预咗冇得食，老板（非常傲娇地）表示冇得食㗎啦…点知😆啲开心果碎同开心果酱多到泻出嚟！！个馅仲有啲开心果碎碎，超级好食！！绝对会为咗呢一个西多士成日返嚟帮衬🤩我哋嗌咗主餐牌上面嘅葱油猪扒饭、蕃茄焗猪扒饭同牛脷焗饭，老板贴心提醒我哋不如少饭，因为食完个西多应该都有啲饱🤣 但其实份量都仲好多🐷葱油猪扒饭：劲厚切，劲多汁🍅🐷蕃茄焗猪饭：炒饭焗完都仲干身，猪扒腌得够入味🐮👅焗牛脷饭：牛脷腍身份量多我哋一行三人食完心满意足，价钱仲要十分之抵，有几可中环可以正正常常坐底食餐饭而唔需要过百？听到老板同隔篱台客倾偈，话自己净系开日头，赚够就算，唔同隔离啲餐厅夜晚争客（毕竟歌赋街都系日式连锁贵价餐厅…）希望小店长做长有，生意兴隆，我哋都会多啲去帮衬！
继续阅读