影片
以上资料只供参考，请与餐厅确认详情
今日lunch time见到呢间餐厅几抵食，所以入去试试。一入到去就已经有位坐低，正当我犹豫紧食咩嘅时候职员走埋黎介绍我食佢哋个招牌香煎猪扒配煎双蛋伴秘制蒽油汁饭，未试过呢间餐厅嘅情况下一于试吓佢个招牌菜。上菜时间都好快，𥖢饭一黎到卖相唔错同埋份量十足，猪扒唔干有肉汁，蒽油汁够香但可以少啲油，双蛋正常表现但可以生少少，咁就可以连埋蛋黄捞饭食。奶茶正常表现唔苦涩，因为我要咗多奶所以入口都滑咗啲。成间餐厅细细但坐落都舒服，餐具尚算整洁，但可以加强清洁枱面。老细好客，见佢成日喺厨房走出黎同食客吹水，有讲有笑。整体黎讲，中环区用呢个价钱食饭有呢个质素算唔错，可以一试！
继续阅读
日日喺中环食lunch食到好闷，上OpenRice望吓有咩最新餐厅，发现歌赋街开咗一间新嘅小店，价钱唔贵，于是同同事一齐去试吓 😋门口睇餐牌，最吸引我哋嘅系下午茶嘅开心果西多士，但我哋午餐时段入去，预咗冇得食，老板（非常傲娇地）表示冇得食㗎啦…点知😆啲开心果碎同开心果酱多到泻出嚟！！个馅仲有啲开心果碎碎，超级好食！！绝对会为咗呢一个西多士成日返嚟帮衬🤩我哋嗌咗主餐牌上面嘅葱油猪扒饭、蕃茄焗猪扒饭同牛脷焗饭，老板贴心提醒我哋不如少饭，因为食完个西多应该都有啲饱🤣 但其实份量都仲好多🐷葱油猪扒饭：劲厚切，劲多汁🍅🐷蕃茄焗猪饭：炒饭焗完都仲干身，猪扒腌得够入味🐮👅焗牛脷饭：牛脷腍身份量多我哋一行三人食完心满意足，价钱仲要十分之抵，有几可中环可以正正常常坐底食餐饭而唔需要过百？听到老板同隔篱台客倾偈，话自己净系开日头，赚够就算，唔同隔离啲餐厅夜晚争客（毕竟歌赋街都系日式连锁贵价餐厅…）希望小店长做长有，生意兴隆，我哋都会多啲去帮衬！
继续阅读
焗猪扒饭真系一试难忘😂杯热奶茶都有惊喜🤭50蚊一个午餐系中上环真系难揾，估唔到呢个价钱食到呢个咁好嘅质素，唔错👍🏻见到餐牌有焗牛脷饭，下次要试试佢😌😌
继续阅读
一间让人失望透顶的餐厅，对于这次用餐体验，只能用“糟糕”来形容。食物质素差，态度差，上菜慢，送错餐， 要咩有咩，包罗万有。首先，餐厅的食物质素实在令人堪忧，其实不应用餐厅两字，食物系茶记质素，应该改用茶餐厅两字。详情睇图。上菜的速度慢。一半人嘅餐等左半个钟，野饮送错3杯，柠水变柠茶。明白厨房忙碌，所以冇要求换番啱。服务态度极差。一行八人入到铺头，一位疑似男老板已经皱住眉问‘’呢度唔系蕃茄面㖞，唔好入错铺头㖞‘’（因为铺头位于知名蕃茄面店隔离）， 满头问号，咁样招呼客人， 不过见舖头门面几好，menu上的食物又好吸引，就继续帮衬。埋单时，疑似男老板话‘’你地下次可以排番蕃茄面，为左你地，我推左3一4枱客，我都唔愁冇客‘’，重点铺外冇人排队，中途仍只见有一行6人想入黎食但冇位。俾完钱仲要俾气你受，如果觉得客人坐得耐摆住你张枱，大可以善意提醒，自然会识做走人，而唔系收完钱俾一堆说话你听，食相难看。 就这个食物质素就摆咁高姿态，疑似老板未免太高估自己了。如果你考虑光顾这家茶记，我建议你三思而后行。
继续阅读
见到$50开张优惠就入去试吓试咗 鲜虾仁蕃茄浓汤餐肉粒炒蛋汤面 （转通粉）成碗好丰富，有红萝卜，粟米，西兰花，午餐肉，炒蛋，虾仁，同埋蕃蓉，营养十足。虽然虾仁比较细，但谂埋成本都好合理。个蕃茄汤好好味，汤底浓，又有蕃蓉，仲唔觉口渴，唔差过隔离胜香圈。 会再黎试吓！我见隔离食扒同埋焗饭嘅都好似几香唔错。小建议：1） 灯光可以明亮啲，开头太暗，以为冇开门2）有几旧通粉未熟晒，有啲硬，但谅解嘅3）餐具放少啲喺篮，更容易攞4） 可以写埋付款方式喺门口/柜台真系做得几好，希望你可以继续努力做落去。（第一次写食评）
继续阅读