七福神和食亭

营业中

休息中

七福神都存在佐敦一段日子我記得我在7年前都食過幾次，一直覺得佢係一間性價比不錯的餐廳。可惜自上年幫親過一次之後，發覺質素麻麻。最近又再次幫親它，期望會有好轉，可惜結果令人失望⋯🌟大蝦天婦羅（$78）一共有5隻，炸粉不厚，但蝦淡而無味但以這樣的價錢，質素差不多了🌟芝士焗天火蠔（$78 with 3隻）只是普通的芝士焗生蠔，生蠔都大隻，但芝士十分多，蠔本身的甜味也不是十分突出🌟鎌倉壽司拼盤 （18件）$238上一次食吞拿魚刺身時，都留意到它的質素麻麻似擦子膠⋯今次好少少，但個感覺都似爭鮮質素其他其實都給我差不多的感覺⋯不是令人一食想再食⋯🌟三文魚腩 （5件）（$68）+金目鯛（4件）（$70）不錯兩樣都，正正常常啦！但算幾抵食🌟蕎麥冷麵（$58）冷麵爽口，可惜汁淡如水⋯🌟墨魚咀唐揚($62)最好味係墨魚嘴⋯另外，最令人失望係員工態度，男仔侍應都十分有禮貌，上菜時會介紹，可惜係有一位長金髮（其他人叫佢負責人）的女侍應態度令人咋舌⋯不但冇禮貌，更非常晦氣⋯唉成餐飯都激到肚谷谷有質素有服務態度的日本小店比比皆是，例如大角嘴的千之味！怪不得當天都見到不少吉位。

每次黎親都必食佢嘅蟹子青瓜沙律🥗 因為份量真係好足！呢個係細份$5x但就咁睇相都見到好多青瓜絲，同蟹子蟹柳絲嘅比例亦岩岩好！其次必叫嘅係呢度嘅炒麵，其實同出面食嘅材料一樣，都係雜菜野菌豬肉片薄切做底炒，不過勝在夠大份簡單得來又好食😋 如果佢可以做到日本廣島的廣島燒就仲正啦@@ 不過加埋薄餅底應該難度又會高好多haha 唯一要挑剔嘅就係木魚絲可以再多dd~以往牛脷都係嗌串燒，今次試下佢的鐵板牛脷估唔到又幾好食，通常串燒食落口感會爽口啲，而鐵板上佢預先加左醬汁係板上，咬落就會Juicy好多，一份$78我數過有成7塊，好抵食呀! 不過又係多挑剔嘅位：洋蔥唔夠濕，食落比較乾身，差咁啲最後叫多個芝士燒玉子，坦白講上枱果陣都有啲失望🙍厚度係夠～不過我期望既係芝士夾係中間而唔係就咁鋪一層係面用火槍燒幾下就交功課🥲呢下真係有啲扣分，下次唔會叫！邊個話食日本嘢一定要食生冷野！剛好多每月女人最頭痕嘅一個星期撞正又口痕想食日本野，去居酒屋就最啱！全熟食都包保有滿足感🤣🤣🤣順帶一提，呢度上餐速度都好快！完全唔需要擔心人多要等

我到咗好掛住食日本嘢嘅時候，今次特登去到佐敦試吓呢間<<七福神和食亭>>睇吓係咪真係咁神先🤣🤣芝士焗天火蠔$78滿滿嘅芝士，再加埋有少少燒焦左，啱啱好，蠔肉算好大隻，好多肉，好飽滿！成個口感非常好🤤🤤諗返起都流口水🤤鐵板燒牛舌$78好鍾意食佢嘅牛舌，因為唔會好硬，而且醬汁好入味，好有牛味同咬口！玉子燒芝士味$58玉子燒就正常發揮，係好食嘅，蛋好滑，同埋好香嘅奶味，不過略嫌芝士味不足，有食過更加好食嘅玉子燒😂八品刺身$328主角登場啦，有八款唔同嘅刺身，重點係有半版嘅海膽，就係呢句已經足夠吸引到我去食啦哈哈哈，海膽好新鮮！不得不提佢嘅帶子都係好好食！

因為我哋7個人，因為限聚令所以需要分兩張枱，都完全冇問題！可能差不多係last order 時間，職員好不耐煩落order，食物都好快咁到咗，食到一半，已經睇到同聽到職員好勤力咁收擋，突然之間聞到陣好強烈嘅漂白水味，當時仲有好多客未走，吾係趕住收工咩！食都食得吾舒服！

當日book咗位，一開始已經打咗電話比我confirm，然後係apps到通知我個訂位被取消，我又再book，又再打比我confirm。然後(book咗8:00) 大約7:45打黎問我仲黎唔黎....我話黎，然後一句拜拜都無講答完佢佢就直接cut咗線.....通話過程中啲態度完全唔知係想點，啲態度好似殺咗佢父母咁。因為我地4個人，有2個人會遲啲到，嗰陣無人等位亦都有空位，但係就話一定要過半數先可以入。野食質素麻麻，又貴但無話唔好食，只可以講接受到，刺身都唔係太新鮮。食食下叫人加茶，塊面黑落鑊咁，用餐過程包括落單上菜服務態度都唔滿意，好耐之前有幫襯過，但唔會係咁嘅服務質素。

呢間係平民高汁食堂，每次去到佐敦唔知道食咩都會揀佢。刺身新鮮又好味，而且味道都係一貫水準，冇下降過。前兩日又同朋友仔黎食，當時叫左一個刺身拼盤，一個鰻魚炒飯同炸墨魚嘴，埋單5百幾蚊。刺身288，其實係3人份量，每一樣食物有3件。雖然價錢唔貴但唔會比一啲劣質嘢敷衍你，食落都係新鮮同有鮮甜味既。鰻魚炒飯不過不失，最驚喜係墨魚嘴，黎過咁多次都未試過，但係一試難忘。墨魚嘴QQ 彈彈，外殼炸到卜卜脆，真係一粒接一粒咁食，不過個人有啲熱氣，需要節制下。總括來講，呢間餐廳開左咁耐都屹立不倒，一定係有原因既，大家可以去試下，平靚正。

因為網上評價很高，所以上星期特意邀約朋友來這裡晚飯，結果並沒有失望。菜式多種選擇，食物新鮮夠熱高水準，上菜速度亦快。可惜最想吃的燒玉子售罄，最後點了蛋包飯，同樣有驚喜。總的來說，會推介其他朋友來吃。

想不到在亂行亂撞的情況下，找到一間勝價比咁高的和式餐廳。同家人朋友食午飯，入座時已差不多二時半，餐廳不算多人，坐在卡位，十分舒服。看了餐牌，點了Lunch Set，Lunch Set 價錢不算貴，有拉麵、定食，約70至110不等。我們選了和牛定食、魚生丼及拉麵。和牛定食的牛，比想像中好吃，以這個價錢，牛的質素同師傅的廚藝簡直覺得抵。魚生丼的魚生新鮮，我們另外叫了一份帶子刺身，美味兼價錢合理。還有叫了天婦羅，新鮮炸出來，熱焫焫，大人同小朋友都覺得好美味。整體各種食物都勝價比高，值得 encore~~ 但晚餐價錢是多少就未會知。

環境衛生超需要改善，食一餐晚飯不停有蚊滋仔飛黎飛去，殺極都仲有⋯影響食慾。熱食食物質素ok, 但壽司就麻麻地⋯點咗個沙津食，又平又大兜⋯但好普通鐵板一口牛幾好味😋豆腐湯無咩味可以唔試串燒一般無咩特別

lunch time一個人喺佐敦唔知食咩好，打開openrice見到呢間七福神就決定去試試。openrice訂位仲有85折，可惜要2人以上先可以訂，桃桃一個就無得用啦 T^T炭火雞扒味噌燒定食($68)除咗雞扒同飯之外仲包小食，湯同飲品都只係68蚊，cp值高。塊雞扒大到隔離枱的姐姐都驚訝要問我食邊個餐 🤣。味道方面，都唔錯，個炸嘅小食夠熱同脆。桃桃最欣賞嘅係雖然個定食唔係一盤咁上，但個店員在上菜時預好位，擺成美美的位置，令食慾增長。

個個都話性價比高，我又唔覺得喎細蟹籽沙律$52$52有依個份量，係好ok, 蟹籽多，視覺效果幾好。芝士焗蠔$28Ok,味道中規中矩，正常坊間食到一樣。中間有煙肉，食到蠔㗎鮮甜味。原味玉子燒$58味道正常，甜甜地，有蛋香。但成$58得4舊，預期會厚d, 實物同menu相片大細差好遠，同埋拎出黎只係溫暖，唔熱。質素只係同日式超市熟食架上賣同一level18件壽司拼盤$238失望，比起係超市買，就算冇中蝦，起碼都有凡立貝，連甜蝦都冇，成盤都係d平價壽司（影個時已經食左幾舊重復的八爪魚同赤貝）。質量方面，齋睇相都知佢幾乾身，d魚生都幾薄。服務方面，本身book左17:30，甘我預早17:25已經到左，佢成17:38先開燈接客，齋企左十幾分鐘。大大間餐廳都唔守時。

有預約：2045Walk in 一定無位環境不算寬躺，由於不是卡位，分到2人桌，出信最多放四款彩色。蟹味甲羅燒最好食三文魚刺身好厚，海膽好好味，帶子唔鮮甜，八爪魚刺身容易咀嚼蔬菜湯味道還好，喜歡飲豆腐湯的人靠容易接受

好好味，好豐富!!😋😋太耐沒出外吃晚飯，今晚6點相約爸媽🧑🏻‍🦳👨🏻‍🦳到佐敦這日式餐廳吃一頓豐富的晚餐。地點相當方便，佐敦地鐵站出不用3分鐘就到🏃‍♂️先來一個青瓜蟹子沙律🥗，好豐盛，太開心🥳，忘記影相📸️跟住來一個鹽燒三文魚頭, 超級新鮮。時日推介免治雞肉串，大大串，加上蛋黃同鼓油，當然好味！呢到的鐵板燒牛舌真❤好味，好淋，多肉汁，不似其他的日本料理，又硬又細件！蟹味噌甲羅燒，蟹羔份量多，蟹味夠，但美中不足是不太熱，即刻吃都係有暖的感覺，不可説熱，可能怕太熱，d蟹羔縮少，賣相5靚🤣🤣軟殼蟹手卷👌🏻，軟殻蟹炸得好脆但就冇咩味，勝在價錢平😄最後叫了京都豚肉煮，這個就完全5掂，雖然好肉好淋，但味道方面就好一般，可以選擇其他可能有驚喜🤔🤔整體來說，價錢合理，味道好味😊😊絕對可以再encore來多次😍😍

由入座到離開餐廳每位員工都好有禮貌打招呼👍🏻👍🏻好欣賞餐廳既服務野食方面價錢適中 午市都有lunch set可選擇用openrice book位仲有88折 都好抵野食分量都好足夠 唔會好細份推介牛舌🤓一定會再幫襯😊😊下次再試更多款式

佐敦樓上日式食店！午市套餐選擇繁多，性價比高，唔怪之得就算係樓上餐廳，都有好多顧客幫襯！有好多野食都好想試，不過最後都係比石鍋飯吸引。燒石鍋香蒜牛肉飯$58- 午市套餐配兩件三文魚壽司、麵豉湯同餐飲，好抵食。好耐冇食過三文魚壽司，都幾新鮮，唔錯。燒石鍋真係好熱，覺得有股熱氣籠罩住塊面。建議中意食飯焦嘅朋友可以等耐少少先拌勻，個底就會有一層脆飯。本身飯底同牛肉片調味較少，所以我落唒成碟燒汁醬油，味道啱啱好，不過食到最後都有少少油膩同口渴。整體呢度嘅午市套餐會吸引到我想再嚟幫襯食飯，性價比高，推介！