一鼎‧台式火鍋 (MOSTown新港城中心(4期))

营业中

休息中

好耐無同男朋友拍拖出去食大餐知道佢最鐘意打邊爐見到哩間火鍋店有得一人一鍋之餘仲有唔少食材選擇 同埋有我最鐘意既台式茶飲一次過滿足哂我地既要求 所以就約佢收工一齊食🔺澳洲200日純穀飼牛吃到飽套餐 $339有分90分鐘同120分鐘限時為咗唔好太急趕 我地簡咗120分鐘既套餐一人一鍋既關係 我地可以叫兩款唔同既湯底試🔸甜甜醬油🔸一鼎和牛甜甜地既醬油湯可以令配料都甜 係打邊爐既好朋友和牛湯底有少少辣味同濃濃牛味 岩哂牛控掃QR code點餐 海鮮肉類同台式小食有好多選擇 重點推薦🔥🔸澳洲純和牛大大塊 有雪花 肉質鮮嫩 有牛味 大推!!🔸海鮮大帶子大大粒夠哂新鮮 好好食🔸瀨尿蝦一般放題店都好少提供我地見到都忍唔住嗌多幾隻黎食好新鮮🔸蓮藕花枝餅即叫即炸 熱辣辣好爽彈 有驚喜免費既台式飲品有5款 我地試咗4款 香水爆檸 芝士琥珀 綠研 百香果三重奏同埋黑糖波波寒天牛乳全部都幾出色 同平日好飲既茶飲一樣水平大大杯 唔會太甜 幾解渴幾特別既係水果竟然有荔枝同龍眼任食忍唔到口都食咗好多粒 勁清甜💦💬隔離係佢地既一鼎茶飲有唔同台式野飲賣 選擇都好多咁岩我去幫襯個日見到佢地做緊買第二杯半價都有唔少人去買 價

【沙田區】【一鼎‧台式火鍋】聽講馬鞍山已經洗脫咗美食沙漠呢個污名，春哥作為馬鞍山友一定感受最深。區內最大商場新港城中心新開咗呢間台式火鍋，我梗係要夾埋佢一齊試。我哋揀咗平日 90 分鐘成人 $269 嘅「澳洲200日穀飼牛吃到飽套餐」，係任飲任食嘅一人台式火鍋嚟嘅。我加 $38 要「椰子雞」湯底再加原湯，佢就要「紅燒火牛」，我嗰份清甜得嚟好香雞味，同佢嗰份嘅濃味同辛辣形成咗個對比，適合不同需要嘅顧客。肉類都好多選擇，我幾推薦「澳洲黑安格斯封門柳」、「澳洲200日純穀飼牛」同埋「特級牛舌」。佢哋牛味濃香得嚟，經餐廳指示咁淥仲口感嫩滑。其他肉類嘅「台南花雕雞」、「澳洲冠軍草飼羊」同「一鼎穀飼牛」其實都唔錯，而「澳洲純和牛」同「丹麥梅花肉」都算突出。試埋「辛師傅招牌韭菜鮮肉水餃」同「角螺黃金豆皮」，都係好食嘅火鍋配料。另外佢哋仲有台式小食供應，我哋最中意「一鼎鹽酥雞」同「三星蔥燒串花枝」，以為自己身處台灣呀。然而其實我哋仲試咗「手作地瓜球」「古早鹽酥豆腐」同「九層塔花枝丸」，都覺得其實幾好食嘅。試埋「台灣鴨血」同「煉奶炸油條」，都係驚喜之作。嘢飲都係重點，除咗大雪櫃裡面包括自家製冷泡茶嘅選擇

馬鞍山比人感覺一向都係美食沙漠，而家新開咗一間令我覺得一秒變天堂嘅台式火鍋！！食火鍋當然最緊張就係食啲咩級數嘅肉類，呢度嘅除咗肉類之外，其實前菜、熟食、手搖杯都非常吸引除咗手機點單之外，亦有大量食材可以自己選擇，非常乾淨企理兼新鮮！個重點係，除咗雪櫃裏面嘅包裝、支裝飲品之外，竟然有手搖杯可以選擇！如我選擇咗近期最熱爆嘅香水爆檸！檸檬嘅酸甜剛好可以解膩而呢度一人一鍋嘅湯底，可以有唔同嘅口味選擇之餘，亦都唔會好似傳統一大鍋打邊爐咁，成日都唔見咗啲食材😂每手搖杯都係新鮮製造，絕對值得推薦！口味絕對令人驚喜呢個芫茜串串，簡直係芫茜控必食！芫茜味喺口腔內爆發！大推！台灣嘅小食都有好多款選擇，鹽酥雞、三星蔥花枝丸、甜不辣.....等等，應有盡有！如最後當然要以甜品作為結尾，自己唧嘅雪糕特別好食😂夠哂香滑，凍冰冰夠哂順喉😬

琴日路過馬鞍山新港城，見到有一間台式火鍋試業，咁愛打邊爐嘅我，梗係試一試啦，因為第一次食，所以我只係揀咗一個中價位嘅餐，佢可以俾你揀90分鐘或者120分鐘，價錢爭少少顧客可以自己考慮。佢係一人一鍋嘅設計，座位夠闊落，湯底有甜豉油，鰹魚湯，蕃茄湯，燒牛肉湯。我自己就揀咗鰹魚湯，因為佢會太蓋過食物味道。再講食物質素，肉類：基本上我叫咗佢大部份嘅肉類，正常水準，但其中 一鼎穀飼牛，淥起來又嫩又夠牛味，我家個小牛魔王追住加單，而我就追羊，依度個羊有羊味無羊羶。仲有啲好似牛舌牛柏葉佢都有。海鮮類：有 蝦，瀨尿蝦，鱔片，墨魚，八爪魚，帶子，蜆。墨魚夠厚身，蝦同瀨尿蝦都不錯，帶子唔係細隻嘅，童叟無欺。 小食類：台式火鍋點可以唔食佢嘅台式小食？滷水必定要試是常識吧？滷水豆腐，滷水牛筋，滷水鵪春蛋，滷水牛腱，都試過，好入味，正👍🏻其他小食：台南獅子頭，鹽酥雞，韭菜餅，應該都即叫即炸，樣樣都上檯熱到辣口。味道好台灣佢地仲有好多野食，一次真係試唔晒戴返頭盔先，我覺得好唔好食≠你覺得好唔好食，好唔好食因人而異。