一鼎‧台式火鍋 (MOSTown新港城中心(4期))

营业中

休息中

【沙田區】【一鼎‧台式火鍋】聽講馬鞍山已經洗脫咗美食沙漠呢個污名，春哥作為馬鞍山友一定感受最深。區內最大商場新港城中心新開咗呢間台式火鍋，我梗係要夾埋佢一齊試。我哋揀咗平日 90 分鐘成人 $269 嘅「澳洲200日穀飼牛吃到飽套餐」，係任飲任食嘅一人台式火鍋嚟嘅。我加 $38 要「椰子雞」湯底再加原湯，佢就要「紅燒火牛」，我嗰份清甜得嚟好香雞味，同佢嗰份嘅濃味同辛辣形成咗個對比，適合不同需要嘅顧客。肉類都好多選擇，我幾推薦「澳洲黑安格斯封門柳」、「澳洲200日純穀飼牛」同埋「特級牛舌」。佢哋牛味濃香得嚟，經餐廳指示咁淥仲口感嫩滑。其他肉類嘅「台南花雕雞」、「澳洲冠軍草飼羊」同「一鼎穀飼牛」其實都唔錯，而「澳洲純和牛」同「丹麥梅花肉」都算突出。試埋「辛師傅招牌韭菜鮮肉水餃」同「角螺黃金豆皮」，都係好食嘅火鍋配料。另外佢哋仲有台式小食供應，我哋最中意「一鼎鹽酥雞」同「三星蔥燒串花枝」，以為自己身處台灣呀。然而其實我哋仲試咗「手作地瓜球」「古早鹽酥豆腐」同「九層塔花枝丸」，都覺得其實幾好食嘅。試埋「台灣鴨血」同「煉奶炸油條」，都係驚喜之作。嘢飲都係重點，除咗大雪櫃裡面包括自家製冷泡茶嘅選擇