一點心 (通菜街)

营业中

休息中

点心種類皆傳統一般, 其他人都介紹過啦, 但服务及食品皆好且穩定, 值得推介; 附近D 咪錶位其实不難有位.

今次係第一次食佢既點心~叫左鳳爪排骨飯鮮蝦菜苗餃北菇棉花雞鳳爪排骨飯---D飯好夠硬!最憎果D淋PAT PAT 果D....鮮蝦菜苗餃---個皮好厚,D料好小北菇棉花雞--- LEI個好好味~每樣有3舊~不過加埋1 要44蚊...粥皇湯后比佢平

係網上看到有一間叫"一點心"的餐廳被它的馬拉糕所吸引住裝潢似普通的小茶餐廳但食的是酒樓般一樣吃點心位置都幾偏僻附近無嘜餐廳但估唔到星期六二點到竟然要等位好多人食呀!!!!~好彩等左15分鍾到就有位哈哈~~~ 終於比我試到一籠籠既馬拉糕呀! 一籠有六件~~~ 好鬆軟呀好好味呀!~~好正呀!我地2個人食左:鳳爪排骨飯馬拉糕牛肉球鮮蝦腸粉綿花雞鳳爪加埋茶位($2/each) 都係$7x 食到好飽呀豐富的下午茶好想再去食多次呀推薦: 馬拉糕, 鳳爪排骨飯, 牛肉球^.^

今日元宵掉低老婆仔同屋企人去一點心食晚飯,因為媽打話幾好食同埋好抵食(因她喜歡吃點心).好!!!又試試係咪真係咁得先!!!!我們一行三人叫了:鳯爪排骨飯排骨飯咸魚肉餅飯"囉"米雞馬拉糕蝦餃燒賣牛肉腐皮卷春卷油菜雞扎真係好多呀!!!不過我們家族是食物焚化爐來的,清晒!!!但是真係好好飽!!!整體上ok,有酒樓水準,不過我覺得馬拉糕真係幾好味,服務的侍應好有禮貌,時不時幫你加茶,食到差不多時又會幫你跟單問你d齊晒味,有無漏單咁呀.咁平o既價錢,有咁好o既食物質素,有咁o既服務,仲想點!!!就算去酒樓食,有好多都無佢咁o既服務呀!下次一定帶埋老婆仔來食sin!!

下午...老公問旺角有咩好地方食晚飯...我諗下如果夜晚可以食點心就好啦...於是腦海裡突然出現佢- 一點心! 兩人就行遠少少去到太子!五點幾, 人唔多, 我第一時間就畫精製馬拉糕, 灼菜心, 蘿蔔糕, 叉腸, 然後見牆上貼有豬腳薑, 就叫埋俾老公! 馬拉糕好熱, 好鬆軟, 唔太甜, 但就唔係好香, 不過, 已足夠了! 成籠上切開六件....慢慢享受! 蘿蔔糕好失望...因為係煎既...油少少, 不過, 都幾多蘿蔔! 叉腸皮夠滑, 如果唔掃油就好啦! 灼菜, 夠腍合格! 豬腳薑只有兩少件, 唔係太入味, 但夠腍! 蛋一隻, 幾硬! 醋就唔太酸...唔夠濃, 膠質唔重!

呢間係二家姊介紹，當初以為都係好普通一間既酒樓，但估唔到係好細間舖仔但可以有返酒樓水準既點心！雖然勁多人排隊，但如果較對時間唔等太耐咁會覺得呢度係勁好架！待應都ok，但漏單要追住唔係會無左下文！佢地點心份量適中，好適合星期六日訓飽黎食個早餐連中午加下午茶！我好欣賞佢地個叉燒飽，起碼唔係全肥肉，好過好多酒樓！山竹牛肉好新鮮，勁好味！馬拉糕好鬆化，連我唔食既都咬左幾啖！最正係一盅盅既飯........好新鮮好入味！如果有時想唔到地方，其實呢度係好好架！價錢係勁抵又食到好full！

成日都想搵個地方可以夜晚食點心, 於是就去呢間試下啦!!點心既款式唔係太多, 都係茶樓既一般貨色::豐料糯米雞:: 都叫做足料既，不過唔算大隻牛肉腸粉:: 不知所謂, 腸粉搽左一大層油, 應該係蒸定晒o係度, 而且腸粉質感太厚唯一值得一讚既係個馬拉糕, 除左o係大榮華同鴻星之外，都好耐冇食過咁鬆軟既馬拉糕俾個膠杯裝杯超普通既茶都竟然要收$2茶錢, 好心啦!!

點心數量雖然未有大酒家那麼多, 但勝在主要的都有, 亦有特色新產品, 間中推出, 不過最不好是中午很多人, 而且要收$2/人的茶錢, 但又唔係成壺茶上俾客人或有特選茶葉o 珍珠雞可以刪除啦, 改做糯米雞先有特色的, 亦要加入鵪鶉蛋燒賣, 通埋蒸飯加番條菜芯係面, 要給人客比較健康的感覺先得o這店門口對正電話亭, 可以無線寬頻上網, 等位無咁悶, 以前他們在門外放了一張公園長凳, 後來爛左, 現在好似無凳坐來等位, 而且店內地方好細, 所以不能久坐o

一點心的點心都好精小.專注幾款點心,味道都幾好,舖頭小,待應生服務較差,價錢方面其實和酒樓差不多,只不加一,但點心份量較少,但也要給茶錢二元一位,較不值。該天二人只叫了一碟菜心八條左右,臘味糯米飯若一小碗,棉花雞。共要41元呢。

在我地頭附近, 卻很少走過來。如果唔係客人主場被包, 也不會貢到入來, 畢竟跟客人晚飯吃點心是有一點怪怪的。是晚一行六人, 迫迫地坐埋角落一張檯, 仲有沙發椅添, 都算做坐得舒服。一塌胡塗地點了一堆吃的, 樣樣味道都幾唔錯, 雖然自家制的中式點心要弄得難吃是有一定難度。最值得推介的是老火湯及粥, 那天喝到的青紅蘿蔔湯, 喝得出是足料及明火煲出來, 老火湯要煲得好喝, 難度是沒有的, 用料足及俾時間就是。不過在街上喝到一口好湯, 也算是難能可貴的了。粥算是幾綿滑得來有米香, 皮蛋更是粉粉的滋味!個人認為,價錢唔貴食物又過得去, 地方都叫幾骨子, 這樣的中式tea, 好過坐cafe啦。最緊要係食到飽飽仲平得發笑!

8/7(日) 6pm起首先訪雲泉,繼而登上大帽山,太陽伯伯果真相當關照,沿途照顧有嘉!未夠六時旅遊車已將一眾同學運抵太子;我倆經反覆煎熬了一整天後,猶如殘花敗柳,蹂躪至體無完膚.利用僅存的能量,拖著沉重發軟的雙腳,蟻行至鄰街的"一點心"打算草草充肌方才返歸.甫進小店子,侍應生安排了貼牆的二人座,環境可謂狹隘擠迫,跟鄰桌的食客頓時親密了不少!顧名思義,館子以點心作主打;點心價格由$8至$15不等茶錢$2而沒加一;價錢聽落挺大眾化.我倆點了鳳爪排骨飯$15,布拉腸粉$10,灼芥蘭$10,鮮蝦韮菜餃$10,蝦餃$12,蘿蔔糕$8.鳳爪排骨飯--排骨肥瘦均勻,肉味濃,質地亦軟腍.鳳爪一"大"隻,相當矜貴!尚入味腍身;而飯粒稀爛腍散,淋上香度略欠的甜豉油,不討好的盅飯!布拉腸粉--腸粉沒有麻醬這鐵膽,天大的謬誤!但其本質確是應予褒獎;腸粉軟軟的,一吃而直滑落喉,同時亦嚐到米之香氣;辣醬辛辣,甜醬味道也對辦.蝦餃--一口一粒纖纖蝦餃,餃皮較厚而彈牙;鮮蝦餡乃普通料子.鮮蝦韮菜餃--三隻一籠,賣相晶瑩剔透,先嚐餃皮,彈牙之餘不失滑溜質感,細嚼菜餃,韮菜及鮮蝦餡味道卻蠻平淡的.灼芥蘭--份量袖珍;入口

其實知道這間店開了有一段時間, 那天一早出到太子, 早餐都未吃, 去想吃點心, 就試著找這間店!去到時, 店內也差不多坐滿, 剛好還有二人。看看餐牌, 選擇真的不多, 女朋友要了奶皇包, 叉燒酥, 我則點了淨腸粉。奶皇包一籠只得兩個, 質素非常一般, 明顯及不上酒樓的貨色, 叉燒酥還可以, 一碟三件, 算是較為大堆頭的!淨腸粉質素又是一般, 全完吃不出淨腸粉應有的米香!及後再叫了一個咖哩鮮魷及一個糯米雞, 咖哩鮮魷是普通, 糯米雞則叫好一點, 幾香荷葉味, 糯炑亦算香軟, 算是較出色的了!店子算小, 坐位很多, 因坐得較為辛苦, 加上侍應馬不停蹄的上點心, 直教我要左閃右避!!點心號稱即叫即做卻有欠說服力, 質素也是平平無奇, 論人流, 若是即叫即做, 肯定不能應付這種快餐式的經營模式, 因此即叫即做只能一笑置之!莫說即叫即做, 我想是連即叫即蒸也做不到呢!加上某些點心定價也不算便宜, 奶皇包一籠只有兩個, 燒賣一籠四粒卻是縮水的(酒樓的SIZE一粒頂兩粒), 因此平與貴實屬見仁見智!若貪新鮮想試新食肆, 大家一試無妨, 但請不要有太大期望。

可能間野細，無乜選擇，野食唔好唔壞，見得人果D囉，應該唔係全部自家製，囉貨既，間野細細間，少本經營，環境新裝修，所以比人唔差既感覺，價錢ok平，8蚊個點心，最貴12，假日都幾多人食，係食完就閃人果D，唔會坐耐。講返野食選擇少，種類大路野，無特式野，味道都算係咁，不過不失，不過咁既價錢係咁上下啦。我諗佢既經營分式係咁，志在比人搵個地方落腳為飽個肚就算，食D大路野，即係類似大家樂美心或者點心王果類方式，不過佢只係賣點心。一心搵正野食既人可以唔駛去呢間，因為實無驚喜。但如果唔想去酒樓，討厭去酒樓又想食點心既，又無乜大要求既，呢間都幾好，起碼乾淨先！附近返工既人，食lunch或者食din食宵夜既，又多個選擇！無乜大要求，只求醫肚既選擇。

人約黃昏前,在這間新開不久的點心店充一充飢.同幾十碼之遙的粥皇湯后格局相似,比較靚裝修一點的點心店.大家有所不同在,一點心要到上午十一點才開門營業,沒有可能在此飲早茶.另一樣不同,就是此店近乎獨孤一味賣點心.其他選澤,不外乎叫碟油菜.選擇亦不多.大路貨色為主,沒有一些在舊區點心舖的懷舊點心.點心即叫即蒸,之後有飯局在身,不敢吃得放肆,只要個蝦餃同鳳爪排骨飯,蝦餃標榜薄皮,而且細細粒,容易食.澄麵皮真係幾薄,而且仲幾濕.不夠水準.餡料的蝦肉同肥豬肉,都算新鮮.鳳爪排骨飯不錯,飯粒畢挺,很有咬口.排骨味滲進飯粒內.很香.不過豉油就嫌淡.其他點心水準如何?如果下次再路過的話,再試真章.

偶然响雜誌見到有關呢度嘅介紹，頗感興趣。決定抽空一試...去到，竟然人山人海，好不容易先找到個位攝入去..望一望餐牌，都係D大路點心款--- 蝦餃、燒賣、义燒包等，有D失望...個feel真係好似去咗"點心皇"...胃口不大，費事叫盅飯。只order雞絲粉卷、招牌奶黃香蔴酥及山竹牛肉...水準認真平平...冇乜特別好寫...可以不去....