一鵞 (已結業)

早兩日同fd出深水埗 突然好想食燒味就咁岩見到呢間 個名好特別 又咁岩有下午茶就入左去3個人嗌左2個茶餐1個雙拼飯同2個小食茶餐既燒肉飯細細個 燒肉個皮好脆另一個茶餐叫左黑椒鵝瀨 碗瀨粉當午餐食都夠 黑椒味都夠雙拼飯就嗌左當歸鴨加黑椒鵝 size就正常既 男仔都夠食當歸味唔太濃 岩晒啲怕藥材味既人小食叫左酒鄉醉雞同焦糖叉燒隻雞好醉 好入味 但酒味就偏苦焦糖叉燒真係好好食！！！大推！！！同普通蜜汁叉燒唔同 可能因為係焦糖 有撒糖用槍燒過 啲邊邊好脆而且啲肉肥瘦剛好 鹹甜都適中 唔會好膩 連啲汁都可以攞黎撈飯不過呢味好似只得小食 冇得跟飯 但可以嗌個茶餐飯加呢個小食就一流！真係想學家燕姐講句「叉燒呀 好好食既叉燒呀 點解要俾我食到啲咁好食既叉燒呀 以後食唔番點算呀」

人生中食過最好飯嘅叉燒！！其他食物都很不錯。行深水埗嘅時候覺得肚仔餓，於是同兩位朋友一齊入去食嘅。發現食嘅時候已經接近下午茶時間，所以就決定嗌咗一個雙拼飯、兩個下午茶餐同埋兩個特色小食。個雙拼飯好大份呀，一個女仔好難食得晒。雙拼嘅當歸鴨同埋黑椒燒鵝都好足料，但味道就偏淡。而兩份下午茶餐份量就恰到好處，味道都相當好味，唔覺得有味精或者好油。小菜就叫咗酒鄉醉雞同焦糖叉燒。醉雞非常入味，啖啖都有濃濃嘅酒香同甘味，冇令我失望。至於個焦糖叉燒真係特別出色！係我食過最好食嘅叉燒！個皮有啲脆得黎，肥瘦度又啱啱好！個汁亦都唔會太甜或者太鹹，同個叉燒非常之夾，下次黎一定會再嗌！

今日同兩個朋友約喺深水埗～晏晝兩點幾唔知食咩好，見到一鵞有下午茶餐選擇，就走咗入去食飯我食咗個當歸鴨配黑椒鵝雙拼飯，當歸鴨嘅味道比較淡，建議大家可以食完當歸味嘅嘢再食其他重味嘅～但整體而言都抵讚！件件鴨/鵝都係肉，唔會話太多骨朋友叫咗個下午茶骰仔飯，燒肉皮脆肉嫩！另外我哋仲叫咗個焦糖叉燒，點知好有驚喜！！細問之下先知道原來係會先喺叉燒面鋪上糖、再用火槍燒，令叉燒有一層脆脆嘅焦糖！我哋仲叫咗一個酒鄉醉雞，酒味偏苦，酒味滲入哂雞肉～正！估唔到燒味都可以做得咁有水準！有機會會再同朋友去食，值得回味

“鵞” 與 “鵝” 是不是一樣呢❓ 在好奇心下，就走入這間燒味店。餐牌顯示，是“鵝” ❗ 於是就點了一碟“黑椒燒鵝+燒肉”雙拼飯。 客飯有例湯送，但要飲品就要加💲6。 我食過幾次黑椒燒鵝，這燒味店的沒有什麼特別， 黑椒味及燒鵝肉味都好濃沃，燒肉都唔錯，但燒肉皮不夠脆， 總算合格❕

今次係特登過嚟食嘅見到唔係太多人都唔使等位嘅😎👏👏👏👏👏叫咗兩碟燒鵝叉燒飯😎餐湯飲左超過咗兩個鐘都唔係覺得太口渴👍👍👍👍👍👍👍👍👍👍👍👍👍👍👍服務員講飲嘅茶係山楂葉茶去油膩真係唔錯好特別唔會好似一般茶樓香片壽眉嗰啲😏佢嘅燒鵝用黑椒去燒嘅濃郁黑椒味道好啱口味又唔會辣口😋😋😋😋坐下坐下已經好多人所以讓位離開🤗下次都可以再食嘅😜值得推薦如果喜歡燒鵝 😙不過叉燒嗰方面就要提及同佢講要肥差咁就會好好多因為今次我哋係嚟嘅係瘦叉燒比較硬🙄🤣

今日去黃金買野肚餓求其入一間鋪頭食野，見到呢間「一鵞」，完全俾個名吸引左所以入去食（到呢一刻都唔識點讀）麻辣口水雞：香麻唔算好辣，肉質夠滑叉燒 ：有趣點係個皮係脆既，好食雞肝雞腎 ：雞肝做得好好食，mousses感好重，冇腥味（重推）黑椒燒鵝脾：滑，甘香！黑椒味好惹味服務方便都做得好好，有位靚姐係咁幫你倒茶，又會問你d野食啱唔啱胃口，笑容可掬。環境都好乾淨，又唔會坐得太迫，完全唔同一般燒味檔。重點：食過既野當中一d伏都冇（呢一點係依家香港既餐廳係好難得）呢個價錢相對呢個份量同味道，絕對超值！

一般香港人都唔會特登去邊度食個燒味但呢間一鵞燒味真心值得推薦必食叫左呢個黑椒燒鵝 可以再另上多個黑椒汁 好正 好入味 好juice 再叫左呢個义燒好特別既义燒 脆脆地既义燒真係第一次食 之後呢個鵝汁面估唔到甘正 煙煙銀銀甘 唔咸 重點 先23 蚊 超抵再叫左個燒肉 鵝肝雙併 我本身唔食鵝肝 但佢凍凍地 趙下趙下 唔覺俾我食曬 好好味兩個肥佬叫到成枱都係野 先二百幾 勁抵 勁飽本身想再試下燒鵝既另一個味 但食到飽得滯 食唔落了 下次再去試過 十分推介👍👍👍

今晚同 fds 第二次幫襯《一鵞》 估唔到佢今次食物嘅水準比上次更好 真係食到我哋個個超滿足 講返嘢食，「鵝底油撈麵」係佢哋嘅皇牌，入口充滿鵝羶香味，麵嘅質地適中，唔會太軟太硬，啱啱好 仲要只售 $23，抵抵抵呀 除咗「鵝底油撈麵」，今晚仲試埋佢哋新推出嘅「滋補當歸鵝 入口皮脆肉嫩，如果鍾意當歸陣味，必定唔會抗拒，養生恩物 例牌一隻只售 $110 正正子 呢度嘅服務同環境都確實唔錯，店員好有禮貌，都會主動加茶 要嚟呢度要喺港鐵站 A2 出口行兩條街先嚟到，都算方便

岩岩長假期去完歐洲旅行反黎，勁掛住中餐，諗起呢間超驚喜既燒鵝小店！價錢又吾貴！就拉埋幾個朋友一齊黎再要推薦一下佢個當龜燒鵝 😍 非常入味又養身啲汁係精華！你可以叫店員比汁你點 😍😍😍十分推薦大家去試下，而家食完呢間燒鵝店再食吾反其他啦😱😱再黎就要推薦下叉燒！上次有食覺得超水準，今次encore 啊！一樣好好食🥰 水準維持到，好強：）無論味道，肉質，賣相都100分！我地有幾個人食到多啲野 所以仲嗌左佢佢地最出名既signature「鵝油麵」$23 真係超抵朋友佢地狂讚話好味上次我同另一個朋友黎都有叫😏不過我覺得有啲滯，油左啲因為套多肉食🤣🤣仲有次次都叫既燒南仔 口水雞今次仲特地叫左碟雞肝雞腎，我麻麻地食內臟但都推薦比大家！因個汁底好yummyyyyy 我覺得小店維到水準！好食既話，千里迢迢都會特登坐車黎！好少會有令人咁深刻印象既餐廳，如問我黎香港食燒鵝吾係傭記係呢間呀 😁 性價比高 岩哂窮困的我😂

估唔到深水埗小店會食到中環質素既燒味,當中最出色係當歸鵝,加埋個當歸汁真係好正😝極級推薦👍👍👍例牌110蚊好大碟😍我地一行4人試埋招牌黑椒鵝。例牌100蚊,都係大大碟😍同樣有埋個黑椒汁👍👍有d甜味試埋個鵝油撈麵,比起出面食既蔥油撈麵香,價錢都係23蚊..好抵食..餸鵝食既話..好過食白飯😂😂😂另一推薦仲有個叉燒,唔肥得黎又脆皮,例牌都係48蚊平時好少有機會可以食到雞內臟..估唔到可以係呢度搵到😳一碟入面有雞肝同雞腎..食到有d花椒油既香味..例牌同樣係48蚊另外我地食左個雞紅做既豬皮生菜..比豬紅滑, 值得一試..叫左個芥辣青瓜雲耳,但冇咩芥辣味。同普通涼拌青瓜差唔多..不過又好抵食..28蚊大大碟我地4個人埋食晚飯..埋單都唔駛100蚊..好抵。我地咁岩坐係廚房工場出面..可以睇到入面既環境好乾淨..仲同d鵝影埋相添😂😂😂下次會再幫襯..真係好正👍👍👍

同事介紹呢間深水埗今晚同屋企人黎食飯 門口唔太起眼 8點黎都要等位 鋪面唔大 但唔會坐到好迫 唔洗同隔離台你眼望我眼咁坐 加茶都幾密 招牌黑椒燒鵝110例牌好好食 一定要request黑椒汁點黎食估唔到黑椒同燒鵝crossover可以咁夾燒鵝既皮燒得好脆 鵝肉脾都好滑當歸燒鵝 110例牌 份量都幾多下好食 當歸味都重 好養生我會perfer黑椒多d 豬皮羅白配雞血 42 豬皮好入味 口水雞都幾辣下 但好好送飯 三日醉香鳳珍肝 42即係雞肝同雞腎 雞肝麻麻地 但雞腎好爽口同好入味 好快清哂鵝油撈面 23 超平好抵食 因為好大碟好香 但略嫌多左少少油 埋計一人百幾蚊已經好飽 真心抵食 下次會同朋友再黎食

從未食過當歸鵝價錢唔貴就係去試下叫左碟鵝脾飯免切唔係新鮮出爐所以唔夠熱皮唔脆不過味道仲係幾好鵝油好香但食左好幾啖都食唔出當歸味淨係飯上淋左汁 有藥材有當歸味撈飯唔錯送左碗味精例湯唔比好過 影響食品質素杯茶幾香 阿姐好醒目keep住添食完咁油的鵝飲啖熱茶非常滿足

以為陳光記香港店執左就無得再在香港食胡椒燒鵝，點知發現一鵞，的確係有驚喜。胡椒焼鵝皮脆肉嫩，雖然唔夠入味，但跟一碟胡椒汁上，讓你點到夠，汁比較甜，甜中帶有胡椒味，胡椒味可以再重啲就更好。店中其他燒味也相當吸引，有一款叫當歸鴨，有興趣都可以試吓。

天氣凍凍地咁岩又有新口味推出，就係當歸鴨/鵝外賣左個叉鵝飯同蘿蔔雞紅返屋企，當歸汁有一小盒另上，一打開已經陣陣藥材味，倒落個反到真係無得輸，食落真係好香好多肉，唔係得d骨，d叉燒粗過手指！蜜糖香味包住舊叉燒真係無得頂！好食過個d好出名個d舖頭！舖頭就係蘇媽對面，成日大排長龍！識食一定食一鵞，價錢夠哂貼地，真係唔好咁快賣哂d好嘢呀！裝修方面夠哂古色古香，地方乾淨企理，地下唔會筮痴癡，絕對係呢區排頭三位必食餐廳

今日才知道陈光记执笠，第一时间想的就是9以后要去哪里吃黑椒烧鹅？！好彩看到网上食评提到附近这家新店，7点多到店里，免排队，上菜亦非常快。点了烧鹅双拼珍肝，鹅肝非常新鲜，入口即化，好味到吃完又加了一盘单点鹅肝，只需28蚊，超抵！烧鹅跟老店一样，脆香不腻，当然吃多还是会腻的……鹅底油捞面也没有油腻感，但是感觉粗面应该会比幼面更好吃。值得一提的是生菜红，做得比老店更优秀，而且老板娘也很热情，全程及时加茶，也会咨询食客评价，非常用心。以后生意火爆之时如若可以保持这种用心，一定可以开得比老店长久得多。