一鳴拉麵

营业中

休息中

見到呢間餐廳平時排哂隊，今日早到少少，見唔洗等好耐位，就去幫襯一下了。見到鋪內外都好日式，而鋪內有好多日式卡通嘅設計同貼畫，好特別啊！至於食物，通常去一間餐廳食，總會有d好食，有d一般，而呢間一鳴拉麵，卻係全部食物都好好水平，唔會話有食物令人失望!我地嗌左招牌「一鳴拉麵 ($75)」同期間限定嘅「魚介豬骨拉麵 ($88)」。拉麵嘅麵質同配料，都好細心咁俾顧客按自己喜好去揀，兩個拉麵嘅湯底好濃郁，特別欣賞期間限定果個拉麵，豬骨味好香濃之餘，卻又唔會搶左魚味，魚同豬骨味都試到，好balance，做得好成功。另外，佢嘅叉燒都做得肥瘦均勻，好好食，食完一個麵都好夠飽!另外，試左個廚師推介嘅燒赤蝦，果然推介冇錯，赤蝦大大隻，食落新鮮，亦有蝦膏，冇幫襯錯，下次會想再嚟食過～～

本身唔熟大埔 估唔到呢個晚上偏靜既地方有咁高質既拉麵店🍜😛7:00pm黎到 一入就有位😍（如果遲多15-30分鐘 可能就要等一陣了）欣賞店內有日文歌播放（有少少氣氛，又唔會太大聲）環境佈置都好有特色😚叫野食😬我同男朋友分別叫左一鳴（叉燒 豬骨濃湯拉麵）同黑蒜。鳴（豬軟骨 豬骨濃湯配自家製黑蒜油）落單後 食物同飲品都好快黎 唔洗餓咁耐🤩呢個係「叉燒 豬骨濃湯拉麵，曲麵，軟麵質」豬骨湯底好濃味，而且配麵本來已經配埋蛋同紫菜，好豐富😇呢個係「豬軟骨 豬骨濃湯配自家製黑蒜油，普通麵質，直麵」另外再加左兩隻蛋，因為蛋真係好好味😍呢個湯底比頭先普通豬軟骨更濃味，同碗拉麵好夾，我好喜歡呢個湯底💕豬軟骨味道正常😋😚不得不推介係以上既飲品😍上面分別係「青蘋果一千零一夜」同埋「荔枝熱情果乳酸梳打」兩杯都好清新 唔會太甜😋我特別喜歡乳酸梳打果杯 因為本身中意飲益力多 同梳打味道好夾🤩兩杯都好大杯 抵飲 👍 （食完熱辣辣杯麵再配凍飲好正🤣）最後，特別要一提既係一黎到staff就俾左兩杯凍水我地真係符合日本正宗拉麵店既條件🤣（去日本食拉麵都係有凍水飲）

今日中午係大埔做完野就係附近搵野食，其實之前食過一次晚餐，諗住午餐再去食，所姒最後就尼左。原本諗住叫個maindish再加個小食，點知午市係冇小食，只有拉麵叫，所以最後只係叫左個拉麵，如果要食小食記住等晚市先好去喇！我叫左一鳴豬骨濃湯拉麵（直麵），配叉燒，另加左蛋因為好鍾意食蛋，所以加左隻蛋因為係溫泉蛋，所以都會有點膩！不過鍾意食就唔緊要啦！叉燒都幾入味，有兩大塊，不過散開左叉燒肥瘦均勻，唔韌，好軟身上次食左曲麵，諗住今次試下直麵，不過試完之後應會食番曲麵。因為曲麵口感比較好，直麵比較幼身，咬幾下就斷；曲麵就比較粗身少少，會比較有口感。一鳴拉麵同一鳴丼食堂係同一間店，只不過一間係食拉麵，一間食丼飯，所以如果大家唔想食拉麵，可以去隔尼食丼飯！

最近追緊半澤直樹，見到佢哋成日放工後都去食好嘢，所以就學佢哋咁放工後搵間日本嘢食食。大埔呢一間拉麵店裝修非常之有日本風，所以就想食下佢嘅晚餐。果然去到，嗰度用咗紅色燈做主調，成個環境都係偏紅色，好似真係去咗日本啲拉麵店咁。本來以為拉麵店就只有拉麵食，原來餐牌入面仲有好多小食同串燒添。限定·魚介豬骨湯拉麵(HKD88)揀左曲麵，普通麵質，加左少少唐辛醬。豬骨湯底非常之濃，尤其係紫菜吸收左湯底味道好香，麵質亦剛剛好，加埋唐辛醬有少少辣味，整體幾夾。煎雞軟骨餃子(HKD34)一份有五件，餃子煎得幾香口。豚平燒(HKD68)因為未食過呢個，所以想睇吓係咩嚟嘅，原本以為係好似大阪燒，原來係好似玉子燒咁，不過入面係加咗豚肉同洋蔥，第一次食有啲驚喜，幾特別。墨魚咀串(HKD20)墨魚咀爽口，而且醬汁幾好味。汁燒油甘魚(HKD48)魚嘅份量唔係好大，由香好重，又唔會燒得過老👍🏻青蘋果一千零一夜(HKD32)好大杯而且唔會好甜。呢個日式晚餐食得好滿足✌🏻而且餐廳店員服務好細心，上菜速度亦都快，下次會再黎食。

係大埔附近做完野，突然好想食拉麵，就搵到呢間啦～上次去完隔離既丼飯感覺唔錯，今次一於試埋佢拉麵！舖面用木色作為主色，簡簡單單好有日本既感覺😚有五款拉面選擇！有辣有唔辣～仲有限定夏日版，岩曬D心大心細既人仲可以自己選擇面條硬度，面款同配料，度身訂造🥳除左拉麵，見到佢餐牌都好多選擇，好多都好吸引，尤其是玉子燒！不過今次太飽～下次再試！🍜一鳴豬骨拉麵來到就覺得好吸引啦！湯底濃郁，略咸左少少，面質我簡左普通，但個人認為佢偏硬，但都好食🥳叉燒半肥瘦，夠味！鍾意食蔥既我特登加左蔥同少少唐辛醬，增添風味！溏心蛋出色～應該要加配先岩haha炒雜菜火侯夠，食落口仲熱辣辣。有木耳，翠玉瓜，椰菜等等～爽脆🥳

最近冇得飛去旅行，想回味一下去日本之旅，就去食個拉麵啦！我同老公兩個人去食，鍾意佢嘅裝修似足日式小店。一坐低梗係要叫返兩碗拉麵，一人一碗先。我就食返原味：一鳴拉麵，因為想飲啖豬骨濃湯，真係好濃郁喎！而我老公就食咗辣嘅拉麵，佢話最欣賞啲櫻花蝦好夠蝦味，同埋好足料。另外我哋仲叫咗一個鰻魚玉子燒，啲蛋好甜，又夠厚，相信起碼用咗五六隻蛋去包住舊鰻魚，但上面有啲鰻魚汁，香氣撲鼻。呢個係牛肉串，軟綿綿，熟的程度剛剛好，另外仲叫咗一串甜番薯，好正，當甜品食一流。呢個又係好鬼香嘅炒豬肝，啲豬潤夠口，所以食入口唔會好乾，好有咬口、彈牙。幾欣賞佢除咗拉麵之外仲有好多小食可以叫，拉麵亦有得揀返面嘅軟硬度同埋配菜，同日本食嘅一樣咁正！會再嚟食

鐘意食粉麵既我，拉麵當然都係我既喜愛之一。咁岩今日拉麵癮，就去搵下有邊間唔錯既拉麵店。行到黎大埔墟呢條好似好多野食既巷，開緊既拉麵店有兩間，最後揀左試下呢間一嗚。叫左一碗黑蒜油拉麵同一碗芫茜拉麵，再加一個餃子同乳酸梳打。黑蒜油拉麵既湯底，黑到好似墨汁湯咁，望落夠哂重口味。而芫茜湯底都不相伯仲，成碗都係綠色。咁重料，鐘意食濃味既人就岩哂。而且食得豬骨濃湯拉麵，應該點都鐘意濃味野。湯底夠濃夠咸，但黑蒜油既香味好似比想像中淡少少。而芫茜湯就唔係，個湯一飲就即刻有成陣芫茜味，我覺得係芫茜愛好者必點。麵有得揀幼身同粗身，但其實兩者既分別，主要係喺直身同曲麵度，粗度好似唔算好遠，岩我呢種比較鐘意幼身麵既人。怕熱氣叫餃子唔叫炸雞，但原來餃子係炸既，以為係煎。不過，炸有炸好食，特別香口之餘，同佢個醬汁都幾夾。醬汁有誠意，混合左蔥、香油同醋，好香。乳酸梳打都比想像中濃味，夠氣又夠酸甜，唔會淡茂茂。好飲，夠解渴，唔錯。

介紹呢間一鳴拉麵，好近大埔港鐵站，行5-7分鐘就到，在後巷靜中帶旺，晚市成日滿座tim! 一鳴拉麵，由湯底、麵款、麵質、配料 都可以自由選擇，價錢親民，貼心。🍜黑蒜。鳴拉麵 Kuro Ninniku Ramen 78HKD溏心蛋🥚好有醬油味 黑蒜一鳴拉麵，豬骨濃湯配以自家製黑蒜油，黑蒜油香濃，豬軟骨淋身宜且好入味。 🍜焰。鳴拉麵 Akakara Tonkotsu Ramen 78 HKD 焰。鳴拉麵，配以秒製地獄醬豬骨湯底，中意食辣既朋友一定唔可以錯過！

好多年前食過一次呢一間餐廳，之後因為一直都冇機會黎，今日終於比我可以再食到！ 勁開心勁興奮 因為我好鐘意食芫茜！而呢一間拉麵 有芫茜湯底嘅拉麵 好正我嚟到就即刻叫咗一碗 佢自由到幾大 有唔同配料啦 有唔用價錢 悉隨尊便 我叫咗芫荽湯湯底 直麵 加隻糖心蛋 一嚟到碗拉麵全部都係綠色好似生化武器哈哈 攞匙羹飲第一啖湯 超級濃郁嘅芫荽味 好想飲第二啖 食一啖麵 好爽口 配住啲湯嚟食超正 佢有唐辛辣醬 加咗少少落湯底 再食 原來仲好味 辣辣地 正芫荽迷一定要來

今晚係大埔到搵好野食，行行下見到呢間「一鳴拉麵」，見到一 X 拉麵，就諗起火影忍者入邊鳴人成日食嘅一樂拉麵啦，個名咁似，好有親切感啊😝好在果晚唔太多人，一入去就岩岩有張吉枱，不過大枱其實唔係太多(4-5張到) ，吧枱位就大把！整體店舖面積比香港一般拉麵大了，唔會坐落好逼，加分✅叫左個一鳴。拉麵 (豬骨濃湯) ，招牌菜一定有返咁上下水準啦！我仲加左豬軟骨tim，湯底濃郁(唔知淆咗幾耐呢😎)，豬骨軟不會太軟，而且脂肪和肉的比例剛剛好，係上等靚豬啊👍 叫完拉麵，打開個menu睇下，發覺有最鍾意食的玉子燒不特止，仲有鰻魚玉子燒揀啊！諗都唔諗就叫左呢款，個玉子燒係厚切嘅，再加埋入邊加左鰻魚，層次感出晒黎😋😋另外，筆者因為見到「燒日本甜蕃薯」寫住人氣🔥，就叫串燒烤食吓啦🙈雖然佢只係得6粒，但係唔好睇少佢，全部都係澱粉質黎架，食落口有種甜甜地嘅蕃薯味，做飯前小吃就岩晒喇🍡飲品方面，就叫左杯提子乳酸梳打，酸酸甜甜咁，再加上佢其實係一杯梳打，所以飲下飲下就會好飽，要慢慢飲先好啊！影左幅鋪面嘅吧枱位比大家睇吓，因為疫情關係，都會有膠板隔住晒，所以坐吧枱都有好高的私隱度呢🙊

喱一年都冇得返第二個鄉下（日本）😣 ，好掛住返鄉下食拉麵，不過🤩🤩好在大埔有間一鳴拉麵店 食物服務質素都唔錯🥳🥳好似真係返左鄉下咁啊店內環境好似日本拉麵店居酒屋咁有好多張插畫posters入面有bar檯同卡位 我地7點鐘入去，就坐左係門口右面嘅4人枱。拉麵可以選唔同嘅湯底、麵質粗度同可以加錢加料Etc.我就選左黑蒜。鳴拉麵（豬骨濃湯配以自家製黑蒜油）😎😎仲有加左粟米同櫻花蝦本身仲諗住加紫菜🤣不過店員話本身已有2塊紫菜，所以最後尾冇加到✔️黑蒜。鳴拉麵😳😳🤤🤤拉麵好足料～有半個糖心蛋、兩塊厚身叉燒、好足量嘅櫻花蝦同埋粟米🤤🤤湯底帶有濃濃嘅黑蒜香，麵質適中爽口我地仲選左燒翠玉瓜，仲有汁燒雞翼😎✔️燒翠玉瓜翠玉瓜雞翼燒得岩岩好，特別係人氣汁燒雞翼！顧名思義，雞翼外層多汁，加多少少檸檬汁落去味道酸酸甜甜咁非常唔錯！✔️汁燒雞翼飲品方面，叫左杯芒果菠蘿乳酸梳打Mix埋一齊嘅味道都好fresh✔️ 芒果菠蘿乳酸梳打如果大家都掛住係日本食拉麵，不妨都黎到大埔試下喱間一鳴拉麵🍜

今日放假陪媽媽出嚟大埔街市買嘢，買嘢之前就搵餐廳食午餐先，想食日本野，近近地附近有間都幾好多好評既餐廳，一於就係到食lunch 😗😗晏晝一點幾，估唔到都幾full，小店唔算大大概可以坐10幾人，啱啱好剩返兩個位，唔使等😆有午市拉麵套餐，每款$60 ，可以加飲品同埋小食。我哋就一人叫咗一個餐😬一碗一鳴拉麵，一碗黑蒜。鳴拉麵🍜店內嘅環境都做到好似日本咁，好多日本嘅poster落完單先見到有個夏日限定嘅拉麵或者烏冬，都幾吸引🥺🥺我哋坐係吧枱可以睇住師傅整嘢食🤪啲碗碗碟碟都放得好企理，真係好似去咗日本嘅拉麵店，細細間，得一兩個員工😝😝首先嚟咗兩杯飲品，一杯係西柚梳打，另一杯係青檸青蘋果梳打。個人比較喜歡西柚梳打，酸酸甜甜，又醒神又開胃！青檸青蘋果梳打就比較甜，建議少甜比較好😬首先係我個碗黑蒜。鳴拉麵麵我揀左直麵配叉燒，個湯底超級濃😍😍超香黑蒜油味，食落口唔會好油。隻糖心蛋啱啱好，食完半隻係唔夠喉，好想加多一隻🤣塊叉燒肥瘦均勻，都好淋，食得出有燒過/煎過！媽媽嗰碗係一鳴豬骨濃湯拉麵，佢就配豬軟骨同曲麵，試咗佢一啖，可能我個黑蒜油比較重口味，顯得呢一碗清啲，不過媽媽話佢覺得ok，豬骨味都好夠香濃！

今日去開大埔道行街，俾我發現咗依間日本餐廳，喺地鐵站a出口行一陣就到，餐廳成個裝修都好有日本昭和風格，唔使去日本都可以食到日本嘅嘢食😋 而且老闆娘好熱情，態度一流👍🏻野菜叉燒炒拉麵🍜我叫咗個拉麵離當晏晝飯食，好細碟又飽肚，而且味道一流，裏面好足料，有椰菜同叉燒，陪着炒拉麵食一流👅豚平燒超級超級超級推介！有驚喜🤩外層有蛋包住，裏便原來係椰菜、豬肉，加埋燒汁一齊食，食落去味道原來係咁夾，咁好食😋 10粒星推介一嗚創作醬炸雞🍗依間餐廳自家創作，炸雞外層好香脆，而且肉汁鮮嫩，仲有一個沙律醬可以點煮嚟食👅依間餐廳比到驚喜我，估唔到咁好食，我決定以後日日晏晝都會再同朋友過嚟食，而且價錢好公道❤️

因為好想吃拉麵就在家附近找一間拉麵店，在門口已經見到店舖很有日本風，進到店內再望一下牆壁的圖和裝修，就好像真的去了日本的居酒屋似的。這個也是店舖對外賣的細心，這個安全掣，連回到家中想打開的時候也要點技巧，所以回家的途中一點湯也沒有走出來，而且保溫的功效也很好。我點了一個拉麵加套餐，套餐有餃子和一杯飲料，飲料有四款梳打選擇，而我選了乳酸梳打，根據以往的經驗乳酸梳打都會很甜，但這個味道剛剛好，不會太甜，而且沒有冰，所以不會變淡。套餐的餃子有四隻，還有一個餃子汁。餃子的外皮，三面也是煎過的，餃子外皮的頂部很脆，但其他部分很軟，和內面的肉一小啖就可以咬開。另外加點了一個炸雞，炸雞配有沙律醬。炸雞的表皮很脆口，咬下去有脆脆的口感，但雞肉是很軟，有一種強烈的對比，加上沙律醬酸酸的味道，令人覺得很開胃。麵和湯是分開放的，光看這個碗就知道很豐富，整個碗都放得滿滿的。還有這個湯底，不過我在想，我點的是 焰鳴拉麵(地獄湯底)，這種顏色是不是真的會讓我有地獄的感覺？結果把湯底倒進麵裡的時候，就發現真正的地獄要出來了，還有在麵的右手邊有一點加辣醬。這個面的流心蛋超好吃，超軟熟的感覺令我有點後悔沒有加點一隻，而

今日襯著放假就與媽媽去了大埔探朋友，然後行咗陣街，行行下好肚餓就同媽媽食晚餐，我地選擇簡單地食拉麵🍜入到去餐廳雖然細細間坐位都舒服😌焰鳴平時都食開原味的我，今次想有啲突破食辛辣湯底😋😋😋拉麵個麵質感爽口彈牙，配料多多有紫菜、高質流心蛋同大量櫻花蝦tim 😍😍😍好多料相當豐富👍🏻一鳴另外一款就是原味豬骨湯底，湯底不錯麵質都是選擇了普通，入口很爽飲一啖湯再食更加滋味可口，而且配料同樣豐富，相當滿足的拉麵🍜 🍜 🍜