一鳴屋台料理

营业中

休息中

一排冇食拉麵，今日心思思，就嚟到屋企附近嘅一鳴屋台料理，除咗美味拉麵，仲可以食埋其他日式美食。最後兩個人點咗以下嘢食開心share 黑蒜拉麵🍜濃厚嘅豬骨湯配以自家制黑蒜油，呢個湯底真係冇得輸，百吃不厭！豬軟骨好腍好入味，充滿骨膠原嘅口感。溏心蛋都好出色，蛋黃係軟心加少少流心，醬油味剛剛好芝士明太子玉子燒玉子燒賣相好靚，有把刀提供可以切開小件，熱辣辣嘅玉子燒裏面好juicy，仲有拉絲芝士土佐豆腐豆腐炸得外脆內嫩，裏面真係滑溜溜，配上清香嘅鰹魚汁湯，好味燒雞軟骨雞軟骨好香脆，在灑上黑白芝麻粒，更香更好味山椒汁燒廣島蠔🦪呢個燒蠔真係不得了，蠔被香濃嘅山椒汁完全滲透，超級入味，而且燒得外面焦香，裏面係半熟狀態，口感一流

一鳴屋台料理 新界上水馬會道180號上水呢間日本拉麵店五大湯底，各有特色着校服錢學生證有優惠今日試試黑蒜油湯底關西風炸雞球丼定食$78炸雞肉球的外皮酥脆，內裡則是鮮嫩多汁，搭配日式醋飯口感更佳蛋黃醬的加入為這道料理增添了濃郁的口感，而生菜和日式醋飯則為這道料理提供了清爽的口感和平衡一下黑蒜拉麵＋櫻花蝦＋加蛋 跟套餐＋$25口無糖可樂＋口炸雞湯底濃郁，配料豐富，彈牙的麵條和濃郁的黑蒜醬油味道非常相配呈現出深色調－－>黑拉麵 有豬軟骨或者日本叉燒揀兩塊半肥瘦嘅日本叉燒 圓軲轆，口感十足

上水嘅日式餐廳選擇嚟算好多，今次晚餐就揀咗一鳴屋台料理。燒鳥拼盤可以一次過食勻依度嘅雞肉串燒，餐牌無寫明係邊款免治雞肉棒，原來係我最喜歡嘅月見醬油！雞肉棒配生蛋黃幾時都係咁夾！雞軟骨燒得脆口，雞腎一粒山椒粉另一粒係七味粉，雞髀肉同雞翼都保持到嫩口🐓另外叫咗山椒汁燒廣島蠔，味道比較濃烈微辣，京蔥剛好做番個平衡，再食下一隻蠔🦪明太子海鮮雜錦御好燒好好食，海鮮係大大隻嘅蝦仁、海量魷魚章魚、櫻花蝦，超級足料，餡料絕對係比粉漿多，雖然依類御好燒通常係配蛋黃醬同照燒汁，但依個明太子風味都唔錯，好喜歡裏面加咗紅薑🥢仲有叫咗胡麻醬豆腐沙律🥗今次見到好多人嚟到係食拉麵，下次有機會都可以試下！

上水日式拉麵舖唔係好多，喺馬會道十字路口見到一間日式拉麵店一鳴，一直都想試，但每次行過都見到好多人排隊，今次特登平一利息，好彩真係冇咁多人，如果假日嘅話就應該要排吓隊。呢度坐得都幾舒服，餐廳裝修都幾精緻，上一大班朋友嚟吹水都OK，環境唔會話太靜，都可以傾得幾舒暢！首先梗係要叫返碗拉麵，由於今日好肚餓關係，我叫咗好多嘢食，叫咗黑蒜豬頸肉拉麵，仲嗌左芽菜同埋一隻蛋！超豐富好正！碗拉麵都真係味道唔錯，豬頸肉都幾淋身！我仲跟埋餐，加左份炸雞同埋抹茶波子汽水，抹茶波子汽水真係第一次聽，味道真係幾好飲，抹茶味幾重幾得意，下次會再飲！同埋叫咗個炸雞，熱辣辣真係好好食！唔算好厚炸粉肉質都算嫩滑！不錯不錯！！！

松露拉麵呢款拉麵好特別，平時好少見，估唔到松露同拉麵係咁夾🥰松露味好濃，值得一試赤辛拉麵辣味剛剛好，鐘意食辣就啱晒😁黑蒜拉麵麵可以揀細麵/太麵，太麵較有口感，比較煙韌。有豬軟骨同叉燒可以揀，豬軟骨味道幾好，好冧身🫶🏻另外點咗幾款小食：軟殼蟹御好燒份量十足，軟殼蟹好大隻，幾好食😋唐揚多春魚炸得好脆，但係唔會好油，多春魚都幾大條芝士明太子玉子燒芝士可以拉絲，玉子燒半熟，非常滑溜，口感一流一鳴創作醬炸雞🍗炸雞熱辣辣，外脆內嫰，醬汁味道唔錯👍🏻.📍 一鳴屋台料理 (上水)上水馬會道180號

今日終於去咗上水嘅一鳴屋台料理食晚飯！去到已經好多人喺前面排隊，生意好好！店員好細心咁俾左籌號我地，好有條理～等左十分鐘左右就有位，地方都幾寬敞，坐得好舒服😌呢間鋪提供左凍水俾客人，好有日本傳統餐廳嘅感覺，天氣熱飲凍水就岩晒。我哋叫咗五樣嘢食：汁燒鯖魚丼定食、鰻魚玉子燒、燒翠玉瓜、本格豚平燒同三色凍豆腐。第一味上嘅餸係三色凍豆腐。凍冰冰好啱夏天食！有櫻花蝦、蔥花同木魚碎三個口味！豆腐好滑好開胃！平時食日本嘢我通常會食吉烈豬/雞扒，今次決定試啲新嘢，叫咗個汁燒鯖魚丼定食！鯖魚非常新鮮，燒汁汁料香濃，唔洗額外貼醬油都好夠味！今晚仲有碟炸蝦做伴菜！好脆好香！另外，個味噌湯都好足料。鰻魚玉子燒嘅蛋汁好香，唔會過熟，口感柔軟！食咗咁多肉，我哋都叫咗啲燒翠玉瓜中和一吓。翠玉瓜係一串三嚿，燒得啱啱好，口感脆嫩清爽，非常開胃又唔膩。本格豚平燒勁足料！蛋皮好滑好香，蛋汁juicy，餡料豐富，啖啖豚肉，真係大件夾抵食！價錢實惠，又好味，見到餐牌有拉麵都好似好吸引，下次再黎試下先

今晚同媽咪一齊去食日本拉麵同丼定食！餐廳係日式風格裝修，坐得都幾舒服！🌞🌞蒲燒鰻魚滑蛋丼定食🌞🌞媽媽大讚丼定食好好食，份量好足夠！鰻魚有成個手掌咁大條，而且燒得爽脆香口，肉質嫩滑，肥美！再淋上甜甜嘅鰻魚醬，真係好好食！個丼仲有漬物、牛舌粒同麵豉湯！漬物脆口，帶微酸，送飯真係一流！牛舌粒係炆的，細細粒，易入口，仲好好食，爽口，唔會覺得靭！麵豉湯內面的海帶份量都多！🌞🌞松露叉燒拉麵🌞🌞拉麵飄住陣陣嘅松露嘅香氣，豬骨湯底濃厚不鹹不膩，我選擇幼麵，硬度適中，不黏糊而且仲好掛湯！叉燒半肥瘦，入口鬆化，浸係松露湯入面更加出色！溏心蛋剛熟未熟，軟滑香濃！🌞🌞芝士明太子玉子燒🌞🌞玉子燒賣相好靚，大件！上到枱仲會震騰騰！內裡半熟嫰滑，蛋香味濃！而且仲有明太子醬，好正！一切開，芝士仲會拉絲！三種味好夾，好好食！服務:員工態度殷勤，熱情！主動話有熱水俾媽媽飲！值得一讚！媽媽表示好欣賞，下次會再黎試其他丼定食！

><食飯時間有時想坐得舒服d都會諗起一鳴 自己一個可以坐bar枱卡位就方便幾個人傾計食飯松露(88)雜菌松露醬油豬骨濃湯湯底濃郁稠身 有一大匙松露醬麵條輕易掛湯 好似食緊沾麵咁叉燒完整大大片 肉質豐腴赤辛(85)秘製地獄醬豬骨湯底雖然湯頭幾紅 辣度剛好惹味配料除咗火炙叉燒可以揀豬軟骨另外加咗味筍(10)同溏心蛋(10)食拉麵不可缺少嘅配菜套餐(+25)我哋嗌咗烏龍茶/抹茶波子汽水小食就揀咗炸雞/唐揚豆腐><><><><><><><><><>< 一鳴屋台料理上水馬會道180號

聽朋友講呢到既香菜拉面幾好食，而且見唔係好多鋪頭有賣，就叫左黎試下。我覺得本身就算唔係好鐘意香菜既朋友都可以接受到，個湯係有淡淡的香菜味，但係本身拉面濃湯味更出，所以幾特別，仲可以簡唐辛醬。加左辣之後仲好食! 之後都叫左D串燒黎食，叫左汁燒茄子，鰻魚串燒，汁燒雞翼同埋雞肉京蔥燒。呢到D串燒都幾抵食，價錢比一般串燒平! 汁燒茄子原來係分左3件，圓切，食落仲有咬口，唔會變到淋曬既茄子。雞肉京蔥燒比想像中大件好多! 雞肉好嫩，燒汁都好好食，一啖雞肉一啖蔥，好正! 野飲方面叫左巨蜂士多啤梨乳酸同埋青蘋果白桃乳酸，都幾大杯，好飲! 唔會太甜! 順帶一提係呢到d staff態度都好好! 一定會再黎食的~~

住係附近終於搵到間好食又近既日本野了!! 今日收工係到食飯，主要係見到門外限定拉面湯底係蜆清湯拉面，就心郁郁想試! 入到去個環境好好，坐得好舒服。拉面有張紙自己簡! 簡完湯，仲可以簡面軟硬度，細蔥數量，木耳，重點係可以簡豬軟骨或叉燒。平時都係跟叉燒多，呢到竟然有得簡豬軟骨! 不過今日想食叉燒多D~ 佢仲有唐辛醬簡! 怕辣叫左1個辣椒仔的量。試一試個拉面湯，好清甜!! 仲有大大隻既蜆肉同叉燒，面質我簡幼面，幾好食。個湯因為唔膩，會令我想飲曬佢! 見到呢到仲好多款御好燒簡，叫左青蔥燒肉口味，呢個比想像中好食! 除左面頭有塊大燒肉，中間都有一片片燒肉，好滿足。重點係佢唔會做到中間太多粉! 炸芝士年糕我成日都會叫黎食，不過不失，最緊要熱辣辣!

馬會道都幾多野食，有幾間都多人等位，今次食呢間都係要等位，不過等左15分鐘左右就有位。入到去發覺其實應該仲有2樓閣樓，不過就無開放，所以就坐滿晒1樓。汁燒茄子自己以為係成條上，點知係一件件茄子，仲方便食添，燒得岩岩好，茄子的水份還保留在串燒內汁燒雞翼甜甜地少少辣，餐前小食之選松露拉麵價錢competitive 不在話下，成份拉麵都好足料，有叉燒、溏心蛋、菇及洋蔥等等，湯底係濃郁的松露味，非石油氣味(你懂的XD）明太子海鮮雜錦御好燒高麗菜、蝦仁、青口、蝦米和海苔碎等等整整齊齊咁左至右上至下排晒係到，一口咬落去可以同時感受到多種食材味道，層次感十足👍鰻魚玉子燒嘅係同玉子燒價錢差不多，就叫埋有鰻魚的版本啦！師傅將成條鰻魚收埋係卷蛋內，燒汁，玉子及鰻魚各自發揮所長😜荔枝熱情果乳酸乳酸及熱情果味重，所以荔枝味不太出，但總的來說，酸酸甜

📍一鳴屋台料理🌶️赤辛叉燒拉麵 $78鍾意食辣嘅我叫咗一碗試下，辣度相當過癮。叉燒勁入味，肥瘦適中😋另外我今次揀咗太麵，麵係會粗身啲。唐辛醬簡直係昇華咗成碗麵，勁香🤤係超級好食！🐽一鳴叉燒拉麵（豬骨濃湯）$78湯底勁香豬骨味，麵條嘅軟硬適中，相比起赤辛叉燒拉麵裏面嘅叉燒，依一碗嘅叉燒冇被辣味太多嘅蓋過，更加食得出豬肉嘅香味😙配料都好多，有蝦米、流心蛋、大量木耳，淨係食配料都夠飽😌🤩明太子海鮮雜錦御好燒 $78呢個絕對係必叫！！！🤩啖啖都食到海鮮，有蝦、章魚、椰菜同大量嘅明太子醬。唔單止個賣相吸引，食落去相當滿足！🤤🤤 如果同friend嚟食，建議可以試吓😌🍺日本生啤 （Orion 5% 日本沖繩) $58大大杯既生啤，放工之後飲一杯的確幾過癮😙🥤荔枝熱情果乳酸梳打 $34味道酸酸甜甜，飲落幾開胃😝最啱用黎解膩😆⭐️好味指數： 8.5/10📍一鳴屋台料理上水馬會道180號

叫得屋台，我覺得穫氣好重要，係日本一路食一路聽住啲炒嘢聲，聞住啲嘢食味，真係色香味俱全！估唔到上水都間高質「屋台」入到去環境舒服，6點左右入座，因為要等朋友，坐咗 15 分鐘先落單都無比人催，嘢食都上得好快玉子燒： 唔會太老，都幾滑，而且賣相不錯明太子櫻花軟殼蟹御好燒： 軟殼蟹略嫌太乾，咬落去已經無晒汁海鮮炒面： 配料都夠足，味道適中，啲面偏硬 有冰水！去過日本都知，日本食拉面一定係配冰水㗎，所以冰水好重要，成件事加咗分 ！

約左朋友係上水食飯，上水呢頭出名冇乜野食，經過見到呢間裝修幾靚既日本居酒屋，價錢合理，決定試試佢！店鋪位置寬敞，坐得好舒服唔會好逼夾，岩晒兩個人食飯吹下水。食物方面都幾多選擇，有拉面又有丼飯，加上有唔同好多小食可以叫，真係有種去左日本居酒屋既感覺。拉麵方面，佢有好多味道可以揀，同埋好貼心有得簡麵既硬度同麵條種類，我叫左個最原始豬骨濃湯太麵（$82），可以試下餐廳既技術！個麵黎到已經有好香既豬骨味，食落係好濃厚既湯底，但唔會好油膩，拿捏得剛剛好。叉燒半肥瘦，淡淡油脂味。個溏心蛋都好香，正常水平。我朋友叫左個黑松露豬骨太麵（$88），黎到既時候散發陣陣黑松露香氣，食到豬骨味之餘，加上淡淡松露味，味道都幾夾！小食我地叫左炸雞（$42），食落都幾juicy，加埋個甜甜地既醬，食落好香口。另外叫左個芝士明太子玉子燒（$88），好多明太子醬，蛋味好香！

平日晚上的入座率一般，基本上不用排隊，食物也來得很快。普通一碗拉麵，份量少，湯底不特別好喝，價錢同市區相約，零服務但收加一。見到那麼多好評有點失望，不打算再光顧。