一鳴屋台料理

营业中

休息中

上水日式拉面舖唔系好多，喺马会道十字路口见到一间日式拉面店一鸣，一直都想试，但每次行过都见到好多人排队，今次特登平一利息，好彩真系冇咁多人，如果假日嘅话就应该要排吓队。呢度坐得都几舒服，餐厅装修都几精致，上一大班朋友嚟吹水都OK，环境唔会话太静，都可以倾得几舒畅！首先梗系要叫返碗拉面，由于今日好肚饿关系，我叫咗好多嘢食，叫咗黑蒜猪颈肉拉面，仲嗌左芽菜同埋一只蛋！超丰富好正！碗拉面都真系味道唔错，猪颈肉都几淋身！我仲跟埋餐，加左份炸鸡同埋抹茶波子汽水，抹茶波子汽水真系第一次听，味道真系几好饮，抹茶味几重几得意，下次会再饮！同埋叫咗个炸鸡，热辣辣真系好好食！唔算好厚炸粉肉质都算嫩滑！不错不错！！！