一鳴丼食堂

营业中

休息中

好耐之前食過一鳴拉麵 , 覺得唔錯 , 之後都有回頭 1 , 2 次之後佢開咗 "一鳴丼食堂"  , 主打丼飯 , 串燒等等 , 一路都想試 , 而且喺大埔區都幾出名 , 好多人食過都讚好 , 今日終於有機會同屋企人嚟試下啦 !! 😁😁週日午飯時間嚟到啱啱好唔使等 , 店舖都幾細 , 座位有啲逼 , 唔係坐得好舒服 , 不過以小店嚟講 , 呢點可以理解 , 店員服務還可以 蒲燒鰻魚帆立貝盛 ($128) 個飯同餐牌上圖片差唔多樣 ~ 面頭隻帆立貝好大隻 🤤🤤 鰻魚份量都幾多 , 而且係厚切 , 肉厚 , 唔會淨係得塊魚皮同肥膏 , 好味好味 !! 北海五品盛 ($178)有帶子 , 牡丹蝦 , 三文魚 , 三文魚籽 , 油甘魚 , 海膽 , 刺身都唔錯 , 略縑唔夠鮮味 , 款式都夠多 , 同樣好食 !! 芝士明太子玉子燒 ($78) 朋友大推呢個玉子燒 , 所以試下 ! 食後感覺還可以啦 , 明太子味道淡咗少少 , 不過勝在大份 , 3 個人食都覺得多 ~汁燒雞翼 ($28) 正正常常 , 未有驚喜 , 無一般燒雞翼個種驚豔 ~ 雞皮串燒 (2 串) ($28)太硬 , 口感一般 ,

今日朋友黎到大埔，當然要帶佢試下新野！之前上網見到介紹呢間主打丼飯同壽司，款式同賣相都好吸引就決定黎試吓！鋪頭位置係大埔運頭街，係一嗚拉麵格黎，由大埔墟火車站行過去10分鐘左右，唔算難搵！店舖裝修日本風格，令人有置身係日本既感覺！先睇下餐牌，丼飯既種類都幾多，而且有圖片作介紹，令客人可以睇得更清楚！每款都好吸引，而我就揀左北海五品盛。有三文魚、油甘魚、鮮帶子、，海膽同牡丹蝦。一黎到賣相吸晴，睇得出用料非常豐富，拿拿林試下先！牡丹蝦非常大隻，蝦肉十分爽甜，一隻都唔夠喉😅而帶子既鮮味十足，size又夠大夠厚，完全冇雪藏味。令我最驚訝係海膽，非常新鮮，夠鮮甜，唔會有苦味，加埋紫菜一齊食，正！睇落好似好細碗，但其實飯既份量都好多，夠晒飽！另外朋友就叫左個炙燒牛肉丼，遠遠已經嗅到佢既香味！牛肉係用火槍燒過既，濃濃既牛味，入口即溶，食得出係用高級既牛肉，牛肉面頭有隻雞蛋，將蛋打穿，撈埋一齊食！呢款都值得一試！

有個friend請食飯，想喺大埔墟街市附近搵間四正嘅餐廳食飯都唔容易。見到佢話想食日本野，帶左佢黎呢間食開嘅一嗚拉麵隔黎新開嘅刺身餐廳～可能新開，都無咩人～～叫左都幾多野食，最吸晴個個係個玉子，食落都唔錯，蛋味幾香嘅～～另外仲有個刺身拼盤，食開好野嘅friend就覺得啲刺身麻麻地，唔夠新鮮～我就覺得還好，畢竟係tai po lei d平民地區無expect食啲好靚好靚嘅刺身😂😂😂總括黎講都ok嘅！

大埔巷內的小店芝士粟米玉子燒玉子燒一上枱嘅時候仲係熱到噴煙嘅 付上一把小刀俾你切你鍾意嘅size，個蛋係八成熟左右，用咗嘅芝士配埋未熟晒嘅蛋漿 口感好好 （唔似平時食壽司嗰隻玉子咁樣見唔到啲卷紋）海膽丼海膽既份量都好多，海膽好新鮮，再配埋一隻生嘅鵪鶉蛋 比你撈埋d 蛋汁落飯 👍🏻👍🏻 但因為返嘅份量都好多，兩個人share一碗飯再加埋其他嘢就剛剛好啦刺身拼盤10分有誠意！全部刺身都係厚切，尤其是個油甘魚係超超超厚切同肥美

Tried this new Japanese restaurant. I ordered the signature sea urchin rice which is served with three different types of sea urchin. The sea urchin rice was very fulfilling to eat but I would advise sharing it among 2-3 people as it would be a bit too heavy to eat it all by yourself. Apart from the rice, I ordered some sashimi and Japanese skewers. The scallop was large and fresh. So was were the prawns. For the Japanese skewers, we ordered some chicken wings, chicken and leek, chicken livers,

7點去到都已經好多人等緊位啦, 店內座位唔多, 但係野食賣晒既速度真係話咁快...值得一提既係menu設計好有心思♥️食物種類都幾多, 不過想食生蠔同活赤貝就要快手啲啦~ 最後個三隻生蠔🦪就係我地眼前比人要左...刺身正常發揮, 魚腩飽滿赤貝脆口, 少少不足係刺身唔係幾夠凍作為左口魚eater係必叫既! 魚油真係係個口入面浪下浪下架🥺不過唔係魚腩所以冇入口即化既感覺呢個真係爆丼到無從下手！一向都鍾意一啖飯一啖餸, 但啲蟹腳實在太阻埞所以一口氣搞掂幾隻腳先. 蟹腳非常鮮味, 唔洗點咩醬油食原味已經好正🤤食到最後都仲有好多蟹肉~原本個丼係有三種海膽既, 不過有兩隻賣哂...呢個海膽盛唔輸上面個甲羅盛, 都係有食左個海落肚既感覺🧜🏻‍♂️腌蘿蔔我都好愛呀~熟食方面叫左燒翠肉瓜同燒牛舌燒翠肉瓜好多汁, 正常發揮啦~燒牛舌普通, 冇咩牛油味之外肉質偏韌沙津就叫左燒牛舌沙律伴山葵忌廉醬除左係左口魚eater我仲係牛舌eater所以呢到既牛舌其實對我打擊有啲大😭山葵忌廉醬配沙律幾清新幾特別~

中學時代已經成日食一鳴拉麵🍜知道佢開咗一間新嘅餐廳專係食魚生飯急不及待去試吓😆.今次試咗四重火焰盛($138)🔥真係非常非常非常足料!足足有三粒好大嘅帆立貝！其餘仲有三文魚、蟹柳同左口魚全部都微微用火槍’辣’過嗰種半熟嘅口感真係好正🤤.另外亦嗌咗櫻花蝦紫菜玉子燒($72)玉子燒得啱啱好唔會好老 咬落仲有少少蛋漿櫻花蝦同紫菜都好足料.整體而言 絕對有食第二次嘅機會！❤️📍一鳴丼食堂 (大埔)大埔運頭街20-26號廣安大廈地下F舖

之前不嬲都鍾意同女朋友食日本野，但通常都係食拉麵，因為佢真係好鍾意拉麵。早兩個月食一鳴拉麵果陣，發現隔離開左間分店係專係食丼飯。見之前食佢間拉麵都唔差，所以就想試埋佢個丼飯。所以就帶埋佢一齊黎試下。環境同日本居酒屋格局幾似，感覺幾有ｆｅｅｌ。呢邊除左丼飯之外，一樣保留左原來一鳴拉麵已有既小食，之前食過覺得唔錯，我放左ｄ餐牌上黎大家可以睇下，個人覺得炸物幾好食。但今次黎呢邊主要係想食丼飯，當中有一個我響其他地方未見過既丼飯，一望到張圖就比佢深深吸引住。所以就直接落左個究極甲羅盛（雖然個名真係好尷尬好中二病）。女朋友個飯食左一半我個飯都未黎，心諗係咪落漏左，正想催佢果陣就黎左，但冇白費我咁有耐性等佢。個飯有個蟹蓋放係面裝住堆蟹肉，蟹籽，蟹膏，蔥同埋一隻雀仔蛋，個店員教我可以落左隻蛋落去搞勻佢再撈飯食，隻蛋可以唔落照撈又得。除左個撈飯蟹蓋，仲有成隻蟹既蟹腳同蟹夾，第一次食咁足料既丼飯，隻蟹真係啖啖肉，肉質又有彈性，食完真係想即刻再食。佢仲有d有紫菜同炸粒粒放係個樽度，記得要落埋去撈飯，我就係好傻仔咁食左大半飯先記得個店員講過有得落，搞到唔太夠味，落完之後勁好食。有機會一定要試下。

入大埔搵朋友仔,已經18:00又過咗食tea 時間,又未到食飯時間🤔🤔朋友話好耐冇日本野,所以就向住呢個目標搵啦由火車站行出去周邊行去搵食行行吓見到有條街有幾間牆細鋪條街唔起眼,朋友仔住咁耐都冇發現最後決定去呢間"一嗚丼食堂"佢有二間連鋪,隔離就係食拉麵我地係門口睇個menu 後朋友仔話想試下當時已經18:30 入面都有幾枱客人嘅好彩啱啱好有張二人枱唔洗坐bar 枱間鋪長型唔係太多位裝修似日本嘅坐低時枱面有三份大張嘅menu(原來係直接係張memu 上畫👉🏻呢個有d 唔環保)話明係"丼"更係必食啦👉🏻叫咗🦀🦀 (宜家季節😬) 😋 (佢真係有埋蟹蓋😱有諗過有咁細隻日本🦀,有 齊晒成隻🦀部分,再加🦀子同🦀膏,🦀鮮甜)👉🏻叫咗串燒🍢🍢(墨魚咀🐙🐙 + 雞軟骨🐓🐓燒得都幾香)時間尚早未太肚餓,所以只食少少野下次會再試下其他野,見到好多人叫"海膽"丼禽晚到19:00已經開始多人,但係佢流量快嘅

其實一直都對「一鳴」呢個名好有好感，因為佢嘅拉麵真係好好食，好有日本風味。知道佢開咗食堂，第一時間就去幫襯啦！冇改佢一向嘅風格，入邊嘅裝修同埋格局都好似身於日本一樣！食物種類繁多：沙律及定食、炸物、串燒，甚至魚生都有，其中以串燒最多樣化！可惜當日喉嚨痛，食唔到串燒不過望到隔離枱叫咗牛柳粒，望落好juicy!!第一個上嘅菜就係呢個牛丼，唔好望落去細細碗咁，佢嘅牛同埋飯份量都好足夠，我係正常食量，都好足夠！將佢嘅蛋黃打穿，蛋黃醬流來啲飯同埋牛到，跟住連埋啲飯去食，但我冇搶到牛嘅味道，牛肉亦燒得啱啱好，唔會太老最令我滿意嘅就係牛肉嘅脂肪同埋肉嘅比例平均，唔會啖啖都係肥膏我係非常滿意呢個丼，都好推薦大家試下！之後就黎到呢個壽司拼盤！水準完全唔可以同大型日本食肆比較，因為係另一個層次！首先，魚生係非常新鮮，但又唔會太凍，感覺好似喺雪櫃拎出嚟咁，我建議唔好甜豉油去食，去感受到海鮮嘅鮮味我最欣賞嘅係海膽軍艦啲海膽唔苦㗎！仲有少少甘甜味！最後又點少得魚生，其實我好少食貝殼類嘅魚生，總係擔心唔乾淨同埋唔好食，但呢度好清潔，侍應都建議我哋快啲食咗啲魚生先！原來新鮮嘅魚生係特別彈牙，而且色彩光澤總括而言，一

經已是第二次光顧小店，橫裝舒適簡潔，彌漫著日人小清新的感覺。記得首次是點了類似親子井的東西，質素不俗。是日午膳嘗試選擇散點壽司🍣刺身燒物，比小拼盤更能貼近個人喜好。先遞上普通的三文魚刺身，就令我感覺驚喜，縱到高級日式食店也沒有此精緻賣相，師父的巧手用心，令人感到溫暖有誠意，食材也新鮮。接著來的的三文魚子壽司、吞拿魚蓉壽司、火炙左口魚裙邊壽司也是有質素又新鮮，紫菜仍然是脆卜卜的，沒有令人失望。最後，再點了燒鯖魚，只是略嫌燒得過頭而少了點肉汁，但沒有一點硬骨，能整條吃完，鮮味脆口沒帶點腥味，非常不俗。強烈推薦此有心誠意的小店，希望繼續保持食物水準，定必繼續支持光顧！加油！謝謝你們的廚師用心堅持！

平日夜晚走去食 7點零左右去到 唔洗等位同一般日本餐廳設計差唔多 坐既地方都係偏窄 不過周圍都算乾淨煎餃子餡都幾豐滿 最特別嘅係佢個汁 睇餐廳個名就知要叫個丼 呢個四重火焰盛 好足料 差唔多淡淡都可以夾到魚生 加埋蛋汁同壽司豉油Wasab 正壽司方面叫咗 海膽 甜蝦 八爪魚 同埋炙燒左口魚邊 好耐冇試過食間咁高質嘅壽司 海膽超級creamy 左口魚邊同甜蝦都可以入口即溶 小食方面都叫咗個燒雞翼 即燒所以到最後先嚟到 加埋檸檬汁更加好味😋嘢飲方面叫咗個柚子同梅子酒 不過感覺個份量就真係少咗啲 建議叫非酒類嘅嘢飲可能會好啲最後買單五百幾 質素比一啲高級嘅日本餐廳都好 食完已經想再返轉頭

呢日來到大埔搵朋友食飯聚會，朋友介紹來到呢間位於橫街嘅日本餐廳。一鳴有兩邊舖位，一邊係食拉麵，另一邊係食魚生丼飯，我同朋友就揀左去食魚生丼飯。呢度舖面面積不大，我地坐左係吧枱，環境都幾清靜適合慢慢傾計。不得不提menu嘅手繪圖真係好靚！款款丼望落都好吸引！北海道五品盛我同朋友叫左兩款丼share食，呢度嘅丼望落好細碗咁，但魚生係多到瀉！首先呢個北海道五品盛有海膽、帶子、三文魚、油甘魚、牡丹蝦同埋大量嘅三文魚籽，魚生件件都厚切夠晒肥美都不在話下，食材亦好新鮮十分鮮甜，特別鍾意牡丹蝦足足有手掌咁長，肉質亦好鮮嫩。鮭火山另外我地仲叫左個鮭火山，有三文魚、三文魚籽同拖羅蓉。繼海膽之後我一向最鍾意嘅魚生就係拖羅蓉，呢度嘅拖羅蓉鮮味得來口感綿綿的，撈壽司飯食一流！加上三文魚粒係絕對比望落多，好似食極都食唔完咁，再配上清爽嘅三文魚籽同青瓜、甜甜嘅蛋粒口感更加豐富。

最近又中意番食日本野嘅我地分別試左兩個丼飯🍵：1.四重火焰盛 $138一見到佢個賣相就已經食指大動喇😋😋😋有啲燒三文魚，燒蟹棒，燒凡立貝同燒左口魚裙邊，份量十足，perfect！佢每樣燒魚生都燒都非常香，食落去嗰陣完全係入口即溶，個凡立貝尤其出色！加埋個生蛋撈飯（大愛😍）真係諗起都流口水呀🤤2. 炙燒牛肉丼 $138 🐂🐂原本中意海鮮丼多過牛肉丼嘅我，對於呢個牛肉丼冇抱太大期望，點知一咬落去牛味好香，又唔會韌，牛肉，嘅生熟程度同調味都恰到好處👍，好有驚喜🤤令我諗番起係日本食過嘅牛肉丼！🇯🇵總結黎講，兩個丼都各有特色，賣相又得，同樣咁高汁👍但價錢又親民，店員服務態度又好，裝潢又有日本風味☺️有機會一定要再試！😆呢間一鳴丼食堂仲有間一鳴拉麵係隔離🍜下次一定去埋朝聖🤤

咁岩去開大埔，就諗住去支持下大埔啲小店，發現到呢間日本料理餐廳裝修得好靚，就入去試吓啦鋪頭唔算好多人，好快就入得去一坐低就比左兩杯熱茶我地啦由於都幾肚餓嘅關係，所以都叫左幾多嘢食首先係呢個角切魚生飯，份量比想像中少，但係勝在魚生夠新鮮，食落好香，加埋新鮮山葵同豉油另外重點左三款壽司，分別係八爪魚，燒左口魚裙邊，同埋蟹膏甜蝦軍艦。八爪魚覺得有少少乾，味道一般。反而另外兩款有驚喜左口魚裙邊燒完之後好香魚油味，而蟹膏就夠晒鮮甜值得一讚去親日本餐廳都要叫我燒芝士年糕食今次都唔例外佢比起坊間嘅芝士年糕偏甜同埋淋，反而少咗芝士嘅鹹香味。最後就另外在叫咗個燒牛舌，咬落幾多汁，比起出面食嘅濕啲，但係每一舊都有醬汁嘅味道，反而冇咁乾身