一食鍾情

营业中

休息中

今夜與好友共聚，品嚐的不只是料理，更是一場傳統與創意的味覺饗宴。🌟先點招牌「胡椒豬肚雞煲」，湯底翻滾著白胡椒的辛香，放半隻走地雞與軟滑豬肚在砂鍋烹煮, 舀起半碗熱湯輕嚐，濃郁膠質伴隨胡椒暖流從喉嚨，雞肉香滑又不太肥，豬肚彈牙無腥，佐以整碟翠綠生菜, 菜葉吸飽精華後仍保有脆度，竟吃出多一種層次感。🦢「白滷水鵝」甫上桌便引來驚嘆，琥珀色鵝肉泛著晶亮油光。不同於常見的深色滷水，竟能將鵝肉滷得如此透徹入味。四分之一的鵝件刀工精準，夾起連皮帶肉的部位，嚐微甜滷香，接著是鵝肉質纖維的細緻軟淋，讓人忍不住回味。🐟「半邊烏頭魚三拼」堪稱視覺與味覺的雙重享受：半邊烏頭魚魚肉細嫩一梳梳的；生腸嘅脆爽與爽口嘅豬耳絕妙；最驚喜的是燻蹄膠質滿滿, 入口不肥膩感，三款小食佐冰鎮啤酒，定必暑氣全消。🍨壓軸的「腐竹蛋糖水」是免費送架~ 甜度拿捏精準，打入蛋花即令雞蛋香與豆香的交融，即刻想起兒時外婆那碗暖心滋味。專注料理本質的老店，或許正是香港飲食文化所需。

太子界限街小店一食鍾情，主打白滷水食品，香港比較罕見。清明節假期前夕，幸好是夜比較早點到達，否則大排長龍，要等第二輪才可入座。白滷水與黑滷水，除了顏色分別外，味道亦較清淡，比較適合配海鮮或家禽類。白滷水馬友滷水魚可以揀烏頭或馬友，個人比較喜愛馬友，貪其肉質比較細膩。是夜馬友油脂豐富、少刺，加上普寧豆醬佐食，可以當作魚飯。白滷水鵝下莊鵝脾皮薄，肉嫩多汁，滷水色澤適中。 豬骨湯浸菜心簡單以上湯浸菜心，爽脆清甜。

今日到FD屋企玩，地膽推薦咗哩間白鹵水出名嘅小店，咁試試啦。鋪頭唔算好大，兩人都可以安排沙發位，坐得好闊落。晚市提供套餐，百幾已經包埋湯，主食同飲品，好抵食。凍檸茶同凍蜂蜜奶茶，兩款飲品用咗同一款茶底，入口茶味唔會好濃，有少少回甘，成杯唔會覺得好甜。例湯，湯底清澈透亮，飲得出落足料煲制，好飲。再三回復鵝掌翼，包埋一掌同一翼，分量都幾大下。鵝掌同鵝翼全部斬細件，鵝翼肉較厚身細膩，鵝掌肉質較彈牙，兩款鹵水味道都好香。白鹵水凍魚四寶飯，有半條鹵水凍魚同埋3款小食，魚肉雪白軟嫩，刺唔多入口即化。可以點埋潮州豆醬，食落豆香濃郁味道更加豐富。搭配嘅三款小食都係偏爽口口感，睇落好似好清淡，食落鹵水味重好鹹香，還有好香啲麻油味。白鹵水海南雞例牌，海南雞用白鹵水做係第一次見。食落雞皮嫩滑，雞肉緊實，醬汁酸辣惹味，食到停唔落口。

今晚和好友出來見面食晚飯。愛吃日本菜的好友，今次竟然出奇地選擇了太子界限街的「一食鍾情」。正好筆者很少食到白滷水的滷味，一於借這個機會試一試！晚飯套餐非常抵食！$98有湯有飯有餸，當中更是原條白滷水馬友。馬友劏開，方便筷子夾起進食。由於馬友本身骨剌不同，所以入口啖啖肉。魚肉雪白，帶有微微滷水鹹香，蘸點附送的醬汁後，味道會更加香。其餘二寶分別是墨魚片、生腸腸，前者煙韌，後面則爽脆。另外也了一隻滷水鵝下莊。滷水鵝肥瘦適中，因為用白滷水熬煮，外皮顏色較淺色。下莊的肉質偏軟嫩，還帶少許彈牙感。整體味道都頗為香濃，未有死鹹情況出現。豬肚小食$22有3両份量。豬肚切條，口感彈牙有𡁻勁。入口充滿滷水香味，而且沒有腥味，證明餐廳的準備功夫做得不錯。朋友太愛吃生腸，晚飯套餐的份量未能滿足，所以再額外多點一碟。生腸脆身，又帶些許煙韌感。邊嚼邊滲出鹹香滷水味，令人回味無窮，不自覺越吃越多。飯後甜品紅豆沙一碗，紅豆棉密大大粒，非常足料，甜度適中。

位於太子界限街的「一食鍾情」，係一間新開的餐廳，主打白滷水鹵味：金錢𦟌、墨魚、生腸、鵝掌翼、豬肚、鳳爪及燻蹄等等，應有盡有餐牌定價適中親民，份量十足，性價比高👍🏻晚市時段更設有窩心晚餐A-F，多款精美客飯及白滷水可供選擇，奉送老火豬骨雞湯、薑湯番薯糖水及熱飲老火豬骨雞湯晚餐奉送的老火豬骨雞湯白滷水凍魚四寶飯必點餐廳招牌白滷水！四寶包括凍魚開邊半條、生腸、豬肚及墨魚(由於唔食燻蹄，所以轉咗墨魚)。白滷水比較注重食材原有的味道，保留鮮味，凍魚口感鮮嫩，魚肉甜美；豬肚、生腸同墨魚都好爽口入味，正呀胡椒豬肚雞煲配米線湯底清甜美味，帶陣陣胡椒香，微微辣，有唔少雞件同豬肚，好足料！米線係另上的，吸收晒胡椒豬肚湯的精華上等豬骨雞湯浸小白菜豬骨雞湯滿有鮮味，浸住新鮮翠綠的白菜，健康美味薑湯番薯糖水番薯口感粉軟，薑湯唔會太甜，薑味適中，好暖身熱阿華田&凍檸茶

週末無聊去試伏～😅原本係食車仔麵可惜太多人，上網搵下有咩唔錯有係附近就你la~🌟馳名白滷水鵝～見地方都乾淨企理Lunch唔算抵～要簡白滷水鵝另加$15其實唔緊～明白材料係貴啲～🥲🪿得第一件鵝肉靚啲～後面碎散散唔同位後面個D係頭頭尾尾唔值加錢又肥又肉都唔多，唔夠香🤔🥲如果主打食品咁既質量，真心唔唔會返兜🐷燻蹄大件～但有啲嚡😮‍💨👍🏻反而生腸無內臟味～爽口又有夠香料～高質🍜米線份量唔多，而且湯底無味如果正常成年男人去食未必夠飽😑

第一次食，食佢嘅碟頭飯，見到週圍啲人都食雞煲，所以去咗第二次食。原來佢嘅二人套餐仲抵食，唔使200蚊，有雞煲、有鹵水，好多選擇又好味，仲有腐竹雞蛋糖水送。呢兩日帶咗朋友去食，佢哋都讚不絕口，有個食完糖水話飽到上心口，四個人都係食咗450蚊。推介食佢哋嘅胡椒豬肚雞，佢啲白鹵水(生腸、牛展、掌翼、墨魚、燻蹄、乳鴨)都好好食，我係未食過佢嘅鹵水鵝，下次一定要食。由於佢未攞到酒牌，所以冇啤酒賣，但係佢又畀我哋喺出面帶酒入嚟，咁仲平啲添

今次試咗呢間主打白滷水嘅「一食鍾情」，有d驚喜而且價錢十分親民。必試招牌白滷水凍烏頭，魚肉鮮嫩得嚟完全冇腥味，白滷水嘅清香滲入晒魚肉度，蘸少少秘製醬油更提鮮！條魚好肥美，出哂黃油，正👍🏻馳名鴨舌同滷水燻蹄都做得好好，鴨舌爽脆入味，燥蹄炆到淋滑又唔膩，滷水香得嚟唔會太鹹。 古法羊腩煲，羊肉炆得夠淋又冇羶味，醬汁濃郁，加埋生菜索晒啲精華，正！ 整體滷水功夫到家，白滷水尤其出色，想食正宗潮式滷味絕對要試！

老媽子今晚有飯局 「煮」婦小休 我同老豆本住要「經濟又好食」嘅大前提底下 去咗一間唔收加一嘅街坊食堂 食滷水晚餐 -👅滷水鴨舌小店主打白滷水鹵味 滷汁味道清新啲 香料味冇咁嗆 鴨舌油光亮滑 越嚼越香潤-🥠滷水低脂鵝肝慢煮後嘅潮州大鵝公鵝肝 粉嫩口感依然🤩 比起用來老貨 中式滷鵝肝嘅油脂低好多 -🐤滷水BB鴿BB鴿用白滷水醃製 顏色淺 其實好入味 有花雕香又有魚露鹹鮮 晚餐送湯送糖水 跟餐再配個湯米粉 足料又飽肚-🦆滷水鵝片飯鵝片有適量脂肪 鵝肉超級軟嫩 如果唔連皮食 實在太嘥料🤓

得個咸字老友中意食海南雞，我地系香港出名雞店都食得差不多，今次搵間冷門d,試下新野。哩間睇食評非常好，雖然吾系海南雞專門店，咪試下嘍。但好失望，難怪食飯時間無人。今日1145去到附近，旁邊的華記未開門都排長龍，哩間得3,4個客，睇埋午餐餐牌，哩個位置咁嘅價錢，除非好好食至得。叫左佢拿手的鹵水和海南雞，等左起碼12,3分鐘至有，好似太耐香茅BB鴿四寶飯($68)1分-所有鹵水得個咸字，無傳統鹵水味- BB鴿1/2隻，肉都算幾嫩- 生腸得3,4碎粒，吾算好爽- 熏蹄無肉味- 海南雞飯($74)1分- 第一次海南雞餐湯系一d渣都無比，話系老火豬骨雞湯，稀到好似水，無豬或雞味- 特別加$6轉髀，肉質都幾好，但無雞味，只有咸味，失敗,叫咸雞會摟高分 - 油飯得顏色，無香味。個waitress問一個離開的老太太食物味道點樣，老太太擰擰頭，大家明白。

《白滷水潮州菜店🤍》———————————————-#一食鍾情 🥰-早排經過太子發現呢間人世潮州菜店，非常正宗傳統嘅白滷水鵝好少見，而且性價比十足☺️-😍 全日特色超抵食雙人套餐雙人餐都幾抵食，頭盤可3選1，我哋揀咗白鹵水鵝，1/4隻都已經份量十足😚 鵝肉切得厚薄適中，片片都靚仔！鵝肉皮爽肉嫩，透出淡淡白滷水香，完全唔會有油膩感🦆-主菜就食咗即煮南洋咖喱牛腩，十分惹味，咖喱味濃郁～ 加配咗薄餅咁樣煎嚟食，非常之正😙-佢嘅冷盤都好有特色，我哋嗌咗馳名滷水燻蹄同秘製九香牛展，口感爽口彈牙，食落一啲都唔韌🥰-💰 參考價錢：即煮南洋咖喱牛腩併白滷水鵝：$188馳名滷水燻蹄：$22秘製九香牛展：$28🍌抵deal 指數：7/10

$198的快樂點咗個胡椒豬肚雞煲配白滷水鵝餐呢個餐超抵食跟生菜、飲品主食仲可以配米粉/米線/飯胡椒豬肚雞煲個湯底有紅棗好暖胃 雞件係生上 冇調味 直接吸收湯嘅精華 一份仲有半隻雞添另外白滷水係呢度嘅招牌套餐跟¼隻滷水鵝超抵食鵝肉好入味 鵝片啖啖肉最開心係跟咗一大碟生菜 用嚟吸湯食一流清湯米線同米粉都大大碗最後仲送咗腐竹糖水俾我哋食添另外再點咗又燒例牌叉燒燒到有微微焦香味 沾上滿滿嘅蜜糖香甜又惹味 而且用上梅頭 好腍餐廳環境光猛 有好多卡位 坐得好舒服

香港地除咗三送飯平靚正之外，其實都仲有好多唔同類型又平價嘅選擇㗎！例如呢一間提供潮州菜 同 粵菜嘅餐廳，一次過可以滿足到唔同人嘅口味～白滷水馬友三寶飯 🐟 $108佢哋嘅三寶分別係馬友一條、燻蹄、生腸，勁大碟餸，超豐富！馳名海南雞飯🐔$68想食得健康啲，不妨試吓佢哋嘅海南雞飯，跟餐仲送埋老火豬骨雞湯，健康有益又好味！即煮南洋咖喱 🍛$62呢一個咖喱飯可以簡單拼或者雙拼，貪心嘅我就梗係揀雙拼啦！西冷牛扒🐮 同 豬扒🐷 缺一不可，另外可以配飯、意粉或者薄餅（+$6）！呢間餐廳嘅咖喱偏酸少少，口感同味道都好特別，個人覺得配薄餅食就最啱啦！龍鳳檸樂（跟餐加$8）支裝豆漿（跟餐加$6）

😋嚟到依間白滷水專門當然必定一試佢嘅白滷水菜式😋🍲白滷水馬友三寶飯套餐 $108呢個套餐包括咗白滷水馬友、生腸以及燻蹄，第一次食白滷水賣油，肉質非常嫩滑，點上調校好的麵豉醬，都食到白滷水嘅味道，十分之正🍛精彩白滷水六拼 $188當中包括墨魚、燻蹄、金錢展、豬生腸、鵝掌翼、水晶鳳爪材料童叟無欺，下便唔會用好多其他材料墊到好多，而係真係勁大碟，我哋兩個人食都食唔晒，當中我比較鍾意朱生長，食落去除咗有白滷水嘅味道，而且很爽脆，其他白滷水材料都非常出色！整體嚟講，依間白滷水店除咗環境乾淨，而且食物質素高，每樣份量都好多，完全係性價比極高嘅餐廳，值得一試👍🏻👍🏻

今日陪朋友系旺角行裝修公司，到晚飯時間佢話帶我去食白鹵水，我以為自己聽錯，原來系真架全日特色超抵食雙人套餐 $198頭盤(3選1)：星級白鹵水鵝1/4隻主菜(7選1)：上湯白滷水煮魚(馬友)，配生菜一碟。跟米線，薄餅4塊(加$6), 凍飲加$3▪️白鹵水鵝1/4隻好夠份量，鵝肉腍滑，無平時食嘅鹵水鵝甘濃味，食到鵝肉嘅鮮味▪️上湯白滷水煮馬友魚，原條斬件上，肥大肉厚，好新鮮，食落重好香魚油味。▪️小食：馳名滷水薰蹄 (6片)，馳名鴨舌 (2兩)，老闆好誠實，寫明份量，絕無欺騙▪️南洋咖哩配薄餅，咖哩味好濃郁，配薄餅一齊食味道好夾。食甘多野，埋單都吾使3佰，好抵食