一食鍾情

营业中

休息中

Indian curry with naan 🥘🫓 南洋咖喱配薄餅 $36呢一個南洋咖喱配薄餅性價比好高，咖喱嘅份量好多，少少辣夠晒惹味，裏面仲有煮得好腍又入味嘅薯仔🥔，點埋香牛油🧈味又唔會太油膩嘅印度薄餅一齊食，薄薄地口感香脆鬆化，係一款高質嘅小食😋，適合同朋友share食，值得推介👍🏻Pig stomach with pepper and chicken pot set 胡椒豬肚雞煲套餐 🍗 $198好受歡迎嘅胡椒豬肚雞煲🍲確實唔錯，適合而家天寒地凍嘅天氣食，雞煲確實好足料，好似有大量口感彈牙嘅豬肚、大量口感軟滑嘅雞肉🐔、養生嘅杞子、補血嘅紅棗、驅寒嘅薑、香噴噴嘅芫荽🌿等，胡椒味好重，煮得夠晒入味，套餐另外有兩碗白飯🍚、一碟生菜🥬，仲有一大碟有燻蹄、港式生腸、豬肚同埋鳳爪嘅例牌滷水拼盤，超級豐富，最後有甜甜哋番薯糖水做甜品，確實幾正！

每個月總會到太子開會三幾次，例牌食個下午茶，同事一齊行經界限街見到間新餐廳，一於去試吓，餐廳名叫一食鍾情，標榜白滷水專家，大玻璃透視滷水檔食物整潔整齊，我地叫咗兩個下午茶餐，再叫一個滷水拼盤。鮮油豬仔包，麵包幾實淨， 並非空氣包，底面都烘底得好脆熱熱地，夾住厚厚一塊鮮牛油，係最邪惡嘅美味下午茶，配熱奶茶茶味香而滑。古法沙嗲配薄餅，薄餅外層酥脆有油香，個沙嗲的確與衆不同，味道好特別有啲咸鮮香味，配薄餅超好食，配白飯更加美味。鍾情滷六拼，有墨魚、金錢腱、豬生腸、燻蹄、水晶鳳爪、鵝掌翼，個滷水的確係招牌，好香濃滷水味道唔會過鹹，墨魚彈牙，金錢腱燻蹄夠腍，生腸鳳爪掌翼好爽口，而且全部都好入味。餐廳地方整潔出品有誠意，主打平民價錢，有好多套餐可以選擇，而且我們食呢個拼盤份量很多，以呢個價錢食到高質素白滷水，性價比高，值得一再光顧。

嘩！😱😱😱 呢間餐廳真係離晒大譜！🤬 樓面伙記態度極差，我本身叫外賣之後轉堂食，收銀帶紅色頭箍個阿嬸錢鬧我兩蚊都慳😡 ，咁不如你唔好做外賣生意啦😤 份量方面又少到得三舊叉燒嘅叉燒飯，我身為一個專業嘅foodie，絕對唔會推薦俾任何人！🙅‍♀️🙅‍♂️ 永不幫襯！🚫🚫🚫 唔好意思，我真係好嬲，因為我覺得做飲食除咗食物之外，服務態度亦都好重要。呢個紅頭箍阿嬸嘅行為，簡直就係趕客，不能夠接受囉