一風堂 (已結業)

之前聽細佬講過尖沙咀嘅一風堂好多人排隊，佢上之去就因為太多人，所以最終都無食到．．．前幾日又係免費報紙見到有介紹，銅鑼灣開左間分店，係ｔｉｍｅｓ對面上到去門口企滿晒人，見到門口有部自助’禁’飛既機，而且可以入埋聯絡電話，等佢有位果時ｃａｌｌ你等左大約半個鐘終於有位喇，坐左係角落頭，覺得有ｄ嘈。餐牌入面拉麵款唔多，大約八款．我叫左‘辣豬骨拉麵’，湯底有ｄ微微柚子味，好香，而且有ｄ清新感覺。友人叫嘅唔記得咩名堂．．．，我地兩個都係叫硬麵（其實係麵條粗ｄ）。碗麵份量較細，女仔食就啱啱好，但係友人就要追加一個麵，今次係軟麵，麵條明顯幼好多。over all 黎講係好食嘅，但係其他小食，我就覺得貴左ｄｄ～所以無叫到．．．

好開心!因為終於都食到一風堂。是晚7:00左右去到，上到店子透過電子派籌機拎飛，輸入埋自己手提電話，然後去行一陣街，到咁上下，佢個系統會打俾你，提你十分鐘內返回店子，咁就唔使驚Miss 左派飛。呢個做法好正，唔使在店內呆等。與男朋友分店點了赤丸同白丸，加多個餃子，個人覺得個湯底白丸較原汁原味，但感覺就肥膩D，因為D豬油浮晒上面；麵質爽口彈牙，但份量就少左D。試過一次，還左心願, 可能短期未必會再去LU

3個人食了3 碗拉麵, 餃子, 炸八爪魚, 炸豬排2串, 個人認為拉麵得兩塊义焼比較好食, 成碗拉麵既質數同快餐店差不多, 但相比下會比大家樂, 大快活, 美心快餐的好, 諗返個售價五, 六十蚊看似好抵, 但其實麵得兩注, 日本义焼得兩塊, 最重要加埋呢個質數, 你話值唔值嘞, 另外餃子在超市求其買包來煎蒸的沒有分別, 炸八爪魚好似之前炸定咁, 完全唔熱, 炸豬排串夾咗洋蔥尚算特別, 但又覺得舊豬排超肥, 肥到根本就食唔到, 同埋佢炸豬排d油應該係用咗好多次, 炸到舊豬排係超深黃色的, 睇見都會懷疑佢好唔好食.其實是次食一風堂拉麵全是因為幾年前在日本吃過一風堂, 當時覺得非常之好食, 印象深刻, 但估唔到香港的完全不是這回事, 差天共地, 超失望而回.

牛油果熟蝦加wasabi汁，好食又唔攻鼻一風堂豬骨拉麵，辛辣豬骨拉麵都ok既，不過我嫌啲麵幼左啲。加$10有隻溫泉蛋都幾好食不過就貴左啲囉。其實佢同吉野家隻溫泉蛋差唔多，但吉野家只需加4蚊囉。星期六6pm去到等5mins左右就有位。佢個入電話拎飛仔直得一讚，有位就會打俾你唔洗企係到齋企。

博多一風堂在港開幕後風頭一時無兩，店外經常出現排隊人潮，平均要幾小時才能進內吃麵．我算是個拉麵怪，也去了吃兩次，紀錄是等了兩小時－算少的了！這次，一風堂在銅鑼灣開設第二分店，可真方便了像我這種不常過海的懶蟲，真高興．更高興的是，我居然獲邀出席新分店的Blogger試吃活動，可能不用排隊吃一風堂，真好，在此先感謝公關的邀請！新店位於時代廣場對面，方便到不得了．店好像比尖沙咀店細小，店員的日文招呼聲依舊此起彼落，氣氛熱鬧．但和分店不同的是菜單，拉麵選擇多了幾款，小吃選擇也不盡相同，所以這晚吃到的大都是尖沙咀店沒有的．大家點選了幾款小吃前菜，醒醒胃口．爽口的辣味芽菜叉燒沙律，芽菜爽脆，辣得來惹味，非常醒神．另一薯仔沙律口感粉綿，也好吃．炒雜菜只是一般，未如之後以石窩盛的豚骨湯餃子令人驚喜－奶白的豬骨湯醞含著鮮甜味，一口大小的餃子盡吸湯汁精華，熱騰騰的非常好吃！博多飯小小一碗，飯上有蛋，叉燒片和明太子．簡單的賣相，味道卻是非一般．珍珠米煙韌甜美，明太子帶淡咸，最精彩還是烤得焦香的肥美叉燒片，肉質軟稔無渣，混在飯裡吃感覺非常幸福！叉燒角飽在尖沙咀店吃過，喜歡那饅頭漢堡的軟綿質感；這裡的也很不錯，

下次免費我都唔會再去!同女友買左飛睇那些年, 未夠鐘就排隊等下一風堂, 因為女友話想試下!去到排左15分鐘左右就有位, 一入到間鋪頭就已經覺得個感覺唔係好好, 因為成間鋪似足街市!唔係因為顧客講野太大聲, 而係店員大聲用日文講D唔知係咪歡迎客人既說話!佢地講既頻率唔係每次有新客人入來而大聲講, 而係每30秒左右就無喇喇有人LEAD住大叫, 之後全店所有員工都跟住一齊叫!而且....佢地D 員工行來行去, 失驚無神就係你背後大聲叫, 想同朋友講句野都講唔到! 有好多次, 我都係講左句說話未到一半就因為佢地叫, 中間被打斷停左!坦白講, 我真係唔覺得呢D係熱情, 而係對客人有好大滋擾!再講食物, 當然有叫拉麵, 亦有叫炸八爪魚同埋唐揚!唐揚同墨魚都幾好食! 不過一間拉麵店如果拉麵唔好食, 就真係.....個拉麵無論湯同麵都唔好味, 個辣味拉麵係得DD辣味, 不過湯底唔濃! 同埋麵唔爽唔彈牙! 有D似公仔麵!其實我唔係想寫佢既食物, 而係想呢間野可以改善下個D叫囂既情況!一間成功既食肆除左食物質素之外, 環境都好重要!希望呢間食肆會明白!!不過我都唔會再幫襯架喇!

一個星期六的11時令，在CWB上完堂四圍行。知道開左一風堂，未夠12點，早D去試下。 (因為晏D會多人排)小弟曾經去過TST個間，覺得唔錯，去新店試食下。好快有位。店外未有人排，店內都未坐滿人。今次點左「赤丸新味」，(上次TST食「白丸元味」) ，再加個炸豬柳串兩樣嘢！麵夠彈牙，煮得啱啱好，湯底夠濃，但有D辣，唔飲咁多！到食炸豬柳串......金玉其外......但麻麻地，唔啱小弟口味，肉硬硬地地，......普普通通......！埋單連「加一」一條友食成百令蚊！個肚仲有D空虛.......食名氣.......只適合鍾意研究「日本拉麵」嘅人。

一直很想試, 但每次經過尖沙咀那間都俾等緊位d人嚇怕, 實在是太太太多人了 那天放工去time squares 原來對面開了一風堂, 咁就即管去拎張飛, 唸住濕完平再睇下時等幾耐先有得食啦上到去,7點15分左右, 電腦拎飛, 叫到74, 我93, 廿張檯起碼半粒鐘啦, 所以拎完飛就即刻閃去shopping啦點知落返去唔夠10分鐘,佢就打電話黎(係電話錄音)話就好快就有位, 請於10分鐘之內return 果然冇扼人, 一返去上去, 下一張檯就係我啦... 好快, 唔洗"等了又等" 的感覺, 真好!!!好 講下食物, 有5-6 款拉麵, 味噲, 醬油等, 太約 $58 一碗, 再可以加配料, 好似蔥呀, 蛋 加$ 其他仲有餃子, 串燒, 幾款飯類 我叫了味噲豚骨, 湯底很濃, 略嫌少鹹, 好在唔係好多味精, 因為食完冇好口渴的感覺 麵可以撰, 淋d, 普通同硬, 我叫了普通, 硬度剛好 到豚肉, 典型得兩片, 不過好味, 略嫌少肥 (其實成碗都有d肥, 因為都有幾多肥油浮面) overall 味道,麵質好ok, 只是份量太少了 , 我唸得3/4 個出前一丁 只需一陣風的時間就可以食完碗麵

炙手可熱的拉麵店，近來飲食集誌經常有篇幅介紹,當中嘅辛辣豬骨拉麵好吸引,今夜一於來試試。這褱不設訂位,於是6:50分便來排隊。此時店已爆滿,門外亦有約10人輪候,攞籌要經門口的自肋糸統,要輸入:人數及手機號碼:取飛後便不用在店外呆等:因為到時到候糸統會call你叫你10分鍾內回來預備入座!抵讚!!!大概7:15分我幸運地獲得一張四人檯。先叫小食:日式叉燒豆芽沙律,係日式煮腩肉配芽菜加些醬油等冷食,唔得。炸紫菜墨魚鬚:都有些微紫菜香味,幾香口,炸漿都脆。牛油果熟蝦伴wasabi醬全晚最好的一味,蝦肉和牛油果一腍一爽而個汁好討人歡心,wasabi味好香但唔嗆鼻,一定要試。最後主食:赤丸新味加半熟蛋:豬骨味噌醬油每一樣都好味:但三位一體之後就令我和太太都覺得好heavy好油膩,可能天氣凍d來食會好過點?辛辣豬骨:賣相好靚,呈橙色嘅辣醬睇到已經令人垂涎,夾一口微辣帶酸還可以的,但將它跟湯和起來後,辣味便蕩然無存,湯底胡椒味不重,但質感亦是較heavy,吃到一半巳覺滯、漏。如果店內有凍茶清清口味還好,但它只有開水,幫我唔倒。半熟蛋真係有水準,輕咬一口旦黃似溶岩般差點流出來,唔錯。

又到Happy Friday，收工自然約男友一齊食晚飯想起元氣的會籍快要renew，一心諗住去羅素街新開的元氣幫襯。8點左右上到去，見門口好多人等位。拎左張兩人飛，望下個號碼要等成廿幾張檯。咁岩隔離一風堂都好似新開張無耐。一樣咁多人排隊，橫掂都要等。唔爭在拎埋一風堂，邊間快有位就食邊間行到去隔離，店外職員就幫我地用佢地派飛ge機拎左張兩人飛。仲話比我地知輸入左個電話號碼，有位就會以短訊形式call返我地上黎攞位。落返去過對面Citysuper行左個圈，大約半個鐘就收到一風堂ge電話話就快有位。咁就又上返去啦，我地拎ge飛係214上到去已經嗌到212，心諗好快就有位食飯。點知等下又有人話係之前補飛，大大話話都有成5張係前面ge補飛。好無奈咁又再等多左成十分鐘......好彩入坐被安排於近窗位置，我地兩人坐埋一邊，唔會太迫。張四人檯面對面ge距離比較遠，所以兩人去食飯都係坐隔離好D。睇下餐牌，原來都幾多野食。第一次食，當然嗌返個拉麵食啦今次我地order ge係味噌豬骨、醬油豬骨，同埋炸雞。拉麵有得揀軟麵或硬麵。我地兩個都要左較硬ge麵。主角出場，硬麵幾有嚼勁！我鍾意醬油豬骨湯底明顯比味噌

數月前，日本有名的博多一風堂旋風式登陸香港，帶來一股拉麵熱潮。自尖沙咀店開業後，每天等候一嚐名氣拉麵的人多的是，要吃也要先等半小時、甚至一小時以上，可見其拉麵的吸引力絕不簡單。而銅鑼灣分店亦在十月十三日正式營業，很開心獲邀請到來試菜。走進店內，設計特別，牆上有紅白色湯匙組的了Ippudo的字樣，非常搶眼。看看餐牌，這裡有六款拉麵供售，味道分別是一風堂豬骨、味噌豬骨、醬酒豬骨、辛辣豬骨、山葵豬骨及赤丸新味。除了拉麵，亦有前菜、沙律、小食、飯類及甜品。日式叉燒豆芽辣味沙律，切條幼叉燒夾著豆芽及韮菜，口感豐富。伴上自家製的辣味沙律汁，微辣下，既惹味又開胃。薯蓉沙律，薯蓉幼滑，但薯蓉較為飽肚，眾人一同分享，吃一兩口已很滿足。豬骨湯煮日式餃子，一小鍋的餃子送上，一客四件，餃子份量大少剛好。先淺嚐一口熱湯，豬骨湯底帶點黑椒味道，再把餃子連湯送進口，餃子皮不會太厚，內裡肉餡滑溜，充滿肉汁，很鮮味！豆腐芝士山芋鐵板燒，賣相十分吸引，叫人垂涎欽滴。用小鐵剷輕輕的拿一小件出來，山芋蓉與芝士絲絲的連繫著，山芋入口滑的潺潺的口感不太重，沒有草腥味，而豆腐挺滑溜。叉燒角包，白色軟綿綿的麵包夾著叉燒，醬汁是整個叉

因為驚太多人，所以五點半就黎到，原來全場不夠十人！可能仲未有咁多人知道開左分店啦原來 tst 和 cwb 的 menu 是不一樣架！！！無左我好想試既pineapple wine 和明太子雞翼，好唔開心呀 ><我點了一風堂豚骨拉麵，湯底好油，無乜特別。叉燒得兩塊.........個麵就非常之好食！我本身唔鍾意食拉麵架，可能平時 d 拉麵既麵質都太 cheap，所以令我討厭這款麵。這裡的麵有些少硬，正呀！！但麵太少，又係唔夠飽！$55男友點了醬油拉麵，湯底好好味，我平時出街食飯都唔飲湯底既，但這裡的又香又濃，喝完又不口喝，讚！$58不知道為甚麼，這裡的拉麵較 tst 平 $10！！！滿心期待既流心蛋，oh my god，得好少好少既流心，好失望呀！！！！！！！我最想講：侍應下下都叫到好大聲，每三分鐘黎一次，我唔覺得咁樣叫好態度囉，傾偈都聽唔到人講野囉！！！！！！嘈到拆天！！擺明想你食完快 d 閃！所以.......我只能比 ok

路過Time Square 出於好奇所以上去試試, 上到去好多位唔使等即刻入座...打開個menu, 睇咗一陣, 一於叫以本舖名為嘅拉麵 - 一風堂拉麵一嚟到試咗個湯先, 幾鮮味道唔錯算係中上...麵我要硬身, 係可以嘅, 不過冇想像中咁好食, 唔會有驚喜...叉燒.... 係一塊肉囉, 總共兩塊, 唔特別, 又唔係唔好食...整體係普通, 如果要排隊我唔會去食, 而且座位坐得唔舒服又唔係平, 試過就算喇...服務真係唔可以唔服, 斟水, 送麵嚟, 放底單, 收錢都咁有禮貌, 真係good!!!

今日成班同事特別走去一風堂食，無得訂位要walk in , 12：30到己經好多人，我地一行7個人都要分開坐。友人話拉麵ok 所以叫了個一風堂拉麵，$55另加蛋要$10在其它都要加錢，不過我叫麵就算無加其它野，送上枱比我想像細碗，有二片豬肉湯底肥但很好喝，值得一贊！侍應成曰大叫曰文歡迎，多謝！好熱情但我覺得好吵！因為同友人傾談都聽唔到人地講乜。地方同元祿同一層，坐位下有地方放東西好細心，枱有瓶水放低4個人 可用！總結食物可以，但份量少同要10 %服務費唔係好化箅平均都要$62先可以落樓

怎麼好像一風堂變成了咱的食堂呢？嘻嘻！謝謝男友帶本小姐去多見世面～一風堂以排隊排到天荒地老而聞名，要是不用排隊又怎樣？當然要去啦！所以昨天就去了一風堂在銅鑼灣的新店。這家不像尖沙咀那家設在商場內，而是需上樓的，等候位子的位置不多，不過昨天不用等位就沒關係了。一進去，大夥兒一起叫日本語的歡迎口號，煞有威勢的。這家的裝修可能因多用上木的關係，讓人感覺很親切呢。看一下MENU，跟尖沙咀的不同唷～單是拉麵已多了幾款口味，本小姐選了一風堂拉麵，而男友則選了醬油拉麵。單是拉麵又怎夠填飽我倆的肚皮呢？（我真係好驚有一日會突然間暴脹囉咁食法．．．）還多點了幾個小食～包括：芥末牛油果沙拉、豚骨湯煮日式餃子、豆腐芝士山芋鐵板燒。沙拉下了頗多芥末，有點辣，具通鼻塞作用，當中的牛油果很好吃！湯煮日式餃子嘛，個人認為與家中的無法比，不過這家的餃子比外頭的已好吃得多。本小姐超怕吃到一隻餃子中充滿肥油！每次一吃到這些，在那天便不停的嘔出油氣，十分痛苦的說。這兒的餃子沒這問題，肉很嫩有肉汁，粉皮不削，多喝兩口湯也不口渴，喜歡清淡的朋友可以一試。最讚的是鐵板燒，起初以為會是一塊稍有咬口的豆腐（或豆腐乾），哪知送上的是山