影片
一芳官方ig 话会员逢星期二两杯有七折，落单嘅时候再次问店员「折咗未？」佢话「折咗㗎啦」，因为冇谂过佢唔知我讲紧七折，就冇拗咁多。俾完钱发现佢只系帮我其中一杯9折咗，正常会员至少都全单九折，当日星期二更加应该7折。同返店员讲，佢第一句就即刻回应「咪折咗啰」，再讲细节佢话「我冇听过有7折，我哋加盟店冇㗎㖞」，过多阵佢又再同我强调「两杯七折系8月promotion ，我冇收到通知依加有七折」一芳会员系要特登俾钱join,原来join完喺呢间都冇优惠，仲要问返店员感觉被闹，我仲熟过佢，佢一直都系讲「冇听过、唔清楚、冇通知」 so sad 🥲
继续阅读
我试过某茶店，店员因为不停收熊猫单，一路落单一路爆粗，都无今次呢度咁差。💛都无面俾。我去到问：想问今日有无爱文芒？（因为呢间成日无呢无路）然后店员唔应我，又唔叫我等等又唔答我。我都几肯定佢唔忙，因为我前面得两张单，有一张已做完。咁我就on居居企喺度等佢。落单过程全程态度都唔好架喇，但anyway落咗单啦。但我回望张单发现打咗第二样，我就9秒9同返佢讲啦，肯定自己态度十分良好，仲唔该前唔该后，然后佢望我一眼，点个头。但我谂谂下唔啱㖞，因为两杯价钱唔同，就同返佢讲啦。佢：咁退返$3俾你啰。个态度就好似我落错单咁，仲有$3咁湿9都要拎追，但明明系佢落错单。呢间野愈做愈差，写明话甜度固定我明白，后来系佢钟意话唔俾走甜就唔俾走，变咗大部分都唔俾走甜。走得甜我都预咗味道差咗，你就唔好夹硬唔俾啦。
继续阅读
价钱偏贵，叫野饮佢会自动同你落大杯，落单嘅时候同佢讲要中杯佢就话笃左机唔改得，个师奶员工仲要劲大声闹我🥲我明明钱又未俾，野饮又未开始整，企佢后面个啊叔员工都望住个女人呆一呆，谂住帮我冲中杯，跟住个师奶又声大夹恶话大杯啊！劲无奈，买杯野饮都要受气，又要贵，杯黑糖珍奶成$38，半杯都系冰黎，奶味劲淡，仲难饮过街边卖廿几蚊𠮶啲，垃圾🤮
继续阅读
一芳水果茶🍎🍐🍊🍋🍇🍉天气咁热 出边行街又咁晒出街冇一杯冻冰冰又消暑嘅嘢饮真系搞唔掂呀😩依家呢个天气咁热搞到我平均每次出街都会饮一杯冻冰冰嘅嘢饮今次就饮咗一芳水果茶嘅宜兰金桔绿消暑又解渴又健康饮咗第一啖之后成个人即刻降温左个金桔味好重好香好清新绿茶茶味都唔系好出不过无茶涩味所以饮得好爽之后慢慢就会忍唔住饮晒剩低既金桔绿茶听讲仲好低卡路里添🤤而且仲嗌左少甜少冰😍岩晒我呢个为食又唔想咁肥既人
继续阅读
又来饮我最爱嘅一芳叫咗我最爱嘅芋头鲜奶加珍珠，妈咪要杯仙草奶茶，另外再叫多咗个益力多冰茶芋头鲜奶虽然已经走咗甜，但系唔知点解都系好甜，可能本身煮芋头嘅时候都落咗糖，但系芋头好棉袜而且份量非常之多，我个人好喜欢不过芋头鲜奶嘅冰系冇得自己选择，系set好左，不过好彩都啱啱好仙草奶茶，最喜欢就系佢嘅仙草一啲都唔会硬，佢好似啫喱咁滑脱脱，茶味啱啱好最后嘅益力多冰茶，味道有啲淡
继续阅读