一芳台灣水果茶 (已結業)

一芳官方ig 話會員逢星期二兩杯有七折，落單嘅時候再次問店員「折咗未？」佢話「折咗㗎啦」，因為冇諗過佢唔知我講緊七折，就冇拗咁多。俾完錢發現佢只係幫我其中一杯9折咗，正常會員至少都全單九折，當日星期二更加應該7折。同返店員講，佢第一句就即刻回應「咪折咗囉」，再講細節佢話「我冇聽過有7折，我哋加盟店冇㗎喎」，過多陣佢又再同我強調「兩杯七折係8月promotion ，我冇收到通知依加有七折」一芳會員係要特登俾錢join,原來join完喺呢間都冇優惠，仲要問返店員感覺被鬧，我仲熟過佢，佢一直都係講「冇聽過、唔清楚、冇通知」 so sad 🥲

我試過某茶店，店員因為不停收熊貓單，一路落單一路爆粗，都無今次呢度咁差。💛都無面俾。我去到問：想問今日有無愛文芒？（因為呢間成日無呢無路）然後店員唔應我，又唔叫我等等又唔答我。我都幾肯定佢唔忙，因為我前面得兩張單，有一張已做完。咁我就on居居企喺度等佢。落單過程全程態度都唔好架喇，但anyway落咗單啦。但我回望張單發現打咗第二樣，我就9秒9同返佢講啦，肯定自己態度十分良好，仲唔該前唔該後，然後佢望我一眼，點個頭。但我諗諗下唔啱喎，因為兩杯價錢唔同，就同返佢講啦。佢：咁退返$3俾你囉。個態度就好似我落錯單咁，仲有$3咁濕9都要拎追，但明明係佢落錯單。呢間野愈做愈差，寫明話甜度固定我明白，後來係佢鍾意話唔俾走甜就唔俾走，變咗大部分都唔俾走甜。走得甜我都預咗味道差咗，你就唔好夾硬唔俾啦。

價錢偏貴，叫野飲佢會自動同你落大杯，落單嘅時候同佢講要中杯佢就話篤左機唔改得，個師奶員工仲要勁大聲鬧我🥲我明明錢又未俾，野飲又未開始整，企佢後面個啊叔員工都望住個女人呆一呆，諗住幫我沖中杯，跟住個師奶又聲大夾惡話大杯啊！勁無奈，買杯野飲都要受氣，又要貴，杯黑糖珍奶成$38，半杯都係冰黎，奶味勁淡，仲難飲過街邊賣廿幾蚊嗰啲，垃圾🤮

一芳水果茶🍎🍐🍊🍋🍇🍉天氣咁熱 出邊行街又咁曬出街冇一杯凍冰冰又消暑嘅嘢飲真係搞唔掂呀😩依家呢個天氣咁熱搞到我平均每次出街都會飲一杯凍冰冰嘅嘢飲今次就飲咗一芳水果茶嘅宜蘭金桔綠消暑又解渴又健康飲咗第一啖之後成個人即刻降溫左個金桔味好重好香好清新綠茶茶味都唔係好出不過無茶澀味所以飲得好爽之後慢慢就會忍唔住飲曬剩低既金桔綠茶聽講仲好低卡路里添🤤而且仲嗌左少甜少冰😍岩曬我呢個為食又唔想咁肥既人

又來飲我最愛嘅一芳叫咗我最愛嘅芋頭鮮奶加珍珠，媽咪要杯仙草奶茶，另外再叫多咗個益力多冰茶芋頭鮮奶雖然已經走咗甜，但係唔知點解都係好甜，可能本身煮芋頭嘅時候都落咗糖，但係芋頭好棉襪而且份量非常之多，我個人好喜歡不過芋頭鮮奶嘅冰係冇得自己選擇，係set好左，不過好彩都啱啱好仙草奶茶，最喜歡就係佢嘅仙草一啲都唔會硬，佢好似啫喱咁滑脫脫，茶味啱啱好最後嘅益力多冰茶，味道有啲淡

夜晚放工到田灣的美食廣場買外賣回家吃， 美食廣場的位置比較偏遠，要行一段斜路上去。不過附近有個巴士總站，搭車回家也算方便。如果自己開車就會比較方便，而且廣場還提供泊車優惠。美食廣場入面的餐廳不多，就只有四間。門口的第一間便是一芳。一芳的餐牌選擇很多，水果茶，奶茶或淨鮮奶都有，而且提供不同的大小選擇。最近有期間特定的西米露飲品，size是細杯。有紅豆西米露和芋頭西米露，我一樣叫了一杯。我要了熱飲，回到家還暖暖的。內裏滿滿的西米露紅豆和芋頭，不可以選甜度，但味道不會太甜，剛剛好。

好鐘意一芳既水果茶 入面好多水果 有蘋果、橙同熱情果等等一啲都唔會太甜啱啱好，茶味又夠濃，啱哂而家天氣咁熱，飲一杯真係好解渴另外今次試咗個黑糖粉圓鮮奶甜度同埋冰都係冇得選擇，鮮奶好濃郁，難怪冇得少冰，黑糖好香，整體唔會過甜，不錯不錯👍🏻係屋企附近開咗一芳真係好幸福，以後都多啲落嚟飲先

放下假架要找圍去找下野食啦，咁啱今日來開香港仔田灣，話時話我咁大個人都係第一次來田灣，見到有間新田灣mart 新開幕嘅商場，而地下係food court ，一於去八下。行下行下發覺口渴，眼前係「一芳」架要買來飲下啦⋯⋯大甲芋頭鮮奶我最愛芋頭，一見到芋頭味嘅雪糕🍦甜品🍮必食，呢杯大甲芋頭鮮奶一飲好香芋頭味，而冇諗過芋頭+鮮奶咁夾，同埋最like佢重有芋頭蓉，又飲得又食得😀中華愛玉檸檬🍋愛玉口感勁似果凍，加埋新鮮檸檬汁好夾桂圓紅棗茶雖然甜度係得自選，但唔會太甜，同埋好香紅棗味，好味有潤喉

喺香港飲水果茶嚟講一芳都係我排名頭三位的，依家終於係屋企附近都可以飲到唔使特登出到去首先叫咗個大芋甲鮮奶芋頭大大粒 好綿 配埋鮮奶係絕配 好香好滑又濃郁 我小甜個味道啱啱好。另外叫左個黑糖紅棗薑茶(熱)飲完成身暖哂，又足料，好滋補

自從田灣商場變左學校之後，好耐都冇食店進駐。最近知道佢開左個foodcourt，即刻衝去試下! 竟然開左間一芳，真係好開心，因為我最鍾意飲台式飲品。今日天氣都凍凍地，我同友人都揀左熱飲: 大甲芋頭鮮奶(L) $39呢杯大推，好足料，熱飲好保暖，啖啖芋頭，友人話係佢鍾意果種重奶味，之後一定會encore。一芳水果茶(L) $34凍就飲得多，今次試下熱，有次去台灣都飲過溫既水果茶，估唔到都做到差唔多既味，有好多片水果薄片係入面，邊飲邊食左唔少，個人覺得微糖岩岩好。金鑽鳳梨綠 (M) $26友人話呢杯有d甜，事關佢叫左少糖。鳳梨味唔算太重，如果濃味多少少會更加出色，另外友人話如果飲凍飲個味道應該會更加好味田灣mart呢度做緊泊車優惠，友人話下次揸車經過都可以順便買杯野飲同小食，貪呢度唔算多人，今次order完都好快有得拎，唔使排長龍等。補MENU

呢期好鍾意飲水果茶，皆因唔太甜又健康d, 而家喺香港仔隨時都飲到，實在太好喇🥳必飲招牌「一芳水果茶」🍹足料大大杯．好多鮮水果，粒粒百香果，呢款真係最佳選擇...又可以自選甜度同冰凍程度。揀咗微甜，甜度剛剛好👍🏻小朋友都勁like。「鮮搾柳橙水果茶」🍊淡淡橙香好Fresh，配入片片新鮮水果，好味😋「黑糖粉圓烏龍鮮奶茶」最喜歡呢度唔用奶粉，全部都使用鮮牛奶，奶味更濃，入口更香滑。粉圓煙煙靭靭，啖啖都有口感。🤗

身為台灣地膽既我第一次飲一芳係響台大夜市個水果茶一飲就愛上😍勁濃郁既熱情果味香港開左一芳之後都係第一次幫襯完全保留到台灣既風味裏邊有橙蘋果熱情果果肉飲完仲可以食埋當然甜都揀返標準係最好飲嘅仲有就係芋頭鮮奶又係無可抗拒個芋泥滑得黎又有d粒粒咁超正個鮮奶係堅既完全唔係奶精開出黎飲完一杯即刻飽晒仲有台灣必食愛玉呢杯檸檬愛玉愛肉嘅份量佔左三分二咁加埋個青檸酸酸甜甜好開胃而家唔洗響台灣先有得飲落街就有喇😝😝

南區香港仔都進駐左一芳la😂😂方便南區人去，而家food court仲有新優惠呀，好正一芳大甲芋頭鮮奶 $38🥛芋頭味好香濃，小小甜味帶出芋頭既香味，芋頭好有咬口，牛奶味香❤️😛黑糖粉圓鮮奶 $33🧋🍼有半杯都係粉圓，佢係細珠個d，黑糖味濃厚。🤪😋而$33唔算貴，仲好大杯。九如檸檬青 $27 🍋🍵有檸檬味，但係唔會太酸，茶底係☕️高山青茶，味道好特別🤪，我好中意。中意酸既人都好啱👍🏻

雖然冬天唔容易出汗但係行得多都會攰同埋會口渴,所以要買D野番屋企飲,見到田灣食mart新開張,有幾間食市,見到有「一芳」當然要黎買杯啦!我地就買左三杯飲品,熱嘅薑汁珍珠奶茶$32,熱嘅好立克珍珠$33,凍嘅益力多鳳梨$33 !天氣又凍又乾...全部都改做大杯...咁一定夠飲啦!仲可以因自己喜歡的甜度,冰量需要向職員要求!位置就係田灣既巴士站,方便放工人士番黎買飯番屋企...新開張精美禮品,多款小食優惠及泊車優惠,快D黎食啦!

田灣商場入面「田灣食mart」有一芳台灣水果茶，田灣人不用入香港仔也可以飲到手搖飲品，而且是人氣飲品店，一定很多人購買。一芳水果茶招牌飲品，很喜歡，鮮果配秘制果醬，入面有幾款水果，包括蘋果、橙、菠蘿及百香果，酸酸甜甜，又有咬口，非常有層次。烏龍鮮奶＋珍珠烏龍茶味算濃，而奶味亦算香滑，加上珍珠Q彈，甜度適中，口感不錯。鮮榨柳橙水果茶新鮮嘅柳橙汁， 再加上柳橙及蘋果片， 配以台灣鄉包種綠茶， 清新可口，解渴一流。