一糖 (屏山)

营业中

休息中

工作中去到尾段， 剛剛記起呢間甜品店開店，（4點先開）去到在大石地上一間屋仔，日式設計，入內地方唔大，桌椅唔迫，好舒服！入內問店員做不做外賣！佢話無題！揀好落單，佢哋在水吧半開放式廚房內整食物，包好比我時先收錢！仲會冷熱食物分開兩袋！綠茶心太軟配綠茶雪榚（$51）每樣食物包裝企理，心太軟打開頂部塌了，賣相就有點醜！將雪榚、紅豆蓉、忌廉加埋一齊！賣相好啲，紅豆偏甜，大大粒有咬口，雪榚幾濃抹茶味，忌廉滑，心太軟香濃茶味！好味（如果堂食嘅擺盤應該更靚）生磨芝麻窩夫配綠茶雪榚（$63）紙盒盛載企理，窩夫加半溶棉花糖，同事比我食咗一件，窩夫外脆內軟，好香濃芝麻味！咬開見中央滿滿黑芝麻碎！好香！店員有禮斯文，我睇餐牌選擇困難，佢叫我慢慢，之後交食物比我又細心解說包裝，服務窩心！食物同服務都甜入心！都係堂食會好啲！

今晚同朋友喺天水圍食完飯.....有著傾都傾不完嘅話題....所以決定去搵甜品食下...我朋友即刻諗起喺天水圍車站附近....有一間隱世甜品店....仲話佢一個月都要嚟幾次....皆因有佢最鍾意食嘅榴槤心太軟佢仲介紹話尼度有好多不同種類嘅各式甜品.....呢間糖水鋪，位於天水圍西鐵站附近....感覺上呢間甜品店有別於現時一般嘅糖水店....見到佢哋嘅裝修格局....同場邊外圍嘅畫作....都下左一番功夫我都被掛在牆上五顔六色和林林種種既餐牌所吸引而且發現佢哋呢度嘅糖水或甜品嘅種類.....喺外面都比較難食得到.....亦都帶畀我一種新鮮感嘅感覺呢度唔單止有甜品.....而且亦都有熱騰騰嘅暖胃小食尤其是佢哋嘅雞翼尖唔會乾爭爭而且肉質細滑再加埋辣辣魚蛋簡直一絕之後黎返個特飲先到我最鍾意食嘅主角出場喇就係朱古力心太軟你會睇到呢個心太軟嘅朱古力漿超級濃郁....食落去嘅口感相當細滑....而且配以軟身嘅朱古力蛋糕我真係可以一次食兩個然後到我朋友食呢個榴槤心太軟我都試咗一啖嗰種榴槤香味....連門口都聞得到😂😂😂唔怪之得我朋友話一個月嚟幾次拉....佢仲話每次返到嚟西鐵站附近....都會心喐喐走

隱秘糖水店。一直都聽周圍既人講一糖既甜品都唔錯，整得比較精緻，所以今次就去試下。 一糖的確係比較難搵，夜晚黑黑地就好易搵唔到。但有種柳暗花明又一村既感覺，經過漆黑既停車場之後就見到以木為主題既糖品店。地方都幾大下，有位泊車，而且有入面同出面既位可以揀。一糖既甜品選擇唔係好多，今次就試一下佢都幾出名既pancake。我就揀左Oreo pancake。Oreo pancake 係有一球雪糕既，所以可以中和一下pancake。但就有啲唔夠，食到最黎就有啲乾。 但pancake就整得唔錯，都幾鬆軟，內裡就有啲Oreo 但可能個味唔夠重，所以唔夠出。 都有試左啲小食。但就好一般....

窩夫與蝦子餅光顧了一糖多次，間中還是會再來，最近又去吃下午茶。一糖的流心芝士撻是窩夫的最愛，是下午茶必點的，流心芝士撻定食($55)的選擇多了，窩夫選的菊花蜜糖花茶是其中一款新增的飲品。菊花蜜糖花茶採用成本較高的川寧茶包，蜜糖是另上的，可按個人口味自己決定加多少蜜糖，菊花的份量不少，氣味芬芳，有清熱解毒，清肝明目的功效。流心芝士撻水準依舊，叫窩夫吃得津津有味，還吸引到搭枱的情侶跟著點了一客芝士撻定食。除了芝士撻，窩夫與蝦子餅還想吃窩夫，窩夫的口味很多，有生磨芝麻、紫薯、綠茶和朱古力等，要選哪一種呢？窩夫與蝦子餅最後選了生磨芝麻窩夫配綠茶雪糕($62)，新鮮即製的窩夫外脆內軟，黑芝麻味超級香濃，黑芝麻有烏髮、通便和解毒等功效，多吃有益。如果不加棉花糖的話會更合窩夫與蝦子餅的胃口。蝦子餅還點了一杯楊枝甘露沙冰($42)，裡面有芒果肉、柚子肉、水晶珠和西米，口感豐富，特別要讚的是西米處理得非常好，比平日吃到的西米煙韌得多。

一班人足足有三個多月跟甜品斷絕來往，原因是要預備渣馬的半馬賽事。幸好心機沒有白費，亦不負眾望，每人都順利打破個人紀錄，希望下屆能更進一步。賽事完成後，我們一起去了飲茶，興高采烈地討論賽事途中的有趣經過，最後，有人提議駕車入新界食甜品，眾人和議，便結帳起行。駕車朋友是元朗地胆，更自稱食盡元朗區，要帶我們去食他認為元朗區至好味的甜品，包保好味過教育路那邊的甜品店。連過西隧和大欖隧道兩條隧道，半小時便到了目的地。原來甜品店是一間小屋，位於天水圍站附近，鄰近屏山文物徑。這裡還有停車場，方便駕車仕來覓食。我們早來，甜品店剛開舖。店子不大，店外的牆身繪了一幅和風鯉魚像，頗具特色。店內裝修簡約，牆身是時下流行的 “泥水牆”，屋頂吊了些吊燈，配上高身桌子和櫈子，簡單而又舒服。店主把桌子連起，招呼我們就座，然後送上餐牌，並且介紹了幾款小店的主打甜品。朋友當然趁機諸多意見。最終，我們點了【抹茶活乳酸梳打 ($32)】、【楊枝金露沙冰 ($42)】、【薑汁紫薯雪耳糖水 ($32)】、【咖喱魚蛋 ($8)】、【鮮芒腸粉 ($45)】、【芝麻糊 ($24)】、【椰皇燉蛋白 ($48)】、【Bailey’s 心太

艱難的一年又到了盡頭，不過我為人犯賤，冬至當天仍然心癢難耐，刻意從「坑口站」坐上港鐵，千里迢迢趕往「天水圍站」，務求想一試「天水圍」港鐵站旁邊，依附在一間小屋的甜品店「一糖」。食評開始之前，我暫時先說句「題外話」，原來「殘疾/長者/學生」「八達通」轉乘的票價優惠是有限制的，限制可能在於轉乘的時間，因為我從「坑口站」坐港鐵上到「天水圍站」，轉乘優惠時限也過了，我倒蝕了一元的「八達通」票錢。雖然我是身處於港鐵「天水圍站」旁邊，但是礙於港鐵路線的設計問題，其實我只是身處於「天水圍」的邊陲，還未試過正正式式進入「天水圍」市中心範圍內部，見識「天水圍」的商場和食店。我暫時放下對未能進入「天水圍」範圍的執著，從路邊走下來，進入「一糖」食店所處的小屋裡面。雖然「一糖」沒有很明顯的空調效果，但是「一糖」環境都頗為整潔和寧願，偶然坐下享受甜品，感覺也不錯的。「一糖」樓面的環境無疑是新淨企理，侍應見狀亦立刻上前招呼我，遞上設計和相片都十分美觀的餐牌給我，讓我開始參考和決定選擇吃什麼甜品才對。可能天水圍「一糖」開店時間尚短，所以餐牌暫時仍保持十足潔淨和完整，令我對「一糖」的甜品有了期望。我本來在不想睡眠質素

聽講人生不如意事，十常八九。 家事國事天下事，遇到有不如意，不順心， 順路又啱時間，找個朋友吹下水，飲個糖水，梳理一下，減少負能量，何樂而不為呢 撞啱天水圍西鐵旁邊，有間企理又夠潮的甜品店，門外又可以短暫停泊車輛， 順路就立即起錨（即興的），我今日食左芒果小丸子，同行朋友食芝麻糊+湯丸，我其實好少三點幾四點咁早食甜品的，所以都無留意味道如何（你懂的），不過傾下講下笑下喊下鬧下又個零鐘，以時間計，坐咁耐係抵食喎。（幸好呢個時段唔算滿坐，否則咁樣坐唔係幾過意得去） 古今多少事，都付笑談中。 希望食完朋友行運一條龍。

天水圍西鐵旁既一間甜品店非元屯天人應該就未必識得搵。（其實可能屯門元朗天水圍人都未必識）今次冇影外圍，其實都幾難搵！但入到去都幾靚幾有風味！其實已經去過好多次，今次就寫一次食評俾大家介紹下。今次食咗雜果窩夫配曲奇雪糕，價錢非常經濟，而且性價比很高，我好鍾意食窩夫入邊有麻薯，煙煙銀銀！不過其實，個人覺得綠茶窩夫比較好食，綠茶窩夫配紅豆好夾雪糕方面，唔係咩貴價雪糕，但係都不錯！唔知大家有冇覺得食糖水要有腸粉魚蛋食下，可能因為比B仔涼粉影響到！😂😂（扯開話題，B仔涼粉糖水就麻麻哋，但啲腸粉好好食)今次係一堂食腸粉魚蛋都不錯，夠熱又唔會好硬就做足本分！👏🏻👏🏻呢張都係基本野，不過佢推介咖喱汁！我哋就麻麻哋，好彩另外上，點左一下就無再點了！🤪最後一題，佢哋啲員工都幾好態度，問晒佢啲窩夫邊個有麻薯邊啲冇，咁煩都冇發脾氣好有禮貌咁答！識佢少少腸粉分開啲咖喱汁上佢都好樂意！抵讚！我哋周不時都會去下，貪佢近近地幾方便！又經濟實惠！又有窩夫食！啲嘢飲都幾好飲架！如果你哋去開屯門元朗天水圍都可以去吓！唔使次次都食B仔涼粉啦！

我之前聽見天水圍，就會覺得很遠。自從上次去過錦上路，先知到原來由紅磡去天水圍，都只不過係約35分鐘，比起以前要坐成個鐘頭，快了很多，所以友人推介我的時候，我就安排今天下午到訪。這裡好近九鐡天水圍站D出口，行過幾間邨屋，就看見一個很大的停車場，而一糖就位於其中，屋外仲有一幅很多的壁畫，是用人手畫上去的。芒果腸粉45元，腸粉真的好爽好滑，夾埋芒果就仲正，這個腸粉在其他地方吃過，可惜都做得唔好味，估唔到在這𥚃找到，我推介這個👍👍👍白桃活乳酸梳打32元，白桃汁、乳酸、梳打水，分開三款上枱，自己調教味道，有得玩有得飲，三樣加埋真係好正。楊枝甘露沙冰42元，開始時以為沙冰為主，點知有濃郁芒果汁，仲有好多沙田柚肉，又有好多西米，我很喜歡楊枝甘露，不過外面很多地方都令我失望，今天竟然在天水圍遇上了真材實料的它，下次想吃，怕且要再來了。疏乎厘紫薯49元，面頭的蛋白焗得很脆，內裡的紫薯則好香甜，如果再想層次豐富，就再加朱古力，不過我覺得將蛋白加紫薯，已經好好味。鷄翼尖20元，份量好多，起碼有廿隻以上，味道剛剛好，連唔食雞翼尖的老公，都吃了七、八隻，証明真的不錯。魚肉燒賣7元5粒，和市區的味道差不多，不過質

今晚嘅晚餐麻麻，而且唔覺有食過嘢，所以好想食糖水甜品，好掛住幾個月前食過嘅黑芝麻心太軟。。所以揸車專登去食啦！一坐低餐牌都唔洗睇我已經先落單啦！兩個朋友叫了原桶即撞香滑豆腐花，芒果腸粉，雞翅尖。。。 等了又等。。。朋友都食哂我個心太軟都未嚟。。。終於店員行過嚟話之前焗失敗咗，要再等多陣，之後我聽到話已經失敗咗三個，店員又再走過嚟問我再等定取消，等咁耐唯有取消啦！比完錢上返車，朋友都話他們嘅糖水唔好，雞翅尖又唔掂，太失敗喇！我都好失望呀！

2017.11.05 😊【車友們的秘密基地】天水圍夜闌人靜 街道上的人流不多就連白晝光火通明營業的店舖也休息了有沒有人跟小妹一樣還未睡🙋或是深夜on-call的打工一族想跟朋友到糖水鋪聊聊天的在新界區居住或工作 不像九龍區大半夜要找一間開至凌晨的食店一點也不容易這間位於天水圍神秘角度的小店🌜🏚對於這群夜貓子來說 就像綠洲裡的清泉雖然位置是比較私密 需穿過一條燈光較暗的小路但其實交通亦挺方便的 天水圍站E2出口步行約2分鐘就到值得一提的是 門口還有不少泊車位置🚗養寵物的朋友可以一家大細來出遊喔腸粉 $10 / 魚肉燒賣 $7 / 腸仔 $7 / 魚蛋 $7夜宵總不能只有甜食吧來個四寶大餐也許是個不錯的選擇小店的腸粉口感軟滑、燒賣及腸仔不過不失陳皮魚蛋配上微辣的咖哩汁 小朋友都食到白桃活乳酸梳打 $32帶著小孩或喜歡"搞搞陣"的朋友可以一嘗小店的活乳酸梳打系列店員會依據下單分配不同口味的果汁客人接著可按自己的喜好調較🍹把2杯活乳酸及梳打自行加入P.S.根據小妹當日的經驗千萬不要一次過把梳打都加進會沖淡特飲的果汁味楊枝甘露沙冰 $42天氣開始乾燥 女士之選有#楊枝甘露雖然名字跟沙冰拉上關係小

今天跟豆丁到濕地公園，剛好有專車來接我倆離開。其實是豆丁之父跟朋友路過這區，順道接我和豆丁，但又想找個地方來個下午茶，方便繼續談工事。然而，這駕駛人士不熟悉這區！目標:最緊要有位泊車！一於建議到這家有大片停車場的甜品店。   小插曲：朋友初時錯過了小路的入口位，要在前方掉頭。以為要三手軚，幸好一手軚就成功掉頭了。   看到這個大停車場，朋友終於放下心頭大石。難得天朗氣清，旭日仍在，而且店內差不多客滿，大家就選在露天座位，享受天然陽光和細聽鳥語。　每人點選一款食品，下單後，男仕繼續談公事，而豆丁就回顧濕地公園所學到的知識。   芒果河粉　豆丁點的甜品，要一人獨享。  榴槤心太軟　　嗅覺：上枱之時，已感到陣陣榴槤香。心太軟剛焗好，熱力加快香氣散發，所以嗅覺先行。  視覺：金黃色的榴槤心太軟，表面灑有糖霜。不過最開心＝下刀的一刻。看著內裡的榴槤漿＜必＞出來。味覺得口感：榴槤心太軟當然有榴槤味。外圍已成形的榴槤蛋糕，熱辣辣軟綿綿，要連同中間的榴槤漿，一同品嚐，才可嚐到二種口感。  生磨芝麻窩夫　配OREO雪糕  餐牌上有多款窩夫，今次大家都選擇了黑芝麻。因為我們三人年紀不輕，開始懂得藥食同源，

今晚和住天水圍附近的朋友食糖水，帶我來到一間在地鐵站旁邊，似遠非遠的甜品店。*生磨芝麻窩夫 （$62）窩夫外脆內軟，咬落好濃芝麻香。有兩舊窩夫更加放上了綿花糖，代替了甜醬的作用。配上綠茶味的雪糕都不錯！*綠茶麻薯窩夫（$50）另一個強烈推薦的是綠茶麻薯窩夫。除了有外脆內軟的特質，窩夫中間夾著了煙煙UNUN的麻薯，豐富了口感。配上了甜甜的紅豆蓉和曲奇雪糕，是完美的配搭。*紫薯窩夫 ($58)最後一個窩夫是紫薯味的，窩夫上有幾片紫薯片，脆脆的。窩夫中間夾著紫薯蓉，淋上了楓糖醬，很有秋天的味道。*黑芝麻心太軟 ($58)心太軟都是很值得推薦的一個甜品！芝麻味比起平常吃的朱古力味差不多甜，但多了份芝麻香；而且中間都很夠流心，一切內餡就已經流了出來！配上水果真的加分，清新口感，可以解一解膩！*梳乎厘紫薯 ($49)梳乎厘趁熱食是常識吧！梳乎厘蛋白很輕，帶少少甜味。不要怕吃梳乎厘會好似食空氣一樣，的確上面是像空氣，但下面是紫薯蓉，很飽肚！*楊枝金露沙冰 ($42)朋友點的

天氣變涼, 原本plan 住同fd 行附近髻山, 由天水圍出發, 終點落番山再搭小巴出元朗食晚餐. 但一邊行去山下出發點, 沿路了無人煙, 反而好多野狗😂 幾乎每行一段路都有一至三四隻野狗. 愈行愈心驚, 最後打退堂鼓. 由我提出plan , 白走一趟實在感到抱歉, 索性就提出去附近ranking 最高一糖食dessert, 邊食再邊諗之後行程 🙈一糖係一間獨立小屋, 距離mtr 只有幾分鐘距離. 牆身畫上日本風繪畫, 好有特色. 打卡最岩. 抹茶麻薯窩夫 $50窩夫外脆內煙韌, 窩夫本身有少少抹茶味, 再加埋抹茶cream就啱啱好呢度的紅豆煮得唔錯, 一粒粒有咬口亦唔太甜. 抹茶的少苦加埋紅豆的甜揀直係絕配🖒雪糕揀左cookie n cream,味道有啲似D牌子的, 幾creamy, 好食~ 另外值得欣賞嘅係佢地的窩夫放耐左都唔會變冧, 外層仲可以維持到脆脆❤而cream係比較杰身同唔易溶的, 雪糕溶左佢都未溶🖒可以慢慢食都得😋楊枝金露沙冰 $42店員極力推介,因為佢地真係用鮮芒果汁去整的沙冰.飲落真係好似飲緊楊枝金露咁, 好香芒果味但又唔會太甜.料都好多,每啖都會啜到芒果肉/西柚肉

第一次去天水圍探親戚，同佢地食完飯之後，啊女帶咗我去一間甜品鋪，話好好食！位置幾近地鐵站，大約行5分鐘就到👍🏻係一間好有日本風嘅甜品店，門外有好大片空地，好有渡假的感覺。仲有一大幅石牆，上面有日本塗鴉，感覺好霸氣！😂不過我地就選擇坐入面，怕出面會有蚊🙈我地叫咗綠茶心太軟紅豆配曲奇雪糕（$50）😁心太軟既流心程度剛剛好，綠茶漿多到不斷湧出嚟。心太軟外面焗得幾脆，入面嘅口感就鬆軟👏🏻綠茶味都頗濃，味道無苦澀味，但旁邊的紅豆就偏甜，不過夾埋心太軟食就啱啱好～兩者味道非常配合，而且心太軟隔離仲有一舊好好味既綠茶cream，再加埋曲奇雪糕令成個甜品變得好豐富！啊女晚飯食得少，唔夠飽，叫咗個腸粉食。($10@4條)幾多醬，撈埋好香，腸粉幾腍幾滑，好快就食晒😜呢到環境都幾好，係一個食完飯傾計聚腳嘅好地方！