一糖 (屏山)

营业中

休息中

平時宵夜糖水多數都係元朗食涼粉，朋友推介一糖，位於元朗屏山，近天水圍西鐵站，門口可以泊車，方便。朋友推介必食鮮杧果腸粉$45，杧果新鮮香甜，腸粉爽滑，有真腸粉口感，配合鮮甜杧果汁，果然好介紹！生磨芝麻窩夫$62，賣相不遜酒店茶座；温熱脆皮窩夫配合軟熱棉花糖再加上冰凍雪糕球，口感多重享受，甜而不膩；兼且份量充足，可供二人分享。焦糖燉蛋$28，燉蛋質感較一般厚及柔滑，有法國風味，而非中式燉蛋加焦糖；配料士多啤梨也不會酸，確實超值。Bailey’s 心太軟$58，朱古力心太軟加上雪糕已經很好味，Bailey’s甜酒混在忌廉中打起泡配合得宜，伴碟水果亦能解些油膩感。楊枝金露沙冰$42，將楊枝金露糖水底打造沙冰，再加上杧果丶西米丶柚子等配料，故此有沙冰口感亦有楊枝金露風味。菠蘿活乳酸梳打$32，梳打水和菠蘿糖漿分開上，可自行調節口味。紫黃特飲$32，紫色藍蝶花，加入梳打水時賞心悦目，浪漫指數爆燈。同行朋友竟然要食腸粉$10燒賣$8，話要同其他糖水店做比較！腸粉爽滑，燒賣彈牙，果然認真！

天一商城晚飯後，大家想食甜品， 但係附近搵唔到甜品店。 朋友力推西鐵站嘅一堂， 興之所致，大家就乘輕鐵到天水圍西鐵站 ，沿著小路跟著紅色旗幟 不難找店址。5個人叫左5份甜品， 拿了自助餐具，大家一同分享。鮮芒果河粉 ，椰汁味唔夠，份量少。綠茶心太軟配雪糕，綠茶味夠香濃，夠甜榴槤心太軟配雪糕，流心榴槤帶輕微苦味，唔會係😎貓山王卦，食甜品美好幻覺多左。 紫薯窩夫配雪糕，切下窩夫，又搽下d紫薯cream，再伴d雪榚食，真係好正。mocha脆脆麻薯窩夫配雪糕，少少脆多多甜。食甜品果然係會開心既，大家坐戶外，食得輕鬆自在，笑住離開，有下次。

唔講唔知，尼間糖水舖都幾入面下，住咗新界咁耐，朋友講先至知，喺西鐵站附近~可能今日係復活節，所以都幾爆場下，要喺出邊等一陣先至有位，男朋友叫咗燒焦香蕉船，香蕉出邊燒左一層糖衣架，之後叫左百利甜酒朱古力窩夫，個窩夫好特別，食落去好煙韌，原來入邊係加左啲糯米整嘅，食落去唔會好硬，我覺得好好好好食，再跟咗個薄荷朱古力雪糕添，推介～再叫左個疏乎厘紫薯，以為冇乜特別啦，原來食到最底係有一層紫薯喺下面架，紫薯亦都好甜，呢個都推介～我同男朋友分別都叫咗兩杯野飲，我就叫咗玫瑰蜜糖玫瑰花茶，蜜糖係可以自己溝落杯野飲度既，如果你唔鍾意太甜可以唔使落咁多，蜂蜜菠蘿梳打係新野嚟㗎~

人哋話甜品係裝喺另外一個胃，我今晚就去咗將我呢個胃裝爆佢。原來有間一糖就係天水圍西鐵站隔離，非常方便，地方又夠大， 不久的將來相信佢會成為天水圍區b仔，能夠聚埋一班朋友係度食下宵夜糖水甜品吹下水。首先嚟返一大份雞翼尖先$20， 煮得好諗，但味道唔夠辣，再辣啲就更正跟住就係焦糖oreo窩夫配薄荷朱古力雪糕$60， 又暖又脆嘅窩夫加埋凍冰冰雪糕一齊食，口感味道一流。跟窩夫的雪糕唔夠喉，加多球先$12食完甜，又要食下鹹，柯打左n份大混醬魚蛋燒賣腸粉！食完鹹，跟住梗係又要食番甜喇 叫咗個榴槤心太軟$58， 配送一球曲奇雪糕同生果。榴槤心太軟好流， 榴槤漿湧曬出嚟呀！口乾乾再整多碗楊枝甘露潤一潤食飽飽今晚就好好瞓啦

Idou is a nice place to hangout. It is located next to the Tin Shui Wai West Rail station, within a 5-minute walk from Exit E.Chocolate Lava Cake with whipped cream, chocolate ice cream: the best way to enjoy this lovely dessert is by putting the scoop of ice cream on top of the lava cake. The fruit salad is very fresh and is a perfect complement to the dessert. The cream at the side can be eaten with the fruit.Whole bucket beancurd desert: freshly made dessert with syrup and grounded brown suga

天水圍幾大相信大家都知呢間算係我地一班fd既聚腳點又近西鐵站之餘, 呢度仲有甜食同咸食揀想食乜就嗌乜 生蘑芝麻窩夫一客係有四塊既窩夫, 上面有兩個燒過黎既棉花糖, 再可以一球自選口味既雪糕, 因為係芝麻窩夫既關係, 口感同平時食開個d好唔同, 呢個就好明顯係會firm d, 食落有陣陣既芝麻香味, 加埋雪糕食一凍一熱個口感確係唔同, 棉花糖加窩夫就會食到有濃濃既甜味, 味道不錯 荔枝沙冰外面飲到既沙冰通常都會加左大量既水, 呢個竟然可以飲到好rich既荔枝味, 濃濃既荔枝味直接將個頭凍爆!! 都幾甜的, 如果食緊咸食叫個沙冰就岩岩好~ 

呢間甜品店真係睇無數咁多人介紹過，成日喺附近蒲都搵唔到時間過來，是日約左朋友喺元朗食lunch兼睇埋套戲，就坐車過來食。朋友住九龍區，好少入來，但佢都聽過呢間甜品店。甜品店位於天水圍站附近，我地坐左西鐵來，原來路程都好近，而且行到附近就已經見到小平房設計嘅甜品店。外圍嘅壁畫係我見過好多次，有好多人喺度打卡。呢間甜品店好似喺停車場入面咁，所以如果駕車都好方便，有位泊。佢地有室內外座位，室外其實都幾舒服，一來天氣唔係好熱，有陣陣涼風，其實幾好坐，加上如果有帶狗仔來，就啱哂，可以坐室外。而室內都有五、六張枱，裝潢好日式風味，用木枱木凳，環境唔錯，加上我地去嘅時間尚早，四點零鐘，大概有四枱客，都唔會好嘈，幾舒服，唔似好多市區嘅甜品店，凳都未坐暖就已經要趕你走。呢度啲甜品都幾多款式，有紫薯、窩夫、沙冰、雪糕、芒果、花茶、撻類等等，價錢唔貴，我地點左兩份甜品同一杯飲品。生磨芝麻窩夫 窩夫四件，面頭鋪上燒棉花糖，旁邊有忌廉及雪糕，窩夫可配上一球雪糕，我地揀左薄荷朱古力。我幾鐘意呢度嘅窩夫質地，做到外脆內軟，特別內餡完全冇飽滯感，仲有少少似食緊麻糬，煙煙韌韌不過芝麻味唔算好濃郁，配合甜滋滋嘅棉花糖，我

這晚和Roommate吃開Sem甜品我們都很喜歡位於天水圍西鐵站附近的一糖，所以這晚又來到這間日系甜品店雖然就近西鐵站，不過一糖附近的環境很廣闊又寧靜，是遠離繁囂的一片地方。每次和同學來到一糖都一定會點窩夫和心太軟是我們的心水甜品印象中對上次來一糖還未推出這兩款口味的窩夫，今次要試試一款新窩夫朱古力醬、綿花糖、Mocha脆脆佈滿窩夫口感豐富，有脆有軟甜蜜蜜的窩夫內粒粒麻薯，真材實料入口啖啖煙韌！每次來到我們都必點的Hot item外層的綠茶蛋糕焗得非常香流出的綠茶岩漿，入口有濃郁的綠茶香與雪糕互相配合，一冷一熱，是我最喜歡的甜品之一餐廳除了甜品外，還有港式小食可選，香辣雞翼尖充滿蒜香，非常惹味很滿足的一餐開Sem甜品

朋友好鍾意食甜品，最鍾意就係一糖甜品夠精緻，環境比較偏僻，揸車人仕首選，舖頭出面有停車場非常方便，舖頭內坐位不多，唔介意冬天大風, 夏天餵蚊可以坐舖頭出面有大量坐位，另外仲有一間鐵皮密封屋仔可以選擇有時唔太餓又想搵個地方飲杯野，可以㨂飲梳打水，白桃味我非常喜歡甜品方面，睇得出我個人係比較喜歡芒果味，芒果心太軟首選，睇住呢個流心個樣真係好治癒來到一糖窩芙的香味撲鼻，你又點會唔食呀！窩芙最適合同朋友仔一齊分享，又可以試多幾樣椰皇燉蛋白好香既椰子味推介唔想食凍野時可以㨂佢芒果奶凍，個人感覺一般，相對唔夠特色

<一糖>是天水圍的隱世甜品店， 自成一角，牆身的大型塗鴉，充滿日式風情。餐廳主打紫薯甜品，紫薯控必然不能錯過。紫薯窩夫 $58窩夫表面灑上紫薯粉及糖霜，賣相紫醉金迷，我見傾心! 新鮮焗起的窩夫，入口香脆，雪糕口味有多款選擇，香甜的芒果與紫薯最合襯。在每格窩夫填滿紫薯蓉，口感黏糯、軟綿，再沾上芒果雪糕，更加蜜甜窩心! 伴碟還有脆薯片，薄脆吸引。棉花糖紫薯 $32棉花糖脹卜卜，除了表面的紫薯粉，墊底還有熱燙紫薯蓉，配料豐富。倒上朱古力醬，更加邪惡，拉起綿花糖，質地軟溶，配上紫薯蓉，味道濃甜，口感多層次。宇治抹茶奶 $32宇治抹茶奶有濃郁的抹茶香，甜而不澀，配上滑滑奶泡，口感滑溜、順喉。鮮雜果蛋撻配紅棗茶定食 $46定食是清新的配搭，芝士蛋撻酥皮香脆，一啖咬下去，芝士鬆化、流心，啖啖滋味! 吃過濃味芝士撻，可以吃鮮果解膩，再呷一口温熱的紅棗茶，寧神靜氣，感覺細膩。蒜香香辣雞翼尖 $20除了甜品，多款鹹點都十分美味。蒜香雞翼尖十分入味，雞肉軟嫰，入口即散，開頭微微泛辣，但愈吃愈麻辣、過癮! 魚蛋及燒賣浸泡在咖喱汁中，同樣惹味。原桶即撞香滑豆腐花(黃糖) $30豆腐花是名副其實的

我們一家3口嚟食，晚飯後慶祝情人節食甜品，所以過嚟食。 我們叫咗個熱嘅即磨芝麻糊，榴槤心太軟配薄荷朱古力雪糕 ，鮮芒果腸粉，跟住要咗10蚊腸粉，8蚊魚蛋，8蚊燒賣配咖哩汁。個熱芝麻糊好一般，唔好食呀，有燶味，好稀，好失望，諗住好好食，咁都一般，碗糖水24蚊，覺得不值。個榴槤心太軟， 本人覺得都ok，都好都幾好食，因為我好鐘意食榴槤，當然味道同真差好遠，但係都滿意，係幾好食，都濃榴槤味，個雪糕就係普通雪糕冇乜特別， 58蚊價錢都合理，賣相都ok。個鮮芒果腸粉就比較覺得特別好食， 第一次食，覺得好新鮮嘅，好食，價錢就貴咗少少，成45蚊 ，另外個腸粉覺得個燒賣都幾好食，啲咖哩汁都好味道 ，埋單食咗153蚊，最唔滿意係芝麻糊，唔得。因為芝麻糊係我最愛的糖水，所以好失望

最近經常返天水圍，每次搭輕鐵經過都見到圍村個邊有間寧寧舍舍唔同裝修既鋪頭，牽牽成日都話想去，特登約埋細佬一齊去八下（≧∇≦）行入去比較靜，不過食甜品都好少一個人去架啦，有伴就唔怕啦，我覺得呢到好適合情侶、或者一大班朋友一齊黎，有車人士當然就更好啦。燒焦香蕉船牽牽一見到「香蕉船」張相就發光喇，見室內都好暖就叫比佢食啦，三球自選雪糕都幾大，兩片香蕉帶點焦糖香，令蕉味更加突出，如果可以做到脆焦糖就更好喇，兩旁既忌廉我就唔太欣賞，因為焦糖香蕉加雪糕已經好夠甜，而且牽牽多次想扶住隻船「不」雪糕，都因為兩旁忌廉而攪到一手都係～生磨芝麻窩夫即叫即做窩夫入口暖笠笠，其中兩件上有大大粒焗至半溶既綿花糖，同窩夫一併放入口，非常夾，平時我好怕食焗溶左既綿花糖，因覺得太甜，估唔到夾埋窩夫又幾好食喎，另外兩件我揀左同薄荷朱古力雪糕一齊食，雪糕夾窩夫就唔使講啦，一定夾到不得了，大大份，焗至外脆內軟既窩夫令人食得非常滿足，不過我唔係太食到芝麻香味～鮮雜果芝士撻配生薑茶定食新鮮熱辣既食物就最好食，熱辣辣既芝士撻，充滿芝士香，入口半溶芝士令芝士控既細佬大愛，撻皮又鬆又脆，鍾意芝士既一定要試，鮮雜果部份既火龍果無乜味，凍

從天水圍西鐵站Ｅ出口轉左，第三次來到這間隱身於露天停車場內的日系甜品店一糖。同行朋友第一次光顧，被店外石灰牆上由三一製作的Chino Lam所畫的鯉魚壁畫吸引了。店主曾留學日本，店內裝潢亦貫徹簡約日系風，以石灰色為主調，配合木製傢俬及落地大玻璃窗門。尤其欣賞如掛畫般的餐牌。店家不定時推出新產品，每次來都有驚喜！包括焦糖Oreo窩夫、Mocha脆脆麻糬窩夫、養生花茶和秋冬限定的椰皇燉蛋白。抹茶麻糬窩夫配綠茶雪糕 $50 Mocha脆脆麻糬窩夫配曲奇雪糕 $60必食招牌抹茶系列！窩夫面灑滿翠綠抹茶粉，茶味甘香，甜度得宜；厚度適中，略嫌烘得稍乾。隨窩夫附送滿瀉的紅豆！清甜軟熟，綠茶忌廉幼滑。每一口都吃到粒粒白色麻糬，煙韌軟糯，配合抹茶的回甘，亳不覺膩。吃完招牌試試新產品Mocha脆脆麻糬窩夫。這一份烘得剛好，外層微脆，內裡鬆軟，有Mocha味脆脆和綿花糖增加口感，比抹茶味甜但可以接受。紫薯窩夫配紫薯雪米糍  $58  紫黃特飲 $32 焦糖燉蛋 $28之前吃過沖繩直送紫薯系列的紫薯棉花糖和紫薯梳乎厘，反而未試過其招牌窩夫。每一款窩夫均有不同的擺盤，看得出有花過心思。紫薯窩夫外型贏在起跑線，灑

新開張個陣見到網上有人介紹就過黎試下，覺得甜品種類太少。隔咗年幾再黎睇下，發現多咗好多甜品，總有一款啱你心水！我地4個人叫咗焦糖Oreo窩夫、草莓芭菲、香蕉紅豆朱古力奶凍、芒果腸粉。本身以為Oreo窩夫會好似普通甜品鋪咁淨係灑啲Oreo粉同埋放塊Oreo餅，點知原來塊窩夫中間係夾咗好多Oreo碎，好有驚喜！而且窩夫外面脆得黎入面又有鬆軟，值得一試。反而草莓芭菲冇想像中咁好食，因為冇咩關於草莓嘅原素，同埋太多cream搞到好膩，不過個賣相幾靚。朱古力奶凍好滑好有奶味，同香蕉紅豆一齊都好夾。芒果腸粉嘅腸粉皮好厚，入面嘅芒果都冇走雞，每一條都有足夠嘅芒果。

食完飯就梗係要食返個糖水啦。其實呢間鋪頭嘅地點呢，系有少少遠嘅。如果你搭車入嚟，西鐵應該係要轉輕鐵嚟嘅，再唔係行過嚟都可以架。不過對於揸車嘅朋友就一定夠晒方便啦。因為佢哋出面有好多空位可以俾你泊車。但要留意星期六日就應該都幾多人下嘅。好啦首先講吓佢哋嘅裝修啦，鋪面入面係真係幾日式架，不過位置有限，可以係出面食嘅，個感覺都幾好feel架。講到服務啦，睇岩食咩就好落order喇！之後等一陣就已經即刻有嘢食㗎啦。一定要講佢哋個窩夫真係好好味！呢個窩夫入面係有餡嘅夾埋佢哋個雪糕，真係超級無敵勁好味