一糖 (屏山)

营业中

休息中

唔講唔知，尼間糖水舖都幾入面下，住咗新界咁耐，朋友講先至知，喺西鐵站附近~可能今日係復活節，所以都幾爆場下，要喺出邊等一陣先至有位，男朋友叫咗燒焦香蕉船，香蕉出邊燒左一層糖衣架，之後叫左百利甜酒朱古力窩夫，個窩夫好特別，食落去好煙韌，原來入邊係加左啲糯米整嘅，食落去唔會好硬，我覺得好好好好食，再跟咗個薄荷朱古力雪糕添，推介～再叫左個疏乎厘紫薯，以為冇乜特別啦，原來食到最底係有一層紫薯喺下面架，紫薯亦都好甜，呢個都推介～我同男朋友分別都叫咗兩杯野飲，我就叫咗玫瑰蜜糖玫瑰花茶，蜜糖係可以自己溝落杯野飲度既，如果你唔鍾意太甜可以唔使落咁多，蜂蜜菠蘿梳打係新野嚟㗎~