一糖 (屏山)

营业中

休息中

一糖是天水圍區內較具特色及水準的甜點店，每次跟朋友聚會，它都會是我的首選。這天我跟友人便嚐了它家的紫薯窩夫。.下單後等了一會兒，窩夫便送到我們的面前。四大塊撒滿糖霜的窩夫交錯地堆疊在黑漆漆的盤子上，旁邊還有少許紫薯蓉奶油唧花作點綴，賣相精緻吸引。其中一塊窩夫上更有一些紫薯脆片，驟眼看來就像是散落一地的花瓣，更添窩夫的意境。窩夫即叫即製，送上時仍是微微暖的，入口外脆內軟，口感甚佳。雖然蛋香並不明顯，但裡頭的紫薯餡卻令人頗感驚喜，豐富了口感之餘也令窩夫的味道更為昇華。·紫薯蓉綿密細膩，味道天然而不造作，且香氣濃郁，加上甜度很輕，並不會予人過份膩口飽滯的感覺；而紫薯脆片亦很香脆，沒有變潮的問題。至於旁邊的紫薯蓉奶油唧花則會濕潤一些，而且甜度亦會高一點點，但味道仍是蠻討喜的，令「薯味」再進一步提升。·跟其他窩夫不同，這款窩夫可選擇搭配雪糕或雪米糍。平日常吃雪糕的我想來點新意，便點了雪米糍。一如所料，糯米糍不過是我們平日所吃的維記紫薯雪米糍，味道與整客窩夫挺為契合的，但就無太大特別之處，終究未有令人留下深刻印象。·不知為何，缺少了雪糕，我總覺得這客窩夫少了些甚麼，大概是因為雪米糍終非雪糕，預期的

-今日去左天水圍探朋友，食完住家飯後，無嘢好得過，再加上一個完美嘅甜品🍰🍡🍩時間喇。 佢話佢屋企附近有間甜品店好出色，於是就去試試。明明諗住淨係食甜品，但見到腸粉、燒賣又唔覺意叫咗啲啲嚟食👉👈。4條腸粉（$10）、5粒燒賣（$8）、2條腸仔（$8）。仲可以配咖哩汁，食完唔會好咸好口渴😄抹茶麻薯窩夫配Oreo雪糕🍨（$50）窩夫外脆內軟，最特別係中間有一粒粒麻薯，食落又脆又煙韌，仲有大大粒紅豆，口感認真豐富👍心太軟（$58）心太軟仲配左幾款新鮮水果🍌🍉🍈，感覺清新晒。一切開入面d餡就流出來😍配埋朱古力🍫雪糕🍨。超正！！其實3個人食兩個甜品 + 咸食已經好滿足好飽，但傾到咁上下，朋友忍唔住嗌多杯芒果汁（$28）。唔錯喎，唔會得咁甜字，芒果味都幾濃郁添☺️😋。其實佢仲有其他款式甜品🍮🍩，有機會可以可以再試，食幾次都食唔晒吖。==========一糖 Idou Dessert地址：元朗屏山上璋圍249號1號店

今日一行兩人黎到呢間位於天水圍西鐵站附近被稱為隱世甜品鋪既 一糖甜品 IDOU Desert, 鋪頭位置的確十分隱蔽, 出面係露天停車場, 旁邊無其他店鋪, 不過大家唔好以為咁隱蔽要去會唔方便, 其實係天水圍西鐵站輕鐵個邊既出口落去行兩三分鐘就已經到, 係非常方便. 雖然話位置難發現, 但呢度又非常旺場, 坐左一陣就已經坐到滿. 首先講講佢既甜品既質素, 我地叫左兩份waffle, 一個係朱古力, 一個就加埋香蕉既, waffle 整到好靚, 好香, 同埋唔會好林. 味道我會比滿分, 唔會太過甜, 平時我自己一個好少食得曬成個waffle, 唔係食到口好乾就太甜食到一半唔想食. 但呢間既waffle 我地兩個都係一人食曬一份. 非常滿意. 另外都試左佢一些比較特別既甜品, 我叫左一份芒果腸粉, 一直諗佢會係咩黎既呢, 會唔會真係用腸粉皮包住舊芒果呢... 黎到既時候, 個賣相真係好似腸粉皮包住舊芒果, 因為層皮都係白雪雪咁, 不過口感係彈牙爽口, 層皮本身係無味既, 但連埋入面舊芒果一齊食其實成件事就好夾. 我地都叫左好幾款食物OR飲品, 飲品落完單大約2-3分鐘就會有, 而食品就視乎

夜晚想突然約朋友食糖水傾下計，又唔想去太遠或者食連鎖既甜品店，就去呢間屏山既日式糖水店。位置唔算太方便，係天水圍西鐵站再要行入去村方向大約7-8分鐘。見到有好多人都揸車入去食。店面唔算大，但可以選擇坐室外，不過要留意都幾多蚊同埋天氣熱都辛苦。講返d野食，呢間係主打新式同日式既甜品。佢既窩夫賣相好靚，味道唔錯唔太甜，打卡一流。叫左朱古力窩夫同綠茶綿綿冰，綿綿冰真心推薦，唔會食兩啖就融曬，綠茶味好夠。如果唔介意地方偏僻既值得試一試。

4pm 開鋪Weekday 4:30pm 到西鐵站到站鋪5-7分鐘左右地點很方便。到達時已經有兩枱客，坐位不算多，如果夜晚，相信要等位3人點了3個不同的甜品Around $50-$58 一份紫薯窩夫，紫薯清清地，值窩夫有少少乾朱古力心太軟，朱古力好濃，但唔算流得好勁反而焦糖雪花冰+布甸最有驚喜⋯

離開天水圍站後，走往糖水店的路途會讓人不禁覺得怎麼會在這麼隱蔽的地方開店，但每次去都頗多客人。不得不說就是他們的麻薯窩夫($50-62)，外香脆內煙韌，必點之物！沒吃過這個就不算來過一糖了！其他的種類就不過不失，其中的黑糖芋圓紅豆仙草刨冰($55)就失色了，令人失望！整體來說淡而無味，而且刨冰激快溶為水，令之更無味。芋圓沒有韌度，沒有口感可言。(個人很喜歡吃芋圓的！)所以以後我來這裡就更加只會點麻薯窩夫！

以前好鐘意食b仔涼粉，貪佢有熱食，又可以食糖水，搞掂哂一餐，今次比我發現天水圍都有一間糖水舖有埋熱食，就帶埋屋企人黎試下啦！叫左腸粉、魚旦、燒賣、雞翼尖，雞翼尖超辣😂 一定要配野飲，蒜味好重，食落都好入味啊，魚旦有濃濃陳皮味，我地係叫原味的，因為媽媽唔食辣，如果咖哩味應該仲正！燒賣腸仔都屬正常，典型香港小食味道🧐另外叫左個朱古力窩夫，窩夫超香脆，係外脆內軟，配埋雪糕食，冷熱交替，好滋味，朱古力味極濃，薄荷雪糕係口入面勁涼，爸爸最like! 見佢仲有好多唔同甜品，下次黎專食甜品先！

抹茶窩夫同紫薯即叫即整 上枱熱辣辣😚窩夫外脆內軟 2個都加錢配埋麻薯系入面超正抹茶窩夫本來已經好夠抹茶味 配埋雪糕同香甜軟綿大大粒紅豆 真系好食到唔識再去形容而紫薯窩夫配個2粒紫薯雪糕糯米糍好濃味👍🏿佢配紫薯蓉同俾2去紫薯乾 已經俾紫薯充斥左我既世界🥳窩夫入面夾左滿滿既紫薯蓉 又甜又軟鬆 外脆內軟 一流❤️❤️❤️❤️❤️❤️❤️

身為元朗人，雖然元朗有好多糖水舖，但好食既黎黎去去都係個幾間，公司有位住天水圍既同事介紹佢個邊有間糖水舖既窩夫好好食，係西鐵站行落去就係，趁星期六放假緊係帶埋爸爸媽媽試下！爸爸叫左個原桶豆腐花配紅豆沙，真係好大個桶😂 份量都唔少，佢揀左黃糖配黎食，唔會太甜，豆腐花都有豆味，但可以再滑少少，咁就perfect池！紅豆沙略嫌稀左少少，不過又有白合同埋其他紅豆沙要有既配料，都幾重紅豆沙味，彌補返佢比較水既不足，我個人鍾意稀啲的，但爸爸就食慣杰啲🤣媽媽叫左紫薯窩夫配雪米滋！呢到既窩夫真係極級推介！非常之脆，窩夫入面仲有紫薯餡，好飽肚，可以揀配雪糕定雪米滋，店員話全店得呢個窩夫可以配雪米滋，所以我地都揀左，但就令到窩夫比較乾身，都係配雪糕開心啲🤤 紫薯餡甜度適中，唔會食完好膩，真係唔錯唔錯😛我就叫左個榴蓮心太軟配曲奇雪糕🍦榴蓮味重到未切開都聞到，切開之後全部漏哂出黎喇😍 齋食入面榴蓮軟心餡好香滑，但唔知點解連個皮食會有啲奇怪味，撈埋雪糕又正常返😂🤣 好得意既味道！配料有啲生果，但味道麻麻，唔夠新鮮，反而扣分了我地去到既時候full哂，大家可能都要等下位喔！

返工返咗成日心情好翳悶最好去食甜品 經過天水圍西鐵站 隨意openrice下 發現附近有一間甜品舖 即去地方隱蔽 需要少少地圖輔助 不過好快就搵到裝修幾特別 地方都闊落 唔需要逼住一齊食 可以同朋友吹耐啲水都OK選擇了較特別嘅baileys 心太軟 不嬲都鍾意飲 估唔到佢同朱古力又幾夾 互相有提升嘅作 而且配有球雪糕 有少量生果伴碟叫多咗個桃膠蛋白椰皇 正正常常既價錢定位中等 店員好快一叫就過嚟落單 不過餐具屬於自助形式順帶提一提 自駕人士有免費車位泊車好方便

話說應該半年前左右，經朋友介紹下，先知道天水圍西鐵站樓下有間甜品店幾有日式風格之餘，又多日本甜食~~雖然上次食得非常滿足，卻遲遲都未去多次今次終於有機會同朋友相約了~~半年後的久違一餐，見到個餐牌多左勁多頁侍應都多左，因為生意量都愈做愈大吧~佢除左甜食之外，仲多左小食系列~~咁就不妨一試了~~我同我朋友都當晚餐黎食燒賣魚蛋 各$8燒賣魚蛋係正路，完美既~~~因為佢無用我最憎的機製膠魚蛋，所以食落去有魚味、有咬口燒賣也不似蒸左好耐，係新鮮既蒜香香辣雞翼尖$20話開B仔都有賣雞翼尖，所以見到呢度有，都好自然地叫左份但原來我朋友不食雞翼尖，要我一個人承擔曬都有少少難度不過都幾惹味既綠茶雪糕香焦朱古力窩夫 $60綠茶雪糕的綠茶味香濃，唔係用CHEAP CHEAP 貨架，誠意十足~~同埋大愛佢既窩夫，空氣感十足，不是食落係一團麵粉團既感覺係好鬆軟，外層好脆，好軟熟的感覺再配上香蕉加朱古力一點都不膩我朋友就點左個薄荷朱古力雪糕既石板街窩夫 $60佢都大讚好好味~~~由於佢住天水圍站附近，所以佢都估唔到有間甜品店咁好食又起左近我地真係食上癮咁~~~瘋狂地想一次過試曬佢地既甜品黑糖芋圓紅豆仙草冰$55

每次想吃甜品，定必會想起一糖。沒去一排餐廳多了新的甜品款式，當然要點一兩款品嚐。香蕉朱古力窩夫配曲奇雪糕窩夫外脆內軟，有濃濃的蛋香，沾上忌廉，香蕉及曲奇雪糕，味道很匹配。紫薯泥椰皇蛋白紫薯少少甜，蕃薯味突出，呈布丁狀的蛋白口感嫩滑，帶點椰香。紫薯，椰香及蛋白的味道配合得天衣無縫，呈簇新的味覺享受。朱古力心太軟配綠茶雪糕切開心太軟，朱古力像溶岩般流出來。朱古力味突出，綠茶雪糕也滿載著綠茶味道。魚蛋燒賣腸粉即使是普通的街頭小食，餐廳也很用心整齊排列好，魚蛋是陳皮魚蛋，煙韌有魚味，腸粉很香滑。紫黃特飲用碟豆花製作的特飲，賣相吸睛，柚子味突出。芒果沙冰芒果味突出，甜度適中。

聽朋友說這間甜品很吸引, 又多人讚, 見到啲相又幾靚, 所以就來試下。 晚上8點多到達, 基本上全場滿坐, 因為晚飯太飽的關係, 並沒有叫窩夫, 可能就是這樣就覺得中伏吧？ 老公叫了雜果西米露, 但份量是很少(可能食過B仔佳記的太大兜吧?) , 味道普通, 生果得幾粒, 所以也沒有影相。我叫了黑糖芋圓紅豆仙草剉冰, 嗯, 我覺得同實物與圖片係不符既~ 仙草係正常, 但芋圓是超硬, 一啲都唔QQ =_=可能無嗌窩夫, 唔知呢間甜品點解咁多人食同場見到坐對面既男仔叫了朱古力乳酸冰, 也跟圖片相差太遠吧???!

食甜品唔使分時候，想食便食😎今日連晚餐都未食就想食甜品，知道天水圍西鐵站附近有間幾好食嘅甜品鋪，一於同朋友去試下啦😉兩個女仔可以食到幾多野？！答案係好多😂睇到餐牌見到益力多沙冰個賣相好吸引❤️ 原支益力多😍 滿滿嘅沙冰再加支益力多😚一定要飲啖先可以放到益力多入去💋 其實我忍唔住咬咗益力多一啖😋 真係有好濃嘅益力多味👍再叫咗個餐廳推介嘅石板街窩夫配朱古力雪糕😎 果然窩夫真係好香口，再配上少少綿花糖果仁朱古力醬，令窩夫變得好sweet💗 但上面個cream太heavy, 我就試咗少少啫😜不得不提個朱古力雪糕，好濃朱古力味，配窩夫食比起單食雪糕更好味😉朋友叫咗個鮮果蛋撻配生薑茶定食😁 其實因為定食有兩個芝士撻同埋鮮果😋所以就決定要定食，好似抵啲😎 就連不太喜愛芝士嘅朋友，都對個芝士撻都讚不絕口😂 又滑又香嘅芝士味，熱食最佳👍朱古力心太軟配雪糕😊 心太軟焗得啱啱好 切開嘅時候仲有流心朱古力效果❤️其實天水圍要搵間好食嘅甜品舖係有啲困難🙈 而且呢間甜品舖外面有一個超大停車場可以免費泊車😎真係好方便一啲揸車人士 可以放心享受甜品💗

一糖位於天水圍西鐵站附近的空地停車場內，都不難找到，對於喜歡宵夜的駕車人士就最方便不過！店內的座位不多，但有空調；店外的座位相對較多，但夏天就要小心蚊蟲了！那天我們倆人甜品當晚餐食！食甜品前先來份咸食，腸粉配上醬油更是香滑，加埋陳皮魚旦真是不得了！推薦嘩！跟住就係甜品出場啦！乜原來咁大份架！紫薯窩夫外脆內軟，質地既不是空氣感、也不是死實那種，窩夫內還有不少紫薯粒，糖度剛好，配上紫薯蓉及士多啤梨雪糕，一流啊！必試啊！芒果窩夫，相對較為普通，沒甚驚喜人係貪心架，見以上3款都幾好食，我咪再點多個榴連皇子囉，但點知個配塔咁怪，內裏的椰子味布甸加上榴連肉，整個味道偏淡，個汁好唔掂，只知道自己食左好多糊狀物⋯如果要試就最好有心理準備！另外賣了雞翼尖，都幾辣架，味道偏甜，不太推薦