一糖 (屏山)

营业中

休息中

一糖今晚同女友食完晚飯，朋友介紹附近有間好食隱蔽既網紅甜品店當然要試啦。四周就只有這一間店果然是比較隱世，店鋪入面裝修光猛整潔，客人不少，名氣真的名不虛傳石板街窩夫好吸引，窩夫是即整的口感鬆軟，食既時候度夠熱，窩夫都好入味。窩夫上面仲有鮮忌廉，果仁，棉花糖和朱古力等，因為佢有好多原粒杏仁，夾埋朱古力漿同埋綿花糖，忌廉同雪糕都好味。一個人食一定食唔完啦榴槤皇子榴槤好香，係個椰皇入面有啲果凍，榴槤肉係入面勁多，好香濃，口感亦十分夾。鮮雜果撻配紅棗茶定食鮮雜果撻芝士撻底，芝士濃厚而且味道不會感覺太膩，不錯.西瓜盅冬瓜盅就聽過啦，西瓜盅就真係第一次見，原來真係成個西瓜上枱架，西瓜好大個，裏面有好多雜果，而且係新鮮架，一啲都唔係用罐頭嘅上面再加左一個雪糕，淨係見到已經流晒口水啦，而下面有好多西瓜嘅刨冰，食晒啲西瓜盅，果然透心涼啊。超滿分既甜品店，希望係市區都開分店啦，好期待阿推介⭐️⭐⭐️⭐⭐ 

今日放假帶小朋友嚟一糖食甜品小朋友竟然揀咗傳統嘅凍芝麻糊（+8有三粒湯圓）小朋友話之前係屋企附近食過芝麻糊 我問佢邊間好食啲啊 佢話呢一間（不過佢話有啲甜）我自己試咗一小啖 覺得芝麻糊唔夠濃 有啲稀⋯而我自己之前都食過一糖嘅窩夫～覺得好好食！今次都揀咗窩夫 今次係抹茶味配抹茶雪糕（到底有幾鍾意食抺茶啊 哈哈）窩夫依然保持一貫水準、好好食！外脆內軟 而且入面仲有麻薯不過配嘅紅豆蓉好甜同埋叫咗魚蛋 呢個係咖喱味（但係從顏色上你睇完全唔似咖喱味⋯但食落有少少辣辣地嘅咖喱味）普通～小朋友表示食得好開心 叫我快啲影佢

飯後甜品，選擇了這間新式的甜品鋪！位置比較荒涼，在天水圍西鐵站走向圍村方向，附近只有兩三間鋪，沿路比較黑，邊走邊找！.這間鋪的甜品比較西式，款式多，都很吸引，每一樣都想試！🔸「焦糖oreo窩夫」🔸份量很大，有四大塊的窩夫，口感脆脆的，不會太甜，點雪糕一起吃，好配！.🔸「鮮雜果蛋撻配紅棗茶定食」🔸紅棗茶好甜，叫店員加了一次熱水，還是甜。水果不是很新鮮，應該是切好放進雪櫃備用的。蛋撻好味，有芝士的香味，中間餡軟軟的，但是不夠熱，有一點失望！.整體不錯，只是價格有點小貴！

尋日放工之後咁啱同朋友諗住搵野食，咁岩諗起西鐵站附近有間糖水舖，除咗有糖水仲有甜品同埋小食，所以就決定去一糖。由於時間太早，所以都未有太多人。而且可以坐入去店入面，一邊食甜品，一邊嘆冷氣，簡直係享受。如果講起一糖，最出名就係窩夫。咁我同朋友就一人一個，分別嗌左香蕉朱古力窩夫同石板街窩夫，每個窩夫仲有一個雪糕跟添。雪糕口味選擇亦十分豐富，有六種口味可選，一定有一種口味啱你朋友叫左嘅香蕉朱古力窩夫，外相睇落都好吸引，鋪左一層香蕉，面頭再舖左一層脆脆。窩夫口感食落去外脆內軟，十分滿足。而雪糕係士多啤梨雪糕，草莓味亦十分濃郁，一個字正！仲有個就係我叫的石板街窩夫，面頭舖左一層棉花糖同埋果仁，再加左一啲朱古力醬。當個窩夫搬上我面前嘅時候，亦聞到濃濃的朱古力味，真係急不及待想快啲食咗佢。果然冇令我失望，窩夫食落去都係外脆內軟，再加上朱古力醬，對於喜歡甜食的我，絕對係必食之物！而雪糕我就揀咗薄荷朱古力雪糕，雪糕就無咩特別，正常但不差。係等緊窩夫出爐嘅期間，因為太肚餓嘅關係，就叫左啲小食黎試下。我同朋友叫左腸粉、燒賣、魚蛋同雞翼尖各一。本身對於小食都無抱太大期望，畢竟係間糖水店，主打的是甜品。結果小食

聽過唔少朋友推薦佢嘅甜品好食，話一定要去試下。本身以為應該好遠但原來地點就係天水圍西鐵附近 都叫做易搵。佢有得選擇露天或者入去鋪頭坐 不過鋪已經full哂，所以我地被安排係露天位置。呢度係採取自助形式自己攞餐具，平日去到都幾多人食 。我嗌左兩款甜品試試。黑糖芋圓仙草挫冰 $55好解暑嘅甜品，適合呢個天氣食。芋圓都幾有咬口 仙草冰加黑糖 好清新。抹茶麻薯窩夫配綠茶雪糕個人好鍾意麻薯因為煙煙韌靭，好鍾意呢種口感窩夫外脆內軟，非常配綠茶雪糕。

今日入左天水圍朋友屋企玩，成班食埋晚飯後一齊話食埋糖水，佢帶左我地去呢間係天水圍算有d名氣既甜品店食，食完之後覺得值得share比大家~等左一陣就入得去，室內裝修四四正正，牆上掛住好多唔同甜品既相片，望落都已經好吸引黑糖仙草幾滑，紅豆好綿，唯一差少少係芋圓，如果係自己搓咁成個仙草冰就perfect!石板街窩夫窩夫整得幾鬆脆又香！有乾果、棉花糖、朱古力碎鋪係上面，窩夫既熱力將部分窩夫上既棉花糖同朱古力碎溶左，令成個口感層次更豐富，值得一試~榴槤王子，由榴槤、西米同燉蛋白結合而成，我望住我朋友食得好滋味，但我聞到都想死😂佢就話幾好食，相信我一世都唔會想知個味道係點原支梳打水比我地自己倒既白桃梳打，非常夠氣夠哂”据”~~加上白桃汁，味道不錯總括黎講，比我會黎第二第三次，質素ok，有心思，而且甜品既種類真係好多，好多我都鐘意食，下次都想再過黎試下！

好耐之前已經嚟過呢間甜品店，個感覺幾隱世😂落咗西鐵站行幾分鐘就到😎可以坐室內或者室外✌🏻我就嗌咗焦糖布甸牛奶冰，牛奶冰食落去嘅感覺都幾軟綿綿，奶味都ok嘅🐄加上有啲可可米口感幾豐富😙有焦糖可以倒落綿綿冰到，我就覺得可以食到一半先倒，如果唔係就食唔到本身牛奶冰嘅味😖加咗焦糖食落去又係另一種感覺😚布甸食落去幾滑而且夠蛋香😍榴槤心太軟之前已食過一次😆一嚟到已經聞到好香榴槤味🤤焗得好鬆脆，一切開入面嘅榴槤流心就即刻湧出嚟😚食落去好濃嘅榴槤味呀😍

今日經過天水圍西鐵站竟然比我發現了一間新甜品，決定走落去試一試。如果中意紫薯既人應該要過黎試下，雖然佢嘅賣點係紫薯但係其實佢都有多種不同甜品選擇。如果揸車既朋友，鋪頭外面就有得泊車，一定要拍中間嗰一行，都算多位，如果中間沒有位都不要緊，可以拍上斜路。鋪頭都有分室外室內，如果多人可以包房，一家大小都岩去，但係夏天坐室外就有點熱，加上有蚊，所以都係選擇室內好一點。我地今次叫左兩個甜品，我嗌呢兩個甜品價錢分別是$50左右。紫薯椰皇燉蛋白紫薯窩夫椰皇蛋白有淡淡香味加上紫薯，口感特別。窩夫外脆內鬆化，加上紫薯脆片同雪糕一齊食，滿足

今日嚟到天水圍地鐵站附近嘅一間糖水舖，地方唔係咁容易俾人發覺，如果唔係朋友帶我嚟，真係都幾難搵到呀，但係都好爆場，相信唔少都係熟客仔吧。Oreo窩夫，新鮮整起，未攞出嚟，都已經聞到成間舖都陣陣香味，窩夫食落口煙銀，而且又後生，外脆內軟，而且份量又多又大件，食得好滿足，又配有Oreo嘅雪糕，果然係我最愛啊。跟住呢一款係榴槤王子，榴槤控，真係要推介呀，裏面除咗有大大件榴槤肉之外，仲會有一啲玻璃珠，夜奶，最重要嘅係下邊仲會有一啲布甸，好香口，食落去好耐震震嘅榴槤味，真係不可不吃。

一向都好鍾意食甜品，今日朋友帶我嚟天水圍地鐵站嘅呢一間一糖，地理位置好方便，就喺天水圍西鐵站隔離，但係唔太起眼，如果唔係朋友帶我嚟，睇來我都幾難發現到佢，但係好味嘅嘢，總會有人知，嚟到都好旺㗎，而且環境光鮮簡潔，坐得舒服，未入門口，已經聞到香噴噴啦。呢啲咁炎熱嘅天氣，就梗係要食返啲凍冰冰嘅嘢解下暑先啦。冬瓜盅就聽過啦，西瓜盅就真係第一次見，原來真係成個西瓜上枱架，西瓜好大個，裏面有好多雜果，而且係新鮮架，一啲都唔係用罐頭嘅上面再加左一個雪糕，淨係見到已經流晒口水啦，而下面有好多西瓜嘅刨冰，食晒啲西瓜盅，果然透心涼啊。朋友就叫咗個紫薯嘅疏乎厘，佢唔係一個普通嘅疏乎厘，而佢係上邊疏乎厘，下面係紫薯嘅蓉，甜到恰到好處，上面嘅疏乎厘夠晒餸夠晒遠，唔會太甜，而下面嘅紫薯，夠晒實淨，用料一流。

朋友住係天水圍，今日去睇完戲，朋友帶左我黎食甜品。甜品店同地鐵站好近，又正正係停車場格黎，地點非常就腳。朋友介紹到佢某日帶狗仔黎附近游水，先發現呢到原來有好野食。打開餐牌見到有好多選擇，真係款款都好想食。香焦朱古力窩夫配綠茶雪糕，窩夫十分鬆軟，即叫即整，賣相一流令人垂涎，醬汁搭配同個脆米都好夾，甜而不膩。Oreo 曲奇奶昔，好香滑既奶昔，味道同曲奇麥旋風差唔多，但無咁甜，係較為流質，撈勻左上面層cream 奶味更濃郁。楊枝金露沙冰，熱辣辣既天氣，飲杯沙冰真係透心涼，真係消暑佳品。芒果同西柚肉都好清甜，酸甜程度調製得剛剛好，非常順口。焦脆森林，朱古力沙冰配香蕉同綿花糖，呢款沙冰好綿密，味道好融合，好耐無食過唔係朱古力味還朱古力味，冰還冰既沙冰，真係好出色，比較偏似食雪糕既感覺，更冰凍同清爽。

已經食過幾次，因為朋友就腳先去，點知一次比一次失望。食到唔好食既最多唔再去，今次係第一次食到火都黎。一碗芋丸收得50幾蚊，完全拎d垃圾出黎比人食，d仙草成劈野上黎，仲要凹凸不平，見到都唔開胃，食過芋丸既人都知芋丸係咩質地，哩度d芋丸就似食緊舊粉咁，一d都唔煙韌。食過咁多間糖水舖既椰皇燉蛋白，真係第一次食到個椰皇燉蛋白係酸既，同我講係燉得太耐，事實係咪咁？我諗正常人都識辨別。收得哩個價錢都俾返小小誠意，攞d係人食既野出黎。良心過唔過意得去啊！除左個窩夫係好食既，其他糖水食完真係令我懷疑人生。

去完朋友嘅村屋BBQ 臨番屋企前食啲甜野潤一潤喉比我發現天水圍西鐵站附近有間特色糖水鋪步行大概3分鐘見到大大個招牌就知到咗今次就食新推介嘅焦糖燉蛋($28)面層金黃色焦糖厚身但脆香 入口滿腔甜味 內裡燉蛋微暖 質感嫩滑而且有彈性 估唔到第一款甜品已經咁有驚喜老公再揀個焦糖布丁牛奶冰($65) 貪佢食完一定透心涼雪白牛奶冰水份適中 達致軟綿綿效果 夾雜可可米 帶出朱古力牛奶雙重口感倒上焦糖漿 豐富顏色層次之餘增添多一種味道布丁Q彈 奶味濃郁並且帶有蛋香 滑溜易入喉但最令我難以忘記嘅就係榴槤心太軟配朱古力雪糕($58)呢款係榴槤控必點 一上檯已經聞到陣陣榴槤飄香 輕輕切開流心榴槤即時頃湧而出熱辣辣槤槤漿加上焗至鬆香心太軟 每一口都充滿幸福感食埋西瓜 火龍果 香蕉 中和榴槤嘅飽滯感我地叫多個咖哩魚肉燒賣過下口癮($8)香甜微辣咖哩 不刺鼻嗆喉 對我黎講啱啱好 食厭咗元朗嘅甜品 不妨搭一個站去天水圍食呢間

返親娘家一想食窩夫我每次都係諗起一糖，次次都無令我失望，真係好好食～石板街窩夫配薄荷朱古力雪糕每次黎都必點窩夫，加埋雪糕一齊食，令外脆內軟既窩夫好味程度再提升一級，一冷一熱真係好好食。芒果乳酸冰芒果益力多綿綿冰，配三Q果加芒果，岩晒小朋友，仲有一杯仔芒果汁比小朋友淋上面，有得玩有得食，仔仔好滿足，芒果當造，點整都好食。榴槤皇子內有份量不少既榴槤蓉、燉奶份量亦不少、最鍾意係入面有一粒粒脆脆珠，軟滑之餘又不失咬口^o^食得好滿足，不過自己一個食真係好鬼飽。芒果汁都講過啦，芒果當造，當然呢杯係超香甜好味啦（≧∇≦）西瓜汁係夏天行入黎，第一時間飲杯西瓜汁真係超解渴，其實佢都好清甜，不過飲之前一定唔好飲芒果汁先，如果唔係就會變左無乜味(￣∇￣)椰汁西米露配芒果椰汁甜、芒果香，一切都很正路，但西米有大部份都一舊舊。魚肉燒賣正正常常的魚肉燒賣，但係甜品店出現會特別滿足。蒜香香辣雞奕尖份量超多好抵食，辣味十足，我地邊食要邊飲野，無飲品實在吃不到，但又好惹味，忍唔住要食XD每次黎到都飽到癲（≧∇≦）因為太多選擇喇~其實仲有好多野我想食架(≧∇≦)

今晚食完晚飯，同朋友一齊去一糖食甜品傾下計。嗌左一杯楊枝甘露沙冰，同埋一份石板街窩夫。落單之後十分鐘內就上碟，好快有得食沙冰夠凍，有西米係最底，口感似食珍珠咁樣煙煙韌韌好特別～ 石板街窩夫：窩夫溫度夠熱，有棉花糖同原粒杏仁係面，仲有一球雪糕另上～總括黎講，相機同埋我地都覺得呢兩份甜品好好味🤣埋單盛惠$102～