一盞燈 (已結業)

【環境】Cafe 來說，呢間Cafe係好大，主要分為兩邊，只有一邊可以食正餐，另一邊坐坐墊的只可以飲飲品和食蛋糕。但Cafe的冷氣機聲其實都幾大，因為入到去覺得有點嘈，無左休閒舒服的感覺。【食物】【和風軟滑芝士漢堡配香草薯條】漢堡扒幾厚，內有肉汁不會太乾，但成件漢堡真係太厚，厚到唔可以一口咬晒，食唔到漢堡的整體感覺 要諗辦法分開食，有點麻煩。香草薯條香脆，小辣好食！【香芒煙鴨胸野菜沙律配柚子芥末汁】份量幾多，芒果意外地甜，煙鴨胸微煎不油， 無雪味，不錯！【士多啤梨沙冰】平時飲開的沙冰有奶，呢個無奶，偏向似果汁，幾甜，有D士多啤梨醬味，overall都幾好味。【熱情果沙冰】熱情果沙冰，味道有點特別，飲落有種花香味，偏酸，個人喜好來說不算很喜歡。

今次呢間新cafe勁有空間感，裝潢勁文青，傾偈談心睇書放空都好岩，而且野食都唔錯，有d配搭都幾新奇🤩---🔸明太子海鮮意大利粉 $108🔸泰國手打蝦堡配香草薯條 $98🔸洋甘菊 $38🔸熱情果smoothie$48🍽️ 一盞燈 {兩人共$321}

長沙灣越嚟越多新＋型餐廳一盞燈前後光顧兩次係果啲去完一次你會心思思想再去嘅餐廳今日唔使煮晚餐係公司又受咗衝擊放工想揾間餐廳淨化吓心情又去咗一盞燈今日點咗個手打炸蝦餅同口水雞羽衣甘藍沙律蝦餅普通食唔出蝦味我覺得入面加蓮藕蓉或者馬蹄會清爽啲口水雞沙律非常出色雞冇雪味亦唔霉雞皮薄薄彈牙亦唔肥如果沙律汁再多半湯匙就更完美一個人叫兩樣有啲貪心飲唔到嘢員工好勤力有留心客人枱面狀況適當時候出現食餐好家陣我心情好咗好多多謝你一盞燈

今日同朋友行開長沙灣，行行吓見到有間歺廳叫一盞燈門口都幾簡單，於是膽粗粗行左入去睇吓係食啲咩先，一入到去原來是一間西餐廳，歺廳入面原來是用木係來做主題，地方大又舒適，食物比較特別，其中一個是宮保蝦仁扁意粉，無啉過會可以咁夾的。依間餐廳比到我有渡假的感覺，可能太耐無去過旅行啦，去到果度可以人使煩惱忘掉，心情舒暢，最緊要係果到價錢又唔係貴，最特別是用來放在食物的器皿都好講究，飲品名稱又好得意，一定會經常去

整個環境令人整個感覺好放鬆同寧靜💯店主指設計方向係走文青風把店舖分成兩邊 一邊主要是用餐另一邊係讓大家飲咖啡看書慢活一下☕️📖而食物真係好不錯 menu上有好多選擇就連擺碟每樣都好有心思絕對睇得出係誠意之作💯好值得一試🌟吉列豚肉配和風咖哩奄列飯豚肉炸得好酥脆 肉質唔會鞋 份量好足 配埋嫩滑炒蛋同日式咖哩 整得好味😋🌟芫荽松子仁醬烤雞意大利粉芫荽控要嗌 食落好香芫荽味 pasta唔會overcooked 夠creamy 雞肉仲好嫩滑 一啲都唔會乾身👍🏻🌟炸薯條配黑松露蛋黃醬🌟Flat white 隻🐷好得意😆仲好特別用茶盅裝住賣相夠哂吸睛🌟Coffee tonic 濃烈既espresso 配上Tonic Water岩哂夏天飲 夠哂清爽😋

呢間，開咗幾星期，去到店門口都幾多人排隊，不過此店有2個舖位咁大，攞咗飛之後等咗20分鐘左右就有位啦。店內好有空間感，木系枱櫈，水泥牆和地，簡單設計，但每個角落又不一樣，好啱打卡。餐牌有多頁，好多食物種類揀。芫荽松子仁醬烤雞意大利粉 (HK$88)．#芫荽控必食，送上枱是充滿芫荽香氣，每一口都是芫荽醬．不過我覺得意粉撈咗醬是比較乾身一點，不知是意粉太吸醬定係本身撈不夠多醬呢？．加咗松子仁口感豐富啲．烤雞肉好食😋Mocha (HK$42)．奶泡拉花靚．好快凍咗，不過奶泡都keep到嘅．奇怪怎麼是用玻璃茶杯🤨．匙羹有凹位，可以勾住隻碟，幾細心的安排熱情果芒果撻 (HK$38)．用心的擺盤裝飾．撻的曲奇皮好味．熱情果和芒果好夾，但又食得出各自的味道

上網見到新開咗一間文青店，就過左嚟試下😋😋等咗一陣就入到，去叫咗三個意粉同埋兩杯嘢飲，佢每一張嘢飲都會附送番一張卡，有句幾有意思既句子，都幾特別！意粉幾好食同埋薯條好抵食！😍

自從李鄭屋村商場翻新後就加入不少新類型的食店，今次這一家也是其中一家。以前咖啡癮起時，附近都找不到像樣的咖啡。見到有咖啡店開在屋村的樓下，真的眼前一亮。環境店舖面積比一般咖啡店算是相當寬闊，我們一入去就有位置，不需要等。今次被安排坐在 bar枱的位置，這裏没有其他咖啡店的問題，和隔離枱有一定的距離，所以也坐得十分舒服。食物💛 洋甘菊茶清新，易入口。🍝 明太子海鮮意大利粉意粉的攞盤相當吸引，海鮮部分有兩隻新鮮的蝦，和明太子醬。🍟 炸薯條 配黑松露蛋黃醬薯條是新鮮即炸，上面撒上鹽和少許辣椒粉。食時點上黑松露蛋黃醬，美味。🍚 吉列豚肉 配和風咖喱奄列飯吉列豬扒吃得出是新鮮炸，豬扒肉汁保留的同時，又不會吃到油膩的感覺。奄列和咖喱汁都有發揮正常的水準。整體來說，咖啡店的食物比預其中表現得更出色。加上新店開張還有9折，值得一試。

好開心公司附近開左新咖啡店，今日long lunch一於同同事去試下。一入到餐廳，好大好寬敞，坐位唔算多，每張枱之間都有充裕空間，私隱度十足。餐廳播放住好禪嘅音樂，令人覺得好放鬆好舒服。講返野食，餐牌上面有好多得意名嘅野飲，我就叫左杯好玄嘅mocktail - 「一念一清靜」，即係熱情果薄荷烏龍。因為天氣都有少少熱，同事叫左杯士多啤梨沙冰。我地兩個女仔比較細食，所以叫左一個沙律同burger share食。有機三色藜麥牛油果野菜沙律 - 清新好味，色彩繽紛，而且好健康，岩哂OL。和風吉列豚肉漢堡配香草薯條 - 呢個漢堡有驚喜，塊豚肉大到飛哂出黎，大件夾抵食。薯條加左香草，睇得出大廚好有心思。餐廳宜家仲係試業中，聽經理講之後可能會出更加多野食同埋套餐，期待下次再幫襯。

驚訝！竟然有這麼大及這種咖啡店。路經新店試業，嚐嚐一杯拿鐵少奶。價錢合理，環境分了區域，有休閒區，我個人特別喜歡，十分舒適，慢活生活，部局設計非常合心意。杯子有特色，咖啡味道濃度適中，下次可以試吓食物。休閒半小時，有給力感覺。