一生懸麵

营业中

休息中

/黃店拉麵🍜/如果要高質既黃店多數都要排隊架啦🙈排既時間唔升好耐😃所以都覺得值得既😌.🍜 名古屋二郎系拉麵 $68我見網上話依個最好食😌所以簡左依個😌睇個名都唔知係啲咩😂上到黎有日式叉燒🍗同埋好多芽菜🙈美中不足既係:無左隻蛋🍳叉燒都好夠味😍半肥瘦，唔會好油膩😇芽菜吸晒湯既味，麵質係粗身既拉麵質地🍜😀成碗靈魂係係個湯到😏有淡淡既魚味😊.⚠️依間店既沾麵都好吸引，仲有期間限定既拉麵🍜

係旺角鬧市想食拉面..除左別天神之外 我仲會食依間拉面店 - 一生懸麵。依間面店有沾面拉面同小食! 其中分別食左濃湯櫻花蝦(Hk$83)同白湯豚骨拉面(Hk$68)。拉面比較特別, 面身屬於幼面同捲面既mix 版, 而櫻花蝦拉面夠足料!!足料到連朋友仔都以為我個碗面係冇豚肉😂😂 其實只係比滿滿既櫻花蝦遮住左🙈 湯底味都夠濃, 而且有櫻花蝦油香味🤤 而另外既普通豬骨湯亦唔錯😌不過講到拉面既面質, 我都係偏好幼面多d!😆😂

人大左都少左食沾麵同拉麵因為成日食完都感覺到肥膩會消化得唔好但今日係朋友推薦下黎左食一生懸麵一黎到真係感受到佢既受歡迎程度都排左半個鐘倒先入到去食叫左個魚介豚骨沾麵賣相真係好吸引而佢湯底既魚味中和左肥膩感食過有d魚介湯底會覺得搶曬豬骨味但呢個係中和得唔錯而且塊叉燒肥瘦適宜個炭燒味令人好上癮整體黎講都係我係香港食過頭幾位既沾麵😋😋

好耐冇去日本，踏進這家小店就好似有去左曰本小店的感覺，沒有裝橫的裝修卻給人親切自在的感覺。拉麵係以多種日本魚攪煮出嚟的湯底好好味而且好吸引，拉麵來的時候賣相好靚好吸引，大大碗的加兩塊叉燒及配上很醃筍都超滿足😋炸 oyster都好正 ，外面crunchy 而裏面就好 juicy， 最重要係 oyster 依然保持到鮮味😋甜品紅豆雪糕真係好好味， 好香紅豆味而且好滑好 creamy 又食到小粒粒紅豆 好正😋，下次再來食下其他先

講起食拉麵或者沾麵🍜，有間喺旺角既拉麵黃店一直想試好耐，但每次經過都見到大排長龍無試到，之前終於趁weekdays放假去左試，日頭食就完全唔使排隊🤪，今次就黎介紹一下🙌🏻一坐低，我就嗌左個我平時都食開既魚介沾麵，而佢分別可以嗌個麵係熱食定凍食，我就揀左熱食😋 一上到黎就比兩大舊叉燒吸引住，佢地係半肥瘦，燒得好靚，食落入口即溶，好腍身，好中意呢個口感🤤 而麵條係粗身果種，掛湯一流，而且夠彈牙，佢個湯既鏗魚味幾濃郁，而且夠杰身夠濃厚，做沾麵湯汁好適合，幾唔錯🤙🏻 唯一要彈既地方就係佢隻溏心蛋略為熟左啲，有啲失望🤨而朋友就叫左櫻花蝦沾麵，基本上除左個湯底唔同之外，麵同啲配料都係一樣既，而朋友嗌左凍麵黎食，因為傳統食沾麵好似真係凍麵熱湯咁食🧐 佢個湯底一樣咁杰身濃厚，個湯面頭鋪滿哂櫻花蝦，鋪到勁密😍，佢個湯比起魚介豚骨湯多左種蝦既鮮味，不過可惜既係個湯比啲冷氣吹到好快凍左，再加上朋友食凍麵，成碗野好快就唔熱，有少少可惜🙈我地再追加左一份小食——章魚燒，佢既章魚燒份量就較小，得4粒細細粒🥲，食落係比較軟身既章魚燒，口感都幾日式幾正宗，而味道就正常發揮啦，無咩大問題要特別彈同讚，不過如果啲醬比多少

今日本來諗住去旺角茶聊，但真係好多人，所以行左過黎呢間一生懸麵。第一次食，前面都有10個人排隊，大約排左20分鐘。入到去，我地叫左濃香櫻蝦沾麵($83)同魚介豚骨沾麵($78)。麵、蛋、筍味道正常，叉燒都幾甘香，有兩大塊，都厚既。湯黎講，魚介豚骨都正常既，濃香櫻蝦就有超多蝦，個湯又好香，好味到震。旺角黎講，價錢算平，服務都算正常，會Encore!

去到要排一陣隊，不過都算快入座，叫咗個濃香櫻蝦花拉麪，好好味！有叉燒，叉燒好香夠曬淋，同個湯底好夾，另外有得揀麵既軟度，岩曬唔同人既口味。櫻蝦花拉麪仲配埋半個流心蛋，賣相同味道都夠曬吸引

💛 一生懸麵（旺角） 💛.多謝科勞  ٩(˃̶͈̀௰˂̶͈́)و些些！..............................呢間喺黃店拉麵界麵都幾出名 好多人都讚💛上次嚟撞正落場食唔到 今次終於有機會食啦！可惜食完都係有啲失望 可能係今次失手😩.🔅想知黃店原因請Dm💛..............................🍽白湯豚骨拉麵 $68（👏🏻6.5/10）.湯麵本身就跟咗蛋 叉燒 木耳 筍 蔥🥰湯底比較杰 但味道唔夠濃 有啲粉粉地嘅口感🤨麵質揀咗硬 湯麵會較幼 煮得唔夠硬但都彈牙😣隻蛋無咩色 但食落豉油味濃 但略嫌太鹹叉燒偏肥 食落有少少膩 豬油香喺個口度湧出嚟.🍽魚介豚骨沾麵(凍) $78（👏🏻4/10）.呢碗本身都無木耳 其他配料同湯麵一樣 我走咗筍沾麵湯反而唔夠杰 啲湯掛唔到上麵 成件事錯晒😣入面有好多蔥同埋方形肥叉燒粒 味道係唔錯個湯本身唔算太濃味 唔濃嘅程度可以就咁飲🥺如果湯麵呢個湯就啱啱好 沾麵嚟講就有啲失望沾麵麵質較粗 軟硬度揀一般 反而仲硬過揀硬嗰碗都有啲麥香 但個人覺得佢湯麵好食啲最大件事係沾麵碗底有一氹水 fing唔乾煮麵水😩.................

想試尼間好耐，餐廳好細得幾張枱，繁忙時間要等一陣位，1-2點都要排隊，12點啱啱開門就唔洗等。只收現金，記得㩒錢魚介豚骨沾麵 ($78)肉微微燒過，脂肪同肉分布平均，脂肪好香唔肥膩，入口即溶。湯唔鹹，湯入面都有啲肥豬肉。濃香櫻蝦沾麵($83)溫泉蛋煮得熟左少少，唔算好流心好多櫻花蝦！！麵份量唔係好多，食完唔太飽有印仔儲分，一碗拉麵一個印仔，儲夠五個有免費小食，十個就有一碗免費拉麵，可惜三個月就過期。

猶記得係日本，專登搵啲小巷，但卻坐滿客人嘅拉麵鋪。或許唔明白無論咩鐘數，見到bar枱坐滿嘅，係一個又一個放工疲累盡現嘅上班族，而佢哋係唔認識。記得我當時用相機影底呢個moment，只係因為見到佢哋本身帶住疲倦嘅身軀入黎店舖，離開嘅時候係滿足，好似輕鬆左咁。突然記起呢幕，時間又早，可以黎一生懸麵食。平時排哂長龍，根本無得食，我都好想可以叉一下。就俾自己抖一抖，第一次自己食麵。就係呢種氛圍，好似有啲人，但大家都好集中食自己個碗拉麵，無人傾計，只係聽到大家努力chur麵同飲湯嘅聲音。無令我失望，白湯豚骨拉麵，68元，肉腍度剛剛好，麵有彈口，硬度我揀左正常，就係剛好。拉麵有趣嘅地方，明明得幾款揀，但客人可以照自己喜好，有百樣可能，我滿足地走，去返工！🤟🏻（食餐飯咁多心路歷程，唔係玩狼人殺，係無忘初心。寫好每篇食評，讓餐廳嘅用心被寫出，見到openrice批文終於正常，會生產更多💛）

一直bookmark左呢間良心拉麵店好耐💛久仰大名嘅一生懸麵聽朋友講呢間好食又長期都排長龍今次終於約咗朋友嚟試今日星期六晏就唔算好多人排隊等咗大約10分鐘就可以入座門面貼滿文宣💛-🥢辛辣沾麵 $78火炙叉燒燒得好香 油香味突出溏心蛋就正常水準最驚喜係佢個沾麵汁湯底濃郁但又唔會太咸食到好口渴 辣度都足夠麵質煙韌彈牙好掛到汁唯一挑剔嘅就係湯底唔太夠熱-🥢章魚燒呢個章魚燒就好一般 唔太推介嚟到嘅時候已經唔夠熱醬汁都唔夠多 章魚有啲細粒-整體嚟講呢間價錢合理 食物質素都幾好會為咗個沾麵再嚟食📍推介指數：4/5

💛旺角近地鐵站既黃店 exit E一出過馬路轉右就到～次次尼都好多人排隊 好食既嘢真係多人排隊既😍次次黎到都必叫嘅特濃豚骨沾麵$78👍🏼叉燒夠肥同好淋勁鍾意 湯底超級濃但有d咸 不過食完起碼唔會勁口渴 佢哋嘅溏心蛋係流心既 好香蛋味 生熟程度啱啱好對我尼講一隻唔夠喉仲要額外加蛋🤪🦐櫻花蝦沾麵$83櫻花蝦落咗好多麵度揀咗正常 麵條口感軟硬適中叉燒肥瘦均勻 經過火焰後食得出叉燒更加有層次唐揚炸雞$32配上沙律醬💯炸粉好薄雞肉唔會乾身 幾juicy😋不過我覺得可以再脆身d

一直都好想黎試依間！同女友叫左兩個面先講overall：- 個湯係比正常沾面稀 個人本身食得比較濃 食落就覺得唔係好夠味- 加湯如加水.. 啲加既湯唔係再煲過加落黎 而係一個壺加 顏色透明似水加好少雞湯果啲感覺，後尾加完湯之後我直程成兜無食...櫻花蝦沾面 - 依個好味 櫻花蝦落左唔少 浸個面拎番上黎基本上啲蝦卡住晒係中間 啖啖都好有味魚介沾面 - 正如頭先所講淡淡地 但加底變到成座山咁 岩晒我依啲大食人😂餃子 - 千其唔好叫😂 只係普通炸左幾隻劣質餃咁... 食左隻就放低左 食個真係幾失望🤦🏻‍♂️

一向唔算好鍾意沾麵，不過上次路過朋友推介呢間沾麵夠黃又好味，所以襯今晚一人晚餐就過嚟試下，我已經6點去到都已經排緊隊喇有好多同路人支持我又唔怕等～都要等左半個鐘左右先入得，揀左魚介豚骨沾麵，因為怕特濃豚骨太膩，再加多份叉燒、木耳，嚟到時滿滿一碗，間中俾自己放肆吓麵質我鍾意硬身 叉燒超出色，厚切完全唔柴！雖然肥美但油感真係好滿足 木耳就正常用嚟減膩，糖心蛋都係無敵，食拉麵無蛋我會崩潰而湯底佢唔算超濃縮或咸，反而我鍾意呢種算清清地既湯底，麵都好掛湯，正食完有種幸福感

一直都好想嚟呢度食拉麵，因為見到好多人都話佢正！可是我不是常去開牛頭角，所以其總店真係未找到機會去。當我發現原來旺角也有分店，就二話不說即刻走嚟食！好彩我週末6點嚟到，時間常早，沒有人龍，可以直入✌🏻濃香櫻蝦油拉麵 (HK$83)．櫻花蝦：鋪滿整碗真係超級吸睛😻，脆口有咬口，𣎴會腍晒．叉燒：肥瘦均勻，入口即溶似的口感．拉麵：可以揀硬度👍🏻，一定揀較硬，喜歡佢有些咬口嘅感覺．豚骨湯底：因有海量嘅樱花蝦，湯底不只是豚骨味，更多一種蝦嘅鮮甜味，好有層次嘅味道😋。建議加一些醋汁入湯底一齊食有另一番味道㗎！．半熟蛋：最正更係留係最後先食，不過可能湯太熱嘅關係，到我食嘅時候，蛋已經7-8成熟，少咗流心啫喱狀嘅效果，口感差一啲，不過味道不錯👌🏻呢碗CP值咁高嘅拉麵，我一定全部食晒，一隻蝦都冇啦😹😹題外話，嗰日食緊麵時，有人入店，正常店員都會講「いらっしゃいませ」，但有位廚師突然講咗句「一生一世」😹😹