一汁一菜 (One Island South)

营业中

休息中

特選二人前（$208）湯品任選兩款意大利產番茄蔬菜濃湯（配溫泉蛋）：期間限定。大量蔬菜，番茄味濃厚。法式龍蝦濃湯：不用補差價。龍蝦湯味道普通，有數粒龍蝦肉但冇咩味道。主菜/副菜任選兩款沖繩汁燒大根豬軟骨：蘿蔔少少甜但亦有少少渣，豬軟骨唔腍比較嚡。南蠻風味雞扒：雞扒煎得較乾，肉質亦偏嚡，如果唔係有啲醬汁中和吓，都幾唔OK。兩碟主菜賣相及擺盤都唔得，而且味道都只屬中下。咖哩飯任選一款濃香牛肉野菌咖哩飯：咖哩味道不錯，味濃唔辣，幾啱撈飯。牛肉同樣好嚡。白飯/其他任選一款白飯：因為店舖標明使用日本米，米飯OK。另可選石窯麵包。飲品任選兩款日本綠茶：正常。烏龍茶：正常。PS：另收加一服務費。

上星期日去開黃竹坑， 到咗食飯時間喺地鐵站附近嘅One Island South搵嘢食🤭餐廳主打日本和風洋食，有唔同種類嘅定食👉🏻咖喱、和風同丼物定食，仲可以加甜品添～店內裝潢走日式木系風，座位寬敞舒適，悠閑嘅氛圍令人好放鬆～喺附近返工嘅話，過嚟食Lunch可以放鬆下；Weekend嘅話，嚟開呢頭必須要坐低打個卡🫶🏻叫咗個咖喱定食，可以揀唔同款式嘅湯、咖喱、日本米飯同飲品，另外仲試咗新出嘅甜品—濃厚焙茶布丁🍮🥰超滿足呀～「意大利蕃茄蔬菜濃湯」嘅蕃茄味十分濃郁，當中豐富嘅瓜菜仲為呢個湯增添咗一份鮮甜味，配搭一隻溫泉蛋，開胃之餘亦多咗一重ロ感～「和風根菜雞肉漢堡扒咖喱飯」以日式咖哩加入薯仔、雞髀菇、紅蘿蔔、大根等蔬菜，令咖喱醬汁更香甜，同日本米飯絕配～配一塊雞肉漢堡，質感好滑好滑，裡面混合咗蔬菜，入口即溶，推介！蜜桃紅茶嘅甘香茶味同蜜桃味融為一體，甜度適中，解渴又好飲～「濃厚焙茶布丁」係新出嘅甜品系列之一，亦都有原味—雞蛋布丁選擇，但鐘情焙茶嘅我見到即刻諗都唔使諗就要試😆，入口即刻有濃厚嘅焙茶香氣，口感好滑溜，而且佢係好有質感嘅布丁，份量亦相當大個，兩個人Share嘅話就Perfect喇～

貴都預咗 因為附近食嘢都唔便宜 但係賣相難睇又難食 呢舖真係貼錢買難受🥵🤬🤬😡😡叫咗件芝士蛋糕 盛惠$39 + 10% 賣相就好似。。你喺屋企切片莎莉蛋糕咁款 细細一片 冇裝飾 一pat嘢pat喺個碟上面🫣叫咗2杯飲品 一杯提子梳打 一杯白桃梳打 完全淨係得梳打水味 搞到起晒泡都飲唔到桃同埋提子味 我個女叫咗綠茶可樂 全餐最可靠嘅食品 因為係現成一枝枝 所以唔難飲！總之一句 佢哋自己嘅食物難食到一個點 唔信邪可以嚟試試🤬🤬

📍一汁一菜 (One Island South)黃竹坑香葉道2號One Island South地下G08號舖黃竹坑新開了一間日本菜餐廳，多返個選擇，都真要去試試。室內裝修簡約，主要用上淺色木材料，有卡位數張，幾舒服嘅。由於我幫襯當天接近傍晚，又未真到晚飯時段，因此只得兩枱客。我叫咗個咖喱定食(豚肉丸子豆乳咖喱飯)、麗菜野菌豆乳濃湯、日本線茶(熱)，連加一($109-HKD)。🍲個湯好好味道，材料好多，又大碗，飲完個湯都飽😁，🍛至於個飯，我自己口味略嫌汁太多，咖喱汁偏甜，由於蘿蔔同紅蘿蔔又係甜，所以整個汁都略嫌甜了少少，綠色甘甜。下次會再試其他食物，店員介紹豚肉壽喜燒。我本來都想叫壽喜燒，但最後決定了咖喱。唔緊要，留待下次再試。

中午1點05分左右到餐廳，唸住新開試下，咁餐廳好快都有位俾我地既，本身以為服務幾好。咁我地電話落左單後，一等就等到1點40分都無野食，然後我地轉外賣，外賣又係等一輪，2點20分先有得攞，煮咩煮咁耐？黎黎去去都係嗰d 餐。同埋餐廳員工服務好差，咩叫個個都等左9個字？等咁耐正常嘅咩，唔會係你新鮮到即叫即煮呀麻？？咖哩飯 真係好普通，仲要等咁耐，真心唔值。。。。。。無下次。。。。。。。。。。。。。。。。。。

黃竹坑嘅打工仔s應該都知道呢邊真係比較少選擇，最近終於有間健康新嘢可以試下— 一汁一菜！ /喺One Island South 附近， 基本上黃竹坑A2 出口過條馬路就到。簡約木質設計風格，空間寬敞舒適，而且冷氣都好足夠，lunch嘅時候可以享受到片刻嘅寧靜。/點咗個和風定食，睇睇我個組合︰日本帆立貝大根豆乳濃湯+自家製野菌醬燒和牛漢堡扒+吞拿魚昆布拌秋葵+日本米飯+凍蜜桃紅茶。呢個組合真係Protein、碳水、蔬菜量都有，大滿足！/✨特別推薦！帆立貝大根豆乳濃湯入面有甜甜嘅大根、啖啖肉嘅小貝柱，完美咁融合咗和風材料用煮西湯嘅做法。另一樣令我最意想不到嘅就係日 本 米 飯，軟硬適中嘅口感，咀嚼嘅時侯有陣陣甜甜嘅米香，真係加分唔少，要知道一碗好味嘅嘅白飯其實都唔容易煮。最後就飲咗杯冰凍嘅蜜桃紅茶做收尾，甘澀茶味同香甜桃味非常夾，絕對係夏日解渴之選。/題外話，雖然我係揀咗外賣拎走食，但係返到去打開D外賣盒入面嘅食物都仲係熱辣辣冒煙，所以都會想再去堂食啊！價錢︰人均$50-100起🔖總結：一碗飯係唔夠架，下次 我 要 加 飯 啊！✏️評分（5分為滿分）味道：🤤🤤🤤🤤環境：🍴🍴🍴🍴服務：💁🏻💁🏻