一汁一菜 (One Island South)

营业中

休息中

日式洋風輕食既ICHIJUISSAI ，食品款式有好多選擇，每道料理都展現出對細節的極致講究。雖然今次係外賣食🥡，但店內環境以日式和風設計為主，簡約舒適營造出放鬆既用餐氣氛，見到有壽喜燒下次堂食一定要叫！🍚玉子鰻魚丼飯鰻魚不算厚，但肉質細嫩，蒲燒汁入味，搭配日本厚實玉子，帶有蛋香味，口感豐富，特別是外賣分格包裝確保食材各自的口感，這點日本講究細節絕對係加分位。濃香牛肉野菌咖喱飯慢煮牛肉口感軟嫩，充分吸收濃郁咖喱風味，野菌增添獨特的香氣與口感。配上軟糯有黏性的日本米，忍唔住食左好多飯番茄野菌小蝦周打濃湯呢款湯係期間限定 鮮酸甜的番茄與野菌的濃郁香氣，熬煮成質地醇厚的濃湯，蝦肉鮮甜結實，足好足料，味道均衡又飽肚。一汁一菜提拉米蘇濃郁 Cream Cheese 配咖啡香氣完美融合，口感濕潤且層次分明入口即化，經典風味，想像不到日本輕便餐廳都不錯每道料理都充滿驚喜，既簡約又充滿細節與層次感，展現了日式洋風輕食文化

每次行過黃竹坑 One Island South 都見到間以日系裝潢嘅餐廳 ICHJUISSAI，原來佢哋主打日式家庭料理，可以自己選擇自己喜歡嘅定食，難怪好多附近返工嘅人去食Lunch！我就點左蒲燒鰻魚五且釜飯定食，配北海道產南瓜周打濃湯，另外追加了厚燒玉子及日本白桃特飲，甜品就加了一汁一菜提拉米蘇，來個豐富嘅日式午餐！熱辣辣嘅釜飯，配上半條蒲燒鰻魚，厚切的大根，充滿鰻魚汁嘅米飯，味道不錯，而且份量不少！北海道產南瓜周打濃湯南瓜味濃郁，厚燒玉子夠厚又帶有甜味！最後食埋甜品，好幼滑嘅提拉米蘇，非常滿足嘅Lunch🩷

一汁一菜 @ichijuissaihk源自日本概念的品牌❗️主打一碗湯一個主食飲食哲學～提供輕便簡約的日式洋風輕食餐牌不定時更新！可以自由配搭、餐湯、主菜今日來到鄰近黃竹坑站 One Island South買外賣叫咗兩款套餐～都跟有湯同飯！健康又美味湯品和風燉豚肉濃湯～鮮味濃香！北海道產甜粟雞肉豆乳濃湯～口感濃郁豆乳味濃主食醬燒北海道十勝豚扒 ～ 厚切豚扒口感十足沖繩汁燒大根豬軟骨 ～ 豬軟骨炆到淋軟又入味小食日本馬鈴薯豚肉煮～跟有紅蘿蔔、蒟蒻、腩片飯米用上田牧越光米！飯米圓潤有口感飲品蜜桃紅茶～微甜帶有蜜桃香味一汁一菜 (One Island South) (黃竹坑)📍黃竹坑香葉道2號One Island South地下G08號舖

$109既套餐，要俾10%服務費。。。地下又污糟有漬。。。坐位用布，又污糟又難打理。搵自己笨～粟米湯，有dd似罐頭湯，似搵笨多啲😂😂秋葵沙律係好食👍🏻以前菜黎講份量合理但係個主菜，真係搵人笨 : 魚得半邊，仲要係2歲小朋友手掌既size。大人食三啖就完～真係🤪🤪結論：食物係好食，但個份量真係少得嚇人我都無餸食得哂一碗飯，定當我係飯桶，直接食白飯就我，算～男人唔建議食，減肥/細食量既女人就岩！

去完海洋公園水上樂園玩水🏖️當然要食返嘢好好補充體力啦～我哋就揀咗喺黃竹坑站新開幕嘅商場THE SOUTHSIDE度覓食啦😋ICHIJUISSAI一汁一菜用咗木系嘅設計，望落好有日本家庭嘅感覺🏠🧾特選二人前（湯 x 2, 飯 x 2, 主菜 x 2, 飲品 x2)💰$208（留意返有啲選項可能要另外加錢，例如我哋叫嘅蟹肉飯就要+$20～）🧾法式龍蝦濃湯佢真係對得住濃湯呢個名，係真係幾濃龍蝦🦞味🤤而且入面嘅料都好足，有龍蝦肉都有啲蔬菜粒，每一啖都有嘢咬😋最重要係…呢個龍蝦濃湯竟然唔洗加錢就可以叫🥹好飲過出面要另外價錢嘅龍蝦湯！🧾和風根菜雞肉漢堡扒咖喱飯日式咖喱飯就係食得舒服🍛蔬菜好冧好入味，配飯食一流！不過飯就略嫌硬咗啲啲，雞肉漢堡扒味道就正正常常，但溫度差啲。不過整體嚟講都係唔錯嘅咖喱飯，而且份量好多🤰🏻🧾北海道蟹膏蟹肉味噌飯蟹膏蟹肉嘅份量都俾得好足！而且口感綿密濃郁，啖啖都咬到啲蟹肉🦀不過我自己唔太鍾意紫蘇葉，所以無撈埋紫蘇葉落去食。🧾田舍鯖魚味噌煮十分入味嘅鯖魚😍真係每一啖鯖魚肉都有味增味，好多汁～我自己食嗰舊就唔算好多細骨，所以每一啖都食得好🈵足，但同行嘅小夥伴嗰舊就比較多骨，可能

菠菜究竟擺咗幾耐，黑黑黃黃咁壽喜燒豚肉啲肉佳寶買的嗎？粟米豆乳湯，粟米係罐頭嚟，定個湯都係罐頭…呢個餐120$連服務費，未見過咁差嘅定食擺盤總結而言：碗白飯最好味（但可以唔好用崩口碗嗎????)PS.杯綠茶都好難飲嚟黃竹坑睇展覽以為呢間好好味，嚟咗呢幾年食過最難食嘅定食，唔簡單!!!!!!!!!!!!!!!!!!!!!!!!究竟係下午茶時段唔使keep水準定本身係咁????內心100個問號，好嬲多謝你睇到最後，搵第二間食啦

以往以外賣為主的「一汁一菜」近來有擴充趨勢，喺黃竹坑地鐵站附近開咗一間堂食店，咁既然近我屋企，一於就放工去吃個快飯店內以木材間隔卡位，裝潢行無印風，感覺寬敞，絕無壓迫感。客人只須手機點菜，省卻了大量人手，亦超方便。餐牌上有湯、小食和飯等湊成日式定食。而大部分食材來主日本🇯🇵 感覺更原汁原味。黃竹坑店更有甜品提供，我一於留返啲空間食甜品一汁一菜和牛羅宋湯無論質感和味道也是濃湯級別，甜度和酸度得以平衡，用料十足，對於我食量唔大嘅人飲一碗已經勁飽。吞拿昆布拌秋葵入口有冰涼嘅感覺，亦都食到秋葵嘅獨特性，健康又美味，我喜歡。冲繩汁燒大根豬軟骨豬軟骨肉部份夠稔，但軟骨部份就爭少少，有啲牙力先咬到。醬汁味道如淡豉油，味道比較清爽。田牧越光米入口軟糯，飯香十分明顯，凈吃白飯我都可以。熱烏龍茶西蘭花吞拿玉子沙律 所有食材也切成細碎，食得好方便，如果將烚蛋變成真玉子，相信會更加出色。反正第二個胃ready , 就揀咗濃厚焙茶布甸很有儀式感的焙茶布甸, 令我急不及吃一口😍感覺吾太Q 彈，而且因為黑糖頗多，有點過甜，但總算也吃出濃郁的培茶味。

今日去咗黃竹坑做嘢，原來喺One Island south 旁邊有幾間餐廳都唔錯，呢間餐廳走木系清新風格，我同朋友都好鍾意食和風日式嘅食物，今次我就叫咗玉子鰻魚丼飯，同埋豚肉野菜味噌湯！鰻魚唔算厚肉，飯太少，豚肉野菜味噌汁幾好，清清淡淡不太鹹，入邊有好多野菜，其實呢個份量係啱女仔，如果男仔就一般般！可能要叫多幾個餸。驚喜係可以有靜岡綠茶可樂，係支裝既，綠茶都可以有可樂味😏都幾特別。我朋友就叫咗個和風定食，都算幾抵！抵過我嗰個😂我見到有幾多嘢食，有個豚肉壽喜燒，同埋一個和牛羅宋湯，不過我覺得佢個羅宋湯太濃郁，因為我朋友飲咗兩啖冇飲，另外仲有個明太子醬厚燒玉子。整體應該唔差的，不過因為我冇食唔知道味道。我朋友話太大份佢都食唔晒。另外個飯上面仲有隻蛋！我諗呢個定食啱男仔多啲！

今日放工打算買個外賣做晚餐🌙咁啱搵到呢間和風餐廳好似好吸引就試下🎌每個套餐可以選擇湯主菜同埋前菜同飲品🤪 份量岩岩好而且口味好似好日式營養好均衡咁🥳 係呢間分店嘅特色係仲有堂食嘅座位木系嘅設計都好有清新感添🪵⭐️ 高麗菜野菌豆乳濃湯 🍲雖然材料以蔬菜為主但係更加顯得出清甜💚 配上豆乳既口感好幼滑🍼有種家的味道⭐️ 沖繩汁燒大根豬軟骨 🍖豬軟骨炆得好腍好入味🐷而且大根加上了一點清甜嘅感覺🥕適合送飯但係唔會肥⭐️ 自家製野菌醬燒和牛漢堡扒 🍔因為太肚餓所以叫多咗主菜😅 和牛漢堡肉質好腍但係勝在唔會肥🤪口感有啲似日式家庭料理嘅感覺好溫暖🔥⭐️ 明太子醬厚燒玉子 🍳玉子滑溜帶微微嘅甜味💛 加上明太子醬提升了鮮度🌊⭐️ 烏龍茶 ☕️清新而不加糖🥹解渴度一流

//位於黃竹坑·小店主打日本輕食咖哩飯店🇯🇵暫時有6間分店，但得4間係有堂食服務🥺重點就係外賣店係冇甜品賣😭真係好可惜啊📍濃香牛肉野菌咖喱飯 $59呢款日式咖喱飯好好食啊🍛聞落好香濃之餘配料好多菇類、蘿蔔都好腍，牛肉都好好食牛肉好入味😍味道豐富，配埋日本珍珠米🍚📍豚肉丸子豆乳咖喱飯 $59相反呢款咖喱味冇咁濃烈，但好重豆漿味😂豚肉個丸子口感彈牙，食落仲有啲似魚蛋🤣咁多咖哩汁真係想食多兩碗飯😍非常滿足啊📍一汁一菜和牛羅宋湯 $49小店好多湯款選擇，有龍蝦湯🦞雞肉豆乳湯帆立貝大根豆乳濃湯、花菜巴馬火腿濃湯🍲而呢款羅宋湯口味應該大眾化啲😂都幾好飲酸酸哋幾開胃🤤同埋真係好足料，好多雜菜📍喫茶店雞蛋布丁（配豆腐雪糕）$49呢款仲配埋豆腐雪糕，上面仲有啲焦糖醬🤎真係好邪惡，而且個布丁好滑身，好香蛋味甜品唔係間間分店都有😍外賣店係冇得賣㗎甜品有6個款式，包括伯爵茶軟心芝士蛋糕喫茶雞蛋布丁、濃厚焙茶布丁都係受歡迎🍮📍日本白桃意式奶凍 $39呢款就有半個蜜桃係中間🍑底部係奶凍啫喱都幾清新，啫喱晶瑩剔透，滑捋捋都幾好食

新年之後工作繁忙，想快快手手食個飯之後繼續拼搏，外賣店啱晒。平日午飯時間見好多人幫襯，決定試下。選擇豐富，而且非常健康。餐廳環境乾淨企理。堂食仲有獨立包廂。材料預備好，好快有得攞沖繩汁燒大根豬軟骨豬軟骨軟腍入味，，味道一級棒。豚肉燾喜燒豚肉滑嫩，搭配洋蔥絲香味十足，豆腐吸收燒汁。花菜巴馬火腿濃湯湯風味清甜，淡淡菜花，加上巴馬火腿鹹香，順口美味。厚燒玉子厚實綿密，軟嫩滑順，風味濃郁。蜜桃紅茶（熱）濃郁甘醇，蜜桃香甜，清新怡人，味道層次豐富。

🙂第一次係openrice評論，係餐廳外見都幾多款揀，裝修又幾好，舒舒服服，所以決定食呢間。啲嘢食黎到望落都幾失望，已經好肚餓架啦，個雞肉漢堡扒白色細細舊，而且食落冇味💔另外碗湯，玉米濃湯咁嘅樣但勁淡，粉粉哋，唔好飲，而且啲入面啲雞肉勁似中學餐盒食嘅肉，可能仲差添，一啲都唔滑又柴。最誇張係個明太子玉子燒，黎到得一點嘅明太子醬，認真得幾滴咁，比咁少不如唔好比？😂😂可能因為太少，食落又冇明太子味，勁伏唯一合格嘅係咖喱汁，慘

Lunch time黄竹坑附近間間餐廳都排哂大隊，呢間餐廳即刻有位，咁就中伏啦。岀面menu睇落好豐富多野間，但入到去點餐main course得三款咖喱同日式雞搥，lunch set可選小食，湯，飯同飲品。其中一set 叫咗一個雞搥配秋葵吞拿魚，加$10配龍蝦湯，$20蟹膏飯。雞搥有蘿蔔做配菜，無乜味，雞搥極嚡食咗半隻就無食。龍蝦湯同蟹膏飯普通。另外叫咗雞肉漢堡扒咖哩，嚴重貨不對版，漢堡扒無煎過，應該係就咁係廚房叮完送岀黎。劣質飛機餐✈️

今日去黃竹坑洗車，經過見到一間好日式餐廳，環境很寬敞!源自日本概念的品牌，以一碗湯一個主食的飲食哲學提供輕便簡約的日式洋風輕食🥣🍚一汁一菜🥣日本濃湯配田牧越光米 丼物定食套餐 $119🍚玉子鰻魚丼飯醬汁飯上有玉子蛋，味道清甜，有蛋香味！燒鰻魚口感好淋，醬汁好好味呢!🥣北海道產甜粟雞肉豆乳濃湯 好creamy的豆乳濃湯🥣有西蘭花🥦雞肉🐥🍑蜜桃紅茶茶香☕蜜桃味濃🍑喫茶店雞蛋布丁🍮 $39個布丁很大個，這個size物超所值😍加了焦糖漿，Q彈 吞拿昆布拌秋葵 $25新鮮秋葵和吞拿魚肉，拌以香濃日式香濃蛋黃醬，口感清爽大滿足的一頓飯，一碗溫暖的濃湯，瞬間撫慰疲憊的心靈，帶來豐富極致享受，最後以一杯和茶作結尾，讓味蕾與心靈得到完美的平衡，大滿足🍚󠀠地址: 黃竹坑香葉道2號One Island South地下G08號舖

喺黃竹坑返工💼，或者去行畫廊嘅朋友🎨，如果想食一個日系休閒嘅午餐🍱，就可以嚟呢間舖頭試下🥢。.🐷沖繩汁燒大根豬軟骨($35)豬軟骨嘅調味甜甜香香🍬，配埋肉汁真係好好食💦。軟骨部份偏向脆口，咬落有口感🫦。蘿蔔炆得夠腍夠入味💕，好食。.🍚日本味付溏心蛋飯($20)上面呢款菜式，我哋就揀咗配溏心蛋飯🍳。又有溏心蛋，又有日系嘅米🌾，好夾菜式。.🍛和風根菜雞肉漢堡扒咖喱飯($59)咖喱嘅味道超級濃郁😍，而且辣味啱啱好，超惹味、好送飯🤤。裏面配料嘅份量夠多，唔同蔬菜都好入味🥗，特別係菇入味之餘又多汁💦。雞肉漢堡扒配埋呢個香濃嘅咖喱汁好夾🥘。