一橋拉麵 (置富第一城·樂薈)

营业中

休息中

敏嬅其下新品種"一橋拉麵"係第一城真係冇日式拉麵店要去到周邊其他位置先有得食裝修好吸引都似日本小店再睇餐牌仲吸引雖然主食唔多選擇但係邊度搵到咁貼地價錢👍店員係年青人禮貌服務都好好👍海老濃湯叉燒拉麵湯底有濃郁嘅蝦味，感受度好多蝦去煞掣，用日本嘅幼身麵條3mm拉麵，好容易掛湯力極高，另外配料都非常充足，配糖心蛋好正🤤油麵-👉🏻沒有湯的拉麵店內另一個特色油麵，使用較粗的麵條似幼烏冬，伴上自家製叉燒(面頭有燒香味道)、溫泉蛋配自家製醬油，再自行加上麻油及醋，有圖教學的，像拌撈麵撈中華燒賣👉🏻我叫咗一籠三款口味麻辣豚肉燒賣帶微辣，有麻香味道慢慢滲出來；海老豚肉燒賣內餡既蝦肉爽口彈牙，味道鮮甜；醬油糯米豚肉燒賣口感煙煙韌韌，糯米配醬油調配得宜。胡麻櫻花蝦秋葵秋葵淋上濃郁胡麻醬，再撒上櫻花蝦作為點綴。同胡麻醬混合後口感更加滑溜，而櫻花蝦有額外層次同鹹香味，非常香口開胃。和風豬軟骨炆得好腍，配飯正好多應該餐牌加個小白飯😂**重點係可以免費續面一次可以食到飽***

今晚老公約咗人食飯，咁我就自己去左間拉麵店食晚飯。拉麵店播住日本歌，日系裝修。餐牌選擇都可以，我就叫兩款小食同新出品麵食。胡麻豆腐：表面鋪滿蝦乾同木魚，鹹鹹地，幾香口，豆腐好滑，配麻醬就係最佳配搭，整體好好食。中華combo：自家包製，即叫即蒸。佢有三款燒賣，而叫combo就可以一次過試齊晒。燒賣每粒包到脹卜卜，咬落去帶肉汁，醬油糯米豚肉燒賣好夠味道；麻辣豚肉燒賣少少辣，幾惹味；海老豚肉燒賣嘅蝦都幾爽滑，估唔到款款都咁好食。特製咖哩免治牛肉油麵：其中一款新品，咖哩味甜，食到有洋蔥同紅蘿蔔嘅甜味，油麵彈牙，掛汁，撈埋免治牛肉同雞蛋一齊食，口感滑，幾好味。

位於第一城站的一橋拉麵，成功以一千円一碗拉麵的策略，帶來令人驚喜的味蕾享受。枝豆：清爽微鹹，作為開胃前菜非常合適。胡麻豆腐：滑順細膩，帶有濃厚的胡麻香氣，是一道平衡味蕾的小吃。中華燒賣Combo：這裡的燒賣也是亮點之一，自家製、即叫即蒸的燒賣，提供三種口味——海老豚肉、醬油糯米、麻辣豚肉，每一款都鮮香細膩，三種口味各具特色。海老濃湯叉燒拉麵：濃郁的海老湯底經過八小時細火熬製，每一口都是蝦的精華，搭配掛湯度極高的日本拉麵，讓人欲罷不能，再加上軟嫩的叉燒、滑溜溏心蛋，更是錦上添花，招牌必點。一橋油麵：這款沒有湯底的拉麵別有一番風味，秘製醬油和調味油帶來濃厚的層次感，拌入店家推薦的果醋和香油後，味道更加提升，讓每一口麵條都充滿驚喜。總結，拉麵店的食物美味與實惠兼備，性價比高。

今日喺置富第一城行過見到呢間好抵食嘅拉麵 一個拉麵都係五六十蚊 所以就入左去試下海老濃湯叉燒拉麵哩個係期間限定嘅拉麵 咁當然要試吓啦 佢一嚟到就已經俾佢嘅湯底吸引住 勁香嘅蝦味 真係好濃嘅蝦湯 日本拉麵吸哂佢個味 真係好入味🤤一橋油麵哩個係一個撈麵 佢有教你要用香油落一個圈 之後再用香醋淋兩個圈 之後就拌勻 個麵就變左酸酸甜甜咁 好開胃😋海老豚肉燒賣喺日式餐廳入面竟然有燒賣食 所以就叫左一個嚟食 好足料好大粒香滑牛頰肉牛頰肉就煮得好淋 味道好濃 啱哂重口味嘅人🤣胡麻豆腐豆腐好大碟 仲有啲蝦乾 好惹味

餐廳同敏華冰廳黐埋，座位比較少，所以中午常常都見到排長龍。餐牌入邊只有幾款食品同飲品招牌豚骨叉燒湯拉麵，海老濃湯叉燒拉麵同埋兩款油麵。另外有幾款中華點心，睇落中華燒賣都幾吸引，咁啱嗰日見唔到隔籬枱叫下次可以試吓食點心同油麵，價錢算係親民。呢度係自助點餐（QR code) 然後上網payment，食完可以即刻走。今次食咗海撈濃湯叉燒拉麵，質素就一般般啦。餐點剛到的時候啲麵已經黐埋一舊，麵質比較幼，所以都比較容易淋。叉燒好薄，糖心蛋就OK嘅，海老湯底都幾濃郁無過咸。

🤍招牌大盛豚骨叉燒拉麵：濃厚豚骨湯底嘅王者，一上桌，豚骨湯嘅濃郁香氣撲鼻而來，湯色乳白帶微微焦香，明顯係經過長時間熬煮，將豬骨精髓完全釋放。入口質地綿密，味道醇厚但唔會過鹹，帶少許蒜香同背脂嘅豐腴感，飲完喉嚨冇黏膩感，證明湯底處理得相當乾淨。 選用中粗直麵，掛湯能力強，咬口彈牙，帶小麥香氣，同濃湯完美融合。 兩片厚切慢煮叉燒，肥瘦相間，肉質鬆化得嚟帶微微燻香，入口即溶，油脂甘香但唔膩，絕對係亮點之一。 溏心蛋火候準確，蛋黃流心帶醬油香；木耳絲同蔥花增添爽脆感，整體層次豐富。呢碗拉麵係豚骨湯愛好者嘅夢幻之作，濃郁得嚟唔會膩喉，叉燒同湯底嘅配合天衣無縫，值得一試再試！ 🤍海老濃湯叉燒拉麵：鮮甜與濃厚嘅華麗碰以蝦頭同蝦殼熬製，湯色橙紅，一啖飲落去，鮮甜爆炸性湧出，帶濃郁蝦膏香氣，尾韻有淡淡豚骨湯打底，增加厚度。相比傳統豚骨湯，呢款更清爽但唔失深度，適合鍾意海鮮味嘅食客。 叉燒同樣出色，但亮點係嗰啲炸過嘅櫻花蝦碎，灑喺湯面增加脆口同鮮味，令整體風味更立體。 配搭幼身曲面，更能掛住蝦湯，每一啖都充滿海洋嘅鮮美。！ 🤍和風豬軟骨：慢煮出來嘅極致柔軟呢道小食一上桌就聞到醬油同味醂嘅甜香，豬軟

前排經過見到裝修準備開新拉麵店，終於等到開張，第一城總算有間拉麵食下！一睇個價錢都好親民，大約$60就有一碗。我哋要左一個海老濃湯叉燒拉麵，一個招牌大盛豚骨叉燒拉麵🍜🔸海老濃湯叉燒拉麵蝦湯湯底好濃郁，蝦味都突出，飲得出無用味精。叉燒表面有炙燒過，肉質軟腍。麵條比一般拉麵幼，食落有口感。整體都對得住價錢。🔸招牌大盛豚骨叉燒拉麵豚骨湯無海老濃湯唔重口味，不過清清地豚骨味都有層次感。溏心蛋效果都唔錯！🔸中華燒賣Combo、香滑牛頰肉佢哋啲小食都幾有特色，特別係中華燒賣，有三款口味，叫Combo就可以一次過試晒，分別係海老豚肉燒賣、麻辣豚肉燒賣，醬油糯米豚肉燒賣。即叫即蒸，一上枱仲出緊煙👍🏻最鐘意係醬油糯米豚肉燒賣，糯米煙韌有咬口，燒賣皮夠薄！牛頰肉都唔錯，好腍好入味😋