一本食堂

营业中

休息中

最近天氣又凍凍地，又係時候約埋朋友一齊食火鍋，最近朋友帶路去左呢間位於觀塘的「一本食堂」，餐廳走日系裝修為主，掛滿日本油紙傘好似去左日本咁🥰呢度主打無限時火鍋放題，人均$298可以食盡花膠雞/海鮮/頂級牛，唔想打邊爐佢地都有刺身壽司單點，食物質素都好高架😉無限時火鍋放題晚市全時段  $298/位包花膠雞湯底, 送時令海鮮拼盤同頂級牛盛盤, 🐥花膠雞鍋加左半隻雞真材實料，入口嫩滑多汁，花膠份量都好多，索曬湯汁更加鮮甜，店員仲同我地講佢地係用新鮮材料零味精，打邊爐用黎煮野食更加清甜海鮮拼盤/頂級牛盛盤呢兩個拼盤雖然唔係任食不過食材真係幾高質，海鮮有鮑魚、生蠔、海蝦、帶子同魚片，全部都好新鮮，自己最愛鮑魚，爽口彈牙大滿足🐟牛盛盤有4款牛肉, 睇賣相都知好食，自己最愛雪花一口和牛粒，啖啖肉口感軟諗，帶濃香肉味🐮炸物炸物都有好多款選擇，炸粉不會太厚，熱辣辣香口惹味，推介榴連炸彈，香口惹味餐廳分開配料區、醬料區及飲品區供客人自由選擇，配料有齊肉類、鵝腸, 基圍蝦等等，另外仲有小朋友最愛的台灣腸同關東煮，飲品除左茶、汽水之外，仲有泰國象啤任飲

每位 $298 任食花膠雞鍋送時令海鮮5款同送4款牛，見有人介紹而且 openrice 幾百個正評，諗住可以一試，呢個價錢唔預佢非常好食，但應該最少正正常常。點知！個花膠湯底無味嘅，花膠煮埋每舊同手指頭差唔多大粒，計埋得五六粒，雞無味，蝦無味，鮑魚無味，魚片無味，蜆無味，牛肉無味，蠔有臭味！任食選擇少，每樣都霉 dum dur！唔好話畀錢任食，送我都唔會上嚟食！好少可嬲到要上返嚟 openrice 打食評，希望你哋做得好啲，都希望打好評嘅人都係憑良心打食評。

最近來到觀塘食飯，平時來到一本食堂都係食日本野為主，估吾到最近更推出了任食打邊爐🍲鍋底係花膠雞鍋，真係好滋補養顏又養生。食完雞飲完花膠湯，就可以改為火鍋啦🍲$298一位任食無限時，除左送埋海鮮盤同頂級牛盛盤🥰其他火鍋食物，蔬菜，甜品，飲料，仲有啤酒都係任食任飲，簡簡單單約朋友食雞煲火鍋打邊爐再無限時甘飲酒飲到醉真系吾係發夢，來一本食堂絕對可以滿足到😋而且食物方面真係好豐富，想飲飽食醉來一本食堂啦🥰

今日嚟到觀塘區一間任食邊爐，CP值極高，質素也不錯，唔單止有啤酒汽水任飲，仲送海鮮拼盤同埋同埋頂級牛盛拼盤，係我近期食過最抵食嘅一間邊爐放題。 湯底：餐廳係用花膠雞湯，標榜冇落任何味精。佢哋用咗肉量非常之多嘅雞同埋size好大嘅花膠，湯底清甜得來又食到湯料，淨係飲佢個湯都換晒本海鮮拼盤：大大隻生蠔、鮑魚、鯇魚、帶子，冇諗過比呢個價錢會食到呢啲item，用了新鮮一啲都唔Hea。牛盛拼盤：賣相非常吸引，望牛肉嘅顏色好紅潤，油脂分布好平均食得出牛肉嘅質素好高。全場仲有啤酒汽水任飲，雪糕飲食，仲有啲熱葷，人均$298 加一，同區嚟講簡直係性價比之王！

今晚同朋友來到一本食堂既花膠雞湯打邊爐放題😆。餐廳嘅環境乾淨整潔，坐喺度食飯真係好舒服。打邊爐最緊要就係冷氣夠涼😂，呢度嘅冷氣真係夠涼，打邊爐唔會覺得焗🤣。一上來，服務員就會即刻將新鮮嘅雞同花膠放落鍋裏面，等佢哋慢慢滾起。湯底一煮好，就可以飲啦！飲落去真係好滑，膠原滿滿😍，完全無味精，健康又補身，真係非常讚👏🏻。飲哂成煲湯😂，就開始打邊爐～ 首先上咗一盤海鮮，有大頭蝦🦐、鮑魚、元貝同埋生蠔🦪，全部都好新鮮，份量又夠大隻，真係食到好滿足。再來嘅係牛柳粒同手切牛肉，肉質非常鮮美，食落去口感一流。小食方面，炸雞、荔枝蝦球同天婦羅都好值得一試。特別係炸雞，外脆內嫩，肉汁充足，食一口就令人回味無窮😋。荔枝蝦球亦都好特別，蝦球外脆內滑，仲帶有淡淡嘅荔枝香味。最後，真係要讚一下餐廳服務好好，同埋外面嘅自助區所有打邊爐食材，包括菜、丸同鵝腸等，都擺得好整齊乾淨，讓人選擇起來更加方便👍🏻。

觀塘打工仔有福！今次同同事摸上鴻圖樓3樓試新嘢，$298位花膠雞放題性價比唔錯～🐓花膠雞湯真心掂，首先要讚個金黃湯底，飲落真係冇味精喉嚨唔痕！老闆話用足5個鐘熬制，我哋飲完兩碗先開始打邊爐👌 花膠共有四件，雞件肉質唔鞋口，加多份雞都係免費嘅～送一份嘅頂級牛盛盤！Prime牛小排雪花紋靚到犯規，輕輕一拖入口即化😍 和牛粒咬落爆油香，牛肩胛肉味濃得嚟唔韌👍🏻海鮮中規中矩，海鮮拼盤有生蠔/鮑魚/元貝/大頭蝦/魚片，鮑魚同元貝算爽口，大頭蝦肉質實淨。反而自取區任食嘅基圍蝦同蜆幾好😌拎咗啲前菜，中華沙律，芝麻八爪魚同螺肉，炸雞件脆皮juicy～自取區嘅台灣腸好邪惡，咬落爆油仲有黑椒香味，蔬菜款式多而且乾淨企理🥬以呢個價錢食到Prime牛+足料花膠雞湯，仲可以任坐唔催交枱，觀塘區來講算超值！

今晚嚟左《一本食堂》食無限時火煱。選了一個「花膠雞鍋套餐」。呢個套餐包括有:✨一個海鮮盤有大大隻嘅蝦、鮮甜帶子 和 Q彈嘅鮑魚。海鮮吸收埋湯底味道更顯鮮味。✨️頂级牛盛盤包括有牛小排、牛肩胛、安格斯牛板腱 和 頂頭放有雪花和牛粒。一次過就食到牛不同部位，口感多樣，而肉質都好鮮嫩。✨️荔枝蝦球炸物荔枝蝦球外脆內軟，又爽滑彈牙。✨️自助區食物可自助任拎火煱食物，例如:有各式丸類、新鮮嘅菜、秘製嘅醬料，十分豐富。又提供甜品，包括有滋養嘅雪耳燉糖水、滑溜嘅芒果布丁 和 多款味道雪糕，作為呢餐完美嘅句号。

👧🏻😋👅🍽✨觀塘價 做俾你😍-🌸 無限時火鍋放題晚市全時段只需$298/位, 包花膠雞湯底, 送時令海鮮拼盤同頂級牛盛盤, 再加一人一件原條鰻魚壽司-▪️花膠雞鍋🐓 半隻雞勁嫩滑, 花膠大大抽勁足料, 店員溫提新鮮材料零味精, 如果鐘意鹹啲可落枱面海鹽, 但我地食雞既鮮味油香已覺得好足夠😍▫️海鮮拼盤/頂級牛盛盤（一次）🦪 生蠔, 鮑魚, 海蝦, 帶子, 魚片份量足好新鮮🥩 牛盛盤有4款牛肉, 最鐘意軟滑鮮甜既雪花一口和牛粒▪炸物/原條鰻魚壽司🍤 唔係款款炸物自助區有得拎, 落單後會先送上一輪, 喜歡可以叫店員再點, 荔枝蝦球外脆內彈滑好唔錯🍣 一本除左做放題, 都有刺身壽司單點, 送既長長鰻魚壽司彈牙帶油香好食!▫️放題🍲 其他配料雖然冇一次性既拼盤咁premium, 但整齊企理又夠多元化, 肉類細細碟用保鮮紙封好, 亦有鵝腸, 雞子, 基圍蝦等🍗 熟食有關東煮同台灣腸都幾特別, 最正係泰國象啤任飲😍

想找個地方慶生聚會，冇限時，坐得舒服濶落唔擠迫，慢慢歎，傾傾偈，這裡算是一個好選擇。地點位於觀塘與牛頭角港鉄站中間，出閘後要走大概6-8分鐘。還好都算方便。係APM睇個3:00點下午場，再慢慢行過去都得。食物只可算是一般般，無乜特式，可能大家都唔係大食為食客，所以個花膠雞鍋🐓🥘同一次性海鲜盤🦪🦐🐟🐚已經足夠份量食用，但未夠鲜味，盤特色牛件🐮🐂仲食唔哂 (因為當中有一半人唔食牛！)，還有送上每人一份特長漫魚壽司，大過我隻手掌🤪，雞湯底唔算重味道，有多件小花膠，雞件都算嫩滑🐤🐥 仲可添加，其餘有即食凍蝦🦐🍤，燒台灣腸，蔬菜🍀🌿🥬🥗，各款丸子🍢🍡，甜品🍨🍧，飲料多款🥤🧃🧋🍹🧉任飲任添加。最喜歡那個荔枝脆脆蝦球🧆。仲即時制造咗個日式刺生壽司生日疍糕送上壽星哥，令佢好開心🥰。如果大家對食唔高要求，哩度算係一個好選擇。㊗️🧧🎂🎁🎉🎊💖

3月8號晚去食，18:00到，入到去，個女人安排坐位，佢一定叫我坐左邊，又話右邊有人坐，係話後面張枱…….😂後面張枱有人坐關我咩事，放題就根本係假，兩個人食要$658，只有所謂花膠雞煲，花膠細度好似麻雀咁細，湯好似水，送一次性牛，好一般，海鮮拼盤晤新鮮，蠔臭，麵筋咬唔開，出面自取火鍋食物好似放咗兩日咁，六百幾蚊就好似幫間鋪買一個雞煲，海鮮拼盤，一碟牛，只有甜味甜品，食完一次性食物我都走，笑件一事

今晚去到觀塘鴻圖道一間日式食肆“一本食堂”試試這裡的任食火鍋。餐廳以日系裝修為主，天花板上掛了許多日本油紙傘，一邊牆更貼了富士山景色，令人仿如置身日本一樣。餐廳分開配料區、醬料區及飲品區供客人自由選擇。人均$298便可無限時品嚐任食🐔🫕花膠雞火鍋，非常吸引。套餐包括：🦐🐟一份海鮮盤(今晚的五款時令海鮮有🦪蠔、🦐海蝦、🐚鮑魚，帶子及🦈白鱔)～新鮮肥美😋🐮頂級牛盛盤(頂級牛小排Prime、頂級牛肩胛Prime，安格斯牛板腱及雪花一口和牛粒)～牛味濃郁，肉質嫰滑。除了以上兩款一次性的食物外，我們亦可到自助保鮮區任取多達數十款的前菜、甜品，飲品及火鍋配料。食材豐富，質素也不俗。吃火鍋前，店員先奉上無味精，原汁原味的花膠雞湯鍋及半隻雞，雞湯非常清甜，雞肉亦新鮮嫰滑。🐔🥣連加一只需人均三百幾便可無限時品嚐任食火鍋，又有靚花膠湯飲，值得推介。價錢：人均約$330🚇 觀塘鴻圖道30號3樓 (牛頭角港鐵站B6出口)

天氣寒冷，一家人黎觀塘食任飲任食火鍋自助餐，好開心。餐廳面積大，放了很多枱也依然坐得闊落舒服，裝飾日本風格。自助區放了多款熟食、其他火鍋食品、甜品和飲品，很多選擇，自行拿取所需。花膠雞鍋先飲花膠雞湯，再食花膠和雞肉。黃色的湯充滿膠質，濃濃的花膠和雞味，非常滋補，飲完整個人都暖粒粒，冬天飲很適合！海鮮盤有5款時令海鮮：鮑魚、蠔、蠔、魚、貝類。全部係大大隻，味道都好鮮甜。牛盛盤有4款牛：頂級牛小排prime、頂級牛肩胛prime、安格斯牛板腱、雪花一口和牛粒，很豐富。炸物有吉列蝦、烤荔枝蝦球、炸雞，我覺得3款都炸得好出色，一定要食！

牛頭角有間隱世火鍋店，平日晚上都高朋滿座。因為佢地既任食火鍋放題一個人 $298，無限時！有花膠雞鍋之外，仲送海鮮盤同頂級牛盛盤！平時我唔好炸物，但呢度既炸物系好有水準！荔枝蝦球、天婦羅炸蝦同炸雞都好好食！外層炸衣厚度剛好，唔會好油膩，比其他餐廳做得更出色！花膠雞鍋個湯好清甜，有膠質，完全無落味精。雞肉嫩滑，肉質上乘，秋冬滋潤岩哂。海鮮好肥美新鮮，有鮑魚、大蝦、大蜆、大蠔、魚腩，每隻都大大隻。魚腩好好味，連皮好Q彈。甜品/野飲首推冬瓜仙草、樽裝茉莉茶。一本食堂

呢幾日天氣凍左好多！真係好岩打邊爐。朋友係呢頭返工，介紹左呢間高質打邊爐小店比我。任食邊爐$298一位，價錢不算貴，特別之處係可以揀花膠雞鍋，仲有提供一次性既海鮮盤同頂級牛盛，貴精不貴多。花膠雞湯骨膠原慢慢好滋潤！雞肉好滑，不錯。海鮮有5款，包括鮮蝦、鮑魚同生蠔等。牛盛盤的牛顔色鮮艷可口，牛柳粒最好食，牛汁爆棚~炸物拼盤的炸蝦同炸雞超有質素！好好食👍小食甜品櫃不算多選擇但都精緻。自助區有有不少食物。啤酒任飲。整體上感覺良好，不限時好岩一大班人聚會！

一本食堂係位於觀塘嘅日本餐廳，夜晚除了可以食日式料理之外，仲有提供無限時任食火鍋放題（$298），包花膠雞鍋、海鮮盤（時令海鮮5款）、頂級牛盛盤4款。海鮮刺身同牛肉唔係任食，但優點在於無限時，適合同Frd gathering，邊傾計邊食嘢，唔會食得咁趕。招牌花膠雞鍋 店員會將雞肉倒入鍋度，然後提醒我哋等滾起之後要先飲湯。花膠雞底濃郁醇厚，有鮮味。雞肉質地幾嫩滑，花膠夠大塊。頂級牛盛盤4款 牛盛盤包括頂級牛肩胛prime、頂級牛小排prime、安格斯牛板腱同雪花一口牛柳粒，其中牛小排都幾重牛味。海鮮盤時令海鮮盤有5款時令海鮮，擺盤靚，鮑魚都幾新鮮，蝦肉質地厚實。熟食和炸物可以自行去自助區拎，主要有榴蓮炸彈、炸魚皮、炸薯角、黑椒腸同關東煮。榴蓮炸彈甜甜哋，有榴蓮流心，而且係保溫櫃入面keep住溫度，炸皮唔會淋曬自助區 有幾多選擇可以任食，例如牛柏葉、麵筋、魚腐、日式餃子、黑魚片、蟹柳、魚皮餃、鵝腸、丸類、蝦子等，甚至連三文魚頭都有，整體質素都唔錯飲品 有冷泡茶（黑烏龍同茉莉綠茶）、汽水同自家製嘅冬瓜仙草同百香果啫喱果汁甜品 有芒果布甸、布朗尼、和果子、泡芙、HK品牌嘅雪糕（有榴蓮味